in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
جشن جمہور منانا ہے مگر سوچو تو
جشن جمہور منانے کا ہمیں حق بھی ہے
ملک آزاد ہوئے ہو گیا عرصہ لیکن
وہی سرمایہ پرستی ہے وہی ناداری
بکریاں آج بھی پیاسی نظر آتی ہیں مجھے
گھاٹ پر اب بھی ہے شیروں کی اجارہ داری
ہاں وہی لوگ زمانہ جنہیں کہتا ہے غریب
اب تو پہلے سے بھی چھوٹے نظر آتے ہیں مجھے
نظم جمہور کی سوگند پلانوں کی قسم
سیٹھ جی اور بھی موٹے نظر آتے ہیں مجھے
ہے دماغوں میں وہی فرقہ پرستی کا جنوں
یوں تو کہنے کو ہے آئین وطن جمہوری
گائے بیلوں پہ جھگڑتے ہیں ابھی تک انساں
آج بھی شیخ و برہمن میں ہے کتنی دوری
ہیں ابھی عہد غلامی کی وہ فرسودہ رسوم
حد تہذیب و تمدن سے ہر ایک آؤٹ ہے
دیکھیے جشن مسرت کا نرالا انداز
گھر منور ہیں دماغوں میں بلیک آؤٹ ہے
حیثیت اتنی سی رکھتا ہے یہ جشن جمہور
بغض کا دیو کسی روز تو سو جاتا ہے
اس بہانے ہی مرے دیس میں اک سال کے بعد
ایک دن ذکر مساوات تو ہو جاتا ہے
استاد رامپوری
13 - 0
Beete Lamhe