Naxçıvan Muxtar Respublikası Ali Məclisinin Sədri yanında Gənclər Fondu Naxçıvan Muxtar Respublikası Ali Məclisi Sədrinin 29 mart 2012-ci il tarixli Fərmanı ilə yaradılmışdır.
Fondun məqsədi gənclər siyasəti ilə bağlı elm, təhsil, mədəniyyət və digər sosial sahələrə yönəlmiş ictimai və sosial əhəmiyyətli layihə və proqramları məqsədli maliyyələşdirmək, həmin sahədə konfrans, seminar, festival, olimpiada və digər tədbirlərin təşkili üzrə layihələri dəstəkləməkdir.
Naxçıvan Muxtar Respublikası Gənclər Fondu gənclər siyasəti sahəsində dövlət və cəmiyyət üçün əhəmiyyət kəsb edən layihə və proqramların həyata keçirilməsini təşkil etmək, keçirilən müxtəlif tədbirlərdə istedadlı və fəal gənclərin üzə çıxarılması və onların mükafatlandırılması, istedadlı gənclərin və gənc alimlərin məlumat bankının yaradılması, gənclərin ictimai fəallığının artırılması və istedadlı gənclərin üzə çıxarılmasını qarşıya məqsəd qoymuşdur.