Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
صورة من نهر النيل ..
مش نهر النيل بتاعنا اللي في مصر لا ده اول النيل ..
في مدينة اسمها جينجا في في اوغندا بتبعد عن عاصمة اوغندا 🇺🇬 ٩٠ كيلو .. المميز في المكان ده انه اول نهر النيل حيث بحيرة فيكتوريا ( تاني اكبر بحيرة في العالم ) بتصب في النيل و ده المدخل بتاع البحري النيل ..
المكان ده تقريبا ٥٠٠٠ او ٦٠٠٠ كيلو متر من مصر و على ارتفاع ١٥٠٠ متر فوق سطح البحر .. شوفت اسماك غريبة و كبيرة جدا
و بتشتري السمك بالمزاد العام
و شوفت فيه طيور غريبة مشفتهاش في مصر منهم طاير الماربو ستورك طاير غريب حجمة زي البني ادم و بينزل يتمشى مع الناس في الشارع و لو حد ماشي ناحيته بيطير فوق راسه و يعدي وراه ( يعني لكم دينكم ولي دين ) و عايش مع الناس كانه معاه بطاقة و احيانا بياكل مع المعيز او مثلا بيصيد سمك مع الصيادين يعني راشق في كل حته و مسالم جدا .. اوغندا بفيزا عند الوصول و بس جيت من ٤ ايام و بقا ليا فيها حكايات كتير
14 - 2
في دولة اسمها 🇸🇲 San Marino
-هي دولة حبيسة جوا ايطاليا .. عشان تدخلها مواصلات لازم تدخل تجيب تذاكر الباص من جوا محل سجاير في محطة ( Rimini ) في ايطاليا .. مش محتاج تعدي على ايميجرشن ولا جمارك …
الحاجة الوحيدة اللي هتحتاج تعدي عليها هي بس كشك السجاير
- صاحبة اسوء منتخب كرة قدم في التاريخ كسبت فقط مرة واحدة في ماتش ودي ضد ليختنشتاين
المرتبات في الدولة ده اعلى من ايطاليا و اغلب دول اوروبا و بتعتمد بشكل اساسي ع السياحة اليومية …
لكن عشان تشتغل لازم تكون عندك الجنسية او من اصول من سان مارينو.. في ارجنتين كتير من اصول سان مارينو بداو يجوا من الارجنتين بحثا عن شغل لانه من حقهم عدد السكان ٣٣ الف مواطن العملة : اليورو اللغة : الايطالي
من اغرب الحاجات في دولة سان مارينو انهم عندهم علاقات قوية مع ايران دونا عن دول اوروبا و بيزودها الطيارات الايرانية بالوقود في مطار ( ريميني ) اللي هو يتبع لايطاليا في الاساس و في نفس المدينة اللي فيه كشك السجاير اللي بتشتري منه تذاكر عشان تدخل دولة سان مارينو
19 - 0
سمعتم عن امريكا في افريقيا ؟
الشاطيء ده اسمه ميامي
متواجد في العاصمة : مونوروفيا على اسم رئيس أمريكي
العملة في الشاطيء ده و المطاعم و السوبرماركت : الدولار الأمريكي
علم البلد : هو نفس علم امريكا بس نجمة واحدة ( لانها عايزة تكون الولاية ٥١ لأمريكا )
رئيس الجمهورية السابق : جورج وياه ( لاعب كرة القدم الشهير )
الوضع الاقتصادي من افقر ١٠ دول في العالم
البلد رقم ١٢٥ ليبيريا Libiria 🇱🇷 بسبب ان امريكا رجعت اصحاب البشرة السوداء لأفريقيا بعد الغاء العبودية بحثا عن أرض التحرر او الليبيراتي
دولة ليبيريا في غرب افريقيا و لكنها الدولة الاكثر امريكياً في كل القارة السمراء
49 - 2
بعد ما إبراهام لنكولن ألغى العبودية من ١٦٠ سنة في امريكا رجع العبيد السابقين لأفريقيا و على رأسهم دولة سيراليون 🇸🇱
واحدة من ٣ دول رجعلها العبيد المحررين و عليه اطلقوا أسهم Freetown على العاصمة
للاسف بعد ١٦٠ سنة سيراليون واحدة من افقر دول افريقيا و من اكثر دول العالم في قطع الكهربا و عشان كدا مثلا متلاقيش عندها حليب نهائي بس لبن بدره
سيراليون فيها مستشفى مصرية هي الوحيدة في سيراليون اللي فيها اجهزة متطورة و الطقم بتاعتها كله مصري و كمان في مصريين عايشين في البلد اللي صعب التكيف فيه و بيشتغلوا في الأجهزة المنزلية
