Pranayamazha Story Teller @UCUmGg8gWrksbMAE_jr5tbjA@youtube.com

104K subscribers - no pronouns :c

This is a channel for those who love to listen to Malayalam

Videos Posts Playlists

Welcoem to posts!!

in the future - u will be able to do some more stuff here,,,!! like pat catgirl- i mean um yeah... for now u can only see others's posts :c

Pranayamazha Story Teller
Posted 2 weeks ago

New Story 👇
https://youtu.be/DTtX0s7ZwSI?si=BqBEj...

0 - 0

Pranayamazha Story Teller
Posted 3 weeks ago

Our New Channel.. Support Plz 🫰
https://youtu.be/cx3UqHNxT-U?si=nFEr3...

5 - 0

Pranayamazha Story Teller
Posted 1 month ago

youtube.com/@nonstopmediaa
👆നമ്മുടെ പുതിയ യൂട്യൂബ് ചാനൽ ആണ് സബ്സ്ക്രൈബ് ചെയ്യണേ..👆

13 - 0

Pranayamazha Story Teller
Posted 1 month ago

കിനാവിലെ തീരത്ത് തുടർക്കഥയുടെ രണ്ടു ഭാഗങ്ങൾ ഇന്ന് മൂന്നു മണിക്ക് അപ്‌ലോഡ് ചെയ്യും🥰🥰 Stay Tuned !!
#Pranayamazhastory #Kinavintetheerathu

28 - 0

Pranayamazha Story Teller
Posted 2 months ago

1 Lakh Subscribers ♥️
Thanks to all for your support 🙏

27 - 1

Pranayamazha Story Teller
Posted 6 months ago

(രചന: മഴ മുകിൽ)

അവളെയും മാറിൽ ചേർത്തു പിടിച്ചു കൊണ്ട് അവൻ കട്ടിലിലേക്ക് മറിഞ്ഞു...

മായ കാളിങ് എന്ന് കണ്ടതും.... വേഗത്തിൽ കാൾ അറ്റൻഡ് ചെയ്തു..

ഏട്ടാ എവിടെയാ....

ഒരു അർജന്റ് മീറ്റിംഗ് ആണ് മായ ഞാൻ വരാൻ വൈകും നി മോൾക്ക്‌ ഭക്ഷണം കൊടുത്തു കിടന്നേക്ക്.....

ഓക്കേ ഏട്ടാ...... മായ ഫോൺ കട്ടാക്കി മോളെയും എടുത്തു ഹാളിലേക്ക് പോയി അവൾക്കു ഭക്ഷണം കൊടുത്തു.

ഭക്ഷണം കൊടുക്കുന്നതിനിടയിൽ അവൾ ഇടയ്ക്കിടയ്ക്കു വാട്സ്ആപ്പ്ൽ മെസ്സേജ് ടൈപ്പ് ചെയ്തുകൊണ്ടിരുന്നു..

എവിടെയാ ഹരി.....

അപ്പുറം മെസ്സേജ് ഡെലിവടായി.........

ഞാനിവിടെ ഉണ്ട് മായ നീ എന്ത് ചെയ്യുന്നു.

ഞാൻ മോൾക്ക്‌ ഭക്ഷണം കൊടുക്കുവാണ് ഹരി.....

ഇവിടെ നിന്റെ ഹസ്....... പ്രദീപ്‌...

ബിസിനസ് ടൂറിനെന്നു പറഞ്ഞ് ഒരാഴ്ചയായി പോയിട്ട്.. ഇന്ന് വരാം എന്നാണ് പറഞ്ഞിരുന്നത്. ഇപ്പോൾ വിളിച്ചപ്പോൾ ലേറ്റ് ആകും നീ കിടന്നോളാൻ

എനിക്കറിയാം ഹരി,ശരണ്യയോടൊപ്പം ആയിരിക്കും .. ഇതിന്നോ ഇന്നലെയോ തുടങ്ങിയതല്ലല്ലോ..

ഞാൻ എന്നാൽ അങ്ങോട്ട് വരട്ടെ... മായ....

ഞാൻ വിളിക്കാം ഹരി... മോൾ ഉറങ്ങട്ടെ...

മായയുടെയും പ്രദീപിന്റെയും വിവാഹം ആർഭാടം നിറഞ്ഞതായിരുന്നു. രണ്ട് ബിസിനസ് കുടുംബങ്ങളുടെ ഒന്നു ചേരൽ ആയിരുന്നു ശരിക്കും ആ വിവാഹം.

അവർ തമ്മിൽ ആദ്യമായി കാണുകയായിരുന്നു. പ്രദീപും ബിസിനസ്സിൽ തന്നെയായിരുന്നു. എന്നാൽ മായ പിജി സ്റ്റുഡന്റ് ആയിരുന്നു.

അച്ഛന്റെയും അമ്മയുടെയും നിർബന്ധത്തിനു വഴങ്ങി ഒരു വിവാഹം അതായിരുന്നു...

തുടക്കത്തിൽ തന്നെ ഒരുപാട് പൊരുത്ത കേടുകൾ തോന്നിയിരുന്നു.

പക്ഷെ അതെല്ലാം കുറച്ചു കഴിയുമ്പോൾ മാറുമെന്ന് കരുതി കാത്തിരുന്നു പക്ഷെ ഒന്നും മാറിയില്ല. അസ്വരസ്യങ്ങൾ ഉണ്ടായിരുന്നെങ്കിലും പ്രദീപ്‌ അവളെ സ്നേഹം കൊണ്ട് വീർപ്പു മുട്ടിക്കുന്ന ഒരു ഭർത്താവ് ആയിരുന്നു..

അങ്ങനെ ആയിരുന്നു അയാളുടെ ഓരോ പ്രവർത്തിയും പക്ഷെ ഒരിക്കൽ യാദൃച്ഛികമായി പ്രദീപിന്റെ ഫോണിൽ അയാൾക്കൊപ്പം ഒരു പെൺകുട്ടിയോടൊപ്പം ഉള്ള വീഡിയോ കാണാനിടയായി.

പ്രദീപിന്റെ ഒപ്പം കൊഞ്ചി കുഴഞ്ഞു അവനോടു ചേർന്നിരിക്കുന്നു. അവളുടെ മാ റിടങ്ങൾ പ്രദീപിന്റെ ശരീരത്തിൽ ഇടയ്ക്കിടയ്ക്ക് ഞെരിഞ്ഞാമരുന്നുണ്ട്.

പ്രദീപ്‌ അത് ആസ്വദിക്കുന്നുണ്ട്. ഇടയ്ക്കു അവരുടെ ചുണ്ടുകൾ തമ്മിൽ തൊട്ടുരുമ്മുന്നു...... അത്രയും ആയപ്പോൾ അവൾ മൊബൈൽ മാറ്റിവച്ചു. പ്രദീപ് ഫ്രഷ് ആയി വന്നു മായയുടെ അടുത്തിരുന്നു....

ഭാര്യയോടുള്ള തന്റെ കടമ തീർക്കുവാനായി അയാൾ അവളെ സ്നേഹം കൊണ്ട് വീർപ്പുമുട്ടിക്കാൻ തുടങ്ങി. എന്നാൽ മായ യ്ക്ക് പ്രദീപിന്റെ ഈ കാട്ടിക്കൂട്ടലുകൾ കണ്ടപ്പോൾ വെറുപ്പാണ് തോന്നിയത്.

ഭാര്യയെ എന്ത് സമർത്ഥമായാണ് ഇയാൾ പറ്റിക്കുന്നത്. അതറിഞ്ഞിട്ടും തിരിച്ചൊന്നും ചെയ്യാൻ കഴിയാതെ അയാൾക്ക് മുന്നിൽ വിധേയ ആവാൻ മാത്രമേ അവൾക്ക് കഴിഞ്ഞുള്ളൂ...

അടുത്ത ദിവസം പതിവ് പോലെ ഓഫീസിലേക്ക് പോകാനായി പ്രദീപ് ഇറങ്ങിയതും അവൾ അയാളെ യാത്രയാക്കി.

ഏകദേശം 12 മണിയോടുകൂടി. മായ പ്രദീപിനെ ഫോണിൽ വിളിച്ചു. എന്താടോ സാധാരണ ഇങ്ങനെ ഒരു വിളി പതിവില്ലാത്തതാണല്ലോ ഇന്ന് എന്തുപറ്റി .

കുഞ്ഞിന് പെട്ടെന്ന് ഒരു പനിയും ചർദ്ദിലും. ഒന്ന് ഹോസ്പിറ്റലിൽ കൊണ്ടുപോണം ഏട്ടന് വരാൻ സാധിക്കുമോ.

അയ്യോ മായ അർജന്റ് ആയിട്ട് ഒരു ബോഡ് മീറ്റിംഗ് ആണ്. ഞാനൊരു കാര്യം ചെയ്യാൻ ഡ്രൈവറെ അങ്ങോട്ട് അയക്കാം നീ പോയിട്ട് വാ.

ഏകദേശം 10 മിനിറ്റ് കഴിഞ്ഞപ്പോഴേക്കും ഡ്രൈവർ കാറുമായി എത്തി മായ കുഞ്ഞുമായി റെഡിയായിരുന്നു.

വേഗം തന്നെ ഹോസ്പിറ്റലിൽ എത്തിച്ചു. കുഞ്ഞിന് പനി കൂടി ബോധം നശിച്ചിരുന്നു അപ്പോൾ. അധിക പനി ആയതിനാൽ അത് ഫിറ്റ്സിൽ എത്തിപ്പോയി. മായ അതുകണ്ട് വല്ലാതെ ഭയന്നു പോയി.

അന്ന് വൈകുന്നേരം വരെ കുഞ്ഞിനെ അവിടെ ഹോസ്പിറ്റലിൽ അഡ്മിറ്റ് ചെയ്തു. ഇതിനിടയിൽ ഒരിക്കൽപോലും പ്രദീപ് വിളിച്ച് അന്വേഷിച്ചിരുന്നില്ല.

ആറുമണിയോടുകൂടി ബില്ലൊക്കെ സെറ്റിൽ ചെയ്ത് മായ കുഞ്ഞിനെയും കൊണ്ട് ഹോസ്പിറ്റലിൽ നിന്നിറങ്ങി..

