Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
حبيباتييييي رانا اللولييين فالتوندووونس!! شكراا شكرااا شكرااا ليييكم!!! رانا جيش جبااار يا محاينكم فتنا الوصفات الافلام البرامج عاشور !! رانا اللولييين يا خالتواتي ❤️❤️❤️
نحبكم من قلبي و ربي يفرحكم كيما دايمن تفرحوني
4.5K - 392
سلام حبيباتي نتمنى تكونو بخيييير شويا هكدا نحطلكم فيديو منذ مدة طوييييلة و انا نسسنا نحطهااااااا و تقدر نقول انها اجمل فيديو ليا في قناتي نتمنى تنال اعجابكم نحبكم بزااااف
بقاتلها نصف ساعة و تتحط نلقاكم هنا؟؟؟ هههههههه؟؟
3.6K - 120
حبيباتي نتمنى تكونو بخييير...راني كملت تخطيط الفيديو الجاية و بقاولي بعض المقاطع نكملهم ليوم و غدوة على حساب طاقتي...لي متابعين الانستغرام علابالهم بلي حالتي الصحية راهي شوية شوية هاد اليامات...ان شاء الله جوز الفترة الصعبة و نحكيلكم كلش انما ماتتقلقوش خاطاش ماكاين حتى حاجة تخوف...توحشتكم بزاااف بزاااف صدقوني و انني نبقا فالفراش دايمن امر زاد تعبني كثر و كثر فحبيت نخدم و نلتي روحي كيما كنت بما انو الامر ينحيلي على خاطري و يفرحني
ربي يحفظكم لياااااا ان شاء الله ادعولي برك هاد الفترة ما طولش و جوزني تم تم 😢
نحبكم
3K - 406
اسسمحولي ا حمووودة والله ما عندي انترنت في داري 😢
2021 سنة سعيييدة
عندي غير موبيليس و يمشيلي فيها غير انستغرام و فايسبوك محال طلعلي فيديو فاليوتوب
2.4K - 280
أجمل هدية و أول واحدة لبنتييي إذا رزقني بيها ربي ان شاااااااء الله !!!
والله لا أدري علاش بصح حسييييت إحساس هااايل و وليت نضحك وحدي وحدي كي شفتهم و نمس فيهم و نعااااود حقيقة كل ما يتعلق بتلك المخلوقات الصغيرة جمييييل
ربي يرزقنااا كاااامل و يفرحنا ب بيبيات هايلين و صغيورين و صالحين يا رب قولوا آميييين لعلها ساعة استجاااابة حبيباتي
أنا بالنسبة ليا والله راهو حللللم ما تتصوروووش شحال راني حاباتو يتحقق ❤️
شكراااااا : @f_creation_oficiel_
حبوباتي مارانيش حااامل بصح الهدايا تاع هاد اليامات راهم يفولو بالخير ههههههه
تحريض جميل هههه
6K - 568
ادعولهم تعيشو
8.7K - 1.8K
صباح الخير حبيباتي نتمى تكونوا بخييير
حبوبات وجدت باش نحطلكم فيديو هاد الجمعة و صورت بزاف منها فالأخير كاين بزاف حاجات مازال مالحقونيش بالتالي ماكاش قاع كيفاه نديرهم بلا بيها...فواش رايكم نديرو سواء طرق ترتيب و ربح المساحة في بيت صغير...و لا ندير الفيديو لي دااايمن يقولولي ديريها لي هي الكوسميتيك و الماكياج لي تديه العروس بالتفصيل ولا اقتارحو اي حاجة حابينها باش ماتزيدتش نتعطل من فضلكم...