افريقيا مليءة بالمفاجات و بكل حاجة و عكسها
سيراليون الدولة رقم ١٢٤ و قريبا برا على ليبيريا و ساحل العاج وًبنين و توجو و نيجيريا … يا ترى في حد معانا في الصفحة موجود هناك؟
95 - 7
في دولة اسمها جامبيا 🇬🇲
هي اصغر دولة في بر افريقيا
مع انها على شكل لسان محاط بالسنغال من جميع الاتجاهات إلا انهم مش بيتكلموا فرنسي زي السنغال 🇸🇳 بيتكلموا انجليزي لانها كانت احتلال انجليزي
و مع انها حاولت تنضم للسنغال عدة مرات بس الامر منفعش ( على راي ابن خلدون في المقدمة : اللغة بتربط اكثر من الدم )
جامبيا بتعتمد على الزراعة و الثروة السمكية و مع ان عندها معادن كتير إلا انها مش غنية
و لان جامبيا دولة مسلمة فاستقبلت القمة الإسلامية الاخيرة و السعودية ساعدت في بناء الطرق عشان كانت بنيتها التحتيه سيئة جدا
قابلت مصريين و عرب عايشين هناك و اللي صدمني على رغم من صعوبة الحياة إلا انهم شايفين فيها فرصة لانها دولة بكر
و الاغرب ان عندهم مستشفى مصري اسمهم ام المصريين و عمرها فقط ٧ شهور و هي افضل مستشفى في جامبيا كلها
جامبيا او غامبيا 🇬🇲 الدولة رقم ١٢٣
79 - 2
الشفق القطبي، أو "الأضواء الشمالية" زي ما بنسميها، هو واحد من أجمل المناظر اللي ممكن تشوفها في السماء. تخيل كده، السماء بتتحول لفرشاة ألوان كبيرة، فيها باللون
تفسيرها ان لشمس تضرب الغلاف الجوي للأرض، فتتفاعل مع الهواء وتطلع الأضواء الرائعة دي. يعني كأن الشمس بتبعت لنا سلامات ملونة!
في البلاد البعيدة زي النرويج وكندا، الناس بتسافر مخصوص عشان تشوف الشفق القطبي، وكأنهم رايحين لمهرجان سماوي
احنا روحنا ايسلندا و سكنا قاعدين في فندق اشباح قررنا نولع و نعمل شاي بس لقينا المنظر ده 😅
فلو يوم من الأيام كنت في بلد فيها شفق قطبي، لا تنسى تطلع تتفرج على المنظر عشان هتقول "يا سلام، دي أجمل حاجة شفتها في حياتي!
33 - 4
دولة الرأس الاخضر في افريقيا
ممكن تكون سمعت عنها في تصفيات كاس افريقيا
لكن الدولة ده من اكثر الدولة غرابه
بيقول عليها half African و السبب ان الدولة فيها مخلطين كتير من البرتغال
و ايضا هي الدولة الأكثر غربا في إفريقيا يعني بتقع في الغرب خالص ووسط المحيط الاطلنطي في منطقة فيها جزر برتغالية و إسبانية فقط ،
الدولة ده بفيزا عند الوصول او تقدم قبلها ب ٥ ايام
الفيزا بتكلف ٥٥ يورو و لما توصل تقدر تزور ٧-٨ جزر منهم جزيرتين بركانيتين ،
و اشهر جزيرة هي Praia وًبعديها Sal
الدولة ده مع انها صغيرة إلا انها جميلة جدا و شعبها تحسه
أوروبيين بس أفارقة في الروقان بتاعهم ده
عملتهم التيشا و ال يورو بيساوي ١٠٠ تيشا
دولة الرأس الاخضر هي الدولة رقم ١٢١ و بعدين ناوي اسافر كل دولة غرب افريقيا لو في حد هنا في غرب افريقيا أتشرف بيه جدا لان عارف ان فيه مصريين و لبنانيين و عرب عايشين في الدول الجميلة ده
39 - 2
كنت نزلت من كام يوم بوست عن نيو كالدونيا 🇳🇨 اللي هي اقليم فرنسي موجود ١٧ الف كيلو متر عن فرنسا 🇫🇷 في المحيط الهادي و ٣ الاف كيلو عن استراليا
بعد البوست بكام يوم بدات احدث غريبة جدا في البلد أصحابي الاتنين اللي في الصورة ( اللي شكلهم ابيض ) اتعرضوا لأحداث غريبة و مبقوش عارفين حتى يخرجوا برا البلد
ايه سر احداث الشغب و إرسال فرنسا مئات المجندين عبر القارات بنيو كالودنيا
في نيو كالدونيا نص الشعب تقريبا فرنسي زي اللي في الصورة على الشمال و اليمين النص التاني كاناك زي اللي في نص الصورة ..
