متخلونا كلنا نشارك في الثواب يا أهل الخير
فكرة عظيمة <3
كنت مشير بوست عن ان ال AI دخل في جميع البرمجيات الحديثة وهيساعدك جدا والحياه هتبقى حلوة. فواحد سألني على برنامج المونتاج ممكن ال AI يساعدني ازاي يعني مش جاية على بالي الفكرة والحقيقة في حاجات كتير جدا والله مش على بالي لكن وانا بجرب برنامج فيلمورا النسخة الجديدة لقيت حاجة من الحاجات أهي.
--
انا بدور على صوت اسمه Knock Knock صوت الطرق على الباب وفي الفيديو قولت الجملة دي وكنت بخبط على الشاشة ضاف الصوت اوتوماتيك في نفس المكان على ال Timeline وظبطه أقل من صوت الفيديو شوية يعني مساعدة بسيطة بس لتوضيح الفكرة.
--
في حاجات كتير انت بتعملها بنفسك
سيبها لل AI وخليك إنت للإبداع والأفكار
الفيديو التالت في كورس ++C متعب شوية لانك بتنزل كل الأدوات بايدك والرابع فيه برنامج هتنزله في دقايق وتشتغل فورا.
--
عاوزك تسأل الناس اللي تعبت في الفيديو التالت لحد ما نزلت كل حاجة احساسهم ايه وفرحتهم بإنهم عملوا كل حاجة بايديهم وكمية المعلومات اللي خدوها قبل ميدخلوا الكورس أصلا هتعرف ان العقبات والحاجات الصعبة اللي بتقابلك بتفيدك كتير جدا ومش بالضرورة تبقى كل حاجة صعبة يعني بس المقصد متهربش من الصعوبات علشان هتخسر مميزات كتير جدا.
--
#نصائح_الزيرو
سلام عليكم
لو انت بتتعلم مجال ال Front-End
عندنا كورس مدفوع لعمل 50 تطبيق عملي لكل المستويات
وهجاوبك هنا على اغلب اللي هتسأله عنه
--
1- هنا هتلاقي محتوى بعض التطبيقات اللي اتعملت
drive.google.com/drive/folders/11mPBTQ0ZAUdX6ku4Vb…
--
2- عندنا جروب فيه 250 عضو على تليجرام بنتناقش فيه وبنتبادل الخبرات البرمجية وكلنا بنساعد بعض وفيه الناس اللي اشترت الكورسات.
--
3- كل شخص اشترى الكورس بيكون ليه صفحة فيها التطبيقات اللي عملها ولو في ملحوظات على التطبيقات بقوله ودة مثال
elzero.org/category/members-work/
وتقدر تدخل على أي عضو تشوف أعماله اللي قام بيها
--
4- في إمكانية انك تبعتلي إستفساراتك ووقت الفراغ لو توفر برد عليها والحمد لله لحد دلوقتي رديت على كل الناس.
--
5- كل تعليق في موقع الكورسات يخص الكورسات بيتم الرد عليه ولو في شيء مش واضح بنعمله فيديو او مقال لشرحه.
--
كيفية الشراء ؟
--
1- من داخل مصر
- فودافون كاش 01066165500
- انستا باي elzero
"الرقم خاص بالدفع فقط وليس للإتصال او الواتس اب"
--
2- اما من موقع الكورسات مباشرة ومتاح حاليا PayPal
www.elzero.courses/
--
3- لو عاوز تشتري بالفيزا ابعتلي على الميل او تليجرام بنعمل اللازم
--
لو عندك إستفسار قبل شراء الكورس
اما على تليجرام Elzero_Business
أو على الميل osama.elzero@gmail.com
--
سعر الكورس 2000 جنيه وفي كورس تاني وردبريس لو حابب تشتري الكورسين في خصم زي ما موجود في الصورة
الفيديو رقم 11 في قائمة Function Implement شلته وهعمل عليه تحديث علشان ادي فرصة للناس تطور فيه بسبب كان في لوب زيادة ضفته ومقولتش للناس يعملوا بيه ايه ويطوروا الفنكشن ازاي وشكرا لكل الأعضاء المحترمين الل يكتبوا التعليقات بيسألوا عن اللوب بارك الله فيكم جميعا وبرافو انكوا مركزين <3
وبعدها ضفت بداله فيديو نزل من شوية ومكملين السلسلة كما هي ومن هنا أحب افكرك. لازم تعمل حلك الخاص وتتأكد انه فيه توظيف لكل الي اتعلمته نظري وياريت يكون أحسن من حل الشخص اللي بيشرحلك دة اللي بيوريلك انت بتتعلم ولالا وبتتطور يوميا ولالا يعني لو عملت نفس الفنكشن بالظبط انت تمام فهمت الدرس فين دورك بقى للتطوير ؟
بارك الله فيكم
عارف ليه المهام بتهجم عليك ؟
--
علشان بتفتح الحنفية ليها كلها مرة واحدة
في حاجة في نظام إدارة المهام اسمها The Big List
ودي القايمة اللي بتفضي فيها كل المهام اللي في بالك بلا تنظيم فضي فيها كل حاجة مهام وشغل ودراسة وكل حاجة انت محتاج تعملها وبعد ما دماغك تروق تماما من كل شيء عاوز تعمله ابدأ بقائمة المهم والمستعجل ودي قائمة هتضيف فيها المهام المستعجلة والمهمة ودي اللي ليها الأولوية ودي بالمناسبة خطة بيعملوها في جميع المجالات من أول البرمجة لحد التسويق والبزنس ولو عملت كدة مفيش مهمة هتقتحم يومك وهتلاقي الحياه تمام وهتحس بالإنجاز ومش هتواجه مشاكل.
