Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
- دلوقتي تقدر تجدد الرخصة بتاعتك من خلال وحدة المرور الاكترونية الموجودة في سيتي ستارز الدور السابع وكمان لو في فحص بيتم في الجراچ الخاص بالمول
الايجابيات :
١- انك تقدر تجدد رخصتك سواء كانت تبع مرور القاهرة أو أي مرور تاني
٢- التعامل لطيف والناس متعاونين والموضوع مش بياخد وقت خالص تقريبًا نص ساعة بتكون مستلم الرخصة
السلبيات :
١ - مينفعش ترخص عربية أول مرة هناك " لو زيرو يعني " بس ممكن يبقي متاح بعد كدا
٢- مفيش طفيات حريق في الوقت الحالي بس أكيد هتبقي موجودة بعد كدا
٣- الدفع كله credit مفيش كاش وأكيد هتكون أغلي شوية من المرور العادي بس مش عارف النسبة كام
٤- مفيش نقل ملكية
أنا شايف أنها خطوة كويسة جدا لتقليل الضغط علي وحدات المرور وتسهيل علي مُلاك السيارات
لو في حد عنده تجارب معاهم أو رخص قريب هناك يحكي لينا التجربة كانت كويسة ولا لا 🤷🏻♂️
25 - 8
من أهم العوامل للحفاظ على الكاوتش أنك تعمل عمليه تبديل للكاوتش كل 10,000 كيلو
الكاوتش الأمامي يرجع ورا والكاوتش الخلفي يمين يطلع قدام شمال والكاوتش الخلفي شمال يطلع قدام يمين زي ما واضح في الصورة تحت 👇🏻
وبكدا أنت بتحافظ علي الكاوتش من التآكل ومن انه يُستهلك بسرعة وبتطول العمر الافتراضي للكاوتش والكلام ده في العربيات الجر الأمامى
وده لينك Facebook page علشان تتفرجوا علي كل حاجه بتنزل هناك : www.facebook.com/Loay-Derbala-105451807960748/
23 - 4
في طريقتين لتصليح كاوتش العربية هنوضح الفرق بينهم وأنهي احسن !
١ - الخابور :
ده عباره عن قطعة مطاط بتدخل مكان الخرم الموجود في الكاوتش من غير ما تحتاج تفُك الكاوتش وده بيأذي الكاوتش جداً ويكسر الاسلاك الموجده فيه من جوه وبيخلى الكاوتش مُعرض للانفجار
٢- اللحام :
وده عباره عند لزقه بتتحط علي مكان الخرم بس من جوه ودي مش بتضر الكاوتش في حاجه وآمنة اكتر فا أستخدمها دايما وسعرها بيتراوح من ١٠ ل ٤٠ جنيه علي حسب المكان
وده لينك ڤيديو فيه نصائح علشان نحافظ على الكاوتش اتفرجوا عليه 👈🏻https://www.youtube.com/watch?v=R1uvf...
20 - 2
- بما أن الصيف داخل ودرجه الحراره هتكون عاليه فخلي بالك لو انت عامل السقف أسود ( بانوراما ) وعدي عليه أكتر من سنه ,
يستحسن انك تروح تشيله وتركب واحد تاني علشان ميأثرش علي دهان السقف ( الورنيش ) بسب الحراره الشديده ☀️
- وبالمناسبة هو عليه غرامه في المرور 😂
- وده لينك لڤيديو كنا متكلمين فيه عن نصائح للحفاظ علي دهان العربية: https://youtu.be/0NNa4tnIL0c
20 - 9
دكتور وبحب العربيات وبعمل فيديوهات سريعة فيها نصايح علشانك