أستاذ دكتور/ ياسر النحاس

أستاذ دكتور/ ياسر النحاس
Posted 3 weeks ago

صورة مع الأخ الغالي الحاج عبد الرحمن بعد جراحة ترقييع الشرايين التاجية.

22 - 11

أستاذ دكتور/ ياسر النحاس
Posted 1 year ago

اثناء احد جراحات التدخل المحدود من فتحة جانبية

38 - 12

أستاذ دكتور/ ياسر النحاس
Posted 1 year ago

🔴جراحة القلب بالمنظار ⏬
معدش أمامك وسيلة غير الجراحة بعد ما استنفدت كل الطرق التانية؟😕
مضطر إليها لكن خايف منها ومن صعوبتها وتبعاتها؟
طب وإيه رأيك لما نتكلم عن الطرق التانية بعيداً عن عملية القلب المفتوح؟ 🤔 دلوقتي خلينا ناخد لفة حول جراحات القلب طفيفة التوغل أو جراحة القلب بالمنظار.

💠الطريقة دي أخف من الطرق اللي فاتت الخاصة بعملية القلب المفتوح، واللي كنا بنشق فيها الصدر من المنتصف عند عظمة القص بجرح حوال 16-20 سم وبعدها بنوقف القلب ونوصل الدورة الدموية بماكينة القلب والرئة الصناعية ونشتغل العملية.
(اه بالمناسبة أنا جهزت لكم مقال عن ماكينة القلب الصناعي، قريباً جداً هتلاقيه نازل على الموقع)

💠أما فيما يخص أنواع الجراحات طفيفة التوغل:
1️⃣عندنا أول نوع ممكن نشق فيه عظمة القص برده ونشتغل على الجزء المصاب من القلب، بس الفرق هنا عن عملية القلب المفتوح هو إن الجرح هنا بيكون أصغر، بيبلغ حوالي٦- ٨ سم فقط.

2️⃣عندنا النوع الثاني هو جراحة القلب بالمنظار من خلال فتحة جانبية صغيرة، وهنا بدل ما كنا بنشق الصدر زي الجراحات اللي فاتت، هنقطع جزء من العضلات ما بين ضلوع الصدر (جزء منها عند المنطقة اللي هنشتغل فيها)، وبعد ما العملية تنتهي نخيط العضلات والجرح وكله ببقى تمام.
ودي تفاصيل العملية كاملة 👇

yasserelnahas.org/جراحة-القلب-بالمنظار/

3️⃣في نوع تالت ألا وهو جراحة القلب الآلية
في النوع دا من الجراحة الجراح بيصنع الجراح 3 شقوق في أماكن مختلفة بين ضلوع الصدر من على الجانب ويبدأ من خلالها يدخل الأدوات ويشتغل.
اللي بيدخل الجسم هي الأذرع الآلية المتصلة بالأدوات الجراحية، وبيتحكم فيها الطبيب من الخارج.

دول كانوا الثلاث أنواع للجراحات طفيفة التوغل، واللي بتسمى أيضاً: جراحة القلب بالمنظار او الانسان الالي
هسيبك بقى مع مقال بتكلم بالتفصيل عن تقنيات إجراء جراحات القلب المفتوح ودواعي إجرائها 👇

yasserelnahas.org/انواع-جراحة-القلب/

💠طب ليه أتجه إلى جراحة القلب بالمنظار أو الجراحات طفيفة التوغل في العموم؟ واي اللي يميزها عن عملية القلب المفتوح؟🤔
✍️جراحة القلب بالمنظار لها مميزات عن عملية القلب المفتوح، وأولها ان الجروح اللي بيصنعها الجراح عشان يشتغل أصغر من الجروح في عملية القلب المفتوح؛ وبالتالي هنستفيد حاجتين: أولاً الجرح لما يلتئم هيعطي شكل جمالي أفضل بكتير، وثانيا الجرح هيلتئم أسرع، واللي شق عظمة مش زي اللي شق عضلة.

✍️كمان العملية هتكون أقل في الألم طبعاً، لأن مش هينفع نساوي ما بين جرح كبير وجرح صغير، وجرح شقينا فيه عظمة زي عظمة القص بجرح لم نشق فيه عظم خالص.

