Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
شجااي يصيير؟ ؟!
اللهم برداً وسلاماً على العراق والعراقيين 😭🤲💔
13 - 0
برأيكم شكد عمر رابيا سويتورك ( ايكيم )؟! 🙂
اني توقعت عمرهة 20 بس الصدمة طلعت اكثر 😂💔
من هذا الفيديو 👇 راح تعرفون الحقيقة 😂🙂💞 :
youtube.com/shorts/iBHq1tCZJV8?feature=share
وشاركوا الفيديو مع اصدقائكم 🙂🤍
ضغطوا عالصورة وشوفوهة كاملة 👇💞
6 - 0
حبايبي روحوا شوفوا ايكيم وكانات يجربون الفلتر الخاص بالمسلسل 😭👇💞 :
youtube.com/shorts/PPPSvNvhLfQ?feature=share
#مسلسل_اسمعني #Duy_beni
10 - 0
مساء الخير☕
منو بيكم متابع #مسلسل_اسمعني (#Duy_beni ) التركي؟ !
اكو فيديو بالطريق راح ينزل على المسلسل جميع كواليس
المسلسل .. فتحظروا اذا انتوا من متابعينه!🔥❣️
واذا ما متابعيه فاا شاركوه ل اصدقائكم الي متابعين
المسلسل .. صدگوني يفووتكم 💯🙅♀️🔥
اضغطوا ع الصور وشوفوهن كاملات 👇💣
تعديل : نزل الفيديو بعد عناء دام ثلاث مائة سنة 🙂💔
وهذا الرابط 👇والما يشوفه اموتة 😂😁 ع التعب الشفته 😭💔 :
https://youtu.be/mnPPu3AWRa8
8 - 8
نجحت .. ماكو مبروك 🙂؟!
9 - 2
طلاب الثالث متوسط : گووم سويلنة امتحان
الوزير: ما عدنة اسئلة 😂😂😂😂😂😂🤦♀️
صدكجذب شوكت نمتحن ونخلص 🤦♀️🙂💔
25 - 0
وتت ذا هيلل وصلنة
1.002.000 مشاهدة 😳🥳
هذا بفضل توفيق ربي وبفضلكم ثانيا وبفضل تعبي اخيرا 😫💙
شكرا
13 - 0
مرحبا
طبعا حبايب بعد 6 آلاف فقط وندخل المليون مشاهدة بالقناة 🤠🤯
ف شنو .. شاركوا الفيديوهات حته نوصل ب اسرع وقت
يله همتكم ✊ .. احنه كدهة برو 😎💪
12 - 0
مرحبا 💙 قصة [من وحي الخيال 👽]
الجزء الثاني والاخير .. قراءةممتعة
*الجزء الاول موجود بالقناة بالمنتدى تلكوها اذا بعدكم ما قاريهة 🙂💜
..........................................................................
صرت امشي بالربع ساعة ولگيت سوبرماركت مكسور الباب مالته دخلت علة كيف وتفقدت المكان ما بي شي الحمد لله واني جاي اعبي الاغراض بالجنطة سمعت طگطگة وبخوف صحت منو هنا وسحبت اقسام ورجعت خطوة لورة وما احس الة ظهري طخ بشي درت وچهي لگيت بنية رافعة اديهة لفوگ وتگول:لا تكتتتلني عفييية اررريد اعييش.
اني نزلت السلاح وگتلهة:لا تخافين ما راح اسوليج شي، بس ليش انتي وحدج ترة العالم صار خطر ووين اهلج راحو.
نور: اني جنت عايشة بس وية امي وابوي وو!!
عبد الرحمن: وشنو صار؟
نور: وماتو اكلتهم الفضائيين (گامت تبچي)
عبد الرحمن: لا تبچين عل الاقل تدرين شنو صار باهلج (ودنگت راسي)
نور: ليش انتة وين اهلك؟
عبد الرحمن: سافرو قبل الحادثة بيومين وصار23 يوم ما ادري عن اخبارهم شي
نور: ان شاء الله يكونون بخير وتلتقي بيهم
عبد الرحمن: اشكرج
الصارحة انقهرت عليهة يعني هي هم بنية وهم ما عدهة سلاح وهم وحدهة اني ولد وعندي اسلاح واگول باي ساعة اموت.
