Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
لو جديد في الشغل وبتستخدم الإيميل ومكسوف تسأل !!
أعرف الفرق بين To - CC - BCC في الإيميل:
To : بنكتب فيها إيميل الشخص الأساسي المطلوب رده على الإيميل.
CC : اختصار لـ Carbon Copy ومعناها الحرفي “نسخة كربونية”.
وهنا بتكتب فيها إيميلات الناس اللي عاوزهم يشوفوا الإيميل و يبقوا عارفين بالموقف، زي زمايلك في الـTeam مثلاً ، أو مديرك ومدير اللي بتبعت له الإيميل.
BCC: اختصار لـ Blind Carbon Copy ومعناها الحرفي " نسخة كربونية غير مرئية".
وهنا انت بتكتب الإيميلات اللي عاوزها تشوف الرسالة بس مش عايز باقي الناس تشوفهم.
زي مثلاً لو بتبعت Newsletter للـ Contacts المهتمة بأخبار موقعك .
حاجة أخيرة :
الناس الموجودة في BCC تقدر تشوف الأشخاص الموجودة في To و CC.
لكن الباقيين ( اللي To و CC) مايقدروش يشوفوا الأشخاص في BCC.
لو أول مرة تعرفوا الفرق اكتبوا رقم١ ، وماتنسوش تعملوا Follow لسوق العمل .
32 - 3
يعني إيه Appraisal ؟وإزاي تطلع منه كسبان انت ومديرك ؟
الـ Appraisal أو التقييم السنوي:
هو تقرير بتعمله الشركة كل سنة للموظفين علشان تقيم أداؤهم عن السنة اللي خلصت.
وبتتناقش فيه انت ومديرك عن خطة السنة اللي اتحطت ليك،
ومنه تعرف نقاط قوتك وخبرتك زادت في إيه ؟
وإزاي تستغلها أحسن السنة الجديدة ؟
وكمان تعرف إيه اللي محتاج تطور من نفسك فيه الفترة الجاية.
وده بيسمَّع في كذا حاجة.
مستوي أداءك وتحقيقك للمطلوب - علاقاتك بزمايلك - والعملاء لو بتتعامل مع عملاء.
وده يودينا لأكتر حاجة كلنا بنحبها،
وهي الفلوس والعلاوة اللي كلنا بنستناها من السنة للسنة
علشان كده ماتمضيش علي الـ Appraisal غير لما تكون فاهمه ومقتنع.
وفي نفس الوقت عارف مطلوب منك ايه السنة الجديدة.
ده حقك وحق شركتك عليك.
قولوا لي عملتوا Appraisal السنة واللا لسه ؟ وحاسين إنكم اتظلمتم واللا واخدين حقكم ؟
#سوق_العمل #عمل #شغل #نصائح #تقييم #appraisal #tips
22 - 1
يعني إيه الاختصارات دي ؟
CEO: اختصار Chief Executive Officer يعني المدير التنفيذي للشركة.
ومن أهم مسؤولياته اتخاذ أهم القرارات للشركة وعمل الخطط والاستراتيجيات لنمو الشركة ، وده أعلى منصب تنفيذي في المؤسسة.
COO: اختصار Chief Operating Officer يعني مدير العمليات، ويعتبر نائب الـ CEO
لأنه المسؤول عن إدارة عمليات الشركة اليومية والإشراف على تنفيذها، وتجهيز التقارير للـCEO.
CFO: اختصار Chief Financial Officer يعني المدير المالي.
وهو المسؤول عن التخطيط المالي وتنظيم المصاريف وإدارة كل معاملات الشركة المادية، زي التعامل مع البنوك والقروض والشيكات ،وهو المسؤول عن تقديم التقارير المالية للـ CEO.
CTO: اختصار Chief Technical Officer يعني المدير الفني (التقني).
وهو المدير المسؤول عن إدارة موظفين قسم التكنولوجي Technical Team .
قوللي في الكومنتات إيه الاختصار اللي أول مرة تعرفه ؟
وكمان شايف الـ CEO لازم يكون الـFounder واللا لأ ؟
#سوق_العمل #عمل #شغل #management #positions
30 - 2
طلبت Uber على غير العادة
وقبل الكابتن ما يوصل ببص على بياناته والريڤيوز عليه، لكن الغريب إني لقيته كاتب معلومات غريبة عن نفسه.