نحبكممممم و سامحوني على الغياب و الله الرواية كي لحقتني خلطتلي قاااع البرنامج
3.8K - 463
حبيباتيييييي بالنسبة للأشخاص لي دارو طلب على الرواية عندي فالانستغرام ولا فالفايسبوك ولا في صفحة دار النشر و ما لحقناش نجاوبوهم خدمنا هاد le formulaire
تعمرو فيه برك معلوماتكم لي حبيتو و أنا موراها نتصل بيكم جميلاتي وحدة وحدة نكونفيرميو لا كوموند و منها نسمع صوتكم الجميل ههههه
تعمرو معلوماتكم في هاد الرابط حبوباتي
forms.gle/w2jZbA6VcsBJkZVx8
2K - 140
في مدة عام و ثلاثة أشهر...
ا 400 ألف جرعة حب و جمال في قناتي على اليوتوب
يا ربي احفظ و استر و فرح كل وحدة فيهم كيما هي فرحتني و افتحلها بيبان الخير و البركة كيما هي فتحتهملي بالمتابعة ديالها
نحبكم بكلللل صدق
و ربي يقدرني ندير أكثر و نفرحكم و نرجعلكم خيركم و لو شويااااا
4.9K - 392
لو تصفحنا سير الناجحين من حولنا لوجدنا أن لكل واحد منهم قصة حبلى بالمعاناة رافقته مطولا وساهمت في تحقيق ذلك النصر الكبير.
الاخفاقات وقود ودافع للمثابرة و الاجنحة التي لا ترفرف لا تطير أبدا ، فمن أراد أن يمخر عباب السماء فعليه أن يتحمل الالم الذي سيحمله للأعلى و أينما أراد...
كذلك كانت قصتي....
و الحمد لله الذي تتم بنعمته الصالحات..فرحتي اليوم لا توصف و سأستدعي هبة الصغيرة لتحتفل معي بما استطعنا إنجازه مع بعض في سنوات كثيرة أين انطلقت هي بقاعدة القصة و انتهيت أنا بنشرها كاملة .
( اللوحة ) عنوان عزيز على قلبي و كلمة أعتبرها من أكبر الإنجازات في حياتي و التي أثبتت لي بأنه لا شيئ مستحيل ما دامت شعلة الإرادة تنير قلبي باستمرار و من دون توقف .
و الآن سأخاطبكم بكل عفوية لأروي القصة كاملة ...
الرواية هادي كتبتها بقلبي ماشي بعقلي...الشخصيات ديالها مثلوا و وصلوا فيها واش عجزت تماما انني نوصلوا من رسائل للعالم..القصة هادي كانت أول شي في راسي على شكل لقطات فيلم ، كنت نشوفوا قدامي...نحس بالأحداث و نسمع الموسيقى ديالو و في كل مرة نزيد نحط فيه أفكار جديدة..
كان الحلم ديالي أنني يوما ما نكون المخرجة تاع هاد الفيلم...نصوروا بأحدث التقنيات و نجعل منو واحد من أجمل قصص الحب ( الحزينة ) في العالم ...أنني نتنقل إلى كوريا الجنوبية و نصور قاع واش وصفت فالرواية..نخير الممثلة تماما بجمال ملامح اماني لي تخيلتها و نوصل المعاناة و الحزن و الفرحة و الصبر و كل الأحاسيس لي حسيتهم انا للمشاهد فيبكي في مشهد حزين و يبتسم حين تبتسم أماني و هكذا يكون فيلم ( the painting ) ...( le tableau )...أو ( اللوحة ) .
حاولت و فشلت في العديد من المرات...تيقنت فالأخير بلي للأسف راني في بلد مايشجعش على هاد النوع من الأفكار لي تقدر تلحق الشباب للعالمية فلازم نخير ما بين زوج حاجات....يا ننسا الفكرة و نتنازل عن الحلم ...أو أن أجد طريقا آخر نلحق بيه وين حبيت...
يوما ما كنت قاعدة ندور فالفايس بوك و فجأة خرجلي إعلان عن مسابقة أجمل رواية نظمتها دار النشر تاع الجزائر تقرأ...
و لتم قلت بالاك هادي هي الفرصة لي مالازمش نفوتها خاصة أنني نحب الكتابة منذ صغري...صح المشهد و انت تشوفوا ماشي كيما المشهد و انت تقراه لكن راح نوصف قدر المستطاع و نوضع للقارئ جميع المشاهد وسط أعينه .
بديت نكتب الرواية و شدتلي أشهر و انا نكتب فيها!! شاركت في المسابقة و تم قبولها مع 288 رواية أخرى و لكنها للأسف ماداتش اللقب..
بصح هاداك اليوم لم أحزن..بالعكس اعتبرت إنتهائي من كتابتها بحد ذاته لقب كبييير و شرعت في تغيير الكثير من الأمور بها باش نشرع في محاولة أخرى...
فكرت في شرائح المجتمع...و تفاوت المستويات الثقافية و حبيت انو روايتي تكون كيما الفيلم لي يشوفوه جميع أفراد العائلة من الصغير إلى الكبير ، فجعلت الأسلوب ديالها يقدر يقراه أي شخص مهما كان عمرو ولا المستوى ديالو فيقراها لي حياتو كاملة كتب و مطالعة و يقراها بسهولة لي ولا مرة في حياتو قرا كتاب من قبل .
حطيت داخلها عناوين مقاطع موسيقية و وصفت إحساس الشخصيات في كل موقف سواء ألم ...أو لمسة حب على البشرة ...أو غير ذلك..
شبعت قصة الحب تلك بالأحداث و خليتها في نفس الوقت تعالج الكثير من القضايا رانا نعيشوها .
ملاحظة : عشاق الكوريين و ( bts ) و الافلام ديالهم ...القصة رايحة تعجبكم بزاف ههههه فأغلب الأحداث يدورو في كوريا الجنوبية..و درتلكم جولة في هاد البلد داخلها
نولو للموضوع...حبيت في كل مرة تقرا حاجة تبقا تسسنا واش رايح يصرا و ما خليت حتى فراغ يجعلنا نملوا من قرائتها .
الرواية فيها الضحك كيما فيها البكاء..فيها الحزن و فيها الفرح...فيها الرقص فيها الرسم فيها الصلاة فيها الإحتفالات و فيها الجنائز و كل ما يمر به الإنسان في حياته...
الرواية كبيرة الحجم تحتوي على 300صفحة حبيت تخلينا نتثقفوا في العديد من المجالات سواء في الدين أو الجغرافيا أو الفن أو غير ذلك فوضعت بها الكثير من المعلومات بعد بحوث عديدة .
اليوم راح نوضعها و أخيرا بين يديكم حبيباتي و راح تتمكن عيونكم الجميلة من قراءة أسطرها و هادي هي اللحظة لي حياتي كاااملة و انا نسسنا فيها و الحمد لللله .
فعلتها و سأفعل المزيد بإذن الله
اليوم أكبر نصر أتى بفضل الله ثم بفضل والداي اللذان لم يتركا شيئا و لا كتابا و لا قصة إلا اشترياها لي فصرت بذلك تلك الفتاة التي طمحت لتأليف قصتها الخاصة اليوم.
شكر خاااص و كبير لصديقتي الحبيبة التي شجعتني منذ أول يوم كتبت فيه الرواية إلى غاية خاتمتها .
شكرا لزوجي الحبيب على وقوفه بجانبي في جميع مراحل تحقيق هذا الحلم و لم يترك لي عائقا يعرقل وصولي إليه لا ماديا و لا غير ذلك ...شكر كبير لأفراد عائلتي و لعائلة زوجي و لجميع من آمن بقدراتي .
و أكبر شكر اليوم يوجه ليكم انتوما متابعاتيييي أخواتي سندي و أكبر مجموعة شجعتني و النجاح هذا مهدى ليكم انتم و فقط
ربي ينجحكم و يفرحكم و أرجو أن يعجبكم عملي البسيط و أن تصلكم أحاسيسه الجميلة كاملة لقلوبكم يا رب ❤️
9.5K - 1.1K
Instagram : the_a_family_dz
Facebook : the A Family dz
نرحب بالجميع في قناتنا
للمراسلات الإعلانية تواصلوا معنا هنا :
business mail : procontactfamily9@gmail.com