കാറിലേക്ക് കയറുമ്പോഴാണ് അവൾ ആ കാഴ്ച കണ്ടത് പ്രദീപ് ഒരു പെൺകുട്ടിയെയും ചേർത്തുപിടിച്ചുകൊണ്ട് കാറിലേക്ക് കയറി പോകുന്നു.. അവളുടെ കണ്ണുകൾ രണ്ടും നിറഞ്ഞു പോയി പകയോട് കൂടി മായ അവർ പോയ വഴിക്ക് നോക്കി.

സ്വന്തം കുഞ്ഞിന് സുഖമില്ലെന്ന് വിളിച്ചു പറഞ്ഞപ്പോൾ ഒരു വാക്കുകൊണ്ട് പോലും അത് അന്വേഷിക്കാതെ മറ്റൊരുത്തിയോടൊപ്പം ഇയാൾക്ക് എങ്ങനെ സമയം ചെലവഴിക്കാൻ കഴിയുന്നു.

രാത്രിയിൽ വളരെ വൈകിയാണ് പ്രദീപ് വീട്ടിലെത്തിയത്.

വന്ന പാടെ തന്നെ ഫ്രഷാകാൻ പോയി.
തിരികെ വന്ന് കുഞ്ഞിന് അടുത്തേക്ക് ഇരുന്ന് അവളുടെ നെറ്റിയിൽ കൈവച്ചു. ഇപ്പോൾ എങ്ങനെയുണ്ട് മായ മോൾക്ക്‌.

അവൾ അതിനെ മറുപടിയൊന്നും പറഞ്ഞില്ല. ഞാൻ രാവിലെ വിളിച്ചു പറഞ്ഞതല്ലേ പ്രദീപ് ഇടയ്ക്ക് എപ്പോഴെങ്കിലും ഒരിക്കലെങ്കിലും വിളിച്ച് കുഞ്ഞിന്റെ സുഖവിവരം അന്വേഷിക്കാമായിരുന്നു.

എന്റെ തിരക്കുകൾ നിനക്ക് അറിയാവുന്നതല്ലേ അതുകൊണ്ടാണ് സോറി. എഴുന്നേറ്റ് പോയി ഭക്ഷണം എടുത്തു വച്ചു.

ഭക്ഷണം കഴിച്ച് കിടക്കാൻ നേരം അവൾ കുഞ്ഞിനെ ചേർത്ത് പിടിച്ചു. എന്തുകൊണ്ടോ അവൾക്ക് കരച്ചിൽ ഒതുക്കാൻ കഴിഞ്ഞില്ല പക്ഷേ പ്രദീപ് ഇതൊന്നും അറിയുന്നുണ്ടായിരുന്നില്ല. അയാൾ സുഖമായി ഉറങ്ങുകയായിരുന്നു.

രാവിലെ പ്രദീപ് പോയതിൽ പിന്നെയാണ്. ഹരിയുടെ കോൾ വരുന്നത്. പ്രദീപിന്റെയും മായയുടെയും സുഹൃത്താണ് ഹരി. പ്രദീപിനെ കുറിച്ചുള്ള കാര്യങ്ങൾ മായ ആദ്യം. ചോദിച്ചത് ഹരിയോട് ആണ്.

കുറച്ചുദിവസമായി മായ ഒരു പെൺകുട്ടിയുമായി പ്രദീപിനു അടുപ്പം തുടങ്ങിയിട്ട് ഞാൻ ഒരുപാട് തവണ പറഞ്ഞു മനസ്സിലാക്കാൻ ശ്രമിച്ചു പക്ഷേ അവൻ അത് കേട്ട ഭാവം കാണിക്കുന്നില്ല.

മായ ഹരി പറയുന്നതെല്ലാം കേട്ടുകൊണ്ട്. മൊബൈലും പിടിച്ച് അങ്ങനെ ഇരുന്നു.

കരച്ചിലും സങ്കടവും എല്ലാം ചേർന്ന ഒരു അവസ്ഥയിലേക്ക് മാറിയിരുന്നു മായ അപ്പോൾ. അവൾക്ക് എന്തോ തന്നോട് തന്നെ പുച്ഛം തോന്നി. ഭർത്താവ് തന്നെ മറന്നു മറ്റൊരു സ്ത്രീയുടെ സുഖം തേടിയിരിക്കുന്നു.

അപ്പോൾ തന്റെ കഴിവുകേടാണോ അത് കാണിക്കുന്നത്. ആലോചനകൾ കുന്നു കൂടിയപ്പോൾ അവൾ ഹരിയെ വിളിച്ചു.

എന്തുപറ്റി കുഞ്ഞിന് എന്തെങ്കിലും ബുദ്ധിമുട്ടുണ്ടോ. ഹരിയുടെ വ്യാകുലത നിറഞ്ഞ ഒച്ച കേട്ടപ്പോൾ. അവൾക്ക് ഒരു സമാധാനം തോന്നി.

കുഞ്ഞിനിപ്പോൾ പ്രശ്നമൊന്നുമില്ല ഇന്നലെ എന്തെങ്കിലും കോൺഫറൻസ് ഉണ്ടായിരുന്നുവോ....

പ്രദീപ്ന്റെ കൂടെയുള്ള ആ പെൺകുട്ടി ആരാണെന്ന് ഒന്ന് പറഞ്ഞു തരുമോ ഹരി..

ഇടയ്ക്ക് കമ്പനിയിൽ ചില ഒഴിവുകൾ ഉണ്ടായിരുന്നു അത് ഫിൽ ചെയ്യുന്നതിന് വേണ്ടി ചില കാൻഡിഡേറ്റ്സിനെ സെലക്ട് ചെയ്തിരുന്നു.

അതിലൊരാളാണ് ആ കുട്ടി. ഇവിടെ ഓഫീസിലും അവരെക്കുറിച്ചുള്ള സംസാരങ്ങൾ ഉണ്ട്.

അത്രയും കേട്ടപ്പോഴേക്കും മായ മൊബൈൽ കട്ട് ചെയ്ത് മാറ്റിവെച്ചു. ചെയ്തുകൊണ്ടിരുന്നു
കുറച്ചുനാളായി പ്രദീപിന്റെ സ്വഭാവത്തിന് വ്യത്യാസം കാണാൻ തുടങ്ങിയിട്ട്.

ആദ്യം ഒന്നുമത് കാര്യമാക്കിയില്ല പക്ഷേ ഇപ്പോൾ ഓരോന്ന് കാണുകയും കേൾക്കുകയും ചെയ്യുമ്പോൾ.

ദിവസങ്ങളേറെ കടന്നുപോയ്‌ കൊണ്ടേയിരുന്നു മായ പ്രദീപിൽ നിന്നും മാനസികമായി അകലംപാലിക്കാൻ തുടങ്ങി.

ഇടയ്ക്കൊക്കെ ഹരിയവളെ വിളിച്ച് വിവരങ്ങൾ അന്വേഷിക്കുവാനും മറ്റു തുടങ്ങി. പതിയെ പതിയെ അതൊരു സൗഹൃദമായി വളർന്നു. ദിവസങ്ങൾ കഴിയുന്തോറും ആ സൗഹൃദം വളർന്നു വലുതാവുകയും.

ഹരി പ്രദീപില്ലാത്ത സമയങ്ങളിൽ വീട്ടിലേക്ക് വരാൻ തുടങ്ങി. ബിസിനസ് ടൂർ എന്ന് പറഞ്ഞ് പ്രദീപ് ആഴ്ചകളോളം ആ പെൺകുട്ടിയുമായി കറങ്ങി നടക്കും. ആ സമയങ്ങളിൽ ഹരി മായക്കു കൂട്ടായി.

ആഗ്രഹിച്ചില്ലെങ്കിൽ പോലും അങ്ങനെ ഒരു ബന്ധത്തിലേക്ക് മായ നിർബന്ധപൂർവ്വം എ ത്തപ്പെട്ടു.

ആലോചനകൾക്കെല്ലാം വിരാമമിട്ടുകൊണ്ട് കുഞ്ഞിനെ ബെഡ്റൂമിൽ കൊണ്ട് കിടത്തി. മൊബൈൽ എടുത്ത് ഹരിയുടെ നമ്പറിലേക്ക് വിളിച്ചു..

ഹരി മോൾ ഉറങ്ങി......

അത്രയും പറഞ്ഞുകൊണ്ട് മൊബൈൽ കട്ടാക്കി ഫ്രഷ് ആവാനായി പോയി.

ഹരി വരുമ്പോഴേക്കും അവൾ ഫ്രഷായി ഇറങ്ങി വന്നു....

അവളെയും എടുത്തു ഹരി ബെഡിലേക്ക് വീണു. അവളുടെയും അവന്റെയും ശീൽക്കാരം ആ നാലു ചുവരുകളിൽ തട്ടി നിന്നു. ചെയ്യുന്നത് തെറ്റാണ് എന്നറിഞ്ഞിട്ടും. അവന്റെ മാറിൽ പറ്റിചേർന്നു കിടന്നു.

ഞാൻ ചെയ്യുന്നത് തെറ്റാണു എന്നെനിക്കറിയാം ഹരി പക്ഷെ എന്നെ ഈ തെറ്റിലേക്ക് തള്ളി വിട്ടത് പ്രദീപ്‌ ആണ്. എന്നെയും കുഞ്ഞിനേയും മറന്നു അയാൾക്ക്‌ എന്തും ആകാമെങ്കിൽ എനിക്കും എന്തുകൊണ്ട് ആയിക്കൂട.....

പുറത്തൊരു വണ്ടിയുടെ ഒച്ചകേട്ടതും ഇതുവരെ എഴുന്നേറ്റ ഡ്രസ്സ് ഒക്കെ ചെയ്ത് പുറത്തേക്കിറങ്ങി. വന്നിരിക്കുന്നത് പ്രദീപ് ആണെന്ന് ഹരിക്കും മായയ്ക്കും അറിയാമായിരുന്നു.

