යාල ජාතික වනෝද්‍යානයේදී සිදුකල ශ්‍රමදානය මූලික කොටගෙන @ratawate-266 අසංක මල්ලි විසින් සිදු කල සොදුරු රූප රචනාව.
ලංකාවේ සංචාරය කරද්දි දකින වටපිටාව මේ විදිහට ගෙදර ඉදන් බලන්න පුළුවන් එක හරිම සොදුරු අත්දැකීමක්. වෙනස්ම ආකාරයක සංචාරයක්. ගිහින් බලන්න ආස හිතෙයි..!
පාලම් හතෙන්ම ගියපු අය ඉන්නවද.?
@roadcanvas නියම ලස්සන වැඩක්.
අතීතයේ පටන් පැවත එන ආගමික චාරිත්‍රයක් වන "පාද යාත්‍රාව" මෙවරත් "යාපනය" සිට "කතරගම දේවාලය" දක්වා "කුමන සහ යාල" වනෝද්‍යානයන් මධ්‍යයෙන් ගමන් කෙරුනා. මේ දින කිහිපය තුල දී යම් අයුරකින් වනෝද්‍යානයට එකතු වන ප්ලාස්ටික්/පොලිතීන් සහ සොබාදහමට සහ වනසතුනට හානි ගෙන දෙන කැලි කසල ඉවත් කිරීමට වනජීවි දෙපාර්තුමේන්තුව සමග එක්ව අපට හැකි උනා.
අප පලමු දිනයේ "යාල කටගමුව පිවිසුමේ" සිට "වරහන" දක්වා මාර්ගයත් දෙවන දිනයේ "වරහන නාන තොටුපොළ" සහ "යාල Block 2" කොටසට අයත් ගං ඉවුර දෙපසත් තිබූ ටැක්ටර් දෙකක පමන ප්ලාස්ටික් / පොලිතින් / ඇදුම් පැලදුම් සහ විවිධ අපද්‍රව්‍ය ඉවත් කිරීමට අපට හැකි උනා.
සැබැවින්ම මෙය සාමූහිකව සිදු කල කටයුත්තක් වන අතර මේ සදහා සහභාගී වූ සියලුම දෙනාට හිස නමා ආචාර කොට සිටිනවා. එමෙන්ම නන් අයුරින් සහය දැක්වූ සෑමට බෙහෙවින්ම ස්තූති.
ආයුබෝවන් මම දිනේශ්
(යාල ශ්‍රම දානය සදහා සහභාගී වූ තවත් එක් සාමාජිකයෙක්)
වැවක නාලා.. ගමේ රසට කෑම ටිකක් කාලා.. මහා වනාන්තරයකින් වට වෙච්ච නිස්කලංක ඉසව්වක ඉදි වෙච්ච කටුමැටි ගෙදරක දවසක් දෙකක් ඉන්නවා කියන්නෙම.. වෙනස්ම හැගීමක්. යාලුවො ටිකත් එක්ක ගිය අමතක නොවන සංචාරයේ රූප රචනාව "අද දහවල් 15.30 ට" (තුනයි තිහට) . ආයුබෝවන් මම දිනේෂ්
සබ්මැරීනයක ගිය මුහුදු ගමන
"මා හට දැන් ඉතිරිව ඇත්තේ එක් දිනක් පමන කි. හෙටින් පසු ඊලග දිනයේ උදෑසනින් මා කලින් වෙන් කොට තිබූ ගුවන් යානයෙන් ශ්‍රී ලංකාවට පැමිනිය යුතුය. සබ්මැරීනයට ගොඩ වී සංචාරය කිරීමට ඇත්තේ හෙට දිනය පමනකි. මිනිසුන්ගේ බලාපොරොත්තු සියල්ල අවසානයේ සාර්ථක වීම හෝ අසාර්ථක වීම තීරණය වන්නේ සොබාදහම මත පදනම්ව ඇති බවට මා හට නැවත වරක් පසක් විය."
