RFA Khmer | Poke

RFA Khmer
Posted 14 hours ago

អាមេរិកដំឡើងពន្ធលើទំនិញបន្ទះសូឡានាំចូលពីកម្ពុជា៣៥០០%
---
ក្រសួងពាណិជ្ជកម្មសហរដ្ឋអាមេរិក កាលពីថ្ងៃចន្ទទី២១មេសា បានប្រកាសដំឡើងពន្ធលើការនាំចូលបន្ទះសូឡា ពីប្រទេសអាស៊ីអាគ្នេយ៍ចំនួន៤ រួមមានប្រទេសកម្ពុជា ថៃ វៀតណាម និងប្រទេសម៉ាឡេស៊ី ខណៈកម្ពុជាទទូលរងការដំឡើងពន្ធខ្ពស់ជាងគេបង្អស់។

យោងតាមបណ្ដាញសារព័ត៌មានអន្តរជាតិធំៗ ដូចជា BBCរបស់អង់គ្លេស និងCNNរបស់អាមេរិកបញ្ជាក់ថា ក្រុមហ៊ុននាំចេញបន្ទះសូឡាមួយចំនួននៅកម្ពុជា ទទួលរងការដំឡើងពន្ធពីអាមេរិក ជាង៣ពាន់ (៣.៥២១)% ខណៈបន្ទះសូឡាផលិតដោយក្រុមហ៊ុនចិនខ្លះ នៅប្រទេសថៃ រងការដំឡើងពន្ធ ៣៧៥% ប្រទេសវៀតណាម៣៩៥% និងម៉ាឡេស៊ី ៤១%។

ក្នុងរយៈពេលប៉ុន្មានឆ្នាំមកនេះ ក្រុមហ៊ុនចិនមួយចំនួន បានផ្លាស់ប្ដូរប្រតិបត្តិការរបស់ខ្លួន មកតំបន់អាស៊ីអាគ្នេយ៍ ដើម្បីគេចចេញពីការដំឡើងពន្ធលើទំនិញនាំចេញពីចិនដីគោក ដែលប្រកាសដោយប្រធានាធិបតីលោក ដូណាល់ ត្រាំ កាលពីអាណត្តិទី១។

សហរដ្ឋអាមេរិកបានបើកការស៊ើបអង្កេតតាំងពីឆ្នាំមុន បន្ទាប់ពីក្រុមហ៊ុនធំៗនៅអាមេរិក ដែលវិនិយោគរាប់ពាន់លានដុល្លារលើការផលិតបន្ទះសូឡា បានស្នើទៅរដ្ឋបាលលោកប្រធានាធិបតី ចូ បៃឌិន ឱ្យជួយការពារក្រុមហ៊ុនពួកគេ។ ការស្នើនៅពេលនោះ ខណៈមានការចោទប្រកាន់ថា ក្រុមហ៊ុនចិន ដែលបង្កើតរោងចក្រនៅកម្ពុជា ថៃ វៀតណាម និងម៉ាឡេស៊ី ទទួលបានការឧបត្ថម្ភធនពីរដ្ឋអំណាចចិន ដើម្បីផលិតនិងនាំចេញបន្ទះសូឡាក្នុងតម្លៃថោកជាងថ្លៃផលិតដើម ទៅលក់នៅសហរដ្ឋអាមេរិកបង្ខូចទីផ្សារ ដែលជាការប្រកួតប្រជែងមិនស្មោះត្រង់ដើម្បីផ្ដួលក្រុមហ៊ុនអាមេរិក។

កាលពីឆ្នាំ២០២៣ អាមេរិកនាំចូលបន្ទះសូឡាពីកម្ពុជា ថៃ វៀតណាម និងម៉ាឡេស៊ី ក្នុងទំហំទឹកប្រាក់ជិត១២ពាន់លានដុល្លារ ក្នុងនោះ នាំចេញពីកម្ពុជាជាង២ពាន់លានដុល្លារ។ នេះបើតាមតួលេខពីសហរដ្ឋអាមេរិក។ ទីភ្នាក់ងាររដ្ឋាភិបាលអាមេរិក គឺគណៈកម្មការពាណិជ្ជកម្មអន្តរជាតិ នឹងធ្វើសេចក្ដីសម្រេចចុងក្រោយនៅក្នុងខែមិថុនាខាងមុននេះ លើការដំឡើងពន្ធថ្មីលើបន្ទះសូឡា។

ការប្រកាសដំឡើងពន្ធលើបន្ទះសូឡា ធ្វើឡើងក្រោយពីរថ្ងៃនៃដំណើរទស្សនកិច្ចរបស់ប្រធានាធិបតីចិនលោក ស៊ី ជីនពីង មកកាន់ប្រទេសចំនួន៣នៅអាស៊ាន គឺវៀតណាម ម៉ាឡេស៊ី និងកម្ពុជា និងស្របពេលកម្ពុជានិងប្រទេសជាច្រើនទៀត កំពុងព្យាយាមចរចាជាមួយអាមេរិក បន្ទាប់ពីរងការដំឡើងអត្រាពន្ធលើទំនិញច្រើនមុខ ពីរដ្ឋបាលលោក ដូណាល់ ត្រាំ។