മായ ഡോർ തുറക്കുമ്പോൾ പ്രദീപ് വീടിനുള്ളിലേക്ക് കയറി മായക്കൊപ്പം നിൽക്കുന്ന ഹരിയെ കണ്ട് അയാൾ ഒന്നു ഞെട്ടി. ഹരി പൊയ്ക്കോള്ളു ഞാൻ വിളിക്കാം മായ അത്രമാത്രം പറഞ്ഞു.

കൂടുതൽ ചോദ്യങ്ങൾക്ക് ഉത്തരങ്ങൾക്കും ഒന്നും അവിടെ പ്രസക്തി ഇല്ലായിരുന്നു.
കുനിഞ്ഞ മുഖവുമായി പ്രദീപ് അകത്തേക്ക് കയറിപ്പോയി.

അയാളുടെ മുന്നിൽ വിജയിച്ച ഭാവമായിരുന്നു മായക്ക്... ജീവിതത്തിൽ തോറ്റുവെങ്കിലും അയാളുടെ മുന്നിൽ വിജയിച്ച ഭാവം അവളിൽ ഒരു പുച്ഛ ചിരി വിരിഞ്ഞു...

കഥ ഇഷ്ടമായെങ്കിൽ ലൈക്ക്, കമന്റ് ചെയ്യണേ ❤️🙏

155 - 7

Pranayamazha Story Teller
Posted 7 months ago

(രചന: Neethu Parameswar)

രാജീവ്‌ എനിക്കല്പം സംസാരിക്കണം.. പുതച്ചിച്ചിരുന്ന ബ്ളാക്കറ്റ് അൽപ്പം താഴേക്ക് മാറ്റികൊണ്ട് രാജീവിന് അഭിമുഖമായി കിടന്ന് ഭദ്ര പറഞ്ഞു...

അപ്പോഴും രാജീവിന്റെ ശ്രദ്ധ മുഴുവൻ ഫോണിലേക്കായിരുന്നു... രാജീവ്‌...ഭദ്ര വീണ്ടും അവനെ തട്ടി വിളിച്ചു..

ഭദ്ര നിനക്കെന്താണ്... എന്തായാലും എനിക്കുറക്കം വരുന്നു.. നാളെ സംസാരിക്കാം... ഫോൺ കയ്യെത്തിച്ച് മേശമേൽ വച്ചുകൊണ്ട് രാജീവ്‌ ഉറക്കത്തിലേക്ക് വഴുതി വീണു...

ഭദ്രയുടെ കണ്ണുകൾ നിറഞ്ഞൊഴുകി കൊണ്ടിരുന്നു...പിന്നെയെപ്പോഴോ അവളെയും നിദ്രാദേവി കടാക്ഷിച്ചു...

ഓഫീസിലേക്ക് പോവാനുള്ള തിരക്കിലാണ് രാജീവ്‌... ഭദ്ര ഒരു കപ്പ് ചായയുമായി അവിടേക്ക് കടന്നു ചെന്നു..

രാജീവ്‌..,നമുക്ക് പിരിയാം.. ഒരുമിച്ച് പോകാൻ കഴിയില്ലെങ്കിൽ അതല്ലേ നല്ലത്.. ഭദ്രയത് പറയുമ്പോൾ ആ വാക്കുകളെ രാജീവിന് വിശ്വസിക്കാൻ കഴിഞ്ഞില്ല..

ഭദ്ര.. നീയിത് വെറുതെ പറയുന്നതല്ലേ... ഇങ്ങനെയൊക്കെയാണോ കളി പറയുന്നത്.. ഷർട്ടിലെ ബട്ടൻസ് ഓരോന്നായി ഇടുന്നതിനടയിൽ രാജീവ്‌ അലസമായി പറഞ്ഞു...

അല്ല രാജീവ്‌ ഞാനിത് വളരെ ആലോചിച്ചെടുത്ത തീരുമാനമാണ്... എനിക്കിവിടെ മടുത്തു കഴിഞ്ഞു...

വർഷങ്ങൾക്ക് മുമ്പുള്ള സിനിമകളിലെ നായികയെ പോലെ ജീവിതം വെറുതെ ഹോമിച്ചുകളയാൻ എനിക്ക് താൽപ്പര്യമില്ല.. ജീവിതം ഒന്നേയുള്ളൂ.. അതെനിക്ക് എന്റെ ഇഷ്ടത്തിന് തന്നെ ജീവിച്ച് തീർക്കണം...

നിനക്ക് എന്തിന്റെ കുറവാടീ ഇവിടെയുള്ളത്... എല്ലാ സൗകര്യങ്ങളും ഇവിടെയില്ലേ...നീ പറയുന്നതെന്തും വാങ്ങാനുള്ള ക്യാഷ് ഞാൻ തരുന്നില്ലേ...

ആ കുഗ്രാമത്തിൽ ജനിച്ചു വളർന്ന രവിയുടെ മകൾ ഭദ്രയാണോ നീയിപ്പോൾ... ഇതൊക്കെ അഹങ്കാരം തലക്ക് പിടിച്ചിട്ടുള്ള കുഴപ്പമാണ്....

രാജീവ്‌ ഒരു ഭർത്താവിന്റെ ഉത്തരവാദിത്വമെന്നാൽ വസ്ത്രവും ഭക്ഷണവും വാങ്ങി തരുന്നതാണോ... രാജീവ്‌ ഇപ്പോൾ പറഞ്ഞില്ലേ ഒരു കുഗ്രാമത്തിലെ പെണ്ണായിരുന്നു ഞാനെന്ന്..

പക്ഷെ എനിക്കിഷ്ടം ആ ഗ്രാമമായിരുന്നു.. അവിടെ ഞാൻ ജീവിക്കുകയായിരുന്നു... ഇവിടെയെന്റെ ശരീരം മാത്രമേയുള്ളൂ... എനിക്കിഷ്ടമുള്ളൊരു ഭദ്രയെ എനിക്കവിടെ ഉപേക്ഷിക്കേണ്ടി വന്നു...

നിന്റെ ആവശ്യമില്ലാത്ത വാദങ്ങൾ കേട്ടുനിൽക്കാൻ എനിക്കിപ്പോൾ സമയമില്ല... ഓഫീസിൽ നിന്ന് വന്നിട്ട് സംസാരിക്കാം... കുറച്ച് ചായ കുടിച്ചെന്ന് വരുത്തി കപ്പ് ഭദ്രയെ തിരികെയേൽപ്പിച്ച് അവൻ കാറിനരികിലേക്ക് നടന്നു...

ഭദ്ര കണ്ണാടിയുടെ മുൻപിൽ ചെന്ന് നിന്നു... "ഭദ്ര... "അവൾ സ്വയം പറഞ്ഞു... ഒരു കൊച്ചു ഗ്രാമത്തിലെ രവിയുടെ മകൾ ഭദ്ര... നീ എപ്പോഴേ മരിച്ചുപോയി പെണ്ണേ..!!

വണ്ടികളുടെ ശബ്ദവും തിരക്കും നിറഞ്ഞ നഗരത്തിലെ ഭദ്ര രാജീവ്‌ ആണ് താനിപ്പോൾ... ആരുടെയോ ഇഷ്ടങ്ങൾക്കൊപ്പം സഞ്ചരിക്കുന്നവൾ...

വിദ്യാഭ്യാസം ഉണ്ടായിട്ടും ജോലിക്ക് പോവാൻ മറ്റുള്ളവരുടെ സമ്മതത്തിന് വേണ്ടി കാത്തുനിൽക്കുന്നവൾ...സ്വന്തം വീട്ടിൽ പോകാൻ ഭർത്താവിന്റെയും വീട്ടുകാരുടെയും അനുവാദത്തിനു വേണ്ടി കെഞ്ചുന്നവൾ..സ്വന്തം വ്യക്തിത്വം മറന്നുപോയവൾ...

ചുണ്ടിൽ നിറഞ്ഞ ചായങ്ങൾ അവൾ തുടച്ചു നീക്കി... ഇഷ്ടമില്ലെങ്കിൽ എന്തിനാണ് നീയിത് ഇടുന്നത് അവളുടെ മനസ്സ് മന്ത്രിച്ചു... രാജീവിന് ഇങ്ങനെയാണ് ഇഷ്ടം... ഭാര്യ അൽപ്പം മോഡേൺ ആയിരിക്കണമത്രേ... അവളുടെ മുഖത്ത് പുച്ഛം നിറഞ്ഞ ഒരു പുഞ്ചിരി തെളിഞ്ഞു...

ഭദ്ര നീയിനിയെങ്കിലും നിനക്ക് വേണ്ടി ജീവിക്കൂ... കണ്ണാടിയിലെ അവളുടെ പ്രതിബിംബത്തെ നോക്കി ചുണ്ടുകൾ മന്ത്രിച്ചു...

രാജീവ്‌ ഞാൻ പോകുന്നു... ഒരുക്കി വച്ച ബാഗുമായി ഭദ്ര പടിയിറങ്ങുകയാണ്..."ഭദ്ര... അവന്റെ വിളി കേട്ട് അവൾ തിരിഞ്ഞു നോക്കി...

നീയപ്പോൾ രാവിലെ കാര്യമായാണോ പറഞ്ഞത്..നീയിത് ശരിക്കും ആലോചിച്ചെടുത്ത തീരുമാണോ...

അതേ രാജീവ്‌... കുറച്ചു നാളായി ആലോചിക്കുന്ന കാര്യത്തിന് ഇന്നാണ് ഉത്തരം കിട്ടിയത്..

നീയവിടെ ചെന്ന് കേറിയാൽ നിന്റെ വീട്ടുകാർ പോലും നിന്നോടൊപ്പം നിൽക്കുമെന്ന് തോന്നുന്നുണ്ടോ... അവന്റെ വാക്കുകളിൽ നല്ല ആത്മവിശ്വാസം ഉണ്ടായിരുന്നു...

എനിക്കറിയില്ല... മറ്റുള്ളവരുടെ മുമ്പിൽ നീയൊരു നല്ല ഭർത്താവാണല്ലോ.... ഒരു ദുശീലങ്ങളുമില്ലാത്ത നല്ലൊരാൾ.. കുടുംബം നന്നായി നോക്കുന്നവൻ... എങ്കിലും ഇനിയിവിടെ നിന്നാൽ എനിക്ക് പ്രാന്ത് പിടിക്കും... ഞാൻ പോകുന്നു....