عبد الرحمن: زين اني راح اساعدج تعاي وياي ائمن الج لأن عني سلاح والاتحاد قوة
نور:والله يا ريت لأن الصراحة اني كلش خايفة وحدي
طلعنة من السوبر ماركت وضلينة نمشي لمدة 3ساعات وطول الطريق احنة نتعرف علة بعض وسألتهة علة اسمهة طلع اسمهة نور جنة نريد نروح لمكان اكثر امان او نلتقي بناس مثلنة ونتحد وياهم
(بعد يومين)
بالليل گعد نمشي بهيمة ما ادري وين وظلمة اني لازم السلاح وامشي ونور لازمة الگلوب اليدوي وتمشي وراي واحنة جاي نمشي سمعنا صوت اثار اقدام
عبدالرحمن: نور لا تتحركين
ما احس اله تجيني طلقة براسي وطحت بالگاع ونور ضلت تبچي وتصرخ:ساعدونة اكو واحد هنا ساعدونة
عبدالرحمن: دديري باالج علله نفسسچ
(وفارق الحياة💔🙊)
(القاتل ليس معروف لأن كانت السماء مضلمة)
(قبل 6سنين)
صادق:عبدالرحمن عبدالرحمن
عبدالرحمن: هاا
صادق: وين شارد دگ الجرس يله خل نرجع لهلنة
عبدالرحمن: جنت اتخيل العراق صار بخير وتكنولوجيا وحتة راحو للفضاء وهجمو الفضائيين ع الارض و...
صادق:يمعود مستحيل يصير العراق بخير والاحزاب موجودة دشوف هسة هذه منظر شارع 😒كلة خيس لو هذة منظر مدرسة 😏
عبدالرحمن: مهما كان الوضع الي احنة عايشين بي احمد الله واشكره حتة لو كان وضعك مو زين لأن رب العالمين دائما يختار لعبده الشي الزين وهذة مو يعني نسكت عن حقنة ومندافع عن انفسنه لا اندافع بس نحمد الله على كل شي احنة بي
صادق:الصراحةقنعتني 😅 ابو لسان
عبدالرحمن:شبيك لتضرب
صادق:اضربك ونص اني اكبر منك
عبدالرحمن: اكبر مني بشگد بله 🙁
صادق: بشهر و3 ايام😂
عبدالرحمن: لا ولله
صادق:وداعت عبدالله
عبدالرحمن: ههههههههه😂
صادق:ههههههههههه 😁
---------------------------------------------------------------------------
تأليف : مارال
كتابة : هم مارال
مراجعة : ماكو غير مارال 🙂💔
اكتبوا بالتعليقات رأيكم بالقصة؟! وشنو جنتوا تتوقعون الاحداث؟!
حطو لايك لأن كلش تعبت بيهة 👌😩💜
شاركوا القصة وي اصدقائكم 🙂🤎
28 - 20
القصة [من وحي الخيال 👽]
كنت اتفرج في التلفاز على النشرة الاخبارية وكانت عيناي مليأتان بالفرح والسعادة بعد ان سمعت مذيب الاخبار يقول:عاجل! عادت المركبة الفضائية التي اطلقت من بغداد قبل6 اشهر ومعهم كائن فضائي صغير وجدوه وحيدا على الكوكب الاحمر (المريخ) فاصتادوه واحضروه معهم الى كوكب الارض والان كل العلماء والشركات والمتاحف العالمية تريد شراء هذا الكائن الصغير ويعد هذا الحدث من اهم الاحداث حول العالم وسوف يسجله التأريخ في سجله
---------------------------------------------------------------------------
اني فرحت هواي من هذا الخبر وصرت افتخر ببلدي لأن هوه الي سوة هذا الانجاز ومن غير شي اني من چنت زغير جنت اشوف بالافلام الفضائيين وجنت اگول معقوله همة حقيقيين وجان حلم طفولتي ولحد الآن هو انو اشوفهم بالحقيقة واخير راح يتحقق حلمي، وشفت هاذ الكائن من خلال التلفزيون بالمباشر ومسوين اجتماع بيه العلماء ورؤساء الشركات والمتاحف من كل انحاء العالم وجانو عارضينه بقفص ومسوين مزاد ياهو اليدفع اكثر هو الياخذه والصراحة اني انقهرت عليه لأن هو زغير وجاي ايبعونه واذا يشترونه العلماء يجوز يجمدونه او يشرحوه او يسون عليه تجارب، جان شكله مثل البشر يعني عنده ايدين ورجلين وراس بس ما عنده شعر وجلده لون اخضر، ومر على الموضوع شهر والحمد لله اشترته المتاحف يعني مراح يسوله شي بس راح يعرضونه للناس.