ក្រសួងពាណិជ្ជកម្មកម្ពុជា បានចេញសេចក្ដីប្រកាសនៅថ្ងៃទី២២មេសាថា ការដំឡើងពន្ធលើបន្ទះសូឡា មិនពាន់ព័ន្ធនឹងការដំឡើងពន្ធបដិការបស់រដ្ឋាភិបាលអាមេរិកកាលពីថ្ងៃទី០៣មេសានោះទេ។ ក្រសួងពាណិជ្ជកម្មបន្តថា កន្លងមក ក្រសួងនិងក្រុមហ៊ុនផលិតបន្ទះសូឡានៅកម្ពុជា ក៏បានចូលរួមបំភ្លឺ ជុំវិញការចោទប្រកាន់ពីបទ លក់បង្ខូចតម្លៃ និងការទទួលឧបត្ថម្ភធននេះដែរ។

ទោះជាយ៉ាងណា អ្នកនាំពាក្យក្រុមប្រឹក្សាជាតិតស៊ូលោក គឹម សុខ មើលឃើញថា ការដំឡើងពន្ធរបស់សហរដ្ឋអាមេរិកលើបន្ទះសូឡានាំចូលពីកម្ពុជា និងប្រទេសអាស៊ានទាំង៣ផ្សេងទៀត ជាសារព្រមានថា អាមេរិកមិនងាយបញ្ចុះពន្ធពាណិជ្ជកម្មដែលបានដាក់មកលើទំនិញកម្ពុជា៤៩% នោះទេ ប្រសិនបើសហរដ្ឋអាមេរិករកឃើញដូចការចោទប្រកាន់ថា កម្ពុជាបានលួចដាក់បន្លំផលិតផលចិន ថាជាទំនិញផលិតនៅកម្ពុជា ដើម្បីនាំចេញទៅសហរដ្ឋអាមេរិក ទទួលបានការអនុគ្រោះពន្ធនាពេលកន្លងមក។

លោក គឹម សុខ៖ «នយោបាយដំឡើងពន្ធរបស់សហរដ្ឋអាមេរិក លើផ្ទាំងសូឡា ពីប្រទេសកម្ពុជា និងប្រទេសមួយចំនួនពីតំបន់អាស៊ីអាគ្នេយ៍នេះ មានលក្ខណៈដាក់ទណ្ឌកម្មសេដ្ឋកិច្ចតែម្ដង លើប្រទេសទាំងឡាយ ដែលបង្ហាញចរិតល្អូកល្អិនជាមួយភាគីចិនជ្រុលពេក»។

កាលពីខែមិថុនា ឆ្នាំ២០១៩ ទីភ្នាក់ងារសារព័ត៌មានអង់គ្លេស Reuters បានចុះផ្សាយដោយដកស្រង់សម្ដីមន្ត្រីនៅស្ថានទូតអាមេរិកប្រចាំនៅកម្ពុជាថា សហរដ្ឋអាមេរិកបានផាកពិន័យក្រុមហ៊ុនចិនមួយចំនួននៅខេត្តព្រះសីហនុ បន្ទាប់ពីរកឃើញថា មានករណីលួចបន្លំដាក់ទំនិញមកពីប្រទេសចិន ថាជាទំនិញផលិតនៅកម្ពុជា ហើយនាំចេញទៅអាមេរិកដើម្បីគេចចេញពីវិធានការដំឡើងពន្ធរបស់អាមេរិក។ នៅពេលនោះ នាយកដ្ឋានគយរបស់វៀតណាម ក៏ប្រកាសរកឃើញការលួចដាក់ទំនិញចិន ថាផលិតនៅវៀតណាម ដើម្បីនាំចេញទៅសហរដ្ឋអាមេរិកដែរ៕

រូបភាព៖ Reuters/AFP
---

#វិទ្យុអាស៊ីសេរី #កម្ពុជា #អាមេរិក #ហ៊ុនសែន #ហ៊ុនម៉ាណែត #វិនិយោគ #សេដ្ឋកិច្ច #ពន្ធ #សូឡា

#RFAKhmer #Cambodia #USA #HunSen #HunManet #Investments #Economy #Tariffs #Solar

63 - 1

RFA Khmer
Posted 16 hours ago

#កម្រងរូបភាព៖ លោក រ៉ុង ឈុន ចូលតុលាការបំភ្លឺបទចោទមិនរាងចាលពាក់ព័ន្ធការញុះញង់
---
ទីប្រឹក្សាគណបក្សកម្លាំងជាតិ លោក រ៉ុង ឈុន និងជាអ្នកនយោបាយមកពីគណបក្សប្រឆាំងដ៏លេចធ្លោម្នាក់ នៅថ្ងៃពុធ ទី២៣ ខែមេសា នេះ បានចូលរួមក្នុងសវនាការ តាមការកោះហៅរបស់តុលាការ។ អយ្យការអមសាលាដំបូងរាជធានីភ្នំពេញ កាលពីថ្ងៃទី០២ ខែមសា បានចេញដីកាកោះហៅលោក រ៉ុង ឈុន ឱ្យចូលបំភ្លឺក្នុងសំណុំរឿង ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម។ លោក រ៉ុង ឈុន ប្រឈមមុខនឹងការជាប់ពន្ធនាគាររហូតដល់ ៤ឆ្នាំ ប្រសិនបើលោកត្រូវបានតុលាការផ្តន្ទាទោសពី «បទចោទមិនរាងចាល» នេះ ។

