SÎMIR RÛDAN KÎ YE?
Li xwendevaniya wî a Enqereyê dİ jiyana wî de ciyê mûzîkê girîngtir bû. Hînî lêdana enstrûmanan bû û li hinek mekanan derket ser dikê. Wî çaxî komên mîna The Beatles, Led Zeppelin û Pink Floyd keşif kir. Ji aliyekî ve bi mûzîka rojavayî ya klasîk ve mijûl bû. Di sala 2002yan de di Koroya J. S. Bach de ku ev koro girêdayîyê Beşa Hûnerên Xweşik a Zanîngeha Enqereyê bû, ji bo demekê stranbêjiya aryayan kir. Di Sala 2005an de vedigere Cizîrê. Li vir serpêhatîya xwe ya mûzîkê pêhtir ji aliyê afirandinê ve didomîne. Sala 2013an bi navê ‘Bi Çîrokî’ albûma xwe ya yekem derxist. Albûma Sîmir Rûdan ya yekem (Bi Çîrokî) sala 2013an ji aliyê malpera HawarNetê ve ‘albûma herî baş a Kurdî’ hat hilbijartin. Sala 2015an di albûma Peşkê de bi strana Berfîn cih girt ku di vê albûmê de ji bo bîranîna helbestvanê Kurd Bro Omerî gelek mûzîkjen li hev civiyabûn. Sala 2019an albûma xwe ya dûyem a bi navê Kevî derxistiye.Sîmir Rûdan ji sala 2015 an ve li Stenbolê dijî.