بعد اسبوعين
نايم اني واسمع صوت مال رياح قوي بشكل مو طبيعي بس اني جنت نعسان فگلت عادي هسة احنة بالشتاء عادي يجوز جاي تمطر وحاولت ارجع انام بس مگدرت كتلي الفضول كلت بله خل اگوم اشوف شصاير بره طلعت للطرمة انصدمت من الي شفته😰 اكو شي مو واضح مغشي علة الشمس بس مو غيوم والدنيه شبه ضلمة وبس اني بالبيت لأن اهلي گبل يومين سافرو ل ايطاليا واني مسافرت وياهم لأن قربت الامتحانات واريد اقرة زين المهم شفت السمة هيج گبل ركضت للتلفزيون وطلعت الاخبار بس طلعت شاشة سودة وماكو اشارة نوب ركضت عالمبايل ردت اتصل علة صديقي او اي شخص حتة استفسر من الي ديصير بس ماكو نت انگطع ورصيد ما عندي والحمد لله صديقي هو دگ علي عالرصيد وفتحت الخط
اني: الو الو وينك
باقر: الو وياك موجود
اني: الو جاي تسمعني اني مجاي اسمعك
باقر:الو وينك ؟ ليش انگطع الصوت
انتهت المكالمة واني كلشي مفتهمت الصوت جان كلش مو واضح بالبدايه وبعدين اصلا انگطع الصوت واني كاعد عله فراشي وميت من الخوف والصوت ديقرب اكثر واكثر واني ايست من كل شي ورحت لبيت جيرانة گلت بلكت يعرفون شي طلعت بالشارع واني حته وجهي ما مغسله وبرمودتي وباوعت للسمة صارت لونها اكثر غمق والشمس ما مبينه ومن انو هسه ب2 الضهر كل يوم بهاذ الوقت الشمس تصمط صمط المهم ركضت على باب بيت جيرانه وصرت ادگ حيل ومحد فتحلي والصوت ديقرب اكثر ومن الخوف صرت اصرخ: افتحو الباب عفية افتححووو! واني ادگ بالباب حيل وگعدت بالباب ابجي واصرخ افتحو الباب اني عبد الرحمن فدوة فتحوو! وما احس اله انفتح الباب واني گمت علة حيلي ومسحت دموعي وطلع صادق ابن جيرانة ودخلاني جوة
اني: صادق شنو الي ديصير بس فهمي؟ اني كل شي مدافتهم
صادق: والله حتة اني واهلي راح نتخبل مجاي نفتهم اي شي بس راح نضل بالبيت واعتقد راح تصير نهاية العالم فا انته هم ابقة بالبيت
اني: يا ستار يا ربي 😳🥺 زين ليش خليتني ادگ بالباب ليش مفتحتلي الباب؟
صادق:والله غير الصراحة خفنة بس من سمعتك تگول عبد الرحمن گبل فتحلتلك
اني: زين عندك نت اريد اتصل علة اهلي؟
صادق:لا ولله انگطع النت ما ادري ليش 🤷♂️
اني: حته اني انگطع عندي يعني مو بس اني الناس كلهة راح اتخبل اني! يله لازم اروح للبيت ديرو بالكم عله نفسكم
صادق:انته هم دير باك علة نفسك واذا احتاجيت شي اتواصل وياي من المنور (الترك)لأن قريب علة بيتنة
اني: اوك مشكور
(ملاحظة: هاي الاحداث كله والصوت بعده موجود)
