Ta õ Pe Mo Koe SISU

Ta õ Pe Mo Koe SISU
Posted 3 weeks ago

“Sio, tangata, sio, Ki he ‘amui atu, ‘A e me’a te ke ‘ilo, ‘Oka tā ‘a e tapu. Sio he fu’u totongi, Sio he mālōlō. O’i, tangata, o’i, ‘Oku haʻu ‘a e pō.” Himi 427 veesi 5.

Fakalotolahi (Inspiration)
‘Oku tau monū’ia he ngaahi ‘aho ni koe’uhiʹ ko e folofola ‘a e ‘Otuaʹ ‘oku ne ‘atā ke tau lau, tau fanongo kiai, pea tau fai foki kiai. Ka ko e palopalemaʹ ‘o e ‘aho ni,ʹ ‘oku tau lava lelei ‘a e malanga’i lelei ‘o e folofola,ʹ pea ‘oku tau faonongo pē ki ai, ka ‘oku ‘ikai ke tau fai kiai. ‘Oku fakatōtō’ohi ‘a e to’u tangataʹ mo e to’u fefineʹ ke fai ki he me’a ‘oku talamai ‘e he folofola.ʹ ‘Io, ‘oku tau ‘ilo lelei pē ‘a e folofola,ʹ ‘oku tau ako kiai, pea ‘oku tau fanongo kiai, ka ko e fakatokanga mai ‘a e Tohitapuʹ he ‘aho ni, ke tau FAI FOKI KIAI. Ko e kakato ia ‘o e Kōsipeli,ʹ ko e malanga’i, fanongo kiai, pea fai foki kiai.

Lotu (Prayer)
‘Eiki Sisu,ʹ ngaohi homau loto ke tō kiai ho’o folofola,ʹ pea ke tupu pea fua. Kae ‘oua te mau hoko ko e kau fanongo folofola pē, kae fanongo mo fai kiai, kae hoifua ‘a e ‘Afiona kiate kimautolu. ‘I ho Huafa pē Sisu Kalaisi. ‘Ēmeni.

#taopemokoeSisu
10 ‘o Sepitema 2024.

8 - 0

Ta õ Pe Mo Koe SISU
Posted 1 month ago

“Na’a mou ikuna ‘i he hā?” Pea nau tali mai, “Ko e ta’ata’a ne tafea, Ko e ivi ‘o e Lami.” Himi 540 veesi 4.

Fakalotolahi (Inspiration)
Talu hono tanupou ‘a e mamani ko’eni,ʹ mo hono ikuna’i kitautolu ‘e he kakanoʹ mo e angahala.ʹ Talu ai ‘etau fefa’uhi mo e angahalaʹ mo e holi ‘a kakano.ʹ Kae fakafeta’i, ne foaki mai ‘e he ‘Otuaʹ ‘a hono ‘Alo – Sisu Kalaisi ke ne hifo ‘o Pekia pea Toetu’u, pea talamai, ‘ilonga ‘a ia ‘e tui pikitai kiate Ia, he’ikai tene ‘auha, ka tene ma’u ‘a e Mo’ui Ta’engata.ʹ Ko e taha’i foaki koia ne fai ‘e Sisu,ʹ ko ia ia hotau hao’anga mei he afi mo e sulifa (houhau ‘a Sihova), ka tau hao atu ki he mo’ui ta’engata. Pea ko e fakamanatu mai ia ‘e he ‘Apositolo,ʹ ke tau ‘ai mu’a ‘a e ‘Eiki ko Sisu Kalaisi,ʹ ‘aki ‘etau Tui kia Sisu.ʹ Tau tali e Folofola pea fai kiai, fakamā’oni’oni’i ‘etau mo’ui,ʹ lotu ma’u pē, lau ho’o Folofola faka’aho,ʹ ‘Io, fa’a feohi ma’u pē mo Sisu.ū Ko ‘ete fai ia, ko ‘ete fakamama’o ia mei he holi ‘a e kakano,ʹ kae tupulaki ai hoto vā pea mo Sisu.

