Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
السلام عليكم
ان شاء الله تكونو لاباس
اسمحولي غبت عليكم كنت شوي مريضة ، بصح ضرك والله ماقدرت نسجل ، قلبي واجعني على وش راه صاري في فلسطين، حسبنا الله و نعم الوكيل، ادعيولهم ربي ينصرهم 😥😥
304 - 54
اول قصة من كتابي حاجيتك ماجيتك، مترجمة الى اللهجة الجزائرية حصريا على قناتي على الساعة التاسعة ليلا
كونو في الموعد 😍
210 - 17
حكاية اليوم, قصة واقعية جد مؤلمة
انتظروني على الساعة 21.00 بتوقيت الجزائر
121 - 8
السلام عليكم و رحمة الله تعالى و بركاته
عدنا بعد طول غياب انتظروني مساء في فيديو جديد
128 - 17
سلام لبنات، لي حابة تشري قندورة للعيد ولا لأي مناسبة، ادخلو لهاذ الصفحة عندهم قنادر هبال و يوصلو لكامل الولايات
m.facebook.com/story.php?story_fbid=pfbid02Qbti7h9…
82 - 13
السلام عليكم ، ان شاء الله تكونو لاباس، اسمحولي على الغياب، راني مشغولة هاذ الايامات عليها مانردش على التعليقات.
و على القصة راني الليلة ان شاء الله نحطلكم الحلقة الاخيرة من حكايات لونجة.
146 - 17
السلام عليكم ، واش حوالكم ، ان شاء الله كامل تكونو لاباس.
المنشور تاع اليوم علابالي مش راح يعجبكم و صدقوني حتى انا نكره هاذ النوع من المنشورات ، بصح تحتمت نكتبهولكم، و مدامكم جزء من هاذي القناة لازم نخبركم.
شوفو لافاطو لي حطيتهالكم لتحت، و شوفو عدد المشاهدات الكارثي للفيديوات.
بانتلكم عادي؟ علابالكم راني مشوكية، ملي حليت القناة جامي هبطولي المشاهدات هكذا.
يعني انا نتعب و ندي من وقت بناتي و داري، و حتى كي نعود مريضة، عوض اني نروح نرتاح نولي نسجل و ندير فالمونتاج و مبعد فاللخر مكانش المشاهدات مكانش ليجام ، وااالو.
مالا الوقت هذاك ندير فيه حاجة تفيدني خير! و مع العلم حتى الارباح راني في شهور ماهزيتش باش تكونو علابالكم بلي مانيش رابحة من هاذ القناة حتى حاجة غير التعب.
اسمحولي بصح والله المورال راه زيرو ، مانقدرش نكمل هكذا.
راني راح نكمللكم حكايات لونجة و نشوف اذا ماطلعوش المشاهدات راح نحبس اليوتيوب.
تصبحون على واقع اجمل ❤️
224 - 60
السلام عليكم ، ان شاء الله تكونو لاباس.
علابالي طولت، بصح باينة جبت الجديد و جيت، هذاوين الكاتبة نادية بلمكي بعثتلي الجزء الثالث من حكاية لونجة بنت الغول، راني فرحانة و حبيتكم تفرحو معايا.
استناولي فالحلقة الاولى غدوى ان شاء الله 🥰
263 - 24
صح عيدكم و كل عام وانتم بألف خير، أعاده الله علينا و عليكم بالخير و اليمن و البركات ، و تقبل الله منا و منكم صالح الاعمال ❤️.
هاذ اليومين راح نرجعلكم بقوة ان شاء الله ، انتظروني 😍
203 - 27
السلام عليكم ورحمة الله تعالى و بركاته..
نتمنى تكونو كامل لاباس و بصحة و عافية.
صح رمضانكم ان شاء الله تصوموه بالصحة و الهناء.
اسمحولي على الغياب، كانو عندي ظروف هوما لي خلاوني مانبانش، و حبيت نقولكم بلي في رمضان مانيش راح نحط، اولا لضيق الوقت ، ثانيا لاستغلال الشهر الفضيل، ماذابيا مانضيعوش فالتسجيل و المونتاج و فالاخير نبقى نجري و مانلحق على حتى حاجة.
ان شاء الله تكونو فهمتوني، اتهلاو في رواحكم و ملتقانا بعد العيد اذا كنا من الاحياء .
احبكم في الله يا اغلى عائلة ❤️❤️❤️
257 - 35
لكل من يبحث على قصص التراث الشعبي جزائرية عربية أو عالمية أيضا قصص الانبياء باللهجة الجزائرية لأول مرة على اليوتوب ستجدونها حصريا على قناتي
لسنا الافضل و لكننا متميزون 😇😇