എങ്കിൽ വരൂ ഞാൻ കൊണ്ട് ചെന്നാക്കാം... കുറേ നാളുകൾക്കു ശേഷം വീണ്ടും അവർ ഒരുമിച്ച് യാത്ര ചെയ്യുമ്പോഴും ഇരുവർക്കുമിടയിൽ മൗനം തളം കെട്ടിനിന്നു..

അങ്ങകലെ അവൾ കടലിനെ നോക്കിയിരുന്നു... അലയടിച്ചുയരുന്ന തിരമാലകളെക്കാളും വേഗതയുണ്ടായിരുന്നു അപ്പോൾ അവളുടെ ചിന്തകൾക്ക്...

കുറച്ച് നേരത്തെ അവരുടെ മൗനത്തെ ബേദിച്ചു കൊണ്ട് അവൾ പറയാൻ തുടങ്ങി... എത്ര നാളായെന്നറിയുമോ രാജീവ്‌ ഞാനൊന്ന് പുറത്തിറങ്ങിയിട്ട്...

ഞാനതൊന്നും ഓർത്തുവയ്ക്കുന്നില്ല... ആവശ്യമുള്ള കാര്യങ്ങൾ തന്നെയെനിക്ക് ഓർക്കാൻ സമയമില്ല... നിനക്കറിഞ്ഞൂടെ എന്റെ തിരക്ക്... നമുക്ക് വേണ്ടിയല്ലേ ഞാനീ കഷ്ടപ്പെടുന്നത്...

ആർക്കുവേണ്ടി... എനിക്ക് വേണ്ടിയോ... എത്ര നാളായി ഞാനൊന്ന് മനസ്സ് തുറന്ന് ചിരിച്ചിട്ടെന്ന് നിങ്ങൾക്കറിയാമോ...

എന്തിന്റെ കുറവാണ് നിനക്കവിടെ നീ പറയ്... ഫോൺ എടുത്ത് സ്വിച്ച് ഓഫ്‌ ആക്കി അവൻ അവളെ കേൾക്കാനിരുന്നു...

അവൾ അകലേക്ക്‌ കൈ ചൂണ്ടി.. അവിടെ രണ്ട് വൃദ്ധ ദമ്പതികൾ കൈകോർത്ത് കടൽ കരയിലൂടെ നടക്കുന്നുണ്ടായിരുന്നു... അവരുടെ കണ്ണുകളിൽ പ്രണയം വറ്റാതെ തെളിഞ്ഞു നിന്നു... ദേ അവരെ പോലെ എനിക്കും നിന്നോടൊപ്പം നടക്കണം...

വല്ലപ്പോഴും നിന്റെ കൈയിൽ നിന്നു കിട്ടുന്ന കുഞ്ഞു സർപ്രൈസ് ഗിഫ്റ്റിനെ ഞാനെത്ര മോഹിച്ചിട്ടുണ്ടെന്ന് അറിയാമോ... അടുക്കളയിൽ തിരക്കിട്ട ജോലികളിൽ ഞാൻ മുഴുകുമ്പോൾ പിന്നിലൂടെ വന്ന് ചേർത്ത് പിടിക്കുന്ന നിന്റെ കൈകളെ ഞാനെത്ര സ്വപ്നം കണ്ടിരിക്കുന്നു..

രാത്രിയിൽ നിന്നോടൊപ്പം ബൈക്കിലെ യാത്രകൾ എന്നുമെന്റെ മോഹമായിരുന്നു രാജീവ്‌... നിങ്ങൾക്കൊന്നും വലിയ നഷ്ടം വരാത്ത കുഞ്ഞുകുഞ്ഞു മോഹങ്ങളെ ഞങ്ങൾ പെണ്ണുങ്ങൾക്കുള്ളൂ...

അതൊക്കെ നിങ്ങൾക്ക് നിസ്സാരമായി തോന്നാം.. പക്ഷെ ഞങ്ങൾക്കത് എത്ര സന്തോഷം നൽകുമെന്ന് അറിയുമോ..ഇപ്പോൾ നിന്റെ എല്ലാ തിരക്കുകളും ഉപേക്ഷിച്ച് കുറച്ച് നേരമെങ്കിലും നീയെന്നെ കേൾക്കാൻ ഇരുന്നില്ലേ അതുപോലെ....

നീ ജോലിക്ക് പോയി കഴിഞ്ഞാൽ ആ നാല് ചുവരുകൾക്കുള്ളിൽ വീർപ്പ് മുട്ടുകയായിരുന്നു ഞാൻ ...

അപ്പോൾ ഞാനൊരു പൂർണ്ണ പരാജയം ആയിരുന്നല്ലേ... ഇത്രനാളത്തെ എന്റെ ചിന്തകളൊക്കെ തെറ്റായിരുന്നല്ലേ...നീയൊന്നും പറഞ്ഞില്ലല്ലോ...

ഞാൻ കരുതിയിരുന്നത് ഈ ലോകത്തെ ഉത്തമനായ ഭർത്താവ് ഞാനെന്നായിരുന്നു...അവനത് പറയുമ്പോൾ ഭദ്രക്ക് ചിരിയാണ് വന്നത്...

നീ എപ്പോഴെങ്കിലും എന്നെ സമാധാനമായി കേട്ടിട്ടുണ്ടോ.. എപ്പോഴും തിരക്ക്.. വന്നു കഴിഞ്ഞാൽ ഭക്ഷണം കഴിക്കുമ്പോഴും ബാത്ത്റൂമിലും എന്തിനേറെ പറയുന്നു ബെഡ് റൂമിൽ വരെ ഫോൺ.. പിന്നെയെങ്ങനെയാണ് ഞാൻ നിന്നോടിത് പറയുന്നേ..

നിന്നെപ്പോലെ കുറെ ഭർത്താകന്മാരുണ്ട് രാജീവ്‌ കുറെ പൈസ ഭാര്യക്ക് വേണ്ടി ചിലവാക്കിയാൽ എല്ലാം തികഞ്ഞെന്ന് കരുതുന്നവർ...അവരോടെനിക്ക് പുച്ഛമാണ് തോന്നുന്നത്...

ഭദ്ര അത് പറഞ്ഞു കഴിയുമ്പോഴേക്കും രാജീവിന്റെ കൈകൾ അവളുടെ കൈകളിൽ ചേർന്നിരുന്നു...അവളെ അവൻ ചേർത്ത് പിടിച്ചു...

വയലിന് നടുവിലൂടെ രാജീവും ഭദ്രയും അമ്പലത്തിലേക്ക് നടന്നു നീങ്ങുമ്പോൾ അവൾക്ക് ആ പഴയ ഭദ്രയെ തിരിച്ചു കിട്ടിയിരുന്നു...

ഭദ്ര ഞാൻ രണ്ടു ദിവസം കൂടെ ലീവ് നീട്ടി...കുറെ നാളുകൾക്ക് ശേഷം നിന്റെ വീട്ടിലേക്ക് വന്നതല്ലേ... രണ്ടു ദിവസം കൂടി നമ്മുടെ അച്ഛനോടും അമ്മയോടുമൊപ്പം.... അത് കേട്ടപ്പോഴുള്ള ഭദ്രയുടെ പുഞ്ചിരിക്ക് അവൻ മുൻപെങ്ങും കണ്ടിട്ടില്ലാത്ത വശ്യതയുണ്ടായിരുന്നു...

കഥ ഇഷ്ടമായെങ്കിൽ ലൈക്ക്, കമന്റ് ചെയ്യണേ ❤️🙏

305 - 15

Pranayamazha Story Teller
Posted 7 months ago

(രചന: ഞാൻ ഗന്ധർവ്വൻ)

"എനിക്കിനി വയ്യ അയാളൊപ്പം ജീവിക്കാന്‍" മുഹ്സിന നാല് വയസ്സുള്ള തന്റെ മകന്റെ കയ്യും പിടിച്ച് കരഞ്ഞുകൊണ്ട് വീട്ടിലേക്ക് ഓടിക്കയറി

"എന്താ മോളേ, അവൻ വീണ്ടും നിന്നെ ഉപദ്രവിക്കാൻ തുടങ്ങിയോ...?"

അവൾ തന്റെ ചുണ്ട് പൊട്ടിയത് ചൂണ്ടിക്കാണിച്ച് ഉപ്പയെ നോക്കി

"ഇത് കണ്ടോ ഉപ്പാ. ഇപ്പൊ ഒരുകാര്യോം ഇല്ലാതെ എന്നെ തല്ലിയതാ..."

