"MNN Production"-ը իր գործունեության 20 տարվա ընթացքում տեղական և հանրապետական ալիքներով ներկայացրել է Արմավիրի մարզը ինչպես իր ձեռքբերումներով ու հաջողություններով` այնպես էլ սոցիալ տնտեսական խնդիրներով, որոնցից շատերն են լուծում գտել հետևողական լուսաբանման շնորհիվ: "MNN Production"-ը կայուն և վստահելի գործնկեր է եղել "Հ1"-ի, "Շանթ"-ի, "Արմենիա"-ի համար: Իսկ "Նոր ալիք"-ով հեռարձակված մարզի մշակութային գործիչների և արվեստագետների մասին ռեպորտաժները շատերին են հաղորդել ստեղծագործական նոր լիցք՝ մղելով առողջ մրցակցության: Հենց այդ մղումն էր 2004 թ.-ից համախմբել երիտասարդությանը "Կարաոկե շոու" ծրագրում, որը 4 տարի անընդմեջ ունեցավ աննախադեպ հաջողություն: 2008 թ.-ից մեկնարկեց "Կոկո քլաբ" հումորային ծրագիրը, որը 5 տարի հեռուստադիտողին մատուցեց առողջ հումոր, սիրվեց և իր ուրույն տեղը գրավեց բազմազան հումորային ծրագրերի շարքում:
Շատ շուտով մեր տեսադարանը կհամալրվի նոր նախագծերով: Շնորհակալ ենք, որ մեզ հետ եք: