Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
අපේ ක්‍රිකට්වලට දැන් ඕනි මෙන්න මේ වගේ යකාටවත් බය නැති නායකයෙක්.
- විශ්ම ලෝකය -
#ArjunaRanatunga #worldcup1996 #wishmalokaya Wishma Lokaya Cricket #SLCricket
573 - 4
චමින්ද වාස් පාකිස්තාන ආරම්භක පිතිකරුවන්ට මැජික් පෙන්නූ හැටි
1997 වසරේ දී පාකිස්ථානු කණ්ඩායම සහ ශ්‍රී ලංකා කණ්ඩායම අතර තරග දෙකකින් සමන්විත ටෙස්ට් තරගාවලියක් පැවැත්වුණා.
එම තරගාවලියේ දී පාකිස්ථානු ආරම්භක පිතිකරු යුගලය ලෙසින් කටයුතු කළේ රමීස් රාජා සහ සලීම් එලාහි යන පිතිකරුවන් දෙදෙනා යි.
කොළඹ ආර් ප්‍රේමදාස පිටියේ පැවති පළමු ටෙස්ට් තරගයේ දී මුලින්ම පන්දුවට පහරදුන් ශ්‍රී ලංකා කණ්ඩායම ලකුණු 330ක් ලබාගත්තේ හෂාන් ලබාගත් අගනා ලකුණු 103 නිසා යි.
ඉන් පසුව සිය පළමු ඉනිම ක්‍රීඩා කළ පාකිස්ථානු කණ්ඩායමේ පළමු කඩුල්ල ලෙස සලීම් එලාහි දැවීගියේ වාස් යැවූ පළමු පන්දුවාරයේ මුල්ම පන්දුවේ දී කඩුල්ල මුවාකිරීමේ වරදට හසුවීමෙන්.
ඒ අනුව වාස්ගේ මනරම් පන්දු යැවීම නිසා පාකිස්ථානු ලකුණු පුවරුව 0/1 බවට පත් වුණා. එදා පාකිස්ථානු ආරම්භය අසාර්ථක වුණත් ඉජාස් ලබාගත් අගනා ලකුණු 113 නිසා ඔවුන්ගේ පළමු ඉනිම ලකුණු 378දී නිමාව දුටුවා.
ඉන් පසුව සිය දෙවන ඉනිම ක්‍රීඩා කළ ශ්‍රී ලංකා කණ්ඩායම තරගය නිමාවන තුරු පන්දුවට පහරදුන් නිසා වාස්ට නැවතත් පන්දු යැවීමට අවස්ථාවක් ලැබුණේ නැහැ.
එම තරගාවලිය යටතේ සිංහල ක්‍රීඩා සමාජ පිටියේ දී පැවති දෙවන ටෙස්ට් තරගයේ දී මුලින්ම පන්දුවට පහරදුන් ශ්‍රී ලංකා කණ්ඩායම පළමු ඉනිම වෙනුවෙන් ලකුණු 331ක් ලබාගත්තා. එහි දී ශ්‍රී ලංකා ඉනිම වර්ණවත් කළ අරවින්ද නොදැවී ලකුණු 138ක් ලබාගත්තා.
ඉන් අනතුරුව සිය පළමු ඉනිම ආරම්භ කළ පාකිස්ථානු කණ්ඩායමේ පළමු කඩුල්ල ලෙස සලීම් එලාහි දැවීගියේ වාස් යැවූ පළමු පන්දුවාරයේ සිව්වන පන්දුවේදී යි. ඒ අනුව එම ඉනිමේදී ත් පළමු පන්දුවාරය ඇතුළත පාකිස්ථානු ලකුණු පුවරුව දිස් වුණේ 0/1 ලෙස යි.
එදා සිංහල ක්‍රීඩා සමාජ පිටියේ දී පාකිස්ථානුවන් ලකුණු 83කට කඩුලු 4ක් දැවී අසරණව සිටි අවස්ථාවේ මොයින් ඛාන් ලබාගත් සටන්කාමී ලකුණු 98 නිසා අවසානයේ දී ඔවුන්ගේ පළමු ඉනිම වෙනුවෙන් ලකුණු 292ක් ලබාගැනීමට හැකිවුණා.
