Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
وقف تفكير شوي
واحمد ربك على كل شيء وصلتلو..
وقول : وَمَا تَوْفِيقِي إِلا بِاللَّهِ
الحمدلله يارب ..
على كل شيء على الأحزان قبل الأفراح
على الصدمات قبل العوض
على كل شيء في هذه الحياة يسرها وعسرها..
وماتوفيقي إلا بكَ يارب ..
4K - 152
حاول وربّك الفتّاح
مادمت اللي عم تعملو لاحرام ولاغلط
حاول
وربّك بيتولّى التيسير ،
من أي مكان انت فيه بس قول يارب
وهوي بيتولّى الفتح ، وهوي بيتولى الجبر
هوي بيتولاك بس قول يارب
وحاول واترك الوصول على الله
من حمص الجميلة إلى كل العالم
مع درع اليوتيوب الجميل
والقادم أجمل ..❤️
12K - 515
محتاج تهدّي قلبك ..
وانت عم تشوف العالم مش على حق ..
محتاج تهدّي قلبك ..
وانت على صدقك وثباتك على نياتك عم تتعثر !
محتاج تهدي قلبك و
تقرأ اللي صار بين الخضر وموسى عليهم السلام
مرة وتنتين وعشرة ..
الغلام هوي كل حلم كنت عم تحاول توصلّو
وربّك عم يقلك هالحلم خراب إلك
السفينة كل طريق رب العالمين عسّرو عليك
وهوي يقلك آخرة هالطريق مصيدة !
الجدار كل عسر يرافقه يسر خفي انت ماشايفو
ولكن ربك مخبيلك فيه كنز يكشفه لك في الوقت المناسب
وتتأكد ب( إِنَّكَ لَن تَسْتَطِيعَ مَعِيَ صَبْرًا )
مارح اقدر اصبر على ظاهر القدر ..
لكن متأكد رب العالمين وبعد قهري وبكاءي واعتراضي
ثم عودتي للرضى ..رح يعوضني رح يعطيني
لإني بقيت على بابو ..ولإني مانكسرت لغيرو
ولارح انكسر ..
5.1K - 147
رجاءً ..حاج تكابر ..
انت مامحتاج تبقى لحالك
انت محتاج لحدا معك
غيّر المعادلة ولو لمرة
ماكل مرة لازم تسكر عحالك وتعتزل الناس
لتخليهم يعرفوا قيمتك ويسألوا عن حالك ..
مرات لازم تحكي انك متدايق
لك الولد الصغير بيبكي اذا موجوع
انت بدك الناس تفهم عليك بلغة الإشارة ..
احكي انك متدايق مقهور خايف
رسول الله صلى الله عليه وسلم
لما نزل عليه الوحي لأول مرة ..
لجأ لزوجتو ماقال : عيب أنا رجال !
بالعكس قال زمّلوني زمّلوني ..
فكانت سنداً وقوةً له ..
ياطيب ..المؤمِنُ ضعيفٌ بنفسهِ قويٌ بإخوانه ..
لاتفكر حالك لحالك .. الناس لبعضا والله ..
وبالنهاية
الروح تحتاج لروح كي تَرُدَّ لها الرّوح..
1.2K - 48
وقف وخود نفس .. و حاج تفكر زيادة ..
انت مانك جاي عالدنيا مشان تحقق أحلامك!
في كتير أمور نفسك فيها ومارح تاخدها بالدنيا ..
وإلا مارح يكون للجنة طعم لو كل أحلامك بتتحقق ..
قيمة بالجنة بالقهر اللي عم تحسو وانت عحاول تقدم بس مانك قادر ..
قيمة الجنة بالشي اللي فقدتو وماعم تحسن تتجاوزو ..
قيمة بالسعي اللي عم تسعاه والشقى اللي عم تشقاه وانت عم تحاول..وماعم تقدر..
هنيك بتلاقي كل شي ماقدرت توصلو هون .. هنيك ..
وانو أجمل نصيب الك من هالدنيا ..مذكور في حديث الحبيب صلى الله عليه وسلم حينما قال ..
من اصبح منكم آمناً في سربه ..معافى في بدنه .. عندهُ قوتُ يومه
فكأنما حيزت لهُ الدنيا بحذافيرها ..
لذلك كمل سعي وانت مطمئن طمأنينة المؤمن اللي عارف حقيقة الدنيا ..
وانو الدنيا ممر وليست مقر ..
وانو في جنة .. رح تحقق فيها كل أحلامك ..
879 - 20
لا تنطفي ..
لانك لو انطفيت مشان عثرة تعرضتلّا
رح تكتر عثراتك ..
نحنا أصلاً اجينا عهالدنيا لتجينا المشاكل ونتعلم منها
اللهُ تعالى يقول في آية من أروع الآيات
مَا أَصَابَ مِن مُّصِيبَةٍ فِي الأَرْضِ وَلا فِي أَنفُسِكُمْ
إِلاَّ فِي كِتَابٍ مِّن قَبْلِ أَن نَّبْرَأَهَا
طيب ليه عم يخبرك ؟
لِكَيْلا تَأْسَوْا عَلَى مَا فَاتَكُمْ
وَلا تَفْرَحُوا بِمَا آتَاكُمْ
وَاللَّهُ لا يُحِبُّ كُلَّ مُخْتَالٍ فَخُورٍ
مشان ماتعيش بأسى عاللي فات ..
لإنواللي فات مات ..
ولاتغتر وتتفاخر وتتعلق باللي معك
لانو بلحظة ممكن يسحبو منك
وبالنهاية مشان تعرف انك بامتحان ..
فلا تنطفي ..
أحياناً لازم ترتفع متل الطير ..
وأحياناً لازم تسقط متل المطر ..
ومادمت بتعرف انو سقوط المطر خير..
فاتأكد انو الامتحان اللي عم تتعرضلو لخير ..
بس لاتنطفي ..
940 - 40
طالما توكلت على الله
وجعلتَ نيَّتكَ خالصة لوجهِهِ الكريم
مافي تعب بضيع
ومافي جهد بيذهب هباء منثور
فقط اسألهُ أن يعطيكَ على قدرِ كرمه
لاعلى قدرِ سعيك ..
والله يعطيك أضعاف تعبك ❤️
685 - 25
إنَّ اللهَ إذا كَلّّفَ أعان
لاتنسى هذا ياصاحِبي..❤️
753 - 32
Content creator about self, about religion, about life
I create content from what I experience in my life
أهلاً وسهلاً بالأحباب
الحمدلله 🤍