كاتب أنه "مطرب وملحن وممثل وبلعب جيتار وخريج إعلام"
لسة بقول في دماغي: "الله !! طيب لما أنت كل الحاجات دي، إيه اللي جابك هنا؟"
لقيت الراجل مجاوب بصراحة عشان يريح نفسه: "قسط عربيتي، وبحاول أحسن من دخلي".
كنت عارف إن فيه حكاية، ولأن السكة كانت قصيرة قررت أسمعها أول ما اركب.
بقوله: إيه الحاجات الحلوة الكتيرة اللي أنت بتعرف تعملها دي؟
هو بابتسامة: أنا بفكر أشيلها والله، كذا حد قاللي شيلها، وآخرهم صاحبي بيشتغل كابتن برضه.
أنا: وهو زعلان من إيه؟ ما تكتب اللي أنت عايزه مادام مريحك.
بس أنا عندي سؤال لو بتعمل كل الحاجات الحلوة دي!!
ماتنزلها على السوشيال ميديا وفرّج الناس مواهبك.
هو: صاحبي قاللي نفس كلامك ده، بس زي ماتقول كده أنا متكاسل شوية ويئست 😔.
أنا: ليه؟؟ 🥺
وبدأت الحكاية ....
أنا كنت رايح قناة كوميدية اكتب وامثل اسكتشات، وعملت حاجات فعلا، ومثلت مع الفنان الكبير سعيد صالح الله يرحمه، حتى محمد رمضان كان بيمثل جنبي وعلاقتي بيه كويسة، واكتشفت فنانة مشهورة وكانت صديقتي، بس بعد الشهرة مابقتش تسأل بقى.
بقوله بعدها: طب وقفت ليه ما كنت ناجح أهوه.
هو: لازم حد كان يساعدني عشان أحقق اللي كنت عايزه، لكن مفيش حد وقف معايا.
أنا: طيب انت ليه مستني المساعدة؟
وبعدين لو فيه ناس انشغلت عنك أو ماوقفتش جنبك!!
ده معناه إنك ماتساعدش نفسك؟
هو: بصراحة تعبت ويئست زي ماقلتلك.
أنا: بص أنا ماعرفش أنا بكلمك ليه؟
بس أنت محتاج تخلي الناس تشوف مواهبك، اللي ممكن ماتعجبهمش كلها، لكن أكيد هيعجبهم حاجة منها
ممكن ماتتحبش كمغني، بس تتحب كملحن أو مؤلف.. ماعرفش رزقك شكله إيه 🤷🏻♂️؟
بس لازم تخبط على كل البيبان، ووسط كل البيبان اللي هتتقفل في وشك فيه باب هيتفتح، ووراه خير كتير، لدرجة أنك هتستغرب إنه فتح بالسهولة دي.
هو: أنت تعرف صاحبي!؟ أصله بيقول نفس الكلام.
أنا: شوف.. أنت كده كده مش هاتشوفني تاني بس يمكن ربنا باعتني علشان أأكد لك كلام صاحبك وتفكر فيه.
لو فضلت مستني حد يساعدك للأسف هتستنى كتير..
نا وصلت تسلم يا صديقي ويا رب افتح فيسبوك قريب ألاقيك قدامي.
عزيزي كابتن Uber أرجوك اعمل حاجة..
إحنا مالناش إلا التفكير والسعي والباقي بقى بتاع ربنا.
واللا أنت شايف إيه؟
#سوق_العمل #عمل #نصائح #نصيحة #من_القلب
20 - 2
الانتخابات الرئاسية للمصريين في الخارج، هتبدأ يوم الجمعة الجاية ولمدة 3 أيام، ولازم كلكم تشاركوا في تحديد مصير بلدكم، مش مهم هتختار مين المهم أنك تشارك.
وهسيبلكم لينك عليه عناوين أماكن لجان الانتخابات في كل دولة في الكومنتات👇🏼
#سوق_العمل #الانتخابات_الرئاسية
12 - 2
"ابعت لي الCV بتاعك"
دي الجملة اللي كتير مننا بيسمعها لما بيسأل حد على شغل،
وبعدها تبدأ الأسئلة:
- أنا معنديش خبرة ومااعرفش هاكتب إيه في ال CV ؟
- طيب أحط صورة واللا لأ؟
- هو اسمه CV ؟ واللا Resume ؟ واللا الاتنين زي بعض ؟
- أنا بعتت كتير ومش عارف ليه ماحدش بيرد عليا.
