Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
📍 شلالات لعلام ولاية بجاية 😍
7 - 0
📍La grotte de Macchabèe
Adventure not like usual🧭2023/06/23
أصعب روندوني درتها !
هاد المرة درت جولة كي لعادة جبال جرجرة باش نشوف مغارة إسمها Macchabèe (مكابي)مع مجموعة كنا فوق 20 بنادم، داخل المغارة كاين هيكل عظمي داخل كاجة تاع حديد هيكل عظمي عندوا 7 قرون ، المهم بدات روندوني في شباب الحال شباب شمس الهواء نقي الجبال.....، بدينا نمشوا واحد 30 دقيقة بدات الطالعات و العقبات المشكل ماشي في الطلعات المشكل باش تطلع لازم تشد فلحجر باش تطلع لازم لحبل ماشي غير أرواح وتطلع (مكانش عندنا الحبل), سقسيت أنا واحد جا معانا هو ليراح يوريلنا الطريق يسكن في فيلاج قرية جاية قريبة للطريق باش تروح للمغارة قتلوا" كيفاه طريق وشحال بقا كل ما نسقيه يقلي طريق سهل ويزيد يصبر في قروب (يعطيك الصحة خو), كملنا طلعنا بديت نشوف بزاف الحشيش🌿 مور هدءاك الحشيش بديت نشوف جبل فيه دخلة فيها الظلمة مكاش ضو (هاديك هيا المغارة la grotte ) ريحنا شويا تفاهمنا قاع كيفاه ندخلوا و تاني وشلازم نديروا وش لازم منديروش ( كاين الخفافش لازم منمسوا والو ، منعيطوش ، ونشعلوا لاطورش الضوء تاعنا), المهم أنا سميت باسم الله ودخلت كان علابالي بلي كينلحقوا للمغارة خلاص من زيديوش نتمشوا...بصح هيا فصح مشيت تاع واحد ساعة لداخل على حساب إنسان كيفاه يمشي ، لداخل كاين بركات تاع الماء و كاين برودة خاطرش الشمس متلحقش لداخل وباش تلحق للهيكل عظمي هذاك كاين خيط رقيق مربوط في الحجرة لداخل لازم نتبعوه باش نلحقوا بعد مشيت وطيحت وزليق لحقنا شفنا هاديك المومياء (هيكل عظمي) بدينا نهضروا كل واحد واش يهدر تاع الصح ولا ماشي تاع الصح و كفاه حكايتوا ، كاين يعرف المنطقة مليح قلنا بلي جاو أجانب هنا داو شويا من المومياء باش يديروا تحاليل ، وكل واحد واش يقول فينا كاين ليقول طفل صغير وكاين يقول مرا المهم أول مرة عشت تجربة هادي تمشي في مغارة طويلة وزيد تحسلهم هادوك الناس (لازم واحد يسمي بسم الله قبل مايدخل ) تحس واحد تخطاك في ظهرك دور متلقا والوا هنا أبد تمشي متشوفش موراك 😳، حمدالله خرجنا المغارة ريحت شويا فطرت ، بديت نخمم كيفاه الهبطا ، المهم خاوتي بدات الحبطا حبطت نتكركر ماشي علا رجليا راني حابط سمعت واحد عيط بصح عيطا ماشي نورمال توسوست قالك وحدا مرا كانت معانا طاحت المهم راني هابط بلعقل حتا نلقا وحدا طايحة في الجبل قدامها واحد حمدالله عاونها كانت شويا متحس والوا تصرعت ومبعدا بدات تفطن حمدالله عيطوا للحماية المدنية بديت نخمم كيفاه راح يطلعوا...، المهم حمدالله أنا حبطت من الجبل (المرأة راهي بخير دروك)
Adventure هاد لخطرا عجبتني وتخوف .
6 - 0
📍جولة في غابة أكفادو لاستكشاف بحيرة أوروفال 💚🌲
خلوي البروددددة 🤠
6 - 2
Climb the mountain ⛰️💚
📍شلالات تقسمت جبال أطلس البليدي
سلام شبيبة زينة نشاله تكونوا بخير
7 - 0
Beautiful meeting with Beautiful childrens 💚...
في طريقي إلى أزقة برج زمورة لقيت هاد شبيبة ربي يحفظهم نشاله البرائة، حكيت معاهم لقيتهم رافدين الماء سقسيتهم قالولي عمرناه من عوينة تاع سويقة هذا مكان جاي في مدينة برج زمورة سكان المنطقة يعمروا منوا الماء ، وهاد العوينة تاع ماء قديمة كينقول قديمة يعني بزاف قرون، المهم شبيبة صورة عجبتني .
I adore this picture and I wanted to shate it with you.
#Algeria#Travel#photographie
9 - 2
سلام شبيبة نشاله تكونوا بخير
New video on YouTube جولة رائعة في برج زمورة ولاية برج بوعريريج
10 - 2
📍القل ، تمنارت ، ولاية سكيكدة
شبيبة نشاله تكونوا بخير ، أنا حمدلله هاد الصور من شاطئ لقبيبة بتمنارت ولاية سكيكدة راني درت فيديو في اليوتيوب نشاله تعجبكم شاركوا الفيديو خاوتي ، المهم درت فيها تخييم في هاد شاطئ روعة بزاف خلوي ، عن قريب نشاله نديروا فيها تخييم قاع شبيبة .
رابط الفيديو من عين المكان : https://youtu.be/gaygBsEOL28
10 - 4
سلام شبيبة
صورة مع خروف صغير عندوا 1 ساعة ملي زاد
سقسيت مول الخروف هو لقالي المهم نعمة الحيوانات الخاوتي من أفضل الحاجات لتلقيت بيهم في لرونودني تاع ثابورت العنصر، شبيبة Animals حاجة بزاف مهمة لدراري صغار تخليهم يحسوا بشعور مليح أي إنسان عنده ولاده و خاوته صغار يخليهم معا Animals راح يحس حاجة بزاف شابة كيما أنا حسيت المهم أنا نقولكم عيشوا شغفكم وايا تهلاوااا😊.
#animals#naturephotography#hikingadventures👣
21 - 2
مقابلة جد رائعة مع jow radio
القادم أفضل إنشاء الله 🙂
رابط الفيديو⬇️ www.instagram.com/tv/CTMYPo7Nzqt/?utm_medium=copy_…
26 - 1
كل إنسان فينا عندوا هواية يحبها ويمارسها ، أنا عندي هواية السفر و المغامرة🏕️يعني نحب نتنقل وهاد الحاجة هي لداتني لليوتيوب باش نشارك معاكم فيديوهات، في كل مرة وين مانروح نتعلم حاجة نتلاقا بناس وهذا كل أين....نعم في بلادنا الجزائر🇩🇿 مالازمش تكون غني باش تسافر لازم فقط التخطيط، هاد هواية ولي هيا السفر ترجعك إنسان تتقبل آراء الناس وتساعدك في تكوين نفسك المهم شبيبة أنا فرحان بزاف وراضي بزاف على نفسي و الحمدلله♥️
#بلادنا_شابة🇩🇿
#discoveralgeria
14 - 4
Photography hobbyist, tourist content maker I always try to be positive and live in the moment, subscribe to the channel, thanks
سلام شبيبة الزينة أنا لحسن هاوي التصوير أشارك معكم مغامراتي و رحلاتي وأحاول أن أكون دائما إيجابيا وهذا هو الأهم و نعيش اللحظة المهم فيها خير نشاله...
إشتركوا في القناة شكرا