الغريبة ان اي حد بيتولد بيكون معاه الباسبور الفرنسي و عندهم عملة فرنسا القديمة الفرانك الفرنسي
و مع ان البلد شكلها بسيط و لكنها غالية جدا و وجبة في مطعم متوسط تقريبا ١٥ -٢٠ دولار اللغة طبعا هي الفرنسي
و لو عايز تاخد فيزا ليها لازم تاخدها من سفارة فرنسا .. و كنت قولت انكو لو عملتوا فيها مشروع او اخدت اقامة فيها تبقى اخدت اقامة في فرنسا 🇫🇷
ايه اللي حصل و سبب الفوضى ؟
بمنتهى البساطة هو تغيير تشريعي في صلاحية الناس اللي عايشين بقالهم ١٠ سنوات في كالدونيا الجديدة بالتصويت الإقليمي … و ده اللي عارضوا الكاناك او السكان الأصليين و عليه اصبحت نوميا العاصمة ( منطقة حر B ) و اغلقت المطارات و الشوارع الرئيسية بسبب احداث الشغب و محدش عارف يطلع او يخرج …
الغريب ان قبل الأحدث بيومين أعلنت شركة طيران vanuta افلاسها و ده الوقت اللي صحابي اللي في الصورة كانوا في vanuta … طبعا vanuta اقرب دولة لكاليدونيا الجديدة و واضح ان الدول اللي في المحيط الهادي فيها تقلبات كبيرة اليومين دول
الرئيس الفرنسي زار كالدونيا الجديدة من كام يوم و في فرنسا هناك أصابع اتهام كتيرة للصين اللي بتحاول بشكل قوي تسيطر على الجزر اللي في المحيط الهادي اقتصاديا ( يعني كل محلات السوبر ماركت صينين و بيبيعوا بأسعار ثابتة )
ما هي أهمية كالدونيا الجديدة ؟
الجديدة ثالث أكبر منتج للنيكل في العالم المعدن الضروري لصناعة بطاريات السيارات الكهربائية
وكاليدونيا الجديدة لها حوالي 25% من النيكل العالمي المعروف فقط مساحة صغيرة من الأرض مناسبة للزراعة، ويمثل الغذاء حوالي 20 % من الواردات
أعلن وزير الداخلية الفرنسي جيرالد دارمانان تنفيذ "عملية كبيرة تضم أكثر من 600 دركي" الأحد في كاليدونيا الجديدة "لاستعادة" السيطرة على الطريق بين العاصمة نوميا ومطارها الدولي
صحابي النحس دول عايزهم يروحوا دولة بس مش هينفع اقول اسمها عشان الحساب عليه تحذيرات ( الدولة اللي متتسماش )
28 - 3
هل في مواقع تواصل اجتماعي خاصة بالسفر؟
الاجابه : نعم ... موقع Couchsurfing مش بس موقع تواصل اجتماعي عن السفر الموضوع أكبر من كدا بكيتر
موقع يخليك تسافر اي بلد في العالم و تلاقي اماكن تقيم فيها بدون مقابل .. ممكن تكون غرفة او ممكن كنبة او كرفان وممكن قصر و ممكن غزفةً في مستشفى ( عادي دول كلهم حصلوا معايا ) 😅
ازاي الطريقة ؟
بتعمل بروفايل و بتكتب فيه عن نفسك و اهم حاجة في الموقع الريفربنس مهم انك تستضيف ناس عشان يكتبوا عنك و يكون عندك تقييمات كتير بتديلك مصداقية و بتخلي الناس تثق فيك و يستضيفوك بعد كدا
هل الموقع مجانا ؟
الموقع مجانا و انا عمري مدفعت فيه بس في اوبشن انك تدفع و لما بتدفع بيكون اسهل ان الناس تثق فيك لان هي ده اهم حاجة في الموقع
هل ال Couchsurfing خطر ؟
طبعا عمري ما حصلي تجربة وحشة في حد استضافتوا او زرته و كنت عند واحد امريكي في صربيا مرة قالي انه استضاف ١٥٠ شخص ولا واحد حصل منه موقف وحش و انه كان بيحط فلوس ع الطرابيزة على طول فوق ال ٢٠٠ ورقة و بعد ما يمشي الجيست يعدهم و عمرهم ما نقصوا .. بس طبعا في تجارب سيئة سمعت عنها من ناس كتير اشهرها بيكون في تحرشات و نشل و ده طبيعي و ممكن يحصل في اي حته و بيكون من ناس معندهاش تقييمات كتير
ازاي ممكن ابدء الكاوتش سيرفينج ؟