រូប៖ AP
---
ដើម្បីស្វែងរកព័ត៌មានផ្សេងទៀតរបស់វិទ្យុអាស៊ីសេរី សូមចូលទៅកាន់៖
👉 rfa.org/khmer
👉 facebook.com/rfacambodia
👉 youtube.com/RFAKhmerVideo
👉 x.com/RadioFreeAsiaKH
👉 t.me/rfakhmer
👉 instagram.com/rfakhmer
👉 bsky.app/profile/rfakhmer.bsky.social
---
#វិទ្យុអាស៊ីសេរី #កម្ពុជា #ហ៊ុនម៉ាណែត #ហ៊ុនសែន #រ៉ុងឈុន #តុលាការ #សិទ្ធិនយោបាយ #គណបក្សកម្លាំងជាតិ
#RFAKhmer #Cambodia #HunManet #HunSen #NPP #CourtKH #PoliticalRights #NationPowerParty

201 - 3

RFA Khmer
Posted 1 day ago

ក្រុមអ្នកឃ្លាំមើលស្នើលោក ហ៊ុន ម៉ាណែត យករឿងកោះគជ់ទៅជជែក ពេលនាយករដ្ឋមន្ត្រីថៃមកកម្ពុជា
---
ក្រុមអ្នកឃ្លាំមើលស្នើទៅរដ្ឋាភិបាលលោក ហ៊ុន ម៉ាណែត ត្រូវហ៊ានលើកយកបញ្ហាកោះគជ់ និងបញ្ហាព្រំដែនមួយចំនួនទៀត ទៅជជែកជាមួយនាយករដ្ឋមន្ត្រីថៃអ្នកស្រី ផែថងថាន ស៊ីណាវ៉ាត្រ នៅពេលមេដឹកនាំថៃរូបនេះ មកបំពេញទស្សនកិច្ចនៅកម្ពុជា ចាប់ពីថ្ងៃទី២៣ដល់ថ្ងៃទី២៤ ខែមេសា។

អ្នកនាំពាក្យក្រុមប្រឹក្សាជាតិតស៊ូ លោក គឹម សុខ ស្នើទៅរដ្ឋាភិបាលកម្ពុជា គួរយកករណីបញ្ហាកោះគជ់ ករណីនៅប្រសាទតាមាន់ធំ ប្រាសាទតាមាន់តូច និងប្រាសាទតាក្របី ប្ដឹងទៅតុលាការអន្តរជាតិ ប្រសិនបើភាគីថៃនៅតែចចេសទាមទារយកប្រសាទខ្មែរ និងបដិសេធការទាមទារចំណែកគ្រប់គ្រងកោះគជ់របស់ខ្មែរ។ លោក គឹម សុខ ព្រួយបារម្ភថា ការចរចាទ្វេភាគីកម្ពុជា-ថៃ គឺកម្ពុជាហាក់ចាញ់ប្រៀបថៃ។

លោក គឹម សុខ៖ «នៅតែមិនទុកចិត្តការចរចានៅឡើយ ហើយទាមទារឱ្យប្ដឹងទៅតុលាការអន្តរជាតិដាច់ខាត»។

ទាក់ទងការលើកឡើងនេះ វិទ្យុអាស៊ីសេរីមិនអាចសុំការឆ្លើយតបពីអ្នកនាំពាក្យនាយករដ្ឋមន្ត្រីលោក មាស សោភ័ណ្ឌ បានទេ នៅថ្ងៃទី២១ ខែមេសា។ សេចក្ដីប្រកាសព័ត៌មានរបស់ក្រសួងការបរទេសចុះថ្ងៃទី២១ ខែមេសា បានឱ្យដឹងថា អ្នកស្រី ផែថងថាន ស៊ីណាវ៉ាត្រ និងស្វាមី គ្រោងចូលគាល់ព្រះមហាក្សត្រ ជួបលោក ហ៊ុន សែន ប្រធានព្រឹទ្ធសភា ជួបប្រធានព្រឹទ្ធសភា អ្នកស្រី ឃួន សុដារី និងលោកជួបនាយករដ្ឋមន្ត្រី ហ៊ុន ម៉ាណែត។

ប្រភពដដែលឱ្យដឹងថា ដំណើរទស្សនកិច្ចរយៈពេល២ថ្ងៃរបស់អ្នកស្រី ផែថងថាន គឺនាយករដ្ឋមន្ត្រីថៃរូបនេះ និងលោកនាយករដ្ឋមន្ត្រី ហ៊ុន ម៉ាណែត នឹងពិភាក្សាពីការកំណត់ទិសដៅសកម្មភាព និងធ្វើឱ្យកាន់តែស៊ីជម្រៅ និងពង្រីកបន្ថែមទៀតនូវកិច្ចសហប្រតិបត្តិការដែលមានផលប្រយោជន៍ទៅវិញទៅមក។ នៅចុងបញ្ចប់នៃជំនួប ភាគីទាំងពីរនឹងចុះហត្ថលេខាលើឯកសារស្ដីពីកិច្ចសហប្រតិបត្តិការលើវិស័យមួយចំនួនផងដែរ។