ශ්‍රී ලංකාවට ආසන්න රටක් වන සහ ශ්‍රී ලාංකිකයන් හටත් පහසුවෙන් සංචාරය කල හැකි සුන්දර රටක් වන මාල දිවයින ලොව පුරා සංචාරය කරන සංචාරකයින්ගේ ආදරයටත් ජනප්‍රියත්වයට පත් ගමනාන්තයක්. මාලදිවනේ සංචාරය කරන සංචාරකයින් බොහෝමයක් ඔවුන්ගේ සංචාරය සදහා යොදා ගන්නේ දෙසැම්බර් මාසයේ සිට අප්‍රේල් මාසය දක්වා අතර කාලයයි. එම කාලය ඇතුලත පරිසරයේ පවතින උෂ්ණත්වය අඩු කමත්, වර්ශාවේ අඩු කමත් නිසා එම කාලය තුල මාල දිවයින සංචරකයින්ගෙන් පිරී පවතී. තවද මැයි සිට නොවැම්බර් දක්වා කාලය සංචාරකයින්ගේ යම් අඩු වීමක් මාල දිවයින තුල දැක ගත හැකිය.
කෙසේ නමුත් මා ජූනි මාසයේ අවසාන සතිය මාල දිවයින් සංචාරය සදහා යොදා ගැනීමට තීරණය කිරීමට ප්‍රධානතම හේතු සාධකය වූයේ ඒ වන විට දැනට ලෝකයේ තිබෙන සබ්මැරීන් අතරින් සංචාරකයින් විශාල ප්‍රමානයක් රැගෙන වඩා වැඩි ගැඹුරකට ගමන් කරනා ලෝකයේ විශාලතම මගී සබ්මැරීනයට ගොඩ වීමට දින වකවානු සැකසී තිබීම නිසාවෙනි.
ජූනි මස අග භාගයේ දිනයක සවස හය හමාරට පමන ලංකාවෙන් පිටත් වූ ශ්‍රී ලංකන් ගුවන් යානයකින් පැය එක හමාරක පමන ගුවන් ගමනකින් පසුව මා හට මාල දිවයින දක්වා ලගා වීමට හැකි විනි. ඒ වන විටත් ගුවන් තොටුපොළ වෙත මද වර්ශාවක් ඇද හැලෙමින් පැවතියේ මාගේ සංචාරය සේදී යාවීදැයි සැකයක් සිත තුල ජනිත කරවමිනි. වර්ශාවේම ගුවන් තොටෙන් පිටතට පැමිනි පසු දැක ගත හැකි වූයේ ගුවන් තොටුපොළටම සම්බන්ධ වී ඇති නවීන යාත්‍රාවන් සහ බෝට්ටු වලින් පොහොසත් විදුලි එළියෙන් ඒකාලෝක වී ඇති සුන්දර ජැටියකි.
ඒ වෙත ගමන් කල මා හට දැක ගත හැකි වූයේ රාත්‍රි අදූරේදීත් විදුලි එළියට නිල්වන්ව දිස් වන මුහුදු ජලය ගැඹුරේ ඇති පතුල පෙනෙන තෙක්ම පැහැදිලි බවයි. ඒ මත නතර කොට තිබූ ශ්‍රී ලංකාවේත් ප්‍රසිද්ධියක් උසුලන "සිනමන්" හෝටල් ජාලයට අයත් අධි වේගී යාත්‍රාවකට ගොඩ වූයේ එහි පැමිනීමට පෙර කලින් වෙන් කොට තිබූ "සිනමන් ඩොන්වැලි" හෝටලය දක්වා ගමන් කිරීමටයි. මෙම ගමන සදහා විනාඩි විස්සක් පමන ගත විනි.