Lotu (Prayer)
‘Eiki Sisu,ʹ ngaohi ai pē ‘emau mo’uiʹ ke mau taau mo e ‘Afiona. ‘Oua na’a ke li’aki kimautolu he ‘aho ni mo e kaha’u.ʹ Tau ō pē mo Koe Sisuʹ he ‘aho ni, pea hokohoko atu. Tāpuaki mai homau ki’i fāmili, fakamo’ui pea faito’o ‘akinautolu ‘i Falemahaki,ʹ pehē ki Pilisone mo kinautolu kotoa pē ‘oku nau fiema’u ha Lotu. ‘I ho Huafa pē Sisu Kalaisi. ‘Ēmeni.

#taopemokoeSisu
23 ‘o ‘Akosi 2024

9 - 0

Ta õ Pe Mo Koe SISU
Posted 1 month ago

“Ava ‘o e Makatu’u, Tuku ke u hufanga atu; Kae tolona ‘a e tautea, Faito’o hoku fu’u lavea, ‘I he vai mo ta’ata’a, Tafe mei ho vakavaka.” Himi 512 veesi 1.

Fakalotolahi (Inspiration)
Ko e Saame 57,ʹ ko e tautapa ia ‘a Tēvita mei he ‘ana, lolotonga ‘ene hola holo meia Saula. Ko e tautapa ‘a e mo’ui ‘oku ‘amanaki noa, ‘oku ‘ikai ha taumu’a ‘e lau. ‘Oku pehē pē si’etau fononga ni, ko e fu’u vahanoa pē ‘oku tau fononga ai. Mei he hopo ‘a e La’aa ki he’ene tō, ko hotau vā mama’o mo mateʹ ko e hanga pē ‘e taha. Tau fanongo hake ki he taufetuku ‘a e mateʹ ‘i hotau ‘aho ni, ‘ikai ke toe fakalaulau ta’u ia. Tau fanongo hake ki he hake mai ‘a e faito’o konatapu,ʹ mo e ngaahi angahala kehekehe kuo hake ‘uta ‘i Tonga. Ka ‘oku tau kau fakataha mo e kalanga ‘a Tevita mei he loto ‘ana,ʹ “‘Ofa mai, ‘ofa mai, ‘Elohimi e, He kuo hufanga atu hoku laumalie.” ‘Io, ko Koe pē Sihova te mau hūfanga kiai. Ko e kuonga ni ia kuo kovi, ko Tonu ‘oku lusa pē, kaukaua pe ‘a Loi. Ko Koe pē Sihova te mau hufanga kiai.

Lotu (Prayer)
“‘I he fai fononga ē, ‘I he mohe ‘o e mate, Kau ka hake mei faʻitoka, Puna ki he Ta’e’iloa, Ava ‘o e Makatu’u, Tuku ke u hufanga atu. ‘Oku pehē Sisu ‘a e hoholi homau laumālie, ke unga mo malu ‘i ho lalo kapakau na. Malu’i ‘a Tonga, malu’i homau fāmili, malu’i ‘emau mo’ui fakafo’ituitui. ‘I ho Huafa pē Sisu Kalaisi. ‘Ēmeni.

#taopemokoeSisu
13 ‘o ‘Akosi 2024

7 - 0

Ta õ Pe Mo Koe SISU
Posted 4 months ago

“Ko e ta’ata’a ‘o Sīsū, Ko ‘emau fufulu’anga; ‘Oku kalangaekina, Ko e ma’a’anga ia; Pea ‘ata’ataina, Ki māmani kotoa pē.” Himi 114 veesi 2.