طلعنة بالطرمة الصوت طرش اذانة وحجة وياي بصوت عالي حتة اسمعه وكال: بسرعة اركض لبيتكم ولتنسه الي كتلك عليه كتله خوش وركضت لبيتنة ودخلت بسرعة لأن اذاني صارت توجعني واول ما دخلت سددت البوب وگعدت بالصالة وصرت افكر شنو اسوي وتذكرت كلام صادق من گال نهاية العالم فااني اتذكرت اصلا اني ممصلي گمت اتوضيت وصليت وصرت ادعي واني ابجي بحرگة: يا رب خلصني من الي اني بي،لأن يا جماعة الشعور الي اشعر بي الله ليراويه لحد ان شاء الله يعني تحس نفسك وحيد ونهاية العالم وراح تموت واهلك مو يمك وتسمع اصوات غريبة وما تدري شنو جاي يصير شعور كلش صعب خلصت صلاة وباوعت عالساعة لگيتها 3:35 الضهر انصدمت لن اني مماكل ولا شارب مي من البارحة معقولة من الخوف فقدت الشعور بالجوع والعطش واتجهت للثلاجة لگيتهة كلهة معلبات اهلي مشتريهن لأن يدرون بيه ما اعرف اطبخ بس اني ما احب المعلبات فااا طلعت بس مي ومن الخوف والرهبة والتعب شربت 3بطالة مي ودورت بجرارات الكاونتر ولگيت اندوميات وبسكت وطلعت البسكت واكلته ورأستا اختفى الصوت واني خفت وصرت افكر انو لازم احضر نفسي لأي شي يواجهني دخلت لغرفة امي وابوي ولزمت صورتهم وصرت ابجي واگول وين رحتو وعفتوني وحدي وهنا تذكرت وگلت ابوي ضابط لازم يكون عنده اسلاح احتياطي دورت بالكنتور وطشرت الملابس وما لگيت اي شي وباوعت فوگ الكنتور اكو جنطة سفر نزلتها وفتحتها ولگيت بداخلهة مسدس فرحت هواي واخذتة ورحت لغرفة اخوي الزغير گلت بلكت الگه شي يفيدني صرت ادور بالكنتور والجرارات وملگيت شي باوعت جوة الجرباية لگيت سلة جبيرة بيهة هواي العاب وشفت وي هاي الالعاب هواتف لا سلكية ثنين هنة لايلون بس يشتغلن گبل طخت براسي سالفة الترك ورحت للترك وشمرت علة الشباك مالهم العاب اخوي حتة صادق يسمع الصوت ويطلع وره شوي انفتح الشباك وطلع صادق گلي ها محتاج شي گتلة لا بس هذن لگيتهن بغرفة اخوي يشغلن گلت نتواصل بيهن ما طول ما عدنة نت ولا تغطية وگلي خوش حچي بس لا تشمره لأن يطيح وينكسر وربط سلة بحبل ونزلهة الي وحطيتة بيهة وصعداهة اله.وضلينة عله هل حال لمدة اسبوعين والسمة صار لونه شبه اسود بالنهار وبالليل كل شي مينشاف حتة القمر
(بعد اسبوع)
صارلي 3اسابيع محبوس بلبيت ولحد الان مجاي افتهم شي بس الي اعرفة لازم ابقة بالبيت واني صارلي يومين ما نايم بسب الي صار
(قبل يومين)
هسه ب1بالليل نعست ورحت لغرفتي حتة انام بس سمعت طگطگة جاية من المطبخ رحت حتة اشوف واخذت وياي المسدس وباوعت من الشباك مال مطبخ والي شفتة صدمني بشكل مو طبيعي بحيث اغمة علي وطحت بالگاع وصحصحت واني راسي يوجعني باوعت عالساعة لگيتها ب4الفجر يعني صارلي اكثر من 4ساعات مغمى علي واول ما صحيت لگيت البيت كله مكركب والمطبخ صاير هوسة والثلاجة مفتوحة وفارغة وهي جان بيهة اكل يعني اكو شخص دخل للبيت من اني انغميت لزمت المسدس وصرت امشي علة كيف وكل خطوة اخطيهة گلبي يوگف وياهة دخلت لكل الغرف وما لگيت اي شخص ورجعت للمطبخ والي شفتة صدمني بزيادة وسديت باب المطبخ وركضت عل جهاز لا سلكي
اني: صادق وينك الحگ
صادق: يا ستار شصاير
اني: گبل 4ساعات ردت اروح انام وسمعت طگطگة جاية من المطبخ وباوعت للطرمة من الشباك شفت!