ඈත සිට බලන කල කුඩා තරු රටාවක් මෙන් දිස් වූ හෝටල් සංකීර්ණය වෙත කෙමෙන් කෙමෙන් සමීප වූ අධි වේගී යාත්‍රාව හෝටලයට අයත් ජැටියේ නතර වූයේ මාගේ අද දිනයට යෙදී තිබූ ගුවන් ගමන් සහ නාවික ගමන් සියල්ල අවසන් කොටයි. මෙතැන් සිට දින පහක කාලයක් ගත කිරීමට ඇත්තේ මහ මුහුද මැද ඇති සැප පහසුකම් වලින් පිරුණු පාරාදීසයක් බදු වූ දූපතකයි.
රාත්‍රි බෝ වීමත් ගමන් මහන්සියත් නිසා සංචාරක නිවස්නයට ගොස් මද වේලාවක් ගත වත්ම මා තද නින්දකට වැටුනේ උදෑසන වන තෙක්ම එකම නින්දක සුවය විදිමිනුයි. උදෑසන අවදි වන විටත් නිල් වන් මුහුදු තීරයේ ක්ෂිතිජය මායිමෙන් හිරු පායා තිබූ අතර මාගේ නිදන ඇද ඉදිරියේ ඇති විශාල වීදුරු කවුලුවෙන් මහ මුහුදේ සුන්දරත්වය නිදන ඇදේ සිටම විද ගැනීමට මා හට හැකි විනි.
මාගේ නවාතැන්පොළ ඉදිරියන් මුහුදට ගොඩ බැසීමට පිහිනුම් තටාකයකට ඇති පිවිසුමක් මෙන් පඩි පෙළක් සහ ලී ජැටියක් ඉදි කොට තිබෙන්නේ කොරල් සහ ඒ අතර පිහිනා යන විසිතුරු මත්ස්‍යයන් සහ මුහුදු ජීවීන් නැරඹීමටත් ඒ අතර පිහිනා යමින් "Snorkeling" කිරීමටත් ය. බැලූ බැල්මට පැහැදිලි දිය අතරින් මුහුදු පතුලේ ඇති කොරල් ස්ථරය සහ කුඩා මත්ස්‍යයන් දිස් වන්නේ එහි ඉතා අඩු ගැඹුරක් ඇති බවට මනසට ඉගි කරමිනු යි. නමුත් දියට බැස ගත් පසු මා තේරුම් ගත්තේ එහි සැබෑ ගැඹුර මීටර් තුනකට ආසන්න බවයි. කෙසේ වෙතත් උදෑසනින්ම දියට බැස ගත් මා දිය මතුපිට පිහිනා යමින් දිය යට ඇති කොරල් සහ විසිතුරු මත්ස්‍යයන් නරඹමින් මාල දිවයිනේ ගත කල පලමු උදෑසන සදාකල්හිම භාවනාවක් මෙන් මාගේ මතකයේ රැදී පවතිනු ඇත. මක්නිසාද යත් එය එතරම් සොදුරු අත්දැකීම කි.
වායුගෝලයේ ඇති ඔක්සිජන් ප්‍රමානයෙන් වැඩි ප්‍රතිශතයකට හිමිකම් මහ මුහුදෙන් වට වූ නිදහසේ පාරාදීසයක දින දෙක තුනක් ගතව ගියේ දිගු කලෙක සිට මා අපේක්ෂාවෙන් සිටි විවේකය සහ ලෝකයෙන් වෙන් වී තම ජීවිතයේ මානසික සුවය වෙනුවෙන් ලබා ගත යුතු විරාමය ලබා ගනිමින් පොත් පත් සමග ගෙවා දමමිනු යි. මාලේ දේශයේ ගත කල තුන් වන දිනයේ උදෑසන මා සූදානම්ව සිටියේ මා මාලේ දේශයට පැමිනි ප්‍රධානතම අරමුණ වූ ගැඹුරු දියේ කිමිදී යන සබ්මැරීනයකට ගොඩ වීමේ ආශාව පෙරදැරිවයි. නමුත් පාන්දර සිට ඇද හැලුනු මහ වර්ශාව නිසාවෙන් මා හට දැන ගන්නට ලැබුනේ සබ්මැරීනයේ ගමන පසු දිනට කල් ගිය බවයි.
