in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
نصيحة للامهات:
لو عندك بنت عوديها علي شغل البيت من صغرها حتي لو البنت كسولة ومبتحبش تعمل حاجة لازم الام تلحلح البنت كدة وتشد عليها عشان تنفع نفسها لما تتجوز ويبقلها بيت..
عوديها تصحا من نومها توضب سرايرهم هي واخواتها ولفلفيها وراكي في الشقة تشوفك بتعملي ايه وتساعدك.. حتي المطبخ خديها معاكي لو مش هتعمل حاجة بس كفاية تشوفك انتي بتعملي الاكل ازاي وازاي ايديك في المطبخ وازاي وانتي بتعملي الاكل مبتسبيش وراكي طبق مش نضيف
وإن شاء الله كل ده يجي بفايدة في الاخر وتدعيلك انك مسيبتهاش بروطة زي اغلب جيلها 🫡
271 - 15
الطفل من عمر
2 ل 6 سنوات
مش هو اللي محتاج جلسات تعديل سلوك اطلاقآ
وأصلا مافيش حاجة اسمها جلسه تعديل سلوك
لطفل اقل من 6 سنوات
اللي محتاج هم الاهالي ومحتاجين كتير جلسات ارشاد اسري
السلوك مكتسب من الأهل والبيئة المحيطة
نبص ع نفسنا الأول قبل مانعترض ع اي سلوك صدر من أولادنا
هنلاحظ ان المشكلة فينا وف طريقة التعامل والله .
209 - 7
ازاي تصاحبي بنتك؟؟٠👩❤️👩
من بعد الولادة ٣-٤ شهور هيبتدي وعيها ينمو وتحسي ان نظراتها منتبهة
اتكلمي معاها واحكي معاها
لما تكبر شوية العبي معاها بلعبها
ورتبوا اللعب مكانها بعد اللعب
واتكلموا وانتوا بتلعبوا
🌸وخيريها في الحاجات اللي مفيش مشكلة من تخييرها فيها
زي وانتوا خارجين تحبي تلبسي ده ولا ده
هاتي التوكة اللي انت عوزاها
الخ
لما تكبر شوية كمان سن الحضانة
لازم تتعاملي معاها مش علي انها بنتك ولك عليها سلطة
وامرك لابد الطاعة وينفذ
✔️تعاملي معاها علي انها صديقتك
ووسعي صدرك لحكاياتها اللي ممكن تكون وسط زحمة حياتك مملة وتافهة
شوفي ايه اللي بتعمليه مع صاحباتك
واعمليه معها
☕️☕️ممكن تعملوا حفلة شاي مصغرة
🍰🍩🍮تطلبي منها تساعدك في عمل كيكة او حلوي وكوبين شاي وتقعدوا لوحدكم تتسامروا ☕️☕️
👣👣ممكن تاخديها وتخرجوا تتمشوا مع بعض وتتجاذبوا الحديث
👈خدي رأيها في اشياء مش مصيرية ولا هتفرق معاكي
👚👗البس ده ولا ده
اسرح شعري كده ولا كده
🍃🍂نطبخ بامية ولا فاصوليا
الخ
💪اطلبي منها تعاونك لانك بتحبي صحبتها
مش لانك تعبتي وعوزاها تشتغل وخلاص
💻📹بتتفرجي علي فيديو طريف ناديها فرجيها معاكي
🌅🌋كل ماتلاقي صورة ظريفة فيها معلومة او حتي متعة لبنتك خزنيها وفي مرة ناديها وخديها في حضنك اتفرجي معاها وعرفيها انك حفظتيهم مخصوص علشانها
📻📼💿بتسمعي درس مفيد ناديها تسمع معاكي
وهكذا
ولما تكبر اكتر خلوا بينكم طاعة مشتركة
☝️تصلوا مع بعض
☝تسمعوا لبعض القرآن
☝تسمعوا مع بعض درس ديني
☝او تقروا في كتاب حديث او تفسير او عقيدة وسيرة الخ
👈هواية تمارسوها مع بعض زي كروشيه تريكو تطريز
او قراءة كتب مفيدة علمية رواية الخ
تشوفوا مع بعض فيلم وثائقي او برنامج طبخ
المهم حسسيها انها كبيرة واهل لصداقتك وحبك وفخرك
🌸🌸مش معني ده انها لو غلطت ما نعرفهاش غلطها ونقومها ونعاقبها كمان
بس لو بينكم صداقة مجرد العتاب ونظرة الزعل في عينك دي بتبقي اشد من اي عقاب
133 - 5
عرفوا اولادكم قصص الانبياء بالطرق ااجميلة و السهله والبسيطه دى 👇👇👇
https://youtu.be/1dfkMtoQn6g?si=201jA...
20 - 1
متقولش اه و انت جواك لاء كبيرة
كل موافقة منك علي حاجة رافضها من جواك هتفضل تدفع تمنها عمرك كله 💔
106 - 4
أقولكم ع سر 🤫
أي شخص تلاقيه كارهك رغم انك قدمتله كتير و عديتله أكتر
ده سببه ان كعبك عالي عليه بمعنى انك أحسن منه ...
شخصيتك قوية رغم بساطة كلامك وعفويتك
عيشتك افضل من عيشته (مندرجة تحتها أمور كتير) روحك و ظهورك بيوتره وبيخليه شايف نفسه قليل
مش عارف يبقى زيك في أي حاجة عاوز يعلى عليك مش عارف
فحقيقته تظهر ف الكراهية والطعن في الضهر
ده مش بسببكم انتم ،، ولكن ضعف و عدم ثقة و غيره وحقد على نقص من الشخص ده
العين متكرهش إلا الأحسن منها 👌
142 - 6
استرجل يا عم واقف على رجليك
الكلام ده مش بتاعنا ولا دي ثقافتنا
بلاش شغل أفلام وصنع ترندات ولا تقليد أعمى
قوم خطيبتك عايزاك راجل تعتمد عليه ويسندها في الدنيا
مش واحد يتشحتف علشان ينول الرضا
الست ضعيفة بطبعها محتاجة لحد أقوى
مش واحدة زي أختها
قوم اقف وإنت بتكلمها وادخل البيت من بابه
اقعد مع أبوها قعدة رجالة وراس براس
ولما يتقفل عليكم باب واحد في الحلال سمعها كل الكلام الحلو
ووريها حنيتك وعواطفك الجياشة
توريها هي مش احنا ولا أمة لا إله إلا الله على النت .
وربنا يهني سعيد بسعيدة
118 - 3
انا حسناء صادق زوجه وام ومعلمة / بكالوريوس علوم وتربيه . حاصلة على دبلومه التخاطب وعيوب النطق والكلام جامعه عين شمس / اخصائية تعديل سلوك _ دبلومه فى طرق التدريس .
هذه القناة تستهدف الامهات والاباء و المعلمات هساعدكم فى كل امور حياتكم عن طريق عمل فيديوهات تعليمية و تنمية مهارات و تنمية اللغة لدى الطلاب . هساعدك فى تربية اولادك . هعرفك ازاى تنظمى وقتك وحياتك. هنعرف مع بعض ازاى نعدل سلوك اولادنا للافضل . هتتعلمى ازاى تكونى ام مثاليه و معلمة 💪❤️
لينك الفيس بوك :-
www.facebook.com/hasnaa.sadek.50?mibextid=ZbWKwL
القناة الاضافيه 👇👇
youtube.com/@hasnaasadek7729