انا بنصح الناس تبتدي بنفس الطريقة اللي ابتديتها بنفسي انهم يروحوا الاجتماعات اللي بتكون في مدينتك عشان تتعرف على ناس و تفهم اكتر عن الكاوتش سيرفينج
ايه فايدة الكاوتش سيرفينج و هل هو باي حد ؟
اولا الكاوتش سيرفينج مش لاي حد بس للناس المنفتحة و اللي عندها استعداد تاخد ريسك و بتحب المغامرات و التجارب المختلفة و بتحب انها تاخذ فكره عميقة عن البلد .. تخيل انك تسافر الهند مثلا و تصحى الصبح تلاقي نفسك في بيت عيلة هندية و بتفطر معاهم .. هي تجربة سفر متكاملة مفيش اي طريقة تقدر تعيش زي المحليين غير بطريقة السفر ده لان الكاوتش سيرفينج بيخليك تعيش جوا بيوت الناس ده
هل الكاوتش سيرفينج شغال و سهل تلاقي حد يستضيفك؟
طبعا لاغلب الناس مش سهل لان في ناس كتير مبتعرفش الطريقة و مبيفهموش يعني ايه كاوتش سيرفينج و بيبعتوا ريكوستات بطريقة غلط و بيبعتوا للناس الغلط عشان كدا لازم تحضر الاجتماعات و تفهم عن الموقع و تفهم ليه الناس بتحبه .. و لكن بالنسبالي بيكون سهل جدا تقريبا اي مدينة بسافرها بلاقي حد يستضفني و طبعا البروفايل بتاعي قوي كنت سفير مصر في الموقع ده في سنة ٢٠١٠ و كمان عندي تقريبا ٣٠٠ ريفرينس و بحب الكاوتش سيرفينج
ايه اغرب اماكن الناس استضافتني فيها ؟
مرة قعدت في مستشفى حكومي في بومباي كان طالب هندي اخر سنة ليه و ساكن هناك
و مرةً قعدت في قصر تمنه ١٠٠ الف جنية الليلة لوحدي ( بس طلع مسكون ) 😅
و اخيرا تجربة السفر لبابا نيو غينيا 🇵🇬 اللي في الصورة ده حيث كنا قاعدين في قرية في العاصمة بورتو مسيربي حيث يوجد عشاير مستوطنة في كل منطقة و قافلين على نفسهم اكثر دولة فيها مساحة الناس مستحوذين عليها في العالم ٩٧٪ و الحكومة عندها فقط ٣. ٪ غير انها اكثر دولة في العالم عندها عدد لغات و هي ٨٥٠ لغة و القرية اللي احنا فيها طبعا عندها اللغة بتاعتها
————-
في النهاية البوست ده للناس اللي عايزه تعرف الكاوتش سيرفينج و اللي هو زي ما وضحت مش لكل الناس لان لو انت شخصيتك مبتجيش السفر و الثقافات التانية هتلاقي صعوبة في الموقع ده لكن لو انت منفتح و بتحب الثقافات التانية اكيد هتستفيد من الموقع ده و هيغير حياتك زي ما غير حياة ناس كتير انا واحد منهم
الصورة ده في بابا نيو غينيا 🇵🇬 الدولة رقم ١١٦
20 - 6
الدولة اللي قفزت يوم من التاريخ : 🇼🇸 ساموا
الصورة ده فيها اكبر كنيسة في المحيط الهادي.. عادي مفيش مشكلة
السفينة اللي جمبها ده بقا هي السفينة الوحيدة اللي بتسافر عبر الزمن .. ازاي ؟
السفينة ده بتخدم ما بين جزيرتي الساموا .. الجزيرة اللي احنا فيها اسمها ساموا 🇼🇸 و الجزيرة اللي بتروحها اسمها ساموا الأمريكية .. مع ان المسافة بينهم اكتر من ١٠٠ كيلو متر بشوية الا ان التوقيت ما بينهم يفرق ٢٤ ساعة
في آخر سنة 2011، عملت دولة ساموا، اللي بتقع في جنوب المحيط الهادي، حاجة غريبة جدا! قررت الدولة دي، اللي عدد سكانها مش بيكمل 200 ألف حد، تتقدم يوم كامل في التاريخ.
ليه عملوا كده؟
كان السبب في القرار ده هو مكان ساموا شرق خط التاريخ الدولي. الخط ده، اللي بيمر على طول خط الطول 180 درجة، بيقسم الكرة الأرضية لنصين: نهار وليل. ساموا بتقع أقصى شرق الخط ده، فمعنى كده أنها متأخرة 24 ساعة كاملة عن جيرانها، زي أستراليا ونيوزيلندا.
