الاكل جنان مع حنان رمضان

الاكل جنان مع حنان رمضان
Posted 9 months ago

أجمل قصيدة ممكن تسمعها في حب المحشي 🤣🤣

لما الشتا دق البيبان
شوفت المحشي ظهرلي وبان
والمحشي دا أصنافه كتيير
لكن مهوش واخد التقدير
أما الكرنب دا وش الخير
مايلفهوش غير كل خبير
وخد الجميل ده لونه خطيير🍆🍆
مابنشوفوش فالمحشي كتير
وأنا إيدي تعبت م التأوير
أصلي بشيل م الكوسه كتير
أما اللي واخد قلبي أسير
ورق العنب أبو طعم خطير
أصله دا نوع فاخر جبار
خلي أوام العقل أهو طار
وفلافله كان بارد أو حار
قلبي صبح دا مو لع نا ر

ياسلام علي الحله دي هيه
ومعاها كام حتة ليه
والبطه وسط الطبليه
صبحت كده الأكله هنيه

بقي كل دا و تقولي ريجيم
فالتذهب السلطه إلي الجح يم
دا أنا لو مكلتش أبقي غشيم
وقلبي جرحه هايبقي عظيم
😂😂😂😂😂😂😂😂

2 - 2

الاكل جنان مع حنان رمضان
Posted 1 year ago

ازاي نوفر
١ لازم يبقي في دقيق في البيت تعملي قرص عيش فينو كسكسي فطير كيكه اي حاجه من دول تعمليها في اوفر من انك تشتريها من بره
٢ اي اكل يفضل ولو بسيط اضعه في علبه او كيس ويدخل الفريز ينفع ليوم تاني
احاول اشتري الخضار في وقت يكون رخيص في السوق وافرزن كميه من الخضار والطماطم والخضره
٣لما تطلبي من الفرارجي يعمل حمام كداب او شيش طاووق خذي العظم اللي يطلع منهم واغسليه واسلقيه في الماء مع ملح وفلفل وبصل وطماطم وبيطلع احلي شوربه احتفظي بيها في اكياس في الفريز تنفع جدا للطبخ والمحاشي والملوخيه
وكمان ممكن تطلعي من العظم دي بواقي اللحم اللي فاضل وتهرسي عليهم بطاطس مسلوقه مع شويه توابل واعملي احلي كفته
٤بلاش توابل جاهزه اعملي انتي خلطه التوابل الخاصه بيكي اوفر وانظف
الكبد والقوانص شليها لوحدها واعملي احلي اكل بيها ارز بالخلطه كبد وقوانص بالفلفل والبصل جلاش بالكبد والقوانص ارز او فريك بالكبد والقوانص وحاجات تانيه كتيررر
٥ لازم يكون في البيت بقوليات كالعدس والفول بينفعوا جداا
واشتري المكرونه والبقوليات من عند العطار بتكون ارخص والنصف كيلو بيبقي نصف لكن الكيس بيقي اغلي وكمان ٣٥٠ جرام انتي اولي بالزياده دي
٦أشتري الجبن القريش من محل الجبن انظف ودسمه اكثر من الفلاحه ونفس السعر
٧اعملي البيتزا وسندوتشات الهامبرغر في البيت انظف وارخص بلاش اندومي خالص
٧اعملي كيك بالزيت واللبن والبيض لاولادك في البيت انظف من المغلف في المحلات وكمان اضمن انهم كلوا بيض ولبن
٨اعملي عجه في البيت وزودي اي خضار مفروم فيها علشان الاولاد ياكلوا خضار
٩أي جبن زياده عندك اوعي ترميها ضعيهم في علبه مع ٢حبه طماطم وفلفل أخضر وخيار وشويه نعناع وزيت ونزلي عليهم ٢معلقه طحينه او زبادي وبتبق احلي سلطه جبنه
١٠أي عيش فاضل حمصيه او شليه في الفريز ينفع ليوم تاني

في افكار كتير وانتم طبعا شاطرين جداااا
المهم اننا ندبر ونقدر نعدي هذه المرحله
بحبكم في الله
حنان رمضان

3 - 1

الاكل جنان مع حنان رمضان
Posted 1 year ago

مساء الفل والياسمين علي احلي جروب
الظروف اللي كل بيت بيمر بيها طبعا صعبه جدا وفي نفس الوقت مش عايزين نحرم ولادنا من اي حاجه نفسهم فيها
وطبعا في مصاريف لازم ولابد منها ماينفعش نأخرها كالدراسه والادويه والنور والمياه والغاز
طب نعمل ايه
اول حاجه واخر حاجه
١ نتوكل علي ربنا بجد وبقلب جامد جدا ونعمل كل اللي نقدر عليه ولا نتكاسل الله عز وجل قال اسعي ياعبد وانا اسعي معاك
٢اخراج صدقه دي حاجه اساسيه في حياتك وحياه ولادك الصدقه بتقي من المصائب الصدقه بتزود الرزق والصدقه بتخاليكي طول عمرك مستوره
٣بلاش نق وشكوي وحزن صدقوني اللي مكتوب مكتوب بس تفائلي علشان ولادك مالهومش اي ذنب في اللي بيحصل حوالينا
ربنا هايبعتلك رزقهم
٤حافظي علي النعمه مهما كانت صغير اي طعام فاضل حافظي عليه ماترميش اي حاجه خالص
اللي مانحتجوش النهارده نحتاجه بكره (يا مستكتر الزمن اكتر) (ولمي النعمه تلمك)
ربنا يسترها معانا ومع ولادنا
بحبكم في الله
حنان رمضان

5 - 0