Welcoem to posts!!

The Punjab Press
Posted 8 months ago

ਖਰੜ ਵਿਖੇ ਕੌਮੀ ਲੋਕ ਅਦਾਲਤ ਵਿਚ 1000 ਦੇ ਕਰੀਬ ਕੇਸਾਂ ਦਾ ਕੀਤਾ ਗਿਆ ਨਿਪਟਾਰਾ
ਖਰੜ,14 ਸਤੰਬਰ ( ਰਾਕੇਸ਼ ਭਾਰਦਵਾਜ )-ਖਰੜ ਦੇ ਜੂਡੀਸ਼ੀਅਲ ਕੰਪਲੈਕਸ ਵਿਚ ਅੱਜ ਕੌਮੀ ਲੋਕ ਅਦਾਲਤਾਂ ਲਗਾਈਆਂ ਗਈਆਂ। ਜਿਸ ਵਿਚ ਮਾਨਯੋਗ ਗੁਰਮਹਿਤਾਬ ਸਿੰਘ ਸਿਵਲ ਜੱਜ, ਮਾਨਯੋਗ ਗੀਤਾ ਰਾਣੀ ਸਿਵਲ ਜੱਜ, ਮਾਨਯੋਗ ਕਰੂਣ ਗਰਗ ਸਿਵਲ ਜੱਜ ਦੀ ਅਗਵਾਈ ਵਿਚ ਤਿੰਨ ਲੋਕ ਅਦਾਲਤਾਂ ਲਗਾਈਆਂ। ਇਨ੍ਹਾਂ ਅਦਾਲਤਾਂ ਵਿਚ ਐਡਵੋਕੇਟ ਯੋਗੇਸ਼ ਸ਼ਰਮਾ, ਐਡਵੋਕੇਟ ਗੁਰਜੋਤ ਸਿੰਘ, ਐਡਵੋਕੇਟ ਐਚ.ਐਸ.ਧਾਲੀਵਾਲ,ਸਮਾਜ ਸੇਵੀ ਅਸੋਕ ਸ਼ਰਮਾ, ਮਿਊਸਪਲ ਕੌਸਲਰ ਸਿਵਾਨੀ ਚੱਢਾ, ਮਿਊਸਪਲ ਕੌਸਲਰ ਰਾਮ ਸਰੂਪ ਬਤੌਰ ਮੈਂਬਰ ਸ਼ਾਮਲ ਹੋਏ। ਇਨ੍ਹਾਂ ਕੌਮੀ ਅਦਾਲਤਾਂ ਵਿਚ ਪ੍ਰੀਲਿਟੀਗੇਟਿਵ ਕੇਸ ਜਿਨ੍ਹਾਂ ਵਿਚ ਬੈਂਕ,ਬੀ.ਐਸ.ਐਨ.ਐਲ ਅਤੇ ਹੋਰ 800 ਕੇਸ ਤੇ ਸਿਵਲ, ਕਰੀਮੀਨਲ, ਟਰੈਫਿਕ ਚਲਾਨ 500 ਦੇ ਕਰੀਬ ਪੇਸ਼ ਹੋਏ। ਇਨ੍ਹਾਂ ਵਿਚੋਂ 1000 ਕੇਸਾਂ ਦਾ ਨਿਪਟਾਰਾ ਕੀਤਾ ਗਿਆ। ਇਨ੍ਹਾ ਕੇਸਾਂ ਤੋਂ 2 ਕਰੋੜ 23ਲੱਖ 89 ਹਜ਼ਾਰ 765 ਰੁਪਏ ਦੇ ਕਰੀਬ ਦਾ ਸੈਟਲਮੈਟਲ ਕੀਤਾ ਗਿਆ। ਇਸ ਸਬੰਧੀ ਬਾਰ ਐਸੋਸੀਏਸ਼ਨ ਖਰੜ ਦੇ ਪ੍ਰਧਾਨ ਦੀਪਕ ਸ਼ਰਮਾ, ਸਕੱਤਰ ਸ਼ਸਾਂਤ ਕੌਸ਼ਿਕ, ਜਸਵੀਰ ਸਿੰਘ ਰੰਗੀਲਾ, ਪੀ.ਕੇ.ਠਾਕੁਰ ਨੇ ਕਿਹਾ ਕਿ ਕੌਮੀ ਲੋਕ ਅਦਾਲਤ ਲੱਗਣ ਨਾਲ ਆਮ ਜਨਤਾ ਨੂੰ ਵੱਡੀ ਰਾਹਤ ਮਿਲਦੀ ਹੈ। ਜਿਸ ਨਾਲ ਕਈ ਕੇਸਾਂ ਦਾ ਨਿਪਟਾਰਾ ਮੌਕੇ ਤੇ ਹੀ ਹੋ ਜਾਂਦਾ ਹੈ ਅਤੇ ਲੋਕ ਅਦਾਲਤ ਵਿਚ ਕੀਤਾ ਫੈਸਲਾ ਕਿਸੇ ਹੋਰ ਅਦਾਲਤ ਵਿਚ ਚੈਲਿੰਜ਼ ਨਹੀ ਕੀਤਾ ਜਾ ਸਕਦਾ।

0 - 0