صادق: شنو شفت
اني: صادق جاي اسمع نفس الطگطگة جاية من فوگ بعدين احچي وياك
اخذت سلاحي وياي وصعدت للطابق الثاني ولگيت شخص ما اعرفه لازم بيده الاكل وبيده الثانية سلاح ولزمت عليه السلاح وگتله منو انتة وشتريد هو من شافني لازم عليه السلاح عباله راح اكتله فاا رمه علي وصوبني برجلي واني طحت وهو نزل جوة وشرد ورة شوي اجة صادق سمعت صوتة جوة يصيح عبد الرحمن وينك انتة صرت اصيح باعلى صوتي صادق اني فوگ تعالي اجاني وگلي: شنو الي ديصير شنو الي شفتة بالطرمة ليش هيج البيت منو صوبك؟
اني: الي شفتة بالطرمة هو كائن فضائي
صادق: وانتة شمدريك؟
اني: لأن يشبه الي صادتة المركبة الفضائية بس علة شكل اكبر
صادق: جاي تفكر مثل ما جاي افكر؟
اني:ممكن يكون الكائن الفضائي السبب بكل شي ديصير
صادق: بالضبط
اني: هسة شنو راح تعوفني عالگاع نزلني جوة
صادق: اسف والله نسيتك
ونزلاني جوة وجان اكو قميص بالگاع شگاه ولف رجلي بيه
اني: يمعود هاي شسويت تدري هاذ من يا ماركة
صادق: صدگ تحجي هسة دخل نعيش بالاول واني اجيبلك احسن الماركات
اني: اگلگ هسة هاي الطلقة منو يطلعهة
صادق: لحسن حضك بالكلية العسكرية علموني الاسعافات الاولية واذا واحد انصاب شلون نعالجه.
ورة ما طلع الرصاصة (متت من الوجع) گال:يلا هسة احچيلي شنو صار بالتفصيل
اني:لبارحة نعست وردت انام بس سمعت طگطگة ورحت حتة اشوف وشفت من الشباك الكائن الفضائي ومن الصدمة اغمة علي 4ساعات وره ما گعدت لگيت البيت كله مكركب والمطبخ غراضه مطشرة يعني اكو شخص دخل للبيت ودورت بالبيت ماكو اي شخص ورجعت للمطبخ والي شفتة بالطرمة هو الكائن الفضائي مكتول ورأستا خابرت عليك واني داحچي وياك سمعت صوت من فوگ صعدت ولگيت شخص گتله منو انتة وشتريد اشو هاذ رمة علي وشرد وانتة اجيت.