✍️ضيف على كدا ان المريض هيتعافى بشكل أسرع.

✍️بعد جراحة القلب بالمنظار أو الجراحات طفيفة التوغل المريض ممكن بعد مرور ٣ أسابيع يرجع لكتير من أنشطة حياته (لكن من غير ما يثقل على قلبه أو يضع عظام الصدر تحت مجهود) وفي خلال 5-8 أسابيع بيكون رجع لحياته بشكل طبيعي جداً.

✍️ضيف على كدا ان فرصة الإصابة بالعدوى أو النزيف بتكون أقل وبالتالي احتياجه لنقل الدم هيكون أقل.

💠طيب هل جراحة القلب بالمنظار والجراحات طفيفة التوغل تنفع لكل أمراض القلب؟
النوع اللي معانا من الجراحات بينفع لكتير من أمراض القلب، لكن قبل ما نتكلم عن الأمراض خلونا نعرف هل كل الناس تناسبهم العملية دي؟
تحديد ملائمة العملية للمريض دا أمر صعب تحديده بشكل عام، والأمر دا يرجع لرأي الطبيب المعالج وتقييمه للحالة الصحية العامة والمرض المصاب به المريض ودرجة تقدمه وعوامل الخطورة وخلافه من معايير إجراء الجراحة.

ولو هنتكلم عن الأمراض اللي ممكن نستخدم فيها التقنيات دي فهي:
ارتجاع الصمام الأورطي
ضيق الصمام الأورطي
ارتجاع الصمام الميترالي
ضيق الصمام الميترالي
إصلاح أو استبدال الصمام ثلاثي الشرفات
ثقب الحاجز الأذيني، واللي اتكلمنا عنه قبل كدا .
ترقيع الشرايين التاجية
استئصال أورام القلب
وغيرها من أمراض القلب وزراعة الأجهزة فيه وخلافه.

خد بالك برده اننا بعد العملية محتاجين ننتظم على أسلوب حياة صحي وسليم، فلو أنت مدخن وقف تدخين، لو الكوليسترول نسبته في دمك مرتفعة هتحتاج تروح للطبيب عشان تظبط النسبة، لو مصاب بضغط أو سكر لازم تستمر على العلاج، كمان حاول تحافظ على وزن مثالي وتمارس رياضة بانتظام حتى لو هتبقى مجرد مسافة بتمشيها يومياً.

ودي مجموعة إرشادات لك بعد العملية:
yasserelnahas.org/الحياة-بعد-عملية-القلب-المفتوح/

الحمية الصحية و الغذاء المتوازن لصحة القلب والجسم

دا كان خلاصة حديثنا عن جراحة القلب بالمنظار والجراحات طفيفة التوغل
دمتم سالمين 🤗

لو عايز تعرف أكتر عن بقية أمراض القلب وطرق العلاج المتاحة سواء كانت جراحية أو عمليات بالمنظار تقدر تشرفنا في الموقع الرسمي: الموقع الرسمي للدكتور ياسر النحاس أستاذ جراحة القلب المفتوح و جراحة القلب بالمنظار جامعة عين شمس .
🌍 yasserelnahas.org/
📲 01150009625

37 - 3

أستاذ دكتور/ ياسر النحاس
Posted 1 year ago

عدنا لكم مرة تانية وموضوع جديد ألا وهو: عملية القلب المفتوح 🎯
لحظة معايا هنا مش عايزك تتخض من الاسم😄، واحدة واحدة وهنعرف الدنيا كلها وإيه هي المشاكل المحتملة منها والبدائل المتاحة لها.

أحب أطمنك وأقول لك إن نسبة نجاح عملية القلب المفتوح في المتوسط 98%، ودا يخليك تتطمن قبل العملية وتكتسب الجرأة على أداء العملية، يعني من كل ألف مريض هيعملوا العملية في عشرين مريض فقط ممكن يتعرضوا لمضاعفات ما بعد العملية قد تكون بسيطة أو تكون خطيرة، في مقابل 980 مريض العملية هتنجح معاهم نجاح باهر.