ആ ഉപ്പാക്ക് അത് സഹിക്കാവുന്നതിലും അപ്പുറമായിരുന്നു

"മോളേ ഇതിനി ഇങ്ങനെ വിട്ടാൽ ശരിയാകില്ല. ഞാന്‍ അവനോട് സംസാരിക്കാം. നിനക്ക് ചോദിക്കാനും പറയാനും ആരും ഇല്ലാന്ന് കരുതരുതല്ലോ... കുറേയായി അവനിത് തുടങ്ങീട്ട്"

മുഹ്സിന തന്റെ കണ്ണുനീർ തുടച്ച് ഉപ്പയെ നോക്കി

"ഇങ്ങള് സംസാരിച്ചിട്ടൊന്നും ഒരു കാര്യവുമില്ല, അയാളൊര് മുരടനാണ്. എല്ലാ പ്രാവശ്യവും അയാളുടെ അടികൊണ്ട് ഇവിടെ വരുമ്പോൾ ഇങ്ങളും ഉമ്മയും എന്നെ സമാധാനിപ്പിച്ച് വീണ്ടും അങ്ങോട്ടെന്നെ പറഞ്ഞയക്കും. ഇനി എനിക്ക് പറ്റില്ല ഉപ്പാ. ഇങ്ങക്ക് എന്നേം മോനേം നോക്കാൻ പറ്റില്ലേൽ ഞാൻ വല്ല പണിക്കും പോയി ജീവിച്ചോളാം"

ഇത് കേട്ടപ്പോൾ ഉപ്പാക്ക് ആകെ വിഷമായി

"അങ്ങനെയൊന്നും പറയല്ലേ മോളേ, നിനക്ക് ഞങ്ങളില്ലേ. നീ മോനേയും കൊണ്ട് അകത്ത് പോ, ഞാന്‍ അവനെയൊന്ന് കണ്ടിട്ട് വരാം"

ഇത്രയും പറഞ്ഞ് ഉപ്പ പുറത്തേക്കിറങ്ങാൻ ഒരുങ്ങിയപ്പോൾ മുഹ്സിന തടഞ്ഞു

"ഏയ്‌, ന്റെ ഉപ്പ അയാളോട് സംസാരിക്കൊന്നും വേണ്ടാ. ഞാനിനി അങ്ങോട്ട് പോണില്ല അത്രന്നെ"

പക്ഷേ ഉപ്പ അത് കേൾക്കാൻ കൂട്ടാക്കിയില്ല. അവളാണേൽ ഉപ്പാനെ വിടുന്നും ഇല്ല

"ഉപ്പാക്ക് അയളോട് സംസാരിക്കണം എന്ന് നിർബന്ധം ആണേൽ രണ്ട് മൂന്ന് ദിവസം കഴിയട്ടെ, ന്നിട്ട് പോവാം"

ഇത് കേട്ടപ്പോൾ ഉപ്പാക്ക് ദേഷ്യം വന്നു

"ഇതിന്റെ മുന്നേയും അവന്റെ തല്ല് കൊണ്ട് വന്നപ്പോൾ നീ ഇതുതന്നെയാ പറഞ്ഞേ. രണ്ട് ദിവസം കഴിയട്ടെ ഒരാഴ്ച്ച കഴിയട്ടെ എന്നൊക്കെ. അന്നൊക്കെ നീ പറയുന്നത് ഞങ്ങൾ കേട്ടു. ഇനിയിത് അങ്ങനെ വിടാൻ പറ്റില്ല"

മുഹ്സിന കാല് പിടിച്ച് പറഞ്ഞിട്ടും ഉപ്പ കേട്ടില്ല. ഉപ്പ അവളുടെ ഭർത്താവിന്റെ അടുത്തേക്ക് പോയി. അവൾ ഉപ്പയുടെ പിറകേ പോയി പോവേണ്ട പോവേണ്ട എന്ന് പറഞ്ഞെങ്കിലും ഉപ്പ കേൾക്കാൻ കൂട്ടാക്കിയില്ല.

ഉപ്പ രണ്ടും കൽപ്പിച്ചായിരുന്നു അവന്റെ വീട്ടിൽ എത്തിയത്. വേണ്ടിവന്നാൽ രണ്ടെണ്ണം പൊട്ടിക്കണം. അങ്ങനെ വിട്ടാൽ ശരിയാകില്ലല്ലോ.

വീട്ടിലെത്തി കോളിങ് ബെല്ലിൽ അമർത്തിയിട്ടും ആരും വാതിൽ തുറക്കുന്നില്ല. കുറേനേരം കാത്ത് നിന്ന് ഉപ്പ പോവാനൊരുങ്ങിയപ്പോൾ വീടിന്റെ പിറകിൽ നിന്ന് ആരോ കരയുന്ന ശബ്ദം കേട്ടു. ശബ്ദം കെട്ടിടത്തേക്ക് ഉപ്പ ഓടി.

അടുക്കളയുടെ വാതിൽ തുറന്നിട്ടിട്ടുണ്ടായിരുന്നു. ഉപ്പ മെല്ലെ വീടിന്റെ അകത്തേക്ക് കയറി. അവിടെ ഉപ്പ കണ്ട കാഴ്ച്ച!!!

മീൻ കറി ഉണ്ടാക്കിവെച്ച മൺപാത്രം തലയിൽ വീണുകിടക്കുന്ന മരുമകനെ ആണ്. മുഖത്തും മുടിയിലും മത്തി പറ്റിപിടിച്ച് കിടക്കുന്നുണ്ട്.

മൺപാത്രം പൊട്ടി മാലപോലെ കഴുത്തിൽ കിടക്കുന്നു. അവന്റെ നെഞ്ചിൽ വീട്ടിലെ ബാത്റൂം ക്ലീൻ ചെയ്യുന്ന ബ്രെഷും കുറ്റിച്ചൂലും കിടക്കുന്നുണ്ട്. പിന്നെ അങ്ങിങ്ങായി കുറേ പത്രങ്ങളും കൂടെ ഒരു പുട്ടുകുറ്റിയും.

ഉപ്പ വേഗം അവനെ പിടിച്ച് എഴുന്നേൽപ്പിച്ചു

"എന്താടാ അനക്ക് പറ്റിയേ...?"

ചുണ്ടിലൂടെ ഒലിക്കുന്ന മുളകിട്ട മീൻകറി നാവുകൊണ്ട് നക്കി അവൻ അവശതയോടെ ഉപ്പയെ നോക്കി

"ഇതിന്റെ മുമ്പത്തെ പ്രാവശ്യമൊക്കെ എനിക്ക് അടി കിട്ടുമ്പോൾ ഹോസ്പിറ്റലിൽ കൊണ്ടോവാൻ ഉമ്മയും പെങ്ങളും ഉണ്ടാവായിരുന്നു. ഇന്ന് അവർ ഒരു കല്യാണത്തിന് പോയതാ. അതാ ആരും സഹായിക്കാൻ ഇല്ലാതെ ഇങ്ങനെ കിടക്കേണ്ടി വന്നേ ഉപ്പാ"

"ആരാ അന്നെ തല്ലിയേ...?"

അവൻ ഉപ്പാക്ക് നേരെ കൈനീട്ടി. ഉപ്പ ഒരുവിധത്തിൽ അവനെ പിടിച്ച് എഴുന്നേൽപ്പിച്ചു. നല്ലോണം തല്ല് കൊണ്ട് അവശനായിരുന്നു അവൻ

"ഇങ്ങള് മോളെന്നെ, അല്ലാതെ ആരാ എന്നെ തല്ലാൻ"

ഞെട്ടലോടെ ഉപ്പ മരുമോനെ നോക്കി

"ന്റെ മോള് അന്നെ തല്ലേ...? നീയല്ലേ അവളെ എപ്പോഴും ഉപദ്രവിക്കാ. അവള് ഇന്ന് വന്നപ്പോഴും ചുണ്ട് പൊട്ടിയിട്ടുണ്ടല്ലോ"

ദയനീയമായി അവൻ ഉപ്പയെ നോക്കി

"ഉണ്ടയാണ്, ഞാൻ ഇതുവരെ എടീന്ന് പോലും വിളിച്ചിട്ടില്ല അവളെ. ചട്ടിയെടുത്ത് എന്റെ തലക്കടിച്ചപ്പോൾ ഒരു കഷ്ണം അവളുടെ ചുണ്ടിൽ തട്ടി മുറിവായതാ. സത്യം പറ ഉപ്പാ ങ്ങളെ മോൾ ബ്ലാക്ക് ബെൽറ്റ് ആണോ...?"

ഉപ്പ അവന്റെ തലയിൽ മെല്ലെ തലോടി

"ന്തിനാ നിന്നെ അവൾ തല്ലിയേ...?"

മുടന്തി നടന്ന് ഒരു ചെയറിൽ പോയിരുന്ന് അവൻ ഉപ്പയെ നോക്കി

"ഈ പ്രാവശ്യം തല്ലിയത് യൂട്യൂബ് ചാനൽ തുടങ്ങീട്ട് അവളിട്ട കുക്കിംഗ്‌ വീഡിയോക്ക് വ്യൂവേഴ്സ് കുറവാണ് പറഞ്ഞപ്പോൾ ഞാൻ ചിരിച്ചതിന്"

അപ്പോഴാണ് ഉപ്പാക്ക് ആ സത്യം മനസിലായത്. എല്ലാ പ്രാവശ്യവും ഭർത്താവ് തല്ലി എന്നും പറഞ്ഞ് വീട്ടിൽ വന്നിരുന്ന മോൾ എന്തുകൊണ്ടാണ് രണ്ട് മൂന്ന് ദിവസം കഴിഞ്ഞ് പോയി ചോദിച്ചാൽ മതി എന്ന് പറഞ്ഞതിന്റെ കാരണം എന്ന്.

തന്റെ അടികൊണ്ട് അവശനായ ഭർത്താവ് രണ്ടുമൂന്ന് ദിവസം കഴിയല്ലോ ഒന്ന് നേരെ നിക്കാൻ... എന്താലേ...

കഥ ഇഷ്ടമായെങ്കിൽ ലൈക്ക്, കമന്റ് ചെയ്യണേ ❤️🙏

160 - 19

Pranayamazha Story Teller
Posted 7 months ago

മ ദ്യപാനിയുടെ മകൾ
(രചന: അരുണിമ ഇമ)

"പ്ഫാ... നീ എന്താടീ ഇവിടെ ചെയ്യുന്നത്? എവിടെ നിന്റെ മോൾ?"

എന്നത്തേയും പതിവ് പോലെ കള്ളും കുടിച്ചു വന്നുള്ള അച്ഛന്റെ സംസാരം കേട്ട് അവൾക്ക് വല്ലായ്മ തോന്നി.

'എന്തൊരു കഷ്ടമാണിത്? എന്നും ഇത് തന്നെയാ.. ഇനി പഠിക്കാൻ കഴിയില്ല. പഠിക്കുന്നത് കണ്ടാൽ അച്ഛൻ വന്നു പുസ്തകവും ബുക്കും ഒക്കെ വലിച്ചു കീറും..'

വിഷമത്തോടെ ചിന്തിച്ചു കൊണ്ട് അവൾ തന്റെ പുസ്തകങ്ങളിലേക്ക് നോക്കി.

"എടീ.. നിന്റെ ആ സുന്ദരിക്കോത മോൾ എവിടെ എന്ന്?"

വീണ്ടും അച്ഛന്റെ ശബ്‌ദം കേട്ടതും പുസ്തകങ്ങൾ അടച്ചു ഭദ്രമായി ബാഗിലെക്ക് എടുത്ത് വച്ചിട്ട് അവൾ ഉമ്മറത്തേക്ക് നടന്നു.