(حاليا)
الجرح صارله يومين يأذيني كلش وكل يوم يجيني صادق يضمدة ويعقمه الي ويروح وهم هو يجيبلي اكل ومي لأن مثل متدرون الرجال فرغ الثلاجة وراح 😂حتة الادوية ومعجون الاسنان خضاهن 😂 هو صادق گلي تعال لبيتنه شعندك باقي وحدك هناك ادير بالي عليك بس اني مقبلت لأن هو واهله بالبيت يعني مو وحدة لو وحدة جان قبلت وخطيه هو ممقصر كلساع يجيني هسة الساعة ب3 الضهر نعست واني صارلي يومين منايم فاا نمت نومة اهل الكهف تخيلو گعدت ثاني يوم الصبح ب7 حته اني انصدمت من نفسي وگعدت ميت من الجوع وخلص الاكل الي عندي صرت احچي وي صادق بل لاسلكي: الو صادق وينك دتسمعني الو وينك الوووو؟ وميرد علي گلت خاف ميسمعني فاا گمت بكل طاقة عندي ورحت للترك وشمرت عل شباك حصوة وشمرت مرة ثانية وثالثة ورابعة وخامسة وسادسة (دكاافيي)وماكو اي فائدة رجعت دخلت للبيت گلت خاف صاير عليه شي رحت للحمام لگيت ماسحة كسرتهة بحيث صارت العصة وحد والي تمسح وحد اخذت العصة حتة اتچي عليهة لأن ما اگدر امشي واخذت المسدس وياي طلعت للطرمة لگيت الكائن الفضائية الميت ملتم عليه الدود والدم يعني المنظر كلش مقزز والجو جان كلش بارد يعني هم شتة وهم الشمس ما طالعة صارلهة 23 يوم طلعت من البيت واتجهت لبيت صادق وباب الشارع جان مفتوح وانصدمت من المنظر الي شفته بالطرمة مالتهم كائن فضائي جاي ياكل برجل صادق وهو عالگاع وجاي ينزف هواي واني من الخوف غمضت عيوني وصرت ارمي عالفضائي واصلا بحياتي كلهة ما رامي وفتحت عيوني ولگيت الفضائي ميت وصادق ضال بي اخر نفس ركضت عليه وشگيت قميصي ولفيته على رجله وصرت ابچي واگله لا تعوفني وحدي واخر جملة گالهة وهو ينگطع نفسة وره كل كلمة : دير بالك علة نفسك.اني گمت اصرخ بأعلى صوت: لاااااااا لاتعوفني وحدي. ودموعي فاضن تقريبا ظليت علة هل حال نصف ساعة وراهة مسحت دموعي وگمت دخلت للبيت لگيت بس بقاية اهلة رجل هنا وايد هنا يعني منظر ما يتحمله اي واحد رحت لمطبخهم حته همه اكلهم مخلص رجعت لبيتي وقررت انو اطلع من هاي المدينة لأن صارت بخطر دخلت لغرفتي طلعت جنطة ام الشيالات مالتي من جنت بالاعدادية اخذته وحطيت بيها ملابس ورحت لغرفة امي وابوي وحطيت صورتهم بالجنطة ودورت بالخانة مالت ابوي لگيت طلق حطيتهن بالجنطة ولبست قمصلة وكلاو وحذاء ولبست الجنطة ومن جاي اطلع لگيت بالمطبخ ادويتي ويمهن گلوب يدوي هم اخذتهن وياي وطلعت من البيت ولازم بيدي المسدس وجاي ادور علة اقرب سوبرماركت صرت امشي بالربع ساعة ولگيت سوبرماركت مكسور الباب مالته دخلت علة كيف وتفقدت المكان ما بي شي الحمد لله واني جاي اعبي الاغراض بالجنطة سمعت طگطگة وبخوف صحت منو هنا وسحبت اقسام ورجعت خطوة لورة وما احس الة ظهري طخ بشي درت وچهي ...
انتضروا الجزء الثاني سويتة جزئين لأن مكفت المشاركة
حط لايك👍
15 - 2
هااي
انا خلقت من طين لكن أنا لست مثلهم .. لن أقول إني مثالية ، فأنا لدي اخطاء في حياتي .. لكن الذي جعل مني انسانة واعية هو محاولة إصلاح تلك الأخطاء .. وان لم تصلح ف أحاول عدم تكرارها 🎭 ..
اسمي مارال
رسامة 🎨(في الطريق إلى الاحتراف )
كاتبة قصص🪄 (منزلة وحدة من قصصي بالقناة )
أما في اليوتيوب .. انا لست منتقدة، بل كاشفة ل حقائق بعض الكاذبين في السوشل ميديا
تركت اليوتيوب لفترة بسبب الدراسة .. وسوف ارجع في العطلة ان شاء الله 💙