Fakalotolahi (inspiration)
‘Oku mahu’inga ma’u pē he ‘aho kotoa ‘etau mo’ui,ʹ ke tau fakapapau’i kuo fakamolemole ‘etau ngaahi angahala.ʹ ‘Oku talamai he’ikai hū ha angahala ia ki he Pule’anga ‘o e ‘Otua,ʹ ngata pē he kau mā’oni’oni. Ka ‘oku ke mea’i peau lave’i, ko e kau angahala kitautolu he ‘afio mai ‘a e ‘Otua. ‘E anga fēfē hano fakamolemole ‘etau angahala? ‘E anga fēfē ho’o ‘ilo’i kuo hanga ‘e he ‘Otuaʹ ‘o fakamolemole ‘etau angahala? Koe’uhi,ʹ ka hoko mai ‘a e ‘aho,ʹ kuo te ‘osi maau ke ma’u hoto kalauni ‘i he Langi. Ko e ‘uhinga ia ‘a e tautapa ‘a e fatu Saame,ʹ ke hanga ‘e Sihova ‘o sivi’i kitautolu, pea vakai na’a ‘oku tau kei fononga holo pē kitautolu mo ha hia ‘omi mala. ‘Io, vakai’i, na’a ‘oku tau mūnoa holo pē tautolu he fai e lotu,ʹ tā koaa ‘oku ‘iai ‘a hia ‘omi mala ‘oku ke fakahoko faka’aho pē. Mahu’inga ia e lotu mo e lau folofola. Mahu’inga ia ‘etau Tui ki he Pekia moe Toetu’u ‘a Sisu Kalaisi, kuo fakamolemole ai ‘etau angahia pea ‘ufi’ufi ai ‘etau ngaahi kovi kotoa pe. ‘Io, Tui he ‘aho ni kuo fakamolemole ‘e Sisu ho’o angahala he funga kolosi.ʹ

Lotu (Prayer)
‘Eiki tali ‘eku kole ‘oku fai he houa ni, tafi ‘eku hia ke mole, teuteu au ki he Langi. ‘I he Huafa ‘o Sisu Kalaisi. ‘Emeni

#taopemokoeSisu
30 ‘o Mē 2024

7 - 0

Ta õ Pe Mo Koe SISU
Posted 4 months ago

“Tama Tonga, tu’u ‘o ngāue, Ho’ koloa ke fakamonū, Lotu ki he ‘Eiki ma’u pē, Ke ne poupou ki he lotu, ‘O malu’i, ‘O malu’i ‘a Tupou.” Himi 391 veesi 6

Fakalotolahi (inspiration)
“‘Oku ai ha ki’i fonua, ‘Oku tu’u ‘i ‘oseni, Na’e ‘ikai ke ma’u ‘Otua, Na’e masiva he lelei. Haleluia! Kuo monū’ia ‘eni.” ‘Oku monū’ia ‘a Tonga ‘i mamani kātoa, ‘oku tau monū’ia ko e kakai Tonga kitautolu, ko e kakai na’e foaki ma’ae ‘Otua.ʹ Neongo si’etau tōnounou mo e angahala,ʹ ka ‘oku monū’ia taha pē ‘a Tonga, he na’e foaki ia ‘e Tupou 1 ke malu’i mai meia Sihova. ‘Oku ou tui ko e tāpuaki ia ke tau tu’uholoaki, ‘o ‘ikai ‘i Tonga ni pē, kae ‘i muli foki. “He na’e lotu ‘a Tahisi, Ka na’e ‘ikai hao ai, ‘O tafoki pē mo Fisi, Ka na’e ‘ikai haofaki: Ka ko Tonga, ‘Oku kei tolonga mai.” ‘Io, ko Tonga pē ‘i mamani ‘oku tuku kia Sihova kene malu’i. Pea ‘oku talamai ‘e he Folofola he ‘aho ni, ‘oku monū’ia taha pē ‘a Tonga, ‘oku tau monū’ia koe’uhiʹ ko Sisu Kalaisi mo’ene Pekia mo e Toetu’u.ʹ Pole’i koe Tonga, tau tu’u hake ‘o fakamonū ‘a e koloa koia, lau Folofola, tali ‘a Sisu ki he mo’ui pea lotu ma’u pē.