تعالوا بقى عملية القلب المفتوح 📝👀
عملية القلب المفتوح اتسمت بالاسم دا لأن الطبيب بيشق صدر المريض من عند عظمة القص، وبيوصل الدورة الدموية بماكينة القلب والرئة الصناعية عشان يوقف القلب ويبدأ في العملية.

يعني يا دكتور التسمية دي مش علشان بنفتح القلب نفسه؟؟🤔
الإجابة عزيزي المريض هي لأ😊، لأن مش كل العمليات بنفتح فيها قلب المريض، ودا بيعتمد على نوع الجراحة والغرض منها، وتحب أقولك كمان! احنا مبنحركش القلب من مكانه، احنا بنشتغل عليه زي ما هو من غير أي تغيير.

عملية القلب المفتوح احنا بنجريها لأغراض متنوعة لعلاج مختلف أمراض القلب، ودي بتشمل:
أمراض الشرايين التاجية
أمراض صمامات القلب
تمدد الشريان الأورطي
إصلاح عيوب القلب الخلقية
استئصال أورام القلب
علاج اعتلال عضلة القلب
زراعة القلب

طبعاً قبل إجراء عملية القلب المفتوح الطبيب بيحتاج شوية فحوصات 🧪🧫 علشان يقيم حالتك الصحية ككل، وهل أنت محتاج العملية ولا لأ، ولو محتاجها فكم مقدار نسبة نجاحها بالنسبة إلى حالتك الصحية وخلافه. وأبرز الفحوصات دي هي أشعة الإيكو، والأشعة السينية على الصدر، وممكن يطلب منك كمان رسم قلب، أو فحوصات أخرى لو الطبيب شاف أنه محتاجها.

كذلك المريض لو بيتناول أي أدوية لازم يعرف الطبيب بها، وأبرز الأدوية اللي لازم المريض يوقفها قبل العملية هي أدوية السيولة، بالإضافة للأسبرين💊، ودا كنا اتكلمنا عنه بالتفصيل في المقال دا👇
yasserelnahas.org/الأدوية-بعد-عملية-القلب-المفتوح-…

طب وبالنسبة للأكل بقى؟! الأكل والشرب محتاج توقفهم الليلة اللي قبل العملية، ودا أسلم لك أنت كمريض علشان التخدير اللي هتاخده، كذلك برده لو أنت مدخن فالأفضل وقف التدخين.
ودي شوية نصائح حلوة ابقى بص عليها هي كمان

yasserelnahas.org/نصائح-قبل-عملية-القلب-المفتوح/
توكلنا على الله وهندخل العمليات😃
طبعاً أول حاجة هتتعمل هي تعقيم المكان اللي هيتم من خلاله شق الصدر، ولو في شعر في المنطقة دي بيتم حلقه، كذلك بيتم تجهيز الأجهزة المرتبطة بالعملية زي المونيتور اللي بيتابع علامات المريض الحيوية، وكذلك تركيب المحاليل الوريدية اللازمة وغيرهم من المتطلبات.

نيمنا المريض خلاص، طب دلوقتي إي العمل؟!🛌
الطبيب لما بييجي يشق الصدر، بياخد قطع قرابة 15-20 سم في الصدر، ومن خلاله بيفتح القفص الصدري ونقدر نباشر العمل على القلب وهو في مكانه، بس طبعاً ما ننساش؛ هنوقف القلب ونوصل الدورة الدموية بماكينة القلب والرئة الصناعية (وقريباً جداً هنزلكم مقال عنها بالتفصيل على الموقع).
دلوقتي خلاص لم يتبق سوى إن الجراح يعالج المشكلة اللي أجرى عشانها العملية.

عالجناها خلاص! يبقى دلوقتي نرجع نوصل الدورة الدموية تاني بالقلب؛ وعادة هو بيرجع ينبض لوحده، طب ولو مرجعش؟ بنديه صدمة كهربية بسيطة عشان يرجع تاني والأمور بتبقى تمام.💓
وخلاص بنقفل الجرح وكل حاجة بقت تمام.