" വന്നോ.. മോളെ ഇത്രയും സമയം എവിടെയായിരുന്നു? അച്ഛൻ എവിടെയൊക്കെ അന്വേഷിച്ച് എന്നറിയാമോ?"

അവളെ കണ്ടയുടനെ നാവു കുഴഞ്ഞു കൊണ്ട് അയാൾ എന്തൊക്കെയോ പറയാൻ ശ്രമിച്ചു. അവൾക്ക് പുച്ഛം തോന്നി.

നിന്നിടത്ത് തന്നെ നിന്ന് എന്തൊക്കെയോ പുലമ്പി. പിന്നെ അവിടെ തന്നെ വീണു കിടപ്പായി. അവൾ അറപ്പോടെ അത് നോക്കി നിന്നു.

" ഇന്നത്തെ പരാക്രമം കഴിഞ്ഞു. "

അത്രയും പറഞ്ഞു കൊണ്ട് അമ്മ അപ്പോൾ തന്നെ അകത്തേക്ക് കയറിപ്പോയി.

അച്ഛൻ പെട്ടെന്നു തന്നെ വീണു കിടക്കുന്നത് കണ്ട അവൾക്ക് നേരിയ ഒരു ആശ്വാസം തോന്നാതിരുന്നില്ല. അമ്മയ്ക്ക് പിന്നാലെ അവളും അകത്തെ മുറിയിലേക്ക് പോയി.

തനിക്ക് ചെയ്തു തീർക്കാനുള്ള ഗൃഹ പാഠങ്ങളുമായി വീണ്ടും മല്ലിടാൻ ആരംഭിച്ചു. അവളുടെ പഠനം കഴിഞ്ഞ് വരുമ്പോഴേക്കും അമ്മ കഴിക്കാൻ ആഹാരം എടുത്തിട്ടുണ്ട്.

അവിടെ ചെന്നിരുന്നു ആഹാരം കഴിക്കുമ്പോഴും, ആ കുഞ്ഞു മനസ്സിൽ എന്തിനെന്നറിയാത്ത ഒരു വിങ്ങൽ രൂപപ്പെട്ടിരുന്നു.

തന്റെ അച്ഛൻ എന്തെങ്കിലും കഴിച്ചിരുന്നോ എന്നൊരു ചിന്ത.. പക്ഷേ അത് പുറത്തേക്ക് ചോദിക്കാനോ പറയാനോ അവൾക്ക് ഭയമായിരുന്നു.

അച്ഛനെക്കുറിച്ച് അമ്മയോട് ചോദിച്ചാൽ അമ്മ ദേഷ്യപ്പെടും. അമ്മയ്ക്ക് ഇഷ്ടമല്ല അച്ഛനെ കുറിച്ച് സംസാരിക്കുന്നത്.

മുൻപൊരിക്കൽ ഒരു അനുഭവം ഉള്ളത് കൊണ്ട് തന്നെ അവൾ തന്റെ നാവിൻതുമ്പിൽ എത്തിയ ചോദ്യങ്ങൾ അടക്കി പിടിച്ചു.

ആഹാരം കഴിച്ച പാത്രം കഴുകി വെച്ചു കൊണ്ട് അവൾ തന്റെ കുഞ്ഞു മുറിയിലേക്ക് നടന്നു.

യുപി സ്കൂളിലേക്ക് ആയതു മുതൽ ഒറ്റക്കാണ് കിടക്കുന്നത്. ആ മുറി തന്നെയാണ് പഠിക്കാനും ഉപയോഗിക്കുന്നത്.

മുറിയിലേക്ക് പോകുന്നതിനു മുൻപ് അവൾ ഉമ്മറത്തേക്ക് ഒന്ന് എത്തി നോക്കി. അച്ഛൻ അവിടെ തന്നെ കിടപ്പുണ്ട്. ഇടയ്ക്ക് എന്തോ ഓർമ്മ വന്നത് പോലെ പിറുപിറുക്കുന്നുണ്ട്.

അവളുടെ കണ്ണുകൾ നേരെ ഓപ്പോസിറ്റ് ഉള്ള വീട്ടിലേക്ക് പോയി.

' അച്ഛന്റെ കലാപരിപാടികൾ ഇന്നും അവൾ കണ്ടിട്ടുണ്ടാകും. നാളെ ഞാൻ ക്ലാസ്സിൽ എത്തുന്നതിനു മുൻപ് തന്നെ ഇതൊക്കെ അവൾ ക്ലാസിൽ എത്തിക്കുകയും ചെയ്യും.'

വിഷമത്തോടെ ആ കുരുന്ന് ചിന്തിച്ചു. അത് ഓർത്തപ്പോൾ അച്ഛനോട് വല്ലാത്ത ദേഷ്യം തോന്നി പോയി. അതോടെ അവൾ വേഗം തന്റെ മുറിയിലേക്ക് നടന്നു.

ഉറങ്ങാൻ കിടക്കുമ്പോഴും നാളെ ക്ലാസ് മുറിയിൽ താൻ എന്തൊക്കെ പരിഹാസ ശരങ്ങൾ ആണ് ഏറ്റു വാങ്ങേണ്ടത് എന്നുള്ളതായിരുന്നു ആ കുഞ്ഞിന്റെ ചിന്ത.

പിറ്റേന്ന് സ്കൂളിലേക്ക് പോകാൻ അവൾക്ക് യാതൊരു ഉത്സാഹവും ഉണ്ടായിരുന്നില്ല. അമ്മയോട് പോകാതിരിക്കാൻ ഒരു കാരണം പറയാൻ അവൾക്ക് കിട്ടിയതുമില്ല.

എന്തൊക്കെ കാരണങ്ങൾ നിരത്തിയാലും സ്കൂളിൽ പോകാതിരിക്കാൻ ഉള്ള അടവാണ് എന്ന് മാത്രമേ അമ്മ പറയൂ.

"നീ അറിഞ്ഞോ മേലെ മാനത്ത് ആയിരം ഷാപ്പുകൾ തുറക്കുന്നുണ്ട്.."

ക്ലാസ് മുറിയിലേക്ക് കയറിയതും അവളെ വരവേറ്റത് ആ പാട്ട് ആയിരുന്നു.

അവളുടെ കണ്ണുകൾ വിഷമത്തോടെ ക്ലാസ് മുറിക്കുള്ളിലേക്ക് പാഞ്ഞു. അവിടെ വിജയിയെ പോലെ തലയുയർത്തി നിൽക്കുന്ന ഒരുവളെ അവൾ കണ്ടു.

അവൾ വിഷമത്തോടെ തല കുനിച്ചു. കൂട്ടുകാർ വീണ്ടും കളിയാക്കുമ്പോഴും അതൊന്നും ശ്രദ്ധിക്കാതെ അവൾ തന്റെ സീറ്റിലേക്ക് പോയി ഇരുന്നു.

"അപ്പോൾ നമുക്ക് ചോദ്യം ചോദിച്ചാലോ?"

ഒരു പുഞ്ചിരിയോടെ ടീച്ചർ ചോദിച്ചതും എല്ലാവരും ഒരുമിച്ച് തലകുലുക്കി. ടീച്ചർ ഓരോരുത്തരോടായി ചോദ്യം ചോദിക്കാൻ തുടങ്ങി.

ഒടുവിലത് കറങ്ങി തിരിഞ്ഞ് അവളിൽ എത്തി നിന്നു. നിർഭാഗ്യവശാൽ അതിന് ഉത്തരം പറയാൻ അവൾക്ക് കഴിഞ്ഞില്ല.

" അവളെ വഴക്ക് പറയല്ലേ ടീച്ചറെ.. ഇന്നലെയും അവളുടെ അച്ഛൻ കള്ളും കുടിച്ചു വന്ന് ആകെ ബഹളമായിരുന്നു. എന്റെ വീട്ടിൽ വരെ കേൾക്കാമായിരുന്നു.

ആ ബഹളത്തിനിടയിൽ ഞാൻ തന്നെ വല്ലവിധേനയും കഷ്ടപ്പെട്ടാണ് പഠിച്ചത്. അപ്പോൾ പിന്നെ അവൾക്ക് എങ്ങനെ പഠിക്കാൻ സാധിക്കും? "

അവളുടെ കൂട്ടുകാരി വിഷമം നടിച്ചു പറഞ്ഞു. ടീച്ചർ രൂക്ഷമായി അവളെ നോക്കി. അവരുടെ കണ്ണുകളിൽ സഹതാപം അലയടിച്ചുയരുന്നത് അവൾ കണ്ടു.

" ആണോ മോളെ..? "

അവർ സഹതാപത്തോടെ ചോദിച്ചു. അവൾക്ക് അത് വല്ലാത്ത അപമാനമായി തോന്നി.

ചോദ്യം ചോദിച്ചിട്ട് ഉത്തരം പറയാൻ പറ്റാതിരുന്നതിനേക്കാൾ, അവളെ വേദനിപ്പിച്ചത് കൂട്ടുകാരുടെ സഹതാപം നിറഞ്ഞ കളിയാക്കലുകൾ ആയിരുന്നു.

അവളുടെ കണ്ണുകൾ അനിയന്ത്രിതമായി നിറഞ്ഞു. അവൾ മുഖം പൊത്തി പൊട്ടി കരഞ്ഞു.

അന്ന് വൈകിട്ട് ക്ലാസ്സ് വിട്ട് വീട്ടിലേക്ക് നടക്കുമ്പോഴും അവളുടെ മുഖം കടുത്തു തന്നെയായിരുന്നു.

വഴിയിൽ കാണുന്ന പല കുട്ടികളും അച്ഛന്റെ കള്ളുകുടിയെ കുറിച്ച് ചോദിക്കാൻ തുടങ്ങിയതോടെ അവൾക്ക് തന്റെ നിയന്ത്രണം നഷ്ടമായി.

എല്ലാവർക്കും മുന്നിലും തന്നെ പരിഹാസ പാത്രമായി മാറ്റുന്നത് തന്റെ അച്ഛനാണെന്ന് ഓർക്കേ അവൾക്ക് വല്ലാത്ത പുച്ഛം തോന്നി.

