Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
بعد الفيديو الأخير على القناة, شايفين أنهي بروسيسور فيهم أحسن لكل الاستخدامات؟ يعني لو فرضت ان معاك تمن واحد فيهم هتشتري مين؟
481 - 65
السؤال الاعتيادي لكل سنة جديدة 😅عندك رامات أد ايه في جهازك الشخصي سواء ديسكتوب أو لابتوب؟
اليوتيوب بيسمحلي ب 5 خيارات فقط في الاستطلاع, فلو حد عنده رقم مختلف ياريت يشارك في التعليقات
615 - 186
فرصة عمل مختلفة ليك انت 🫵
طبعاً مع الطموحات و الأهداف الكبيرة للقناة في 2023, حانت اللحظة إننا نطلب وجه جديد في فريق عمل Tech Quotes.
عنوان الوظيفة: Script Writer أو كاتب سكريبتات سواء للقناة أو للسوشيال ميديا.
مفيش عندي شروط معينة, ممكن تقدم سواء كنت من برا أو جوا مصر, و لكن يُفضَّل تكون من سكان مصر (و تحديداً القاهرة الكبرى) لتساهيل كتير مستقبلاً.
اللي احنا بندور عليه هو شخص:
*عنده إلمام بكل شئ و أي شئ في عالم الهاردوير سواء جديد أو قديم
*له خبرات سابقة في عالم التجميعات و مشاكلها و توافقيتها و كسر السرعة
*له طريقة جذّابة و مختلفة في شد المشاهد
*عنده قابلية و مرونة عالية للعمل في أي وقت من اليوم تحت ظروف شديدة
*خبرة جيدة في التعامل مع MS Word أو برامج الكتابة و المشاركة عموماً
*تفرغ تام للوظيفة
*مستوى جيد في اللغة الانجليزية
*عنده أساسيات لكتابة قصة قصيرة أو حكاية سريعة و ربط الأحداث
أنا مش مهتم بالشهادة اللي معاك أو أياً كان عمرك, طالما بتحقق الجوانب المذكورة.
دي فرصة Full-Time, و أغلبها بشكل remote , و متتوقعش انها هتكون شغلانة تقليدية, كل يوم تحدي جديد و خروج عن السياق و المألوف تماماً, هتستمتع كتير بالفعاليات اللي هتعاصرها دايماً, و أكيد الأتعاب مجزية جداً بالإضافة للحوافز.
لو انت مهتم أو تعرف حد ينطبق عليه الشروط, ابعتلي ال CV أو cover letter أو portfolio على
techquotes.yt@gmail.com
لو معندكش فخد حريتك انك تكتب عن نفسك في الميل, افتكر ان دي وظيفة كاتب سكريبتات, فأول طريقة هحكم بيها عليك هي اللي انت هتبعته على الميل و طريقته, حتى لو كتبت ألف صفحة عن نفسك و خبراتك هقرأهم كلهم.
816 - 64
رأيكم يهمني و هيفرق كتير في تحديد الأولويات مستقبلاً.
تُفَضِّل المحتوى الخاص بالتكنولوجيا في 2023 بأي صيغة من دول أكتر؟
المحتوى القصير السريع الأقل من دقيقة؟ أو المحتوى العادي الطويل من 5 دقائق فيما فوق؟
371 - 51
بفكر أعمل حلقة عن البلاك فرايداي و تجربتي معاه كل سنة بطريقة مختلفة، هتبقا زي وثائقي مصغّر و هيساعد في تغيير سياسات كتيرة سيئة و استغلالية منتشرة في السوق. بس محتاج مساعدة كبيرة منكم لأن التجارب هي اللي هتدي قيمة حقيقية للفيديو.
محتاج من أي واحد جرب يشتري قبل كدا في البلاك فرايداي قطعة تخص الكمبيوتر يذكر تجربته بتفاصيلها هنا في التعليقات على البوست، سواء اشترى محلي أو أونلاين (من أي دولة) و يعبر عن مدى رضاؤه عن السعر اللي اشترى بيه مقارنةً بقبل و بعد العرض.
طبعا أنا ليا رأي طويل بخصوص العروض الحالية و الاسعار و علاقتها بالظروف الاقتصادية و هعرض ان شاء الله كل حاجة في الوقت الصحيح. دا غير ان جالي رسايل بتوضح تعامل بعض المحلات (هنا في مصر) مع الناس بشكل غير لائق تماماً و بردو لازم هسلط ضوء على الأمر بشكل أو بآخر.
منتظر أشوف تجاربكم و تعليقاتكم.
2.1K - 149
الوقت الحالي هو أصعب وقت في الحملة تقدر تقول وقت ( نكون أو لا نكون ) و عشان كدا لازم نكثف من النشاط على تويتر بكل الأشكال أي حد يقدر يدخل و يعمل تغريدة على تويتر باستخدام الهاشتاج ياريت يعمل كدا و لو يقدر كل يوم يكرر الموضوع لاننا محتاجين نوصل للشركات ان صوتنا عالي و نفسنا طويل،
خليك فاكر ان كل حاجة أنت بتعملها دلوقتي حتى لو صغيرة هتفرق و هتعمل تغير كبير
لينك تويتر: twitter.com/TechQuotesMMY
#Respect_ME_PC_Community
2.7K - 100
العد التنازلي... 🔜🕤
2️⃣6️⃣8️⃣2️⃣2️⃣
489 - 105
كام واحد متحمس لعودة القناة ؟؟
المفروض كان النهاردة يتنشر اول فيديو بعد مدة الانقطاع الكبيرة بس بسبب بعض الظروف الجميلة 😡😡 الفيديو اتاجل لبكرا
متحمس جدا اعرف رايكم على الفيديو دا و ان شاء الله بعده علطول هيبقى في فيديو هحكيلكم فيه عن ايه الي حصل الفترة الي فاتت و هنعلن عن سلسة جديدة على القناة ان شاء الله تكون مختلفة و تنال اعجاب معظمكم
يلا سلام لغاية بكرا بس 🤩🤩
2.6K - 132
"سلام عليكم و أهلاً بيكم في حلقة جديدة على قناة تك كووتس".. وحشتكم الجملة دي ؟؟
انا عارف اننا مقصرين جداً آخر فترة و القناة بقالها شهر مش مرفوع عليها اي فيديوهات و أكيد ده مضايق ناس كثير مننا 😔😔
الفكرة كلها ان الفترة الاخيرة انا كنت بنقل من المكان الي عايش فيه و كمان المكان الي بصور فيه و الموضوع جه مفاجئ و بالتالي مكنش متحضر ليه من قبلها و بالتالي الفيديوهات وقفت خالص.
بس كدا ؟!! , اكيد لا ان شاء الله الفيديوهات هترجع بعد العيد مباشرة و بشكل مستمر و بانتظام و هيكون في مفاجآت كثير هتعجبكم .
2.1K - 113
ايه رأيكوا في الجيل ال 11 و شايفينه تطوير يستحق ولا إطلاق مش مهم؟
لو فاتتك المراجعة شوفها من هنا: https://youtu.be/5WnjZbEtTv4
751 - 99
كل ما هو خاص بالهاردوير من الصفر لعالم المحترفين