التأخير ده كان بيسبب مشاكل اقتصادية لساموا، لأنها كانت بتضيع يومين من التداول التجاري كل أسبوع. ففي الوقت اللي جيرانها كانوا بيبدءوا أسبوع العمل يوم الاتنين، ساموا كانت لسه في يوم الأحد.
فهم عملوا إيه عشان يتقدموا يوم؟
عشان تحسن من وضعها الاقتصادي، قررت حكومة ساموا تنقل بلادها ناحية الغرب من خط التاريخ الدولي. وبتاريخ 29 ديسمبر 2011، نام أهل ساموا ليلة واحدة، وصحوا يوم 31 ديسمبر، مُتخطين يوم 30 ديسمبر خالص.
و بعدين حصل إيه؟
تغيير التاريخ ماكانش سهل خالص. فحكومة ساموا وضعت خطط دقيقة عشان تضمن إن كل حاجة تمشي كويس. شملت الخطط دي:
دفع رواتب الموظفين عن يوم 30 ديسمبر، على الرغم من أنه مش موجود.
إعفاء العملاء من دفع ثمن الخدمات اللي ما اتقدمش ليهم في 30 ديسمبر، زي إقامة الفنادق.
تغيير تواريخ كل المستندات الرسمية عشان تتوافق مع التاريخ الجديد.
نتيجة كده، مااتبقاش عند ساموا يوم 30 ديسمبر 2011. حَد ما اتولدش في اليوم ده، وما حصلش فيه أي أحداث تاريخية.
كان لقرار ساموا القفز يوم كامل تأثير إيجابي على اقتصادها. ساعدها القرار ده على تتوافق بشكل أفضل مع جيرانها من حيث ساعات العمل والتجارة. كمان جذب القرار ده انتباه العالم للدولة الصغيرة دي، وعزز من مكانتها على خريطة السياحة الدولية.
خلاصة الكلام
قصة ساموا قصة مُثيرة للاهتمام بتوضح كيف دولة صغيرة ممكن تُحدث تغيير كبير في حياتها بخطوة جريئة ومدروسة
من ساعتها اللي بيركب السفينة ده و يروح من جزيرة ساموا 🇼🇸 لساموا الامريكية ( اللي بتتبع لأمريكا )خلال ساعتين بيوصل بكرا و يرجع أمبارح
24 - 2
سافرت١٢٧ دولة: رحلة الألف يوم
مغامرة لاكتشاف الذات و مشاركتكم تجاربي
عشان تخرجوا من مناطق راحتكم،تكتشفوا جمال العالم،
و سحره و نتعرف على أنفسنا بشكل أفضل
127 down, 70 Adventures to go! The world
is a giant, beautiful puzzle
الحمدلله 🇨🇩 🇧🇮🇺🇬🇷🇼🇰🇪🇹🇿🇳🇵🇺🇾🇧🇴🇪🇨🇸🇻🇭🇳🇳🇮🇨🇷🇻🇪🇧🇿🇬🇹🇭🇹🇩🇴🇵🇦🇲🇹🇸🇰🇦🇹🇭🇺🇸🇮🇭🇷🇧🇦🇲🇪🇦🇱🇽🇰🇲🇰🇷🇸🇧🇬🇺🇦🇲🇩🇷🇴🇬🇷🇺🇸🇧🇷🇲🇽🇮🇹🇫🇷🇵🇱🇪🇸🇲🇦🇱🇧🇲🇾🇰🇼🇲🇴🇭🇰🇨🇿🇳🇱🇩🇪🇶🇦🇰🇷🇳🇴🇩🇰🇮🇳🇴🇲🇦🇪🇱🇾🇸🇦🇪🇹🇹🇭🇸🇬🇮🇩🇷🇺🇸🇪🇧🇪 🇰🇭🇧🇭🇹🇷🇵🇾🇵🇪🇯🇴🇨🇴🇨🇳🇦🇷🇻🇳🇨🇱🇨🇺🇯🇵🇪🇬 🇿🇦 🇿🇲 🇿🇼 🇧🇼 🇳🇦 🇲🇿 🇸🇿 🇻🇦 🇸🇲 🇲🇨 🇦🇩 🇵🇹 🇱🇺 🇱🇮 🇱🇹 🇱🇻 🇪🇪 🇫🇮 🏴 🇮🇪 🇱🇦 🇲🇲 i
5 languages ( Eng - Spa - Rus - Arabic - Thai)