ប្រធានក្រុមប្រឹក្សាឃ្លាំមើលកម្ពុជានៅប្រទេសន័រវែស (Norway) លោក ម៉ែន ណាត យល់ថា ភាគីកម្ពុជា មិនហ៊ានលើកយកករណីកោះគជ់ និងរឿងប្រាសាទទាំងនោះ ទៅជជែកស៊ីជម្រៅ ជាមួយមេដឹកនាំថៃឡើយ។ លោកបន្តថា កន្លងមក អតីតនាយករដ្ឋមន្ត្រីខ្មែរ គឺលោក ហ៊ុន សែន បានជាប់ជំពាក់នឹងកិច្ចព្រមព្រៀងមួយចំនួនដែលមានភាពមិនប្រក្រតី ដែលធ្វើកម្ពុជាចាញ់ប្រៀបប្រទេសថៃនិងប្រទេសវៀតណាម។

លោក ម៉ែន ណាត៖ «កន្លែងហ្នឹងដែលធ្វើឱ្យមានចំណុចខ្សោយរបស់លោក ហ៊ុន សែន វាត្រូវជាប់គន្លាក់ជាមួយវៀតណាម និងថៃ។ អ៊ីចឹង បានឃើញគ្រួសារហ្នឹងនិយាយបកស្រាយបញ្ហាព្រំដែនហ្នឹង និយាយបកស្រាយបញ្ហាព្រំដែនបន្លំយករួចខ្លួន អត់ធ្វើតាមការស្នើឡើងរបស់ប្រជាពលរដ្ឋទេ»។

ការបំពេញទស្សនកិច្ចរបស់មេដឹកនាំថៃនៅពេលខាងមុខនេះ ស្របពេលបញ្ហាកោះគជ់ កំពុងឡើងកម្ដៅ ដោយមេដឹកនាំថៃតែងតែអះអាងថា កោះគជ់ជាកម្មសិទ្ធិរបស់ថៃ ចំណែកមេដឹកនាំកម្ពុជា ត្រឹមអះអាងថា ខ្លួនកំពុងចរចាជាមួយថៃលើរឿងកោះគជ់។ រីឯនៅប្រាសាទតាមាន់ធំ ប្រាសាទតាក្របី ពេលនេះ យោធាកម្ពុជា និងយោធាថៃ កំពុងពង្រាយកម្លាំងនៅទីនោះ ហើយយូរៗម្ដង មានការប៉ះពាក្យសម្ដីគ្នារវាងទាហានកម្ពុជា និងទាហានថៃ។ ចំណែកប្រាសាទតាមាន់តូច ត្រូវបានទាហានថៃគ្រប់គ្រងស្ទើរទាំងស្រុងទៅហើយ៕

រូបភាព៖ ហ្វេសប៊ុកលោក ហ៊ុន ម៉ាណែត

#វិទ្យុអាស៊ីសេរី #កម្ពុជា #ថៃ #ហ៊ុនសែន #ហ៊ុនម៉ាណែត #កោះគជ់ #ផែថងថានស៊ីណាវ៉ាត់
#RFAKhmer #Cambodia #Thailand #HunSen #HunManet #Kuch #KohKut #Paetong-tarnShinawatra

215 - 11

RFA Khmer
Posted 1 day ago

សមាជិកសភាជប៉ុនស្នើឱ្យរដ្ឋាភិបាលខ្លួនជំរុញទៅរដ្ឋាភិបាលលោក ហ៊ុន ម៉ាណែត ឱ្យគោរពសិទ្ធិមនុស្ស និងស្ដារប្រជាធិបតេយ្យ
---
សមាជិកសភាបក្សប្រឆាំងជប៉ុន មកពីគណបក្សជំនាន់ថ្មី (Reiwa Shinsengumi) លោក ណាអូតុ សាកាគូឈិ (Naoto Sakaguchi) បានស្នើទៅរដ្ឋាភិបាលជប៉ុនដឹកនាំដោយគណបក្សប្រជាធិបតេយ្យសេរីនិយម ត្រូវជំរុញទៅរដ្ឋាភិបាលលោក ហ៊ុន ម៉ាណែត ឱ្យគោរពសិទ្ធិមនុស្ស ស្ដារលទ្ធិប្រជាធិបតេយ្យ និងឈប់ធ្វើទុក្ខបុកម្នេញលើសកម្មជន។

លោកបានជំរុញបែបនេះ នៅក្នុងកិច្ចប្រជុំរដ្ឋសភាមួយ ដែលសួរដេញដោលពាក់ព័ន្ធនឹងរឿងកិច្ចការបរទេស កាលពីថ្ងៃទី១៦ ខែមេសា ដោយលោកបានបញ្ជាក់ថា ជប៉ុនក្នុងនាមជាប្រទេសផ្ដល់ជំនួយ ដ៏ធំមួយដល់កម្ពុជា មិនគួរបន្តសម្ងំស្ងៀមទៀតទេ ហើយត្រូវចាត់វិធានការបន្ទាន់ជុំវិញស្ថានភាពនៃការរំលោភសិទ្ធិមនុស្សនៅកម្ពុជា។

