Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
نحب بعض الناس بدون ابداء أسباب .. بدون الاستفادة المادية من وجودهم والمادية هنا تعني المصلحة بشكل عام وليس المال فقط .. نحبهم بعبلهم ويحبوننا بعبلنا فلسنا افضل الناس ولا أنفع الناس ولا اجدع الناس ولا نيلة نحن ناس تلاطمنا الدنيا ونحاول بالكاد أن نتواجد في حياة من نحبهم ... في بعض الحالات تحب الشخص وفقط لا انت عاوز منه حاجة ولا مستني منه حاجة ... هكذا احب سالي صديقة الطفولة التي ظللت ابحث عنها ولا أجدها في وسط أمواج الحياة التي بعدتنا عن بعض لسنوات طويلة حيث خرجت سالي من طنطا وهي في التاسعة عشر للزواج وخرجت انا للعمل في ظل عدم وجود موبايلات ولا فيس بووك ولا واتس اب ولا شيء وكلما تذكرتها اقول محدش شاف سالي يا ولاد الحلال ابحث عنها كأمينة رزق في فيلم المولد فلا أجدها علي صفحات الفيس بووك ولا جروبات المدرسة في بدايات هذه الجروبات .. وفي نفس اللحظة تتابعني سالي علي شاشة التلفزيون وتقول لاولادها وزوجها يوميا كلما أظهر علي الشاشة علي فكرة دعاء صاحبتي من واحنا في الحضانة هكلمها في الحلقة فينصحونها متكسفيش نفسك مش هتعرفك اوعي تكلميها هتكسفك وهتقول مش فاكراكي .. وتظل كلما تشاهدني تقول علي فكرة دعاء صاحبتي حتي ضاق الاولاد ما خلاص يا ماما هي صورة !!!... الي ان تقابلنا في مطعم كنت مع زوجي واولادي الصغار وكانت مع زوجها وأولادها الصغار ونصحوها نفس النصيحة اوعي تقومي تكلميها هتكسفك ومش هتعرفك قالت لهم لا هروح لها .. وجدت واحدة محجبة لا أعرفها تعترض طريقي وانا داخلة الحمام قائلة دعاء انتي مش فاكراني ؟؟!!! فإذا بي اتفحص الملامح جيدا واصرخ ساااااالي انا بدور علييييييييكي بقالي سنييييين وصريخ وتنطيط واحضان وعياط ... قالت لي ولادى وجوزي مش مصدقين وبيقولوا مش هتعرفك قلت لها ده هم اللي دخلوا علينا حياتنا احنا عشرة قبل ما الناس دى تدخل حياتنا هم ميعرفوش سالي الطفلة انا اعرفها وعاشرتها وهم ميعرفوهاش ... عشان كده صديق الطفولة هو اللي يعرفك زى ابوك وامك هو اللي حبك وانت ولا حاجة .. لا غني ولا مشهور ولا معاك نكلة ويا حظك لو كمل معاك في دنيتك بنفس براءة وعفوية وشفافية الطفولة ... سالي بتجوز عيالها وهي اساسا العَيٍلة صاحبتي من حضانة فلن أنسي مشهد المريلة البينك الكاروهات في حضانة وتمهيدي وانا وهي واقفين في حوش نوتردام ديزابوتر طنطا مستنيين امهاتنا ... نكبر من الخارج ومازالت قلوبنا ككاروهات الحضانة لا تشيخ ولا تكبر ولا وصلت حتي تالتة إعدادي .. نعقل أمام الناس ولازلنا نحمل جنان البنات في مقتبل العمر .. نعمل فيها كبار وام العريس والست الإعلامية واحنا أعيل من عيالنا ... علي وضعنا بقي حتي لو وصلنا التسعين ربيعا ... مبروك يا أم العريس يا أم المريلة الكاروهات ..❤
#دعاء_فاروق
305 - 28
اختياراتي مدمرة حياتي ..
سوء الاختيار سببه ايه يا اخواننا ؟؟؟
💥هل عندهم قصر نظر او غشاوة عالعين ؟؟
💥هل عندهم يأس من وضعهم فبيقبلوا باي وضع ؟؟
💥هل سهل خداعهم
💥هل بيرضو بقليلهم ؟؟
💥هل مقيمين نفسهم غلط وشايف/ة ان هي او هو قليل/ ة فبتقبل أو بيقبل بأي شيء
ايه رأيكم ؟؟
#اسأل_مع_دعاء
132 - 35
الاعلامية دعاء فاروق مقدمة برامج علي الايه ار تي وقناة اقرأ وقناة الحياة سابقا وعلي قناة النهار حاليا
مقدمة برنامج اسال مع دعاء وبرنامج حياتنا
صدر لها ثلاث كتب الاول بعنوان (في رثاء الشغالة) والثاني بعنوان (اشتري مني) والثالث بعنوان وش كسوف