ලකුණු 39ක් ඉදිරියෙන් සිට සිය දෙවන ඉනිම ආරම්භ කළ ශ්‍රී ලංකා කණ්ඩායම වෙනුවෙන් ජයසූරිය ලබාගත් ලකුණු 113ත් අරවින්ද පන්දු 99කින් නොදැවී ලබාගත් ලකුණු 103ත් නිසා ශ්‍රී ලංකා ලකුණු පුවරුව 386/4 ලෙසින් දිස්වුණා. එම අවස්ථාවේ දී ඉනිම අත්හිටවූ ශ්‍රි ලංකා කණ්ඩායම පාකිස්ථානුවන්ට ලකුණු 426ක දැවැන්ත ඉලක්කයක් ලබාදුන්නා. එදා අරවින්ද ද සිල්වා ටෙස්ට් තරගයක ඉනිම් 2දී ම නොදැවී ශතක ලබාගත් ලොව මුල්ම සහ එකම පිතිකරුවා ලෙසින් ඉතිහාසගත වුණා.
එම ඉලක්කය හඹායාමට පිටියට පිවිසි පාකිස්ථානු ආරම්භක පිතිකරුවන්ට එවරත් වාස්ට මුහුණදීමට සිදුවුණා. අවස්ථා දෙකකදී ම එලාහි පළමු පන්දුවාරයේ දී වාස් හමුවේ දැවීගිය නිසා නායක රමීස් රාජා එම ඉනිමේ දී වාස්ට මුහුණදීමට තීරණය කළා.
නමුත් එදා වාස්ගේ රිද්මය බිඳ දැමීමට අපොහොසත් වුණු රාජා වාස් යැවූ පළමු පන්දුවාරයේ සිව්වන පන්දුවේ දී කළුවිතාරණ අතට උඩපන්දුවක් ලබ දී දැවීගියේ නැවතත් පාකිස්ථානු ලකුණු පුවරුව 0/1 බවට පත්කරමින්.
ඒ අනුව එම තරගාවලියේ පාකිස්ථානුවන් පහරදුන් ඉනිම් 3දී ම ඔවුන්ගේ ආරම්භක සබඳතාවය ලකුණු 0කට සීමා වුණේ වාස් පාකිස්ථානු ආරම්භක පිතිකරුවන්ට මැජික් පෙන්නූ නිසායි.
#worldcup2023 #wishmalokaya #wishmalokayacricket #ChamindaVaas
391 - 2
1996 ලෝක කුසලානයෙන්
1996 විල්ස් ක්‍රිකට් ලෝක කුසලාන තරගාවලියේ මූලික වටය යටතේ පැවති ඉන්දු-ශ්‍රී ලංකා තරගයේ දී ශ්‍රී ලංකා කණ්ඩායමට ජයග්‍රහණය සඳහා ලකුණු 272ක දැවැන්ත ඉලක්කයක් හඹායාමට සිදු වුණා.
එම ලකුණු 272ක ඉලක්කය හඹායාමට පිටියට යාමට පෙර ශ්‍රී ලංකා පුහුණුකරු ඩේව් වට්මෝර් සනා සහ කළූ යුගලය අමතා මෙසේ පවසා සිටියා.
“ඇත්තමට මේ ඉලක්කය වෙත යන්න අපට අමාරු යි. ඒ හින්ද දළ ලකුණු වේගය රඳවා ගන්න ප්‍රමාණවත් තරම් ලකුණු ප්‍රමාණයක් ලබාගැනීමට උත්සාහ කරමු”
වට්මෝර් එසේ පැවසීමත් සමග සිය කටහඬ අවදි කළ මහානාම පවසා සිටියේ, “නෑ, අපි මේ ගාන එළවල ගිහින් කොහොමහරි තරගය දිනනවා” යන්න යි.
ඇත්තටම එදා වට්මෝර්ට අපේ ක්‍රීඩකයන්ගේ කටින් අසාගැනීමට ඕනෑ වුණේත් අන්න ඒ වචන පෙළ යි. එදා අපේ ක්‍රීඩකයන් ක්‍රිකට් ක්‍රීඩා කළේ දැඩි ආත්ම විශ්වාසයකින් කියන එක තහවුරු කරන්න ඉහත කතාව හොඳටම ප්‍රමාණවත්.
ඒ විදිහට මහානාම කියපු කතාවෙන් තව තවත් ධෛර්යමත් වුණු ජයසූරිය වේගවත් ලකුණු 79ක් ලබාගනිමින් ලබා දුන් ආරම්භයත්, හෂාන් සහ අර්ජුන ගොඩනැගූ නොබිඳුනු ලකුණු 131ක සබඳතාවයත් නිසා අවසානයේ දී ශ්‍රී ලංකාවට කඩුලු 6ක ජයක් හිමි වුණා.