នៅក្នុងកិច្ចប្រជុំរដ្ឋសភានេះ លោក ណាអូតុ សាកាគូឈិ ក៏បានលើកឡើងដែរថា ចាប់តាំងពីការរំលាយគណបក្សសង្គ្រោះជាតិកាលពីឆ្នាំ២០១៧ ការបោះឆ្នោតដែលមិនសេរី និងយុត្តិធម៌ ការដឹកនាំបែបតពូជពីឪពុកទៅកូន ការចាប់ខ្លួនប្រធានគណបក្សកម្លាំងជាតិ លោក ស៊ុន ចន្ធី បន្ទាប់ពីបំពេញទស្សនកិច្ចនៅជប៉ុន ជាពិសេស ការគាបសង្កត់ឆ្លងដែនលើសកម្មជននយោបាយប្រឆាំងកម្ពុជានៅលើទឹកដីជប៉ុន។

លោក ណាអូតុ សាកាគូឈិ បានប្រាប់សភាជប៉ុនទៀតថា មានសកម្មជនខាងគណបក្សប្រឆាំងខ្មែរដែលនៅប្រទេសជប៉ុន ត្រូវបានរដ្ឋាភិបាលក្រុងភ្នំពេញ ដាក់ក្នុងបញ្ជីខ្មៅ ហើយបានបញ្ជូនសារគំរាមទៅសកម្មជនទាំងនោះ ថាអាជ្ញាធរនឹងចាប់ខ្លួនពួកគេ នៅពេលត្រឡប់មកប្រទេសកម្ពុជាវិញ។ លើសពីនេះ លោកក៏បានជំរុញឱ្យរដ្ឋាភិបាលជប៉ុន គួរត្រួតពិនិត្យផងដែរ លើមន្ត្រីកម្ពុជាមួយចំនួន ឧស្សាហ៍ចេញចូលទឹកដីជប៉ុន ដែលអាចពាក់ព័ន្ធនឹងសកម្មភាពគំរាមកំហែងឆ្លងដែន ដោយលោកបានសួរដេញដោលពីករណីនេះ ឱ្យភាគីតំណាងរដ្ឋាភិបាលជប៉ុនឆ្លើយបំភ្លឺនៅក្នុងកិច្ចប្រជុំរដ្ឋសភា។

ការទទួចទៅរដ្ឋាភិបាលជប៉ុននេះ បន្ទាប់ពីលោក ណាអូតុ សាកាគូឈិ បានជួបជាមួយសកម្មជននយោបាយប្រឆាំងខ្មែរប្រចាំនៅប្រទេសជប៉ុន កាលពីខែវិច្ឆិកា ឆ្នាំ២០២៤ ពិភាក្សាពាក់ព័ន្ធនឹងការធ្វើទុក្ខបុកម្នេញរបស់រដ្ឋាភិបាលក្រុងភ្នំពេញ មកលើអ្នកនយោបាយខ្មែរ ដែលភៀសខ្លួននៅជប៉ុន រួមទាំងបញ្ហារំលោភសិទ្ធិមនុស្ស និងលទ្ធិប្រជាធិបតេយ្យនៅកម្ពុជា។

អនុប្រធានចលនាសង្គ្រោះជាតិប្រចាំប្រទេសជប៉ុន អ្នកស្រី ម៉ូរី បូរ៉ា ប្រាប់វិទ្យុអាស៊ីសេរីនៅថ្ងៃទី២១មេសាថា វាជាកម្លាំងចិត្តមួយ ដែលតំណាងរាស្រ្ដសភាជប៉ុន បានជួយពាំនាំនូវក្ដីកង្វល់របស់ក្រុមចលនាសង្គ្រោះជាតិ ទៅនិយាយនៅក្នុងរដ្ឋសភា ដើម្បីជំរុញឱ្យរដ្ឋាភិបាលជប៉ុន អន្តរាគមន៍ទៅរដ្ឋាភិបាលកម្ពុជា ឱ្យបញ្ឈប់ការធ្វើបាបលើសំឡេងជំទាស់ ការរំលោភសិទ្ធិមនុស្ស និងការបំផ្លាញប្រជាធិបតេយ្យទៅទៀត។

អ្នកស្រី ម៉ូរី បូរ៉ា៖ «ឥឡូវ ជប៉ុន គេលើករឿងហ្នឹងទៅនិយាយ វាជាកម្លាំងចិត្តមួយសម្រាប់ការតស៊ូរបស់យើង វាជាជោគជ័យមួយជំហានសម្រាប់ពួកយើងដែរ»។

អ្នកស្រីបន្តថា កន្លងមក ខាងចលនាសង្គ្រោះជាតិ តែងតែប្ដឹងទៅរដ្ឋាភិបាលជប៉ុនឱ្យជួយដឹងឭនិងអន្តរាគមន៍ ចំពោះការគាបសង្កត់ឆ្លងដែន ពីអាជ្ញាធរក្រុងភ្នំពេញ ដែលបានចុះទៅគំរាមកំហែងសាច់ញាតិ និងបងប្អូននៅក្នុងប្រទេស របស់ជនភៀសខ្លួនខាងនយោបាយ និងពលរដ្ឋខ្មែររស់នៅជប៉ុន ដើម្បីឱ្យពួកគេបញ្ឈប់ការធ្វើបាតុកម្មប្រឆាំងរបបដឹកនាំដោយ ត្រកូល «ហ៊ុន» បន្តទៀត៕