මා හට දැන් ඉතිරිව ඇත්තේ එක් දිනක් පමන කි. හෙටින් පසු ඊලග දිනයේ උදෑසනින් මා කලින් වෙන් කොට තිබූ ගුවන් යානයෙන් ශ්‍රී ලංකාවට පැමිනිය යුතුය. සබ්මැරීනයට ගොඩ වී සංචාරය කිරීමට ඇත්තේ හෙට දිනය පමනකි. මිනිසුන්ගේ බලාපොරොත්තු සියල්ල අවසානයේ සාර්ථක වීම හෝ අසාර්ථක වීම තීරණය වන්නේ සොබාදහම මත පදනම්ව ඇති බවට මා හට නැවත වරක් පසක් විය.
කෙසේ වෙතත් පසුදා උදෑසන අහස තැඹිලි පැහැ ගන්වමින් මාලේ දේශයේ මා ගත කල දින කිහිපය තුල දුටු සොදුරුතම හිරු උදාව දැක ගැනීමට හැකි විනි. මා උදෑසනින්ම දූපතට සමු දී නැවතත් වේග යාත්‍රාවකින් මාලේ ගුවන්තොටුපොළ පිහිටා ඇති දූපත දක්වා ගමන් කල අතර එතැනින් ටැක්සියකට ගොඩ වී ගොඩබිම් මාර්ගය ඔස්සේ "මාලේ" දූපත දක්වා ගමන් කලේ මාල දිවයිනේ දී දකින්නට ලැබෙන දීර්ඝතම පාලම පසු කරමිනුයි.
මාලේ ජනාධිපති නිල කාර්යාලය සහ ලංකා බැංකුව පසු කරමින් තවත් ජැටියක් වෙත ලගා වූ පසු මා හට දැක ගන්නට ලැබුනේ "සබ්මැරීනය" අයත් ආයතනයේ කාර්‍යමන්ඩලයේ කිහිප දෙනෙක් එහි රැදී සිටින ආකාරය යි. ඔවුන් මා හට ඔවුන්ගේ යාත්‍රාවකට ගොඩ වීමට මග පෙන් වූ අතර එය තරමක් පැරණි යාත්‍රාවකි. "දෝනිය" නමින් හදුන්වන මෙම යාත්‍රාවන් මාල දිවයින තුල සියවස් කිහිපයක සිටම මුහුද හරහා ප්‍රවාහන කටයුතු සදහා යොදා ගන්නා අතර සැබැවින්ම එම යාත්‍රාව පාරම්පරික සහ පැරණි යාත්‍රාවකි.
දෝනියේ අසුන් ගත් මා හට සබ්මැරීන් සංචාරය සදහා පැමිනි තවත් විදේශිකය සංචාරකයන් කිහිප දෙනෙක් වූ අතර පැය භාගයක පමන මුහුදු ගමනකින් පසු දෝනිය ලගා වූයේ මහ මුහුද මැද නැංගුරම් ලා තිබූ "සබ්මැරීනය" වෙතයි. මුහුදේ ඉදි කොට තිබූ අට්ටාලයක් වැනි යාත්‍රාවන් දෙකක් මධ්‍යයේ නැංගුරම් ලා තිබූ සබ්මැරීනය ඒ වන විටත් මුහුදු ගමන වෙනුවෙන් සූදානම් කරමින් පැවතීම හදවතට අස්වැසිල්ලක් වූයේ මෙම ගමන මුහුදේ හෝ කාලගුණයේ යම් කිසි වෙනස් වීමක් හෝ ප්‍රචන්ඩ වීමක් පදනම් කොට ගෙන ඕනෑම විටක අත්හැර දැම්මට හැකියාව ඇති බැව් ඒ වන විටත් මා දැන සිටි නිසාවෙනි.