الحكاية اللي فاتت دي بتستغرق حوال 4-6 ساعات، بعدها هتفوق من تأثير البنج، هتلاقي نفسك في العناية المركزة أول فترة بعد العملية لحد ما حالتك الصحية تستقر، وفي خلال يوم 36-48 ساعة في المعتاد هتخرج من العناية المركزة، وتقعد بعد كده حوالي ٤ أيام في الغرفة العادية، وبعدها تخرج بالسلامة وترجع على البيت.
وكدا احنا عرفنا متى يفيق المريض بعد عملية القلب المفتوح.

بس لحظة واحدة، الحكاية ما خلصتش على كدا يا صديقي
عملية القلب المفتوح من العمليات الكبرى، واللي محتاجه منك اهتمام بعد العملية لحد ما جسمك يتعافى من آثارها و اهم حاجة المشي و التمارين البسيطة.

في شوية بس مشاكل صغيرة هتقعد معاك فترة بعد العملية:
يعني شوية إمساك على وجع في عضلات الصدر، مع حبة فقدان شهية على تقلبات مزاجية، مش بعيد كمان تعاني من شوية أرق، وطبعاً هيكون في ألم وشوية تورم مكان الجرح.
في ناس بتواجه صعوبة في التنفس خلال أول كام يوم بعد العملية، دا احتمال وارد بس لو استمر كتير أو كان شديد متنساش تكلم الدكتور.

طبعاً في مضاعفات عملية القلب المفتوح، ودي زيها وزي أي جراحة، والمخاطر دي بتزيد في ظل وجود أمراض تانية زي أمراض الرئة أو التدخين أو السكري أو الكبار أوي في السن وغيره، والمضاعفات دي أنا لمتها لك في مقال مجمع عشان متلفش كتير، تقدر تقرأها من هنا 👇
yasserelnahas.org/المضاعفات-و-الاعراض-و-بعض-شكاوي-…

علشان تتعافى تماماً من آثار العملية فأنت هتستغرق حوالي 3 شهور، 👇وهنا أنا كلمت عن طبيعة تلك المرحلة وازاي تتصرف فيها

yasserelnahas.org/الحياة-بعد-عملية-القلب-المفتوح/
طيب لو أنا مش عايز أعمل عملية القلب المفتوح، هل فيه حل تاني؟؟
لحسن الحظ نعم في بدائل، بس طبعاً مش كل الحالات بينفع فيها الحلول البديلة، ودا بيرجع لتقييم الطبيب لحالتك الصحية وحجم المشكلة اللي عندك ووقتها يطرح عليك الطبيب الخيارات المتاحة.

الحلول دي يطلق عليها العمليات محدودة التدخل، وفي الحالات دي بستخدم تقنيات متنوعة تشتمل على القسطرة القلبية واستخدام مناظير القلب، وهنا مبنحتجش نشق الصدر بالكامل، بنقتصر فقط على إجراء فتحات صغيرة، زي العمليات اللي بنعمل فيها شق جانبي طوله 5سم فقط.
التقنيات دي تتميز بسهولتها وسرعة التعافي منها، وكذلك هي أقل ألماً، والتئام الجرح فيها بيكون أسرع.

وفي المقال دا أنا لميت لك انواع جراحة القلب المختلفة وبدائل عملية القلب المفتوح👇

yasserelnahas.org/انواع-جراحة-القلب/

في نوع آخر من العمليات اسمه جراحة القلب النابض، الفكرة هنا إننا مبنوقفش القلب ولا نستعمل ماكينة القلب والرئة الصناعية، وهنا منقدرش نطلق عليها جراحة قلب مفتوح مع إننا بنشق الصدر برده، ودا عشان ما استعملناش الماكينة الخارجية، والتقنية دي بتستخدم في ترقيع الشرايين التاجية فقط، وهسيب لك المقال بتاعه هنا 👇

yasserelnahas.org/جراحة-القلب-النابض/

لو عايز تعرف أكتر عن بقية أمراض القلب عموماً وخاصة صمامات القلب وطرق العلاج المتاحة سواء كانت جراحية أو عمليات بالمنظار تقدر تشرفنا في الموقع الرسمي: الموقع الرسمي للدكتور ياسر النحاس أستاذ جراحة القلب المفتوح و جراحة القلب بالمنظار جامعة عين شمس
yasserelnahas.org/
📲01150009625