- إمتى أبعت Cover Letter؟ وإزاي أعمله ؟
- ده طلع فيه Video CV كمان، مهم ده ؟ ولو مهم أعمله إزاي ؟
هتلاقي إجابات الأسئلة دي وأكتر في Playlist كاملة على يوتيوب.
هاسيب لك اللينك في التعليقات وماتنساش تعمل Subscribe
وقوللي إيه تاني ناقصك في الCV علشان يكون في الفيديوهات الجاية
#سوق_العمل #عمل #شغل #نصائح #مهارات #cv
29 - 4
أوقات كتير بنلاقي اختصارات في الإيميلات ومش فاهمين معناها.
جمعت لكم أكتر ٢٥ اختصار هيوفروا عليكم وقت في الكتابة.
قولوا لي في الكومنتات إيه أكتر اختصار بتستخدموه؟
وإيه اللي ماكنتوش تعرفوه؟
١- ASAP اختصارلـ As Soon As Possible "في أسرع وقت ممكن".
٢- AEAP اختصارلـ As Early As Possible - "بدري بقدر الإمكان".
٣- ATTN اختصارلـ Attention - "عناية".
٤- AYC اختصار لـ At Your Convenience - "على راحتك".
٥- AR اختصار لـ Action Required "مطلوب التصرف".
٦- ABVM اختصار لـ Above Mentioned - "مذكور أعلاه".
٧- BR اختصار لـ Best Regards - "أطيب التحيات".
٨- EOD اختصار لـ End Of Day - "نهاية اليوم".
٩- EOM اختصار لـ End Of Message - "نهاية الرسالة".
١٠- EOW اختصار لـ End Of Week - "نهاية الأسبوع".
١١- FYA اختصار لـ For Your Action " لتصرفك".
١٢- FYG اختصار لـ For Your Guidance - "لإرشادك".
١٣- FYI اختصار لـ For Your Information - "لمعلوماتك".
١٤- FYR اختصار لـ For Your Review - "لمراجعتك".
١٥- HYG اختصار لـ Here You Go - "اتفضل".
١٦- IDK اختصار لـ I Don't Know - "مش عارف"
١٧- IMO اختصار لـ In My Opinion - "في رأيي".
١٨- LMK اختصار لـ Let Me Know - "عرفني".
١٩- NYR اختصار لـ Need Your Response - "محتاج ردك".
٢٠- NYRT اختصار لـ Need Your Response Today - "محتاج ردك النهاردة".
٢١- NYRQ اختصار لـ Need Your Response Quickly - "محتاج ردك بسرعة".
٢٢- PFA اختصار لـ Please Find Attached - "من فضلك شوف المرفقات".
٢٣- TIA اختصار لـ Thanks In Advance - " شكراً مقدماً".
٢٤- WFH اختصار لـ Work From Home - "شغل من البيت".
٢٥- OOO اختصار لـ Out Of Office " بره المكتب - في أجازة".
#سوق_العمل #عمل #شغل #نصائح #tips #howto #Email
35 - 1
٥ نصايح لو عديت الـFirst Interview وعندك Second Interview.
١- اعرف مين هايعمل معاك المقابلة واعمل Search عنه عن طريق لينكدان أو فيسبوك قبل المقابلة ده هيقلل من توترك .
٢- راجع اللي قولته في المقابلة الأولى عن خبراتك ومهاراتك واشتغل على نقاط قوتك واظهرها بشكل يدعمك.
٣- خليك جاهز أنك تتسأل أسئلة Technical وحضرلها كويس.
٤- اسأل أنت كمان أي أسئلة كنت محتاج إجابتها من أول مقابلة عشان يفهموا أد إيه انت مهتم تكون معاهم.
٥- ما تنساش تشكر اللي بيعمل مقابلة معاك على وقته.
ممكن نعمل بوست تاني عن الأسئلة اللي ممكن تسألها في نهاية الانترفيو ، لو حابين اكتبوا لي في التعليقات.
#سوق_العمل #عمل #شغل #نصائح #tips #interviews #interviewtips
26 - 1
إيه أكبر عيب عندك مأثر على شغلك وحياتك ؟
14 - 7
بتدور على شغل، بتسأل دايماً ازاي ابقى في سوق العمل، صدقني الإجابة موجودة دايماً هنا، كل اللي يخص التوظيف في مصر أو في الخليج، حتى لو موظف وبتدور على طريقة لتنمية مهاراتك هنا المكان المناسب.