Վաղ տարիքի իմ անբաժան մասն են կազմել երազներս, որոնք առանձնապես չեմ տարբերակել իրականությունից: Դրանց շնորհիվ սովորել եմ թռչել և երբեմն նախապես տեղեկացվել տարբեր կարևոր իրողությունների մասին: Մի քանի անգամ պատահել է այնպես, որ երազ եմ տեսել արթուն ժամանակ: Հենց դրանցից մեկի ընթացքում էլ ստացել եմ կյանքիս կարևորագույն նամակը` «Նամակ ապագայիցը»:
Ընտանիք կազմել եմ ևս «պատահաբար»` սխալ զանգելով ապագա կնոջս: Նախասահմանված 5 զավակներից այս պահին ունեմ երեք դուստր և մեկ որդի: Հիմա, երբ հասկանում եմ թե ինչից էի փախչում ժամանակին, գիտեմ, որ հիմար լինելը պարտադիր պայման է մի օր խելքի գալու համար: Գիտեմ նաև, որ երբեմն սեփական առաքելությունից փախչելով ես ոտքդ խփում այն Քարին, որը քեզ գցում է ճիշտ ճանապարհին:
Կյանքի այս փուլում հիմնել եմ «Հալիվոր» հրատարակչությունը, նախաձեռնել եմ հայագիտական, թաքնագիտական դասընթացների շարք՝ տալով ավելի քան 100 շրջանավարտ։ Վարել եմ հեղինակային «Գաղտնագիր» և «Զարթանք Էպոսով» հաղորդաշարերը։ Զբաղվում եմ «Այգ» հայագիտական, թաքնագիտական դպրոց-կենտրոնի հիմնմամբ։