Psixologiya Elmi-Tədqiqat İnstitutu:
Psixologiya Elmi-Tədqiqat İnstitutu Azərbaycanda psixologiya elminin inkişafına təkan vermək, dünya standartlarına uyğun psixoloji elmi-tədqiqat işləri, yerli psixoloji statistik məlumatların işlənilməsi, elmi psixoloji ekspertizaların təşkili və həyata keçirilməsi, psixologiya sahəsində kadr hazırlığının keyfiyyətinin yüksəldilməsi, cəmiyyətə peşəkar psixoloji xidmətin göstərilməsi məqsədilə yaradılmışdır.
Geniş struktura malik Psixologiya Elmi-Tədqiqat İnstitutu həmçinin zəngin elmi kitabxananı oxucularına təqdim edir. Hansı ki, burada yerli və xarici dillərdə müxtəlif sahələr və mövzular üzrə yazılmış kitablar, elmi və bədii əsərlər, elmi psixologiya jurnalı, konfrans, konqres, simpozium, seminar materialları, dərsliklər, metodik vəsaitlər, elmi işlər, dissertasiyalar yer almışdır.