រូបភាព៖ ហ្វេសប៊ុក Neang Som និង House of Representatives of Japan

---
#វិទ្យុអាស៊ីសេរី #កម្ពុជា #ជប៉ុន #សិទ្ធិមនុស្ស #ប្រជាធិបតេយ្យ
#RFAKhmer #Cambodia #Japan #KhHumanrights #Democracy

525 - 16

RFA Khmer
Posted 2 days ago

អ្នកឃ្លាំមើលនិងមន្ត្រីបក្សប្រឆាំងថា កម្ពុជាគួរបើកចំហមូលដ្ឋានទ័ពរាមបន្ថែម ដើម្បីឱ្យអន្តរជាតិជឿទុកចិត្តថាគ្មានទីតាំងយោធាចិន
---
អ្នកឃ្លាំមើលបញ្ហាសង្គម និងមន្ត្រីបក្សប្រឆាំងលើកឡើងថា កម្ពុជាគួរតែបើកចំហឱ្យកាន់តែទូលាទំលាយបន្ថែមទៀត ដើម្បីឱ្យមន្ត្រីទូតបរទេស និងនាវាចម្បាំងមកពីគ្រប់ប្រទេសទាំងអស់ចូលចត និងធ្វើទស្សនកិច្ចស្វែងយល់ដោយសេរីពីមូលដ្ឋានទ័ពរាម ដើម្បីឱ្យពួកគេជឿជាក់ថា គ្មានមូលដ្ឋានយោធាចិន។

នាវាកងទ័ពជើងទឹកជប៉ុនពីរគ្រឿង ដែលមាននាវឹកសរុប១៧០នាក់ បានដល់កម្ពុជាកាលពីថ្ងៃសៅរ៌ទី១៩មេសា នៅក្នុងដំណើរទស្សនកិច្ច និងចូលចតនៅកំពុងផែរាមរយៈពេល៤ថ្ងៃ។ នាវាប្រភេទដោះមីនទាំងពីរគ្រឿងនោះ គឺនាវាបុណហ្គូ (Bungo) មានប្រវែង១៤១ម៉ែត្រ និងនាវា អ៊ីតាជីម៉ា (Etajima) មានប្រវែង៦៧ម៉ែត្រ មកពីកងកម្លាំងស្វ័យការពារដែនសមុទ្រជប៉ុន (JMSDF)។

ស្ថានទូតជប៉ុនប្រចាំកម្ពុជាបង្ហោះសារលើហ្វេសប៊ុកថា ការបញ្ជូននាវាយោធាទាំងពីរគ្រឿងមកកម្ពុជា ដើម្បីរួមចំណែកដល់ការសម្រេចបាន នូវតំបន់ឥណ្ឌូ-ប៉ាស៊ីហ្វិក ដែលសេរី និងបើកចំហ រួមទាំងសន្ដិភាព ស្ថិរភាពនៅក្នុងតំបន់ និងសហគមន៍អន្តរជាតិ។

អ្នកសិក្សាកិច្ចការសង្គម និងនយោបាយលោក ប៉ោ មករា ប្រាប់អាស៊ីសេរីនៅថ្ងៃទី២១មេសាថា ការចូលចតនៃនាវាជប៉ុន ដែលជាសម្ព័ន្ធដ៏ជិតស្និទ្ធរបស់សហរដ្ឋអាមេរិក អាចជួយឱ្យមូលដ្ឋានទ័ពរាម មានតម្លាភាព និងលាងជម្រះមន្ទិលសង្ស័យមួយចំណែក ប៉ុន្តែកម្ពុជា ត្រូវបានបើកចំហទទួលស្វាគមន៍ការបំពេញទស្សនកិច្ចនៃនាវាចម្បាំងរបស់ក្រុមប្រទេសសេរី ជាច្រើនបន្ថែមទៀត។

លោក ប៉ោ មករា៖ «នៅពេលដែលមានការចូលចតនៃនាវាជប៉ុនកំពង់ផែរាម ខ្ញុំគិតថា វាជាការបើកលំហមួយ បំបាត់ការសង្ស័យរបស់សហរដ្ឋអាមេរិក។ អ៊ីចឹងទេ អ្វីដែលកម្ពុជាគួរបន្តធ្វើទៀត ក្នុងការធ្វើឱ្យមានតុល្យភាពទំនាក់ទំនងបណ្ដាប្រទេសមហាអំណាច ជាពិសេស គឺត្រូវបើកលំហចូលចត (កំពង់ផែរាម) ផ្សេងៗ ពីបណ្ដាប្រទេសសេរី»។