Lotu (Prayer)
‘Otua mafimafi tāpuaki’i ‘a Tonga, malu’i ‘a Tonga mei he ngaahi faingata’a kotoa ‘o e mamani ko’eni. Tataki pē ‘a Tonga kia koe Sisu,ʹ oua teke li’aki ‘a Tonga, kake tohi ‘a Tonga he tohi ‘o e Mo’ui.ʹ ‘I he huafa ‘o Sisu Kalaisi ka ko e fakamo’ui ‘o Tonga mo mamani. ‘Ēmeni

#taopemokoeSisu
17 ‘o Mē 2024

8 - 0

Ta õ Pe Mo Koe SISU
Posted 6 months ago

“‘I he ha’u ki Saione, ‘a hotau Misaia; Ke ne fakamo’ui, ‘a e kakai hia, Na’e ‘ikai masiva, ‘i he fakamālō, He na’e fai hosana, ‘e he ngaahi fānau: Tau hiva hosana, hosana, hosana, Hosana, ki hotau ‘Eiki.” Himi 321 veesi 1.

Fakalotolahi (Inspiration)
Ko e ta’anga fakafeta’i ‘o e ‘aho ni ko e Hosana! Hosana! Hoto ‘ofa kiate ia ‘oku hoko mai ‘i he huafa ‘o e ‘Eiki! ‘Io, hoto ‘ofa ki he Pule’anga ‘o ‘etau kui ko Tevita, Hosana! Ki Langi Taupotu. Ko e Sāpate Paame´ ko e hā’ele faka-Tu’i ia ‘a Sisu´ ki loto Selusalema. Ko e Tu’i ia ‘o mamani, ko e Tu’i ‘o Tonga. Ko e Tu’i ‘eni ia na’e ‘ikai hā’ele mai mo ha’ane kau sotia pē ko ha’ane mafai fakakautau ke hangē ko ia ne ‘amanaki kiai ‘a e kau Siu´ mo mamani. ‘Ikai, ko e Tu’i ‘eni ia ko e Lami feilaulau, na’a ne hā’ele faka-Tu’i ‘i loto Selusalema ke Pekia ma’a mamani kātoa. Mālō Sisu manukia! Mālō, Tu’i Kaleli! Mālō e ma’u Sāpate Paame.

Lotu (Prayer)
Sīsū ko ho’ feinga ia, ‘Oku mau mo’ui ai; Na’a ke ‘ave ‘emau hia; Na’a ke vete ho kakai. Fakafeta’i e ma’u Sāpate Paame ma’a homau fa’ahinga.´ ‘I he Huafa ‘o Sisu Kalaisi ka ko homau fakamo’ui. ‘Ēmeni.

10 - 1

Ta õ Pe Mo Koe SISU
Posted 7 months ago

“Ko e kau ikuna ē, ‘Osi honau fatongia, Tā ‘a e fili fua pē, Lava ‘enau ngaahi hia. Na’a nau fō pe honau kofu, ‘I he toto ‘o e Lami, Ma’a ange he sinou, Taau mo e nofo langi.” Himi 574 veesi 4.

Fakalotolahi (Inspiration)
Ko e taha e tefito’i fekau ‘o e Hā Fakakehe ‘a Sisu ‘i Mo’unga Tepoa´ (Transfiguration), ko e angakehe mo e faka’ofo’ofa. Talamai na’e fetapatapaki hono ngaahi kofu,´ pea hinaekiaki faufau. Pea ‘oku ‘ikai ha taha ia ‘i mamani te ne mafai ke fō ha tupenu ke hinehina pehē. Ko e konga si’i ‘eni ‘o e ‘īmisi ‘o loto langi.´ ‘Io, ko e ‘īmisi ‘o e ma’a mo’oni, ko e haoahaoa, ko e hinehina ange ko e sinou.´ Mahino mai leva mei heni, ko e hū ki Hēvani´ ‘a e tokotaha pē ‘oku mā’oni’oni. Mātiu 5:8 Monū‘ia ā ka ko kinautolu ‘oku ma‘a honau loto: he te nau mamata ki he ‘Otua. Talamai leva ‘e he tohi Fakahā 7:14e “Pea ne me‘a mai, Ko eni ia ‘a kinautolu ‘oku ha‘u mei he mamahi lahi, pea na‘a nau fō honau kofu, ‘o fakahinehina ‘i he ta‘ata‘a ‘o e Lami.” ‘Io, ko e ta’ata’a ‘o e Lami´ ‘e fufulu ai ‘etau ngaahi angahala´ ‘aki ‘etau fakatomala ‘o tali ‘a Sisu ki he’etau mo’ui.´ Pea ke tau lava ai ke ‘inasi he haohaoa mo e mā’oni’oni ‘o e Pule’anga ‘o e ‘Otua.´

Lotu (Prayer)
‘Alā, kuo u fakalielia, Afe hoku loto tu’o lahi; Kula ‘aho’aho ‘eku hia, ‘O ‘ikai matafi ‘i ha vai. Sīsū kuo u tui mo falala, Ki ho kovinānite fo’ou: ‘Ē, fufulu au ho ta’ata’a, Pea u hinehina he sinou. Hinehina ange! Hinehina ange! ‘Ē, fufulu au ho ta’ata’a, Pea u hinehina he sinou. ‘I he Huafa ‘o Sisu Kalaisi ko homau fakamo’ui. ‘Ēmeni.

#taopemokoeSisu
11 ‘o Fēpueli 2024

11 - 0

Ta õ Pe Mo Koe SISU
Posted 8 months ago

“’Ei Mā’oni’oni, Tu’i Toputapu! Tali ‘emau pongipongi ‘oku ‘atu ē, ‘Ei Mā’oni’oni! ‘oku mau hū atu, Ko e Toko Tolu, ko e Taha pē.” Himi 362 veesi 1.

Fakalotolahi (inspiration)
Fakafeta’i ki he ‘Eiki´ he ma’u ‘aho lelei ma’a kitautolu. Fakafeta’i e ma’u mo’ui. Ko e fakahinohino ‘a e folofola ‘o e ‘aho ni,´ ko e fakapapau’i ‘oku tau fakamā’oni’oni’i ‘etau mo’ui.´ ‘Oku ‘iai ha ngaahi to’onga mo’ui motu’a ‘oku tau kei mo’ua ai, fiema’u ia he ‘aho ni ke tau mavahe mei ai. ‘Ilonga ha mo’ui ta’ema’a mo ‘ikai ke hoa mo e finangalo ‘o e ‘Otua,´ fiema’u ia ke tau matanga mei ai. ‘Io, he ko e mā’oni’oni pē tene hoko ko e ngaahi foha mo e ‘ofefine ‘o e ‘Otua.´ ‘Io, pea ‘e lau Tamai mai kiai ‘a e ‘Otua. Mahu’inga ‘aupito ‘a e mo’ui mā’oni’oni.

Lotu (Prayer)
‘Eiki fakatapui ‘emau mo’ui ma’au. Pea ke hoko mai ko ‘emau Tamai, ka mau nofo atu ko ho’o fānau neongo ‘emau fakatupu houhau. Taki atu ‘etau fononga he uike fo’ou ni, pea tuku ‘emau falala ke ‘iate Koe ma’u pē Sisu.´ ‘I he huafa ‘o e Tamai, ‘Alo mo e Laumālie mā’oni’oni. ‘Emeni.

#taopemokoeSisu
15 ‘o Sanuali 2024

7 - 1

Ta õ Pe Mo Koe SISU
Posted 8 months ago

“‘Oku ou ‘ilo ‘a hoku Huhu’i; Ne fua ‘eku hia he funga ‘Akau, ‘O ui ke u ‘alu ‘o ma’u ‘a e mo’ui: Pea fakafeta’i na’a ku ‘alu ‘o ma’u. Kae fēfē ‘a koe, ‘a koe ‘alā?” Himi 504 veesi 1.

