للناس اللي بتحب تويتر ، فانا دلوقتي بقيت موجود علي تويتر
وباذن الله هكون نشط هناك علي قد ما أقدر
وده اللينك :
twitter.com/abdallah2day?t=GPsuCf0rqE0ss2ohjndGUQ&…
وبالنسبه اني بقالي فتره مش بعمل فيديوهات ، فصدقوني حصل ظروف خارجه عن ارادتي.
حاليا بجهز الفيديو الجديد وبإذن الله هيكون جاهز في أقرب وقت ممكن❤️
شكرا لوجودكم في حياتي❤️
في الفتره الأخيره بدأت أحس ان الناس فهمو المحتوي بتاعي غلط خالص.
أنا بعمل الفيديوهات اللي من نوع : اني اتعلمت لغه في وقت قليل او برمجه في وقت قليل او ايا كان.
الفيديوهات دي انا اولا بحاول أشارك شغفي معاكم لاني شخص متعدد الشغف بطريقه غريبه ، ودي حاجه متعبه جدا عكس مانتو متصورين.
ولو حد هنا متعدد الشغف هيفهم قصدي كويس أوي.
بس عايز أفهمكم اني مش بوصل لمرحلة اني ابقا محترف في الحاجه اللي بتعلمها ، بالعكس أنا بحاول اوصل لمستوي متوسط او حتي مبتدئ في الحاجه وخلاص ، وده بغرض اني اشبع حتة الشغف الغريبه اللي جوايا. وبحاول أخلصها في أقل وقت ممكن لان فيه غيرها حاجات كتيره اوي عايز اجربها.
لكن مش عايز ده يخليك تقلل من نفسك أو من قدراتك أو انك مقدرتش تخلص اللغه في سنه او اتنين او تلاته.
صدقني أنا مش أحسن منك في حاجه ، ولا انا عايز أبينلك اني اجمد واحد في المجره ومفيش مني اتنين.
كل واحد عنده أغراض مختلفه من التعلم ، بس لاني بتعلم بغرض اني بحب ده وعندي شغف بيه مش بتعمق اوي في الحاجه اللي بعملها ، ومادام أخدت فكره كويسه عنها خلاص بنقل للي بعدها.
لكن لو انت بتتعلم الحاجه عشان هتكون شغلك ومجالك بعدين فانت طبيعي هتاخد فيها وقت اكتر مني بكتير . بس ده مش عشان انت اقل ذكاء مني ، ولكن ده عشان انت بتحاول تتقنها وتوصل فيها لافضل مستوي ممكن.
بس انا لما بتعلم الحاجه واجربها بعرف ايه الطريق اللي المفروض امشي عليه لو حبيت أوصل لمرحلة الاتقان فيها ، وده اللي بحاول اوصله ليكم في الفيديوهات بتاعتي.
فأتمني بجد محدش يفهمني غلط تاني ، أنا بحاول أشجعكم وأقولكم تتعلمو ازاي عن تجربه عشان مكنش طالع ارميلك كلمتين وخلاص واسيبك تتسوح ، ومش بحاول أحبطكم أو أبينلكم اني عبقرينو زماني ، واتمني رسالتي توصل لكل المتابعين❤️