අද අපි ඉන්දියාවට ගිහින් අමාරුවේ වැටුණත් එදා අපි ඉන්දියාවට ගිහින් ඉන්දියාවටම දුවන්න ගැහුවෙ මෙන්න මෙහෙමයි
ඡායාරූපය- හෂාන් සහ අර්ජුන තරගය ජයග්‍රහණය කිරීමෙන් පසුව ක්‍රීඩාගාරය වෙත පැමිණි අවස්ථාව
- විශ්ම ලෝකය -
#ArjunaRanatunga #AravindaDeSilva #worldcup #wishmalokaya
810 - 9
කොච්චර පැරදුනත් අවසාන ලකුණෙදි හරි සියල්ල වෙනස් වෙයි කියල බලගෙන ඉන්න තරම් අපි ක්‍රිකට් වලට ආදරෙයි බං.
- විශ්ම ලෝකය -
#wishmalokaya #trendingnow #KusalJanithPerera #pathumnissanka
594 - 25
කුමාර් සංගක්කාර සුප්‍රකට මාලිබෝන් ක්‍රිකට් සමාජයේ ඉහළම තනතුරකට
ජාත්‍යන්තර ක්‍රිකට් නීති සම්පාදනය කරන එංගලන්තයේ මාලිබෝන් ක්‍රිකට් සමාජයේ ලෝක ක්‍රිකට් කමිටුව 2006 වසරේ අප්‍රේල් මාසයේ දී ස්ථාපිත කළා.
එම කමිටුවට පැවරී ඇති ප්‍රධානතම වගකීම වන්නේ ක්‍රිකට් ක්‍රීඩාවේ පවතින ප්‍රශ්න සාකච්ඡා කොට ඒවාට විසඳුම් ලබාදීමයි.
ජාත්‍යන්තර ක්‍රිකට් කවුන්සිලය සහ එයට අයත් රටවල්වලට අනුපූරක ආයතනයක් ලෙස ක්‍රියා කරන මාලිබෝන් ක්‍රිකට් සමාජයේ ලෝක ක්‍රිකට් කමිටුව වසරකට දෙවරක් රැස් වෙනවා.
ඒ අයුරින් ක්‍රිකට් ක්‍රීඩාවේ ආචාරධර්ම ආරක්ෂා කිරීමට සැලකිය යුතු තරම් සේවයක් කරන මෙම කමිටුවේ සභාපති තනතුර ශ්‍රී ලංකාවෙන් බිහිවුණු සුපිරි ක්‍රිකට් තරුවක් වන කුමාර් සංගක්කාරට පසුගිය දිනක හිමි වුණා.
සංගක්කාරගේ සහභාගිත්වයෙන් ක්‍රියාත්මක වන එම කමිටුවට කුමාර් ධර්මසේන, ඔයින් මෝගන්, රමීස් රාජා, සව්රව් ගංගුලී, ජස්ටින් ලැංගර්, ග්‍රැහැම් ස්මිත්, ක්ලෙයාර් කොනර්, සුසී බේට්ස්, ජූලාන් ගෝස්වාමි හෙදර් නයිට්, රිකී ස්කෙරිට් යන සාමාජිකයන් අයත්.
මාලිබෝන් ක්‍රිකට් සමාජ ඉතිහාසයේ ලෝක ක්‍රිකට් කමිටු සභාපති තනතුරට පත් වුණු මුල්ම බ්‍රිතාන්‍ය සම්භවයක් නොමැති පුද්ගලයා වන්නේ සංගක්කාරයි.
2012 වසරේ දී මුල්ම වරට මාලිබෝන් ක්‍රිකට් සමාජයේ සාමාජිකත්වය ලබාගත් සංගක්කාර 2019-2021 කාල සමය තුළ මාලිබෝන් ක්‍රිකට් සමාජයේ සභාපතිවරයා වශයෙන් ද කටයුතු කළා.
- විශ්ම ලෝකය Cricket -
#KumarSangakkara #SLCricket #cricket #wishmalokaya
822 - 8
පුදුම සතුටක් !!! ලංකාව ඔසවා තැබූ සිංහයන්ට ජාතියේ ආචාරය
2.7K - 19