പല ചിന്തകൾ കൊണ്ട് വീട്ടിലേക്ക് നടക്കുമ്പോൾ അവളുടെ മനസ്സിൽ ആദ്യമായി താൻ അപമാനിക്കപ്പെട്ട ദിവസമായിരുന്നു.

തന്റെ ചെറിയ പ്രായത്തിൽ അച്ഛൻ ഇത്രയധികം മ ദ്യപിക്കുന്ന ഒരാളായിരുന്നില്ല.

ഇടയ്ക്ക് എപ്പോഴോ എന്തൊക്കെയോ പ്രശ്നങ്ങൾ ഉള്ളതു കൊണ്ടാണ് അച്ഛൻ മ ദ്യപിക്കാൻ ആരംഭിച്ചത് എന്ന് അവൾക്ക് അറിയാമായിരുന്നു.

അച്ഛൻ മ ദ്യപാനം തുടങ്ങിയതിൽ പിന്നെ അവൾക്ക് സ്വസ്ഥതയും സമാധാനവും കിട്ടിയിട്ടില്ല. അവളെ പഠിക്കാൻ അനുവദിക്കാതെ എപ്പോഴും ബഹളമാണ്.

അച്ഛൻ വന്നാൽ ഉടനെ അവളെ അന്വേഷിക്കും. അവളെ കണ്ടില്ലെങ്കിൽ ബഹളം വയ്ക്കും. ഒരിക്കൽ അച്ഛനോട് ദേഷ്യം തോന്നി, വിളിച്ചിട്ടും അടുത്തേക്ക് പോകാതെ അവൾ പഠിച്ചു.

പക്ഷേ അതിന്റെ ദേഷ്യത്തിൽ അകത്തേക്ക് പാഞ്ഞു വന്ന അച്ഛൻ അവളുടെ പുസ്തകങ്ങൾ വലിച്ചു കീറി. അതോടെ അവൾക്ക് അച്ഛനെ ഭയമായി.

അങ്ങനെയിരിക്കെയാണ് അവളുടെ ക്ലാസിലേക്ക് പുതിയ ഒരു കുട്ടി വരുന്നത്. അവളുടെ വീടിന്റെ തൊട്ടപ്പുറത്തെ വീട്ടിൽ തന്നെയാണ് താമസം.

ആ കുട്ടിയെക്കാൾ പഠിക്കാൻ മിടുക്കി താൻ ആയിരുന്നു അതുകൊണ്ട് തന്നെ ടീച്ചർമാർക്ക് ഒക്കെയും തന്നെ വല്ലാത്ത ഇഷ്ടമായിരുന്നു.

സഹപാഠികൾക്കും അങ്ങനെ തന്നെ. ആ കുട്ടിക്ക് എന്തുകൊണ്ടോ അതൊന്നും ഇഷ്ടമാകുന്നുണ്ടായിരുന്നില്ല.

അതുകൊണ്ട് തന്നെ അവൾ തന്നെ അപമാനിക്കാൻ ഒരു അവസരത്തിനു വേണ്ടി കാത്തിരുന്നു. അങ്ങനെ അവൾക്ക് കിട്ടിയ ഒരു അവസരം ആയിരുന്നു തന്റെ അച്ഛൻ.

തന്റെ അച്ഛൻ കള്ളുകുടിച്ചു വന്ന് ബഹളം വയ്ക്കുന്നത് അവൾ ക്ലാസിൽ പാട്ടാക്കി. അതോടെ എല്ലാവരുടെയും സഹതാപം നിറഞ്ഞ നോട്ടം തന്നിലേക്ക് എത്തിത്തുടങ്ങി.

താൻ ജീവിതത്തിൽ ഏറ്റവും വെറുക്കുന്ന ഒന്നാണ് സഹതാപം. ആ അവസ്ഥയിലേക്ക് തന്നെ എത്തിച്ചത് അച്ഛനുള്ള പങ്ക് ചെറുതല്ല എന്ന് അവൾക്ക് തോന്നി.

അന്നും പതിവു പോലെ അച്ഛൻ രാത്രിയിൽ കള്ളുകുടിച്ച് വീട്ടിലേക്ക് വന്നു.

പതിവ് കലാപരിപാടികൾക്ക് ശേഷം അച്ഛൻ ഉറങ്ങുകയും ചെയ്തു. അച്ഛനോട് സംസാരിക്കാൻ കാത്തിരുന്ന അവൾക്ക് ഏറ്റ വലിയൊരു തിരിച്ചടിയായിരുന്നു അത്.

പക്ഷേ തോറ്റു പിന്മാറാൻ അവൾ തയ്യാറല്ലായിരുന്നു. പിറ്റേന്ന് രാവിലെ അച്ഛൻ ഉണരുന്നത് വരെ അവൾ ക്ഷമാപൂർവ്വം കാത്തിരുന്നു.

ഉറക്കത്തിൽ നിന്ന് എഴുന്നേറ്റ് അച്ഛന് അവളുടെ മുഖത്തേക്ക് നോക്കാൻ വല്ലാത്ത മടി തോന്നി.

" അച്ഛാ എന്റെ മുഖത്തേക്ക് നോക്കാൻ മടിക്കേണ്ട. എനിക്ക് ഇപ്പോൾ ശീലം ആണല്ലോ. അച്ഛന് നാണക്കേടോ അപമാനമോ തോന്നുന്നു ഉണ്ടായിരുന്നെങ്കിൽ ഒരിക്കലും ഇങ്ങനെ ഒരു പ്രവർത്തി ചെയ്യില്ല.

അച്ഛൻ കള്ളുകുടിച്ച് സ്വയം നശിക്കുന്നത് പോരാഞ്ഞിട്ട് ഞങ്ങളുടെ ജീവിതം കൂടിയാണ് നശിപ്പിക്കുന്നത്.

അച്ഛന്റെ കള്ളുകുടി കാരണം എനിക്ക് പുറത്തിറങ്ങി നടക്കാൻ വയ്യാത്ത അവസ്ഥയാണ്. അമ്മയുടെ കാര്യവും മറിച്ചല്ല എന്ന് എനിക്കറിയാം.

ഒരു കുട്ടിയായ എനിക്ക് ഇത്രയും അപമാനം സഹിക്കേണ്ടി വരുന്നുണ്ടെങ്കിൽ അമ്മയ്ക്ക് ചെറുത് ഒന്നും ആയിരിക്കില്ലല്ലോ.. "

അവൾ പുച്ഛത്തോടെ ചിരിച്ചു. സ്വന്തം മകളുടെ നാവിൽ നിന്നും താൻ കേൾക്കുന്നത് ഓർത്തു അയാൾക്ക് കുറ്റബോധം തോന്നി.

പക്ഷെ, താൻ ഈ കേൾക്കുന്നതിനൊക്കെ താൻ അർഹൻ ആണെന്ന ചിന്ത അയാളെ വല്ലാതെ വേദനിപ്പിച്ചു.

" അച്ഛന് അച്ഛന്റെ ഇഷ്ടം പോലെ ജീവിക്കാം. പക്ഷേ ഞങ്ങളുടെ ജീവിതം നശിപ്പിക്കരുത് എന്ന് ഒരു അപേക്ഷ മാത്രമേ എനിക്കുള്ളൂ.. "

അത്രയും പറഞ്ഞ് മകൾ അകത്തേക്ക് പോകുമ്പോൾ അയാളുടെ മിഴികൾ നിറയാൻ തുടങ്ങിയിരുന്നു.

ഇനി ഒരിക്കൽ കൂടി മകളുടെ നാവിൽ നിന്ന് ഇങ്ങനെയൊക്കെ കേൾക്കാൻ താനായി അവസരമൊരുക്കില്ല എന്ന് അയാൾ ആ നിമിഷം ദൃഢനിശ്ചയം ചെയ്തു.

കഥ ഇഷ്ടമായെങ്കിൽ ലൈക്ക്, കമന്റ് ചെയ്യണേ ❤️🙏

133 - 8

Pranayamazha Story Teller
Posted 7 months ago

കാൽപ്പാടുകൾ
(രചന: അച്ചു വിപിൻ)

എന്തോന്നടി ഇത്? നിന്റെ വയറു മൊത്തം വരയും കുറിയും ആണല്ലോ? മാത്രല്ല പ്രസവം കഴിഞ്ഞപ്പോ നീയങ്ങു തടിച്ചു കൊഴുത്തു ചക്ക പോലായി..ഹോ പണ്ടെങ്ങനെ ഇരുന്ന പെണ്ണാ...

സൂസനതന്റെ മുഖത്ത് നോക്കി പറയുമ്പോ എന്തോ പോലായി ഞാൻ ...

നീ വിഷമിക്കാൻ പറഞ്ഞതല്ലടി..ദേ എന്നെ നോക്ക് മോളുണ്ടായി ആറുമാസം കഴിഞ്ഞപ്പഴേക്കും ഞാൻ ദേ പഴയ പോലായി...

കൊച്ചിയിൽ ഉള്ള ന മി ത പിള്ളയാണ് എന്റെ ഫിറ്റ്നസ് ഗുരു വണ്ണവും പോയി ക്രീം ഒക്കെ തേച്ചു വയറിൽ ഉള്ള സ്ട്രെച്ച് മാർക്കും പോയി..വേണേൽ നീയും പോരെ എന്റെ കൂടെ ഈ വണ്ണമൊക്കെ കളഞ്ഞു നമുക്ക് പഴയ പോലാവാം...

ഞാൻ അവളെ നോക്കി ഒന്ന് ചിരിച്ചു കൊണ്ട് പറഞ്ഞു ആഹാ നല്ല കഥയായി മോനെ ഇട്ടിട്ടു ഒരു ദിവസം മാറിനിക്കാൻ വയ്യടി മാത്രല്ല അവൻ പാലുകുടിക്കണ്ടു അപ്പൊ എങ്ങനെ ഡയറ്റു ചെയ്യാനാ? ഞാൻ ഇല്ല എന്തായാലും...