--
اللي بيضيعنا هو الدخول في مهام جانبية مش مهمة
- أصلها سهلة
- أصل طالبة معايا أعملها دلوقتي
- هخلص منها بسرعة بس وانجز
--
كل دة بيجي على حساب المهام المهمة واللي هتسببلك مشاكل لو متعملتش في وقتها علشان كدة انسى تماما اي شيء بعد عن المهم والمستعجل, وركز على دول أهم حاجة علشان تحس بالإنجاز بغض النظر عن الأداة اللي بتستخدمها لتنظيم وقتك.
--
#نصائح_الزيرو
بخصوص قائمة
Function Implement
أو قوائم حل المشكلات
--
1- احنا بنشرح الفنكشن بناء على ال Test Cases المكتوبة بمعنى ممكن اديلك أكتر من Test Case تخليك تزود في الفنكشن جدا والفيديو هيكون طويل جدا
2- لو عملت ال Ultimate Function اللي فيها كل الأفكار في العالم مش هسيبلك حاجة تعملها وكدة مستفدتش حاجة انا محتاج انك تتحرك وتطور فيها انت
--
لازم تفهم اني مش بعمل Function أوريلك فيها مهاراتي وأخليك عاجز عن انك تطورها او تعمل فيها اي حاجة
انا بعلمك ازاي تفكر من الصفر للإحتراف ودة برضة مختلف عن اني اخاطبك كمحترف مباشرة لانك هتتعب
انت محتاج تمشي بالتدريج ولو عملت ال Function زيي بالظبط في الفيديو يبقى مزودتش حاجة عن الفيديو وانا عاوزك تزود أصلا دي الفايدة
--
الله يوفقكوا جميعا
حقيقة
1- ذاكر واتعب ومتستناش النتيجة بعد شهر ولا اتنين
2- اتعب واصبر ومتحبطش بدري الرحلة طويلة
3- خليك واقف على ارض صلبة علشان تفضل قوي
4- متاخدش معلومتك من شخص واحد بس دة مستقبلك
5- اتعلم واقرا واسمع وبعدين قرر ومتخليش حد يقررلك مصيرك
6- الحلو ليك مش بالضرورة حلو لكل الناس والعكس صحيح
7- البرمجة مش لكل الناس زيها زي اي وظيفة تاني
8- الحقيقة ساعات بتزعل بس زعل ساعة ولا كل ساعة
9- ذاكرة العوام 3 أيام لو غلطت كمل كأنك بتبدا من جديد
10- لا تحارب احدا ليس لديه ما يخسره
11- قلل استخدام المواقع الإجتماعية لانها بتأثر على شخصيتك
مش أول مرة يجيلي تعليق واحد بكتبلي ما معناه سيبك من الأساسيات واشرح مشروع كامل هنستفيد أكتر. بغض النظر عن ان كل واحد عاوز القناه تتوجه للي ناقصه هو ويغطي إحتياجاته هو بغض النظر عن توجه القناه لكن أحب اقولك ان دة أحد أكبر الأسباب اللي مخلي ناس كتير متوصلش لوظيفة محترمة انه عاوز يتعلم بطريقة اعملي مشروع وأقلده وبس لكن افهم كل شيء بيحصل وازاي وليه مش مهم. مبروك عليك انت بقيت بتقلد بطريقة ممتازة لكن جرب تعمل حاجة من نفسك مش هتعرف ودي بقى والله ثم والله فايدة انك تتأسس وتتعلم الأساسيات "المملة الفظيعة الغبية اللي انت مش شايف ليها لازمة" تمام كدة شتمتلك عليها أهي علشان أفرحك بس بعدها هقولك لازم تتعلمها لازم ثم لازم ثم لازم. ولو عرفت قيمتها بقى هتحبها وهتلاقيها قمة المتعة والجمال لكن لو بتقيسها بإن لازم كل معلومة الاقيلها تطبيق واشوف قدامي حاجات بتنور يبقى مش هتكمل فيها اعمل حسابك على حاجات كتير جدا نظرية ممكن متشوفش استخدامها دلوقتي لكن هتجمعها في الآخر في مكان واحد وهتفرق معاك في حياتك المهنية.
--
#نصائح_الزيرو
Life Is Short, Start Learning