සබ්මැරීනයට ගොඩ වීමට මද වේලාවක් එම යාත්‍රා අංගනයේ රැදී සිටිමට මා හටත් පැමිනි විදෙස් සංචාරකයන් හටත් සිදු වූ අතර ඉනික්බිතිව අපට ආරාධනා හිමි වූයේ සබ්මැරීනයට ගොඩ වීමටයි. පනස් දෙනෙකුට ගමන් කල හැකි සබ්මැරීනය ඇතුලත සෑම තැනකම පාහේ පිටත් හොදින් දිස් වන වීදුරු කවුලු සහ ඒ ආසන්නයේම සැප පහසු අසුන් සවි කොට තිබූ අතර සබ්මැරීනය සම්පූර්ණයෙන්ම වායු සමනය කොට තිබූනි. එ තුල විදුලි බුබුලින් ආලෝකමත් වී තිබුනේ අප පෙර දැක තිබූ යුධ සබ්මැරීනයන්ට හාත්පසින්ම වෙනස් ආකාරයකට යි. කෙසේ වෙතත් මද වේලාවකින් පසු දිය මත වා බුබුළු මතු කරමින් ගැඹුරු මුහුදට සබ්මැරීනය කිමිදෙන්නට පටන් ගත්තේ සබ්මැරීනයේ ඉදිරියේ සවි කොට ඇති පුවරුවේ ඇති ගැඹුරේ ප්‍රමානය ටිකෙන් ටික සංඛ්‍යාවෙන් වැඩි කරවමිනි.
විශාල කොරල් පර, දිය යට ඇති කුඩා උස් බිම් සහ විශාල මත්ස්‍යයන්, මුහුදු ජීවින් අතරින් සබ්මැරීනය ගමන් කල අතර සැබැවින්ම මුහුද මතුපිට මුහුදු ගමනකට වඩා එය ඉතා සුව පහසු එකක් විය. මුහුදු මට්ටමෙන් අඩි සියයකටත් වඩා ගැඹුරට සබ්මැරීනය ගමන් කල අතර එහි සිටි මා හට මෙන්ම සංචාරකයන් සියල්ලන්ටමත් එය අමතක නොවන අත්දැකීමක් වූවාට සැක නැත.
කෙසේ වෙතත් අපූරු සබ්මැරීන් සංචාරයකින් අනතුරුව නැවතත් මුහුද මතුපිටටත් එතැනින් නැවතත් මාලේ දූපතටත් පැමිනි මා මාලේ දූපතේ පැය කිහිපයක් ඇවිද ගොස් නැවතත් මා රැදී සිටි හෝටලය වෙත ගමන් කලේ පසුදා උදෑසනින්ම මේ සොදුරු අත්දැකීම් සහ මතක ගොන්නත් පොදි බැදගෙන මාගේ ආදරණීය දේශය "ශ්‍රී ලංකාව" වෙත ගමන් කිරීමට සැළසුම් කරමිනු යි.
මීලග සංචාරයෙන් මුනගැහෙමු,
ආයුබෝවන් මම දිනේෂ්.
සම්පූර්ණ රූප රචනාව හෙට
අද ආරම්භ වන පාද යාත්‍රාව. මේ 2022 වර්ශයේ දී අප සහභාගී වූ පාද යාත්‍රාවේ රූප රචනාවයි.
See you guys 🫡🇱🇰
මීලග ගමනාන්තයෙන් මුන ගැහෙමු.!
"සංචාරකයා" අද ඉරිදා "ලංකාදීප" පුවත්පතේ
සුභ උපන්දිනයක් වේවා ..! "ලොකු පීරිස්"
"සොබාදහම රකින්නා සොබාදහම විසින් රකිනු ලබයි"
සොබාදහමෙන් මැවූ ලෝකයක පුරාවෘත්තයක ආරම්භය
My passion is to show the world about the hidden and most beautiful places in the pearl of the Indian Ocean.
Thank you for checking out my Youtube channel. You can find vlogs about travel and adventure in this channel. Hope you guys enjoy my content ! Make sure to like and subscribe.
Your suggestions are highly appreciated.
Thank you.
For inquiries,
dineshasiripathumpeiris@gmail.com