Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
達朝話朱古力，多謝兄弟
148 - 3
慘呀！
今晚特登扮演fans呢個角色到場支持，雖然同大獎無緣，都多謝達，呣呣村同反應熱烈嘅現場兄弟。祝大家平安夜，聖誕快樂！(似乎有人未經同意就喺某討論區用呢張相，本人係無某討論區Account，如果有人冒認或引起誤會，請自行無視。)
175 - 5
上一篇長文當做對一直留言叫我回歸嘅兄弟作一個交代，呢一篇我當做對我個人或者呢個頻道有質疑嘅人作一次完整嘅澄清。如果日後有人繼續對我惡意中傷，或者話我同Backup佬一丘之貉，我阻止唔到。呢班人講嘢中傷人係無成本，但事到如今我反駁其實一樣無成本。我從來唔洗拋頭露臉，我唔洗顧忌形象，就算罵戰都無咩所謂。
首先，呢個頻道從來無任何廣告，只有部分影片如果被youtube鬼婆掃到有音樂，youtube會自己加廣告上去，收益係會去返首歌的版權持有人。咁多年來，呢個頻道完全無開營利，我亦唔清楚營利系統係點樣運作，我完全無興趣去深究。Sleeping dogs之後，的確有人提議我哋開營利，但我極力反對呢個提議，因為當時我強調呢個頻道只係for fun，亦唔想未來因為頻道收益令兄弟之間有爭拗。呢啲事情都係喺達哥知情情況下，大家一齊傾過。我實在唔明白點解一直以嚟都有人話我借啲片搵大錢，依家搵夠就收山。更離奇係有人話我呢幾年得到好多機會，我真係好想問，我連露面，甚至上達台同達打機都無興趣，我得到嘅機會到底係咩機會？「干擾機會」？更離奇係呢啲指控無任何根據，但竟然有人附和，甚至有少部分嘅人喺我啲片留言，對我惡言相向。
更何況，即使我哋當日決定開營利，呢啲收益達哥都一定會一清二楚，我諗講呢啲謠言嘅人低估咗我同達之間嘅信任，甚至以為我會隱瞞達獨吞啲利益。有啲人可能以為我唔敢回應，係因為我真係有通過呢個台賺錢，或者喺呢個台以外賺到好多利益。對唔住，其實我只係唔想睬你班人，甚至有段時間我覺得你哋無中生有嘅指控好有趣。如果好好利用你哋嘅想像力，可能會寫到一部唔錯嘅商戰小說。
其實我諗返轉頭，就算個頻道開營利都係天公地道，畢竟我同達都一樣有付出過，當然達付出遠遠比我多。有人話我賣慘、賣辛苦、扮偉大之類，其實你講乜都好啦，我無咩興趣同你討論對我個人嘅主觀感覺，但講嘢或者針對我嘅人格都要基於最起碼嘅事實同證據。好坦白講，已經過咗咁多年，我根本唔需要再證明自己乜嘢，我嘅觀眾，我喺達台識到嘅兄弟，我現實中嘅朋友都有目共睹。或者就係呢種自信，令我一直無興趣回應謠言同指控。
最後我只係希望香港人可以俾條生路啲搞創作嘅人行下，開個營利唔係罪大惡極，前題當然係你無侵權。好多人太習慣去公審人，但完全唔會諗下人哋所付出嘅努力，甚至自己講嘢有邏輯問題。如果你咁唔抵得某啲人可以出名同成功，可以賺大錢，我建議你自己都試下努力堅持去做一件事，開台打機又好、搞藝術又好、寫書又好、做音樂又好，假以時日你都可以分一杯羹。
472 - 45
原來不知不覺9月11號已經過咗，即係爆機兄弟已經十週年，雖然遲咗，但都補祝台慶快樂。
雖然小弟沈寂咗都一段時間，但其實我一直都有睇留言，亦到收到知道我真身的兄弟當面叫我回歸。
可惜小弟真係提唔勁再剪片，最主要嘅原因就係我剪咗咁多年，其實技術無咩長進，都唔覺得會超越到最初達哥慘被輪、綠帽達的復仇、完全自殺手冊、亞爾蓋達之類嘅片。我講過我係一個隨心做事嘅人，而我好討厭將呢件事變成日常作業嘅工作，但我無端端堅持咗幾年，我唔知要俾掌聲自己，定係要恥笑自己好。反正就係，無進步，又無咩動力去改進，所以索性就唔剪，免得又製作多一舊低質作品（雖然本來都唔高質）。
到咗我咁嘅年紀，已經唔可以過以前果種等達收台，再自己執片、剪片搞到4、5、6點，瞓兩個鐘再返學／返工嘅生活。基於自己生活習慣問題，小弟睡眠時間長期不足4小時。脫離咗「論論文」果份工之後，勉強可以瞓多1、2個鐘，又因為無咁大壓力，健康稍為恢復，亦有時間做一啲自己想做的事（雖然大多數都係喺聽住歌睇書或者發呆）。一旦開始咗新興趣或新習慣，就更加對剪精華提唔起勁，因為熱誠都集中晒去果一邊了。
我自己腦入面都周不時有一啲想法，當然實行果時係咪用返呢個Channel就要同達哥商量吓。不過都係一直停留喺腦內有想法嘅階段，要等自己有一時意興想開始實踐一啲事，我先會有心有力去做，往往都係率性隨心去做先會有意外收獲就好似以前啲精華咁。
好老土咁嚟個結尾: 很抱歉無法回應大家的期待，都很感激兄弟多年支持，有緣的話會以不同形式再會。
947 - 81
多謝香港運動員！如同李慧詩所講,唔係拎到牌先係英雄，香港人勁揪！
101 - 1
香港人,It's coming to HONG KONG!!!
133 - 3
作為一個前媒體人,只想對蘋果行家們講聲: 多謝，珍重！未來見！
168 - 1
雖然係佛誕,但竟然成為達朝最黑暗嘅一日
175 - 14
128 維園見
127 - 5
有票一定要投，盡公民責任。
我個人就唔會再投當區建制派區議員，因為佢已經自動當選兩屆，而且社區問題頗多。
我唔想勸人只睇政見投票，因為都關乎未來幾年你住果區嘅發展，影響可能係你每日嘅生活。
我只能呼籲大家一定要投票，而且投果時睇路，諗清諗楚。
287 - 4