ആ ബെസ്റ്റ് നീ ഇപ്പഴും കുഞ്ഞിന് പാല് കൊടുക്കണ്ടോ ഒരുവയസ്സായില്ലെ ഇനി നിർത്തിക്കൂടെ? ഞാനൊക്കെ മൂന്നുമാസെ കൊടുത്തുള്ളൂ അത് തന്നെ അമ്മ നിർബന്ധിച്ചിട്ട..

നീ കൊച്ചിന് പാലും കൊടുത്തു ഇങ്ങനെ തടിച്ചി ആയി നടന്നോ ഒടുക്കം നിന്റെ കെട്ടിയോൻ കണ്ട പെണ്ണുങ്ങടെ പുറകെ പോകും...

ഈ വയറ്റത്ത് പാടും വെച്ചു ചക്ക പോലെ ഇരിക്കുന്ന നിന്നെ നിന്റെ ഭർത്താവിന് പോലും അവസാനം മടുക്കും.അങ്ങനെ ഒരവസ്ഥ വരാതിരിക്കാനാ ദിവ്യെ നിന്നോട് ഞാൻ ഇതൊക്കെ പറഞ്ഞത്..സ്ലിം ആയി നടന്ന നിനക്ക് കൊള്ളാം...

അവൾ പറഞ്ഞത് എന്റെ ചങ്കിൽ ആണ് കൊണ്ടത് അന്ന് രാത്രി എനിക്കുറക്കം വന്നില്ല..

ഒന്നും അറിയാതെ അടുത്ത് കിടന്നുറങ്ങുന്ന അനിയേട്ടന്റെ മുഖത്തേക്ക് ദയനീയതയോടെ ഞാൻ നോക്കി..അവൾ പറഞ്ഞത് സത്യമാകുമോ? എന്നെ ഇട്ടിട്ടെങ്ങാൻ പോയി കളയുമോ ദൈവമേ...

പിന്നീടുള്ള ദിവസങ്ങളിൽ വിഷമം കൂടി കൂടി വന്നു... പകൽ സമയങ്ങളിൽ ഓരോന്ന് പറഞ്ഞു അടുത്ത് വന്ന അനിയേട്ടനെ മനഃപൂർവം ഞാൻ ഒഴിവാക്കി...ആൾടെ മുന്നിൽ നിന്നും ഡ്രസ്സ്‌ മാറാൻ പോലും മടിച്ചു ഞാൻ...

ഒരു ദിവസം രാത്രി കിടക്കാൻ നേരം അനിയേട്ടൻ എന്നെ ചേർത്ത് പിടിച്ചു കൊണ്ട് ചോദിച്ചു,നിനക്കിതെന്താ ദിവ്യ പറ്റിയത്..ഒന്നടുത്തു പോലും വരുന്നില്ലല്ലോ നീ..എന്താ നിന്റെ പ്രശ്നം എന്താണേലും എന്നോട് തുറന്നു പറയ്‌...

അത് അത് പിന്നെ...

ഞാൻ ഇങ്ങനെ വണ്ണം വെച്ചിരിക്കുന്നതിൽ ഏട്ടനെന്തേലും കുഴപ്പോണ്ടോ?എന്റെ വയറു നോക്കിക്കെ മുഴോനും പ്രസവശേഷം വന്ന പാടുകള...ഇങ്ങനെ ഒക്കെ ഇരുന്ന നിന്റെ ഭർത്താവ് കണ്ട പെണ്ണുങ്ങടെ പുറകെ പോകുമെന്നാ സൂസൻ പറഞ്ഞു..

നീയിത് എന്തൊക്കെയാ ദിവ്യ ഈ പറയുന്നത്...കണ്ട പെണ്ണുങ്ങൾ വല്ലോം പറഞ്ഞെന്നു വെച്ചു നീ എന്തിനാ വേണ്ടാത്തത് ചിന്തിച്ചു കൂട്ടുന്നത്...

ഒക്കെ എനിക്കറിയാം എന്റെ ഭംഗി ഒക്കെ പോയി കുറച്ചു കഴിയുമ്പോ അനിയേട്ടനെന്നോടു വെറുപ്പ്‌ തോന്നും... അല്ലേലും വയറ്റത്ത് പാടും വണ്ണവും കൊണ്ട് നടക്കുന്ന എന്നെ ഇനി എന്തിനു കൊള്ളാം...

ആഹാ ഇപ്പൊ ഇതൊക്കെയാണല്ലേ നിന്റെ മനസ്സിൽ...

എടി നിന്നെ പോലെ ഒന്ന് വണ്ണം വെച്ചിരുന്നെങ്കിൽ അല്ലെങ്കി നിന്റെ വയറ്റിൽ ഉള്ളപോലുള്ള പാടുകൾ എനിക്കും വന്നിരുന്നെങ്കിൽ എന്ന് ചിന്തിക്കുന്ന എത്രയോ പെണ്ണുങ്ങൾ ഇണ്ടീ ലോകത്തു അവരെ തട്ടിച്ചു നോക്കുമ്പോ നീ ഭാഗ്യവതിയല്ലേടി..

അല്ലേലും ഈ കാണുന്ന പാടുകൾ സ്വയം ഉണ്ടായതല്ലല്ലോ, ഞാൻ അല്ലെ അതിനു പൂർണ്ണ ഉത്തരവാദി.അങ്ങനെ ഉള്ളപ്പോ ഞാൻ നിന്നെ ഇട്ടിട്ടു പോകുന്നതെങ്ങനാടി ....

പിന്നെ,പ്രസവിച്ച ശേഷം വണ്ണം വെക്കുന്ന സ്ത്രീകളോട് പുരുഷന്മാർക്ക് ഇഷ്ടം കുറയുമെന്ന് നിന്നോടാരാടി പോത്തേ പറഞ്ഞെ? അങ്ങനെ ആരേലും ഉണ്ടേൽ തന്നെ നൂറിൽ ആറേ കാണുള്ളൂ....

നിന്റെ വയറ്റിൽ ഉള്ള ഈ പാടുകൾ കാണുമ്പോൾ എനിക്ക് നിന്നോടുള്ള സ്നേഹം കുറയുകയല്ല മറിച്ചു കൂടുകയാണ് ചെയ്തിട്ടുള്ളത്,സത്യം പറഞ്ഞ ഇത് കാണുമ്പോ നമ്മടെ ആദിയെ നീ വയറ്റിൽ ഇട്ടു നടന്നോണ്ടിരുന്നത് ഓർമ്മവരുമെനിക്ക്...

നിന്നെ ഏറ്റവും സുന്ദരിയായി ഞാൻ കണ്ടിട്ടുള്ളത് നീ എന്റെ കാമുകിയായി ഇരുന്നപ്പോഴോ എന്റെ ഭാര്യയായി ഇരുന്നപ്പോഴോ അല്ല മറിച്ചു നീ നമ്മടെ മോനെ ഗർഭിണിയായി ഇരുന്നപ്പോഴാണ്...

നിന്റെ വയറിൽ കാണുന്ന,ഒരിക്കലും മായരുതെന്നു ഞാൻ ആഗ്രഹിക്കുന്ന ഈ പാടുകൾ,എന്റെ മോൻ അവന്റെ കുഞ്ഞിക്കാലുകൊണ്ട് ചവിട്ടിയും തൊഴിച്ചും ഉണ്ടാക്കിയതാണ്.. ഇതിവിടെ തന്നെ കിടന്നോട്ടെ എന്നെ ആദ്യമായി അച്ഛാ എന്ന് വിളിച്ച എന്റെ മോന്റെ ഓർമക്കായി....

ഇത്രയും പറഞ്ഞുകൊണ്ടാ മനുഷ്യൻ എന്റെ വയറ്റിൽ അമർത്തി ചുംബിക്കുമ്പോൾ പറയാൻ വന്ന വാക്കുകൾ ജലകണങ്ങളായി എന്റെ കണ്ണിൽ നിന്നും ഒഴുകുകയായിരുന്നു.....

NB:നമ്മടെ നായിക ദിവ്യയുടെ അതെ സംശയം എനിക്കുമുണ്ടായിരുന്നൂട്ടോ... അപ്പോഴാണ് എന്റെ മോന്റെ പപ്പയെനിക്ക് ഒരു കുഞ്ഞിനെ കൂടി റെക്കമെന്റ് ചെയ്തത്..ഇപ്പൊ ആദ്യത്തവൻ വരച്ചത് കൂടാതെ വട്ടത്തിലും, കുറുകെയും ,

നീളത്തിലുമായി ഇമ്മിണി വല്യ പാടുകൾ രണ്ടാമത്തെയാൾ കാരണം വയറു മൊത്തം വന്നിട്ടുണ്ട്..അത് കാണുന്നത് തന്നെ ഒരു സുഖാണ്...മനസുഖം നൽകുന്ന ആ പാടുകൾ എല്ലാ സ്ത്രീകൾക്കും ദൈവം കൊടുക്കട്ടെ...

കഥ ഇഷ്ടമായെങ്കിൽ ലൈക്ക്, കമന്റ് ചെയ്യണേ ❤️🙏

250 - 6

Welcoem to posts!!

Pranayamazha Story Teller Posted 2 weeks ago

Pranayamazha Story Teller Posted 3 weeks ago

Pranayamazha Story Teller Posted 1 month ago

Pranayamazha Story Teller Posted 1 month ago

Pranayamazha Story Teller Posted 2 months ago

Pranayamazha Story Teller Posted 6 months ago

Pranayamazha Story Teller Posted 7 months ago

Pranayamazha Story Teller Posted 7 months ago

Pranayamazha Story Teller Posted 7 months ago

Pranayamazha Story Teller Posted 7 months ago

Pranayamazha Story Teller
Posted 2 weeks ago

Pranayamazha Story Teller
Posted 3 weeks ago

Pranayamazha Story Teller
Posted 1 month ago

Pranayamazha Story Teller
Posted 1 month ago

Pranayamazha Story Teller
Posted 2 months ago

Pranayamazha Story Teller
Posted 6 months ago

Pranayamazha Story Teller
Posted 7 months ago

Pranayamazha Story Teller
Posted 7 months ago

Pranayamazha Story Teller
Posted 7 months ago

Pranayamazha Story Teller
Posted 7 months ago