Ассаламу алайкум ва роҳматуллоҳи ва барокатуҳ, азизлар, бу канал орқали Мадина ислом университети битирувчиси, шариат фанлари доктори, Устоз Юсуф Даврон ҳафизаҳуллоҳнинг аҳлисунна вал жамоа ақидаси ҳамда аҳлисуннанинг барча фиқҳий мазҳабларини ўз ичига олган илмий дарслари қўйиб борилади. Дарсларимиз янгича услубда бўлиб, дарс давомида келтирилган далилларнинг манбалари, арабча матни ва ўзбекча таржималари ҳамда мавзуга оид турли жадваллар кўрсатиб борилади. Албатта буларнинг барчаси Аллоҳ таолонинг юзи учундир. Ҳамда сиз азизларга илм олишни қулай бўлишини мақсад қилганмиз. Ҳимматингизни оширинг, вақтингиздан унумли фойдаланинг ва қулайликларни қадрига етинг. Зеро, умр қисқа ва ҳар бир амалимиз ҳамда ҳар бир онимиз ҳақида сўраладиган кун яқиндир. Аллоҳ таоло бу дарсларни барчамиз учун фойдали ва давомли қилсин! Устоздан ва у кишининг ота-онаси, устозларидан Аллоҳ рози бўлсин ва дарсларини давомли, уммат учун фойдали қилсин! Аллоҳумма амин!