Bundan 20 yil avval 2003-yil "Sezam" radiosi qoshida mazkur "Kvartet" guruhi tashkil qilingan edi. O'z zamonasining mashhurlik cho'qqisiga yetgan bir pallada, guruh a'zolari Javlon Asatullaev (Mr. Joker), Rustambek Xudayberganov (Dj Rustambek), Dilshod Giyasov (Mc Shod) hamda Otabek Isrofilov (Dj Saidalo) hukumat tomonidan taqiqqa tushib qolishadi. Oradan vaqt o'tib Javlon va Dilshod tomonidan "MarkaZ" guruhi tashkil etiladi. Va yana taqiq. Shu bilan albom ham chiqmaydi. Ularning yaratgan kreativ qo'shiqlari chinakam hit darajasiga yetib, ko'plab insonlarning qalbidan o'rin olgan edi. Guruh hozirgacha o'zining minglab muhlislariga ega, shuning uchun Javlon Asatullaev 2024-yilning so'nggida vanihoyat guruhning albomini taqdim etishga qaror qildi. Ushbu kanalda guruhning barcha qo'shiqlarini original sifatda tinglashingiz va 20 yillikga bag'ishlangan remix albom treklarini birinchilar qatorida xabardor bo'lishingiz mumkin!