Welcoem to posts!!

in the future - u will be able to do some more stuff here,,,!! like pat catgirl- i mean um yeah... for now u can only see others's posts :c

Aziz Shahid Official
Posted 2 years ago

مَیڈے وَس ہووے میں وَس پوواں..
تیڈے پندھ چُماں، تیڈے پیر چُماں،

تیڈے راہ دی دُھوڑ دَھمال چُماں -
تیڈے نین چُماں ، کونین چُماں،

وِچ وسدی مُونجھ ملال چُماں -
تیڈے رنگ چُماں،تیڈی ونگ چُماں

تیڈیں پَلکیں دی پَنڑِیال چُماں -
چُم ڈیکھاں سِیندھ سَیندور بھری،

تیڈے سر دا ہک ہک وال چُماں -
میڈے وَس ہووے میں وَس پوواں،

تیکوں بَنڑ کے "باکروال" چُماں-
مَیڈی لُوں لُوں لُہندی لَمس تیڈا،

نَس نَس دے ڈیوے بال چُماں -
مَیڈی لُوں لُوں لَکھ لَکھ لَب ھُوون،
بے اَنت لَباں دے نال چُماں ---

عزیز شاہد

18 - 1

Aziz Shahid Official
Posted 2 years ago

🌺🍃🍀🌹
کرشن مہاراج دی الوہی بانسری دی `لے
رادھا دی روح دا رقص
میرا دی سدا سہاگنڑ سک
بھگت کبیر دی تانڑیں دی توں توں
ماروی دے وینڑ
بھٹائ دی بھاگ بھری 'بھوم
سچل سر مست دی مستی
غالب دی طلسماتی شاعری دے پیچ خم
بلھے شاہ دی دھمال
شاہ حسین دی نمانڑتا
لطف علی دے ملوک سلوک
تسی سسی دی کوک
فرید دا سوز گداز
اشو لال دیاں جیونڑ جوگ جاتراں اے سارے جیندے جاگدے رنگ
میڈے من کوں
اپنڑ_یں وحدت دی جاگ لیندن
تاں اندروں
سرمی دے 'پھل وانگوں
تیڈا روپ نسر آندے

ع ش

2 - 0

Aziz Shahid Official
Posted 2 years ago

🌺🍃🍀🌹
یاعلیؑ ! حسنینؑ دا بابا علیؑ
"سَدّرتہ الّثقلین" سردا سئیں علیؑ

خاک توں اَفلاک تئٰں چرچے تیݙے
یاعلیؑ مِٹیاں تیں کینویں پئیں علیؑ

یاعلیؑ ہَر رُوپ وچ توں ہَئیں علیؑ
یاعلیؑ تیݙے سوا کَئی نئیں علی
ؑ
یاعلیؑ والیں موالیں دا علیؑ
یاعلیؑ سِکدے سوالیں دا علیؑ

یاعلیؑ تیݙی تاں اَپݨی اول ہے
اَپݨے دَر تیں اَئیں دا آدُر یاعلیؑ
فِی سَبیلِ اللہِ اُنظُر یَا عَلِیؑ

ع ش

2 - 0

Aziz Shahid Official
Posted 2 years ago

غزل
نہ خواب نہ کئی سراب اپنی نظر دیوچ اے
مگر اونویں قافلہ ہنجوں دا سفر دیوچ اے

سُتیاں سُتیاں اوندے سر دیاں سِینداں خیال وچ ہن
سجاک ہک کہکشاں میڈی رہ گزر دیوچ اے

میں چھان ماری ہے ریت اپنے بدن دے تھل دی
پتہ نئیں وچھڑیاں پچھانواں کیڑھے نگر دیوچ اے

اجاں تاں ہُن جاگدا ودے شام دا ستارہ
اجاں تاں تاریک رات پہلے پہر دیوچ اے

صبا کوں آکھو نہ نکلے حالی او گھر دے بارھو
اجاں تونڑیں لیر لیر پاگل شَھَر دیوچ اے

اے شربتی شربتی زبان زہر زہر لہجہ
معاف کر ڈے خطا وی آخر بشر دیوچ اے

اے میڈے یارو نہ ڈیو کنارے دی موت میکوں
نہ چھیڑو میکوں میڈی حیاتی بھنور دیوچ اے

جڈاں دی شاہد رُٹھی میڈی سنجان میں توں
تڈاں دے میڈے متھے دی بھنوری بھنور دیوچ اے

عزیز شاہد
(1972)

8 - 0

Aziz Shahid Official
Posted 2 years ago

اپنڑے لعل۔۔۔فرخ عزیز نال

32 - 4

Aziz Shahid Official
Posted 2 years ago

نہ رنگ ، روپ نہ رخسار ، لب تماشہ ہے
اصل فقیریں دی اپنڑیں طلب تماشہ ہے

اونکوں گولیسیں نہ ملسی ، نہ گول مل پوسی
تماش بین طلب دا عجب تماشہ ہے

ھکے شجر دیاں شبیہاں لڑی ، پھلی ، شجرے
اے ذات پات ، لقب ، ناں نسب تماشہ ہے

او ساکوں میلہ ڈکھیندے نچا کے انگلیں تیں
ول ایں وی اھدے جو نہ ڈیکھ سب تماشہ ہے

عجیب دور ہے شاھد عجب تماشہ ہے
جو ذرے جیڈی زمیں ، کئ ارب تماشہ ہے

عزیز شاہد

10 - 2