Fakalotolahi (inspiration)
Ko e me’a lelei ma’u pē ke te tau sivisivi’i ‘etau mo’ui telia ha hia ‘omi mala ‘oku tau fononga holo pe mo ia. Na’a kuo tau fakakaukau kuo tau haohaoa he mamani ko’eni,´ koe’uhi´ ko ‘etau lotu,´ ngaahi lakanga,´ mo ‘etau fua fatongia he Siasi.´ Ka kuo pau ma’u pē ke tau lotu ‘o kole ki he ‘Eiki´ ke sivi pē mu’a hotau loto´ mo hotau laumālie ke fakapapau’i ‘oku taungatonu ‘etau fakafeangai ki he ‘afio mai ‘a e ‘Otua.´ ‘Oua te tau mūnoa pē, ‘oua ‘e faai noa pē ‘etau fononga,´ tā ko ē ‘oku ‘iai pe hotau anga mo ‘etau fakafotunga ‘oku ‘ikai finangalo kiai ‘a Sihova ia. Ko ia ke tau fa’a lotu ma’u pē mo ‘aukai, fakapapau’i ‘oku tau fononga fakataha mo Sisu´ ‘o tatau ki he Folofola ‘a e ‘Otua.´

Lotu (Prayer)
‘Eiki Sisu,´ fakapapau’i ‘emau mo’ui´ ‘oku taunga tonu mo ho’o finangalo.´ ‘Ufi’ufi ‘emau angahala ‘aki ho’o ta’ata’a ne lelepa he funga ‘o e Kolosi.´ Ke hulu ange pē ho’o meesi´ mo ho’o kelesi´ he’emau fai angahala.´ Tataki kimautolu ki he Hala ta’engata.´ ‘I ho Huafa p´ Sisu Kalaisi, ko ho’omau fakamo’ui. ‘Emeni.

#taopemokoeSisu
11 ‘o Sanuali 2024

16 - 0

Ta õ Pe Mo Koe SISU
Posted 9 months ago

Inspiration
One of the stumbling blocks for the journey of a Christian is how devil keep reminding them of their past. Miserably, the devil does not caution to remind us of our optimistic performances in the past, but he love reminding us our negative side, our fall short. Consequently, our fall short in the past keep dragging us back from pursuing in the pathways of righteousness and the way to Heaven. However, Paul reminds us today, that by the help of the Holy Spirit, lets us forget our past and strains forward for what is ahead. Strive for your goal and let the Holy Spirit lead your ways, so you can accomplish what Jesus has lay ahead of you. Forget our past is not that easy, but through accepting Jesus Christ into your life and read you bible daily and pray every day (have a quiet time with Jesus) can move you forward and never backward. Let’s move forward with Jesus.

Prayer
God give me solace in my heart and the courage to get over the pains of the past. Lord, provide, appoint the best for my well-being, and make me content with your verdict. My Lord, please replace what have been lost with something better. Indeed, I will seek for your love and mercy, now until the glorious day I will finally meet you in heaven. I ask these things in your mighty name Jesus Christ. Amen

#walkwithmeJesus
15 of December 2023

6 - 0

Welcoem to posts!!

Ta õ Pe Mo Koe SISU Posted 3 weeks ago

Ta õ Pe Mo Koe SISU Posted 1 month ago

Ta õ Pe Mo Koe SISU Posted 1 month ago

Ta õ Pe Mo Koe SISU Posted 4 months ago

Ta õ Pe Mo Koe SISU Posted 4 months ago

Ta õ Pe Mo Koe SISU Posted 6 months ago

Ta õ Pe Mo Koe SISU Posted 7 months ago

Ta õ Pe Mo Koe SISU Posted 8 months ago

Ta õ Pe Mo Koe SISU Posted 8 months ago

Ta õ Pe Mo Koe SISU Posted 9 months ago

Ta õ Pe Mo Koe SISU
Posted 3 weeks ago

Ta õ Pe Mo Koe SISU
Posted 1 month ago

Ta õ Pe Mo Koe SISU
Posted 1 month ago

Ta õ Pe Mo Koe SISU
Posted 4 months ago

Ta õ Pe Mo Koe SISU
Posted 4 months ago

Ta õ Pe Mo Koe SISU
Posted 6 months ago

Ta õ Pe Mo Koe SISU
Posted 7 months ago

Ta õ Pe Mo Koe SISU
Posted 8 months ago

Ta õ Pe Mo Koe SISU
Posted 8 months ago

Ta õ Pe Mo Koe SISU
Posted 9 months ago