ចំណែកអតីតតំណាងរាស្ដ្រគណបក្សសង្គ្រោះជាតិលោក អ៊ុំ សំអាន លើកឡើងដែរថា ដើម្បីឱ្យក្រុមប្រទេសសេរីមានទំនុកចិត្តថា គ្មានទីតាំងយោធាចិន លាក់នៅមូលដ្ឋានទ័ពរាម កម្ពុជាត្រូវតែផ្ដល់ឱកាសឱ្យមន្ត្រីទូតបរទេសលោកខាងលិច ឬក្រុមអ្នកសារព័ត៌មានអន្តរជាតិល្បីៗ អាចចូលទៅគ្រប់ទីតាំងនៃមូលដ្ឋានទ័ពរាមដើម្បីត្រួតពិនិត្យ។

លោក អ៊ុំ សំអាន៖ «ជាពិសេស គឺនៅពេលដែលរដ្ឋាភិបាលត្រកូលកម្ពុជា មិនបានបើកចំហឱ្យមានតម្លាភាព ហើយចូលទៅឱ្យដល់ទីតាំងកំពង់ផែរាម ត្រួតពិនិត្យមើលពីវត្តមានយោធាចិននៅកំពង់ផែរាមឬក៏អត់។ អាហ្នឹង ត្រូវបើកចំហឱ្យមន្ត្រីស្ថានទូតបរទេសលោកខាងលិចប្រចាំកម្ពុជា ចូលមើលគ្រប់ទីតាំងនៅកំពង់ផែរាម»។

កាលពីឆ្នាំ២០២១ អនុព័ន្ធយោធារបស់ស្ថានទូតអាមេរិក លោកវរសេនីយឯក ម៉ាកុស អិម ហ្វឺរ៉ារ៉ា ( Marcus M. Ferrara) ធ្លាប់បានចូលទៅពិនិត្យនៅមូលដ្ឋានទ័ពរាមផ្ទាល់ ប៉ុន្តែលោកបានសម្រេចបញ្ចប់ការដើរត្រួតពិនិត្យវិញភ្លាមៗ។ អនុព័ន្ធយោធាអាមេរិករូបនេះ ចោទមន្ត្រីកម្ពុជា ថាមិនបានបើកចំហរពេញលេញ ឱ្យលោកអាចដើរពិនិត្យគ្រប់ទីកន្លែងនៃមូលដ្ឋានទ័ពរាម ព្រោះមានការរឹតត្បិតទីតាំងមួយចំនួន ប៉ុន្តែការលើកឡើងនៅពេលនោះ ត្រូវបានក្រសួងការពារជាតិកម្ពុជាច្រានចោល។

ការចូលចតនៃវានាជប៉ុននេះ ធ្វើឡើងក្រោយមួយថ្ងៃបន្ទាប់ពីដំណើរទស្សនកិច្ចរបស់ប្រធានាធិបតីចិនលោក ស៊ី ជីនពីង នៅកម្ពុជា និងបន្ទាប់ពីរដ្ឋាភិបាលកម្ពុជាសម្ពោធដាក់ឱ្យប្រើប្រាស់មូលដ្ឋានទ័ពរាម ដែលចិនបានសាងសង់ផែថ្មីសម្រាប់ចតនាវាខ្នាតធំ ផែស្ងួតសម្រាប់ជួសជុលវានា និងការកែលម្អហេដ្ឋារចនាសម្ព័ន្ធមួយចំនួន។

ការពាក់ព័ន្ធរបស់ចិន ក្នុងការជួយធ្វើទំនើបកម្មមូលដ្ឋានទ័ពរាម បានធ្វើឱ្យមានក្ដីព្រួយបារម្ភ ក្នុងចំណោមប្រទេសមហាអំណាចធំៗ។ សហរដ្ឋអាមេរិកខ្លាចថា កងទ័ពចិនអាចប្រើប្រាស់មូលដ្ឋានទ័ពរាម ជាកន្លែងឈរជើងយុទ្ធសាស្ដ្ររបស់ខ្លួន។

កាលពីថ្ងៃអង្គារសប្ដាហ៍មុន រដ្ឋមន្ត្រីការបរទេសជប៉ុន លោក ជេន ណាកាតានិ (Gen Nakatani) ថ្លែងថា ការចូលចតនៃនាវាចម្បាំងទាំងពីរគ្រឿងនៅមូលដ្ឋានទ័ពរាម ជាការបង្ហាញពីកិច្ចសហប្រតិបត្តិការសន្ដិសុខនិងមិត្តភាពកាន់តែជិតស្និទ្ធរវាងកម្ពុជានិងជប៉ុន និងដើម្បីធ្វើឱ្យមូលដ្ឋានទ័ពរាមកាន់តែបើកចំហ។ លោកនាយករដ្ឋមន្ត្រី ហ៊ុន ម៉ាណែត ធ្លាប់សន្យាថា មូលដ្ឋានទ័ពរាម នឹងបើកចំហស្វាគមន៍ឱ្យនាវាចម្បាំងបរទេសទាំងអស់ចូលចត ដោយមិនមានការលាក់បាំងអ្វីឡើយ៕

រូបភាព៖ AFP/Ream Naval Base/ស្ថានទូតជប៉ុនប្រចាំកម្ពុជា
---
#វិទ្យុអាស៊ីសេរី #កម្ពុជា #ចិន #ឥទ្ធិពលចិន #ជប៉ុន #កំពង់ផែរាម
#RFAKhmer #Cambodia #China #ChinaReach #Japan #ReamNavalBase

221 - 12

RFA Khmer
Posted 3 days ago

បក្សកម្លាំងជាតិស្នើឱ្យរដ្ឋាភិបាលបង្ហាញឆន្ទៈស្ដារសិទ្ធិមនុស្សនិងប្រជាធិបតេយ្យ ពេលចរចារឿងពន្ធជាមួយអាមេរិក
---
គណបក្សកម្លាំងជាតិបានស្នើទៅរដ្ឋាភិបាលត្រូវបង្ហាញភាពស្មោះត្រង់ ព្រមទាំងបង្ហាញជំហរគោរពសិទ្ធិមនុស្ស និងប្រជាធិបតេយ្យ ក្នុងដំណើការចរចាជាមួយអាមេរិកសុំបញ្ចុះពន្ធ។
ការលើកឡើងនេះ ខណៈរបាយការណ៍របស់អគ្គនាយកដ្ឋានគយ និងរដ្ឋាករកម្ពុជា បង្ហាញថា ទំនិញកម្ពុជានាំទៅលក់នៅអាមេរិក កើនឡើង២២ភាគរយ គិតត្រឹមឆមាសទី១ ឆ្នាំ២០២៥ ដែលមានទំហំទឹកប្រាក់ ២.៤ ពាន់លានដុល្លារ។

គណបក្សកម្លាំងជាតិ បានកោតសរសើររដ្ឋាភិបាលដែលបានខិតខំប្រឹងប្រែងបង្ហាញឆន្ទៈសុំចរចាជាមួយសហរដ្ឋអាមេរិក ដោយកម្ពុជាបានបញ្ចុះពន្ធគយពី៣៥% មកត្រឹម៥% លើទំនិញអាមេរិកចំនួន១៩ ដែលចូលមកកម្ពុជា។

សេចក្ដីថ្លែងការណ៍ចុះកាលពីថ្ងៃទី១៧ ខែមេសា គណបក្សកម្លាំងជាតិ បានលើកឡើងថា ការធ្វើពាណិជ្ជកម្មជាមួយអាមេរិក លុះត្រាតែរដ្ឋាភិបាលកម្ពុជា លាងជម្រះភាពមន្ទិលសង្ស័យ របស់អាមេរិក គឺកំពង់ផែយោធាសមុទ្ររាម ការស្ដារប្រជាធិបតេយ្យ ការគោរពសិទ្ធិមនុស្ស ការលើកកម្ពស់សេរីភាពបញ្ចេញមតិ ដែលបញ្ហាទាំងនេះ សហរដ្ឋអាមេរិកតែងតែព្រួយបារម្ភ។ គណបក្សកម្លាំងជាតិ ក៏ចង់ឃើញមានការផ្សះផ្សាជាតិ និងដោះលែងអ្នកទោសមនសិការឱ្យមានសេរីភាពឡើងវិញ។

ទីប្រឹក្សាគណបក្សកម្លាំងជាតិ លោក រ៉ុង ឈុន បានបារម្ភថា ប្រសិនបើសហរដ្ឋអាមេរិកយកពន្ធពីកម្ពុជា៤៩% នឹងធ្វើឱ្យផលប៉ះពាល់ពលរដ្ឋកម្ពុជារាប់សែននាក់ ដូច្នេះគណបក្សកម្លាំងជាតិ ត្រូវតែចូលរួមផ្ដល់យោបល់ជួនរដ្ឋាភិបាលលើរឿងនេះ។ លោកយល់ថា ប្រសិនបើរដ្ឋាភិបាល ស្ដាប់មតិរបស់គណបក្សកម្លាំងជាតិ កម្ពុជានឹងទទួលបានផលវិជ្ជមានក្នុងការចរចាសុំឱ្យអាមេរិកបន្ធូរបន្ថយពន្ធ។

លោក រ៉ុង ឈុន៖ «ខ្ញុំមានជំនឿថា សហរដ្ឋអាមេរិកនឹងលើកលែងឱ្យកម្ពុជាយើង ពីព្រោះយើងដឹងហើយ កម្ពុជាយើងតូចមួយ ដូច្នេះ ប្រសិនបើយើងអនុវត្តទៅតាមការលើកឡើងរបស់គណបក្សកម្លាំងជាតិ យើងនឹងទទួលបានដំណោះស្រាយមួយ ប្រកបទៅដោយវិជ្ជមាន»។

វិទ្យុអាស៊ីសេរីមិនអាចសុំការឆ្លើយតបពីអ្នកនាំពាក្យនាយករដ្ឋមន្ត្រីលោក មាស សោភ័ណ្ឌ បានទេ នៅថ្ងៃទី១៨ ខែមេសា។ កាលពីថ្មីៗនេះ រដ្ឋាភិបាល បានបង្កើតក្រុមការងារចំពោះកិច្ច ដែលមានលោក ស៊ុន ចាន់ថុល ជាប្រធាន ដើម្បីសម្របសម្រួល ចរចា និងជំរុញទំនាក់ទំនងពាណិជ្ជកម្មទ្វេភាគីកម្ពុជា-សហរដ្ឋអាមេរិក។

អង្គភាពអ្នកនាំពាក្យរដ្ឋាភិបាលចេញសេចក្ដីប្រកