"Mere Zakhmon Ki Awaz"
_"Dard ke geet hai jo chupchaap dhadkanon ke saath gunjte hain. Yeh kahani hai un jazbaton ki, jo na zubaan se keh paaye gaye aur na hi kisi ne samajhne ki koshish ki. Mere zakhmon ki awaz sirf ek awaaz nahi, ek jazba hai – ek pukaar jo rooh ke kone kone se ubhar rahi hai. Har lafz ek dard ka aaina hai, aur har khamoshi ek chhupi hui cheekh.
Yeh un raaton ki dastaan hai jo andheron mein rote guzri hain, aur un umeedon ki jo kabhi roshan na ho sakin. Yeh ek manzar hai zakhmon ka, jo na dikhte hain, na bharte hain, magar har pal mehsoos hote hain.
‘Mere Zakhmon Ki Awaz’ ek aisi kahani hai jo har us insaan ke liye hai jinhone khud se baatein ki hain, dil ke zakhmon ko seh kar apne aap ko sambhala hai. Yeh safar hai jazbaat ka, jo dard ke modon se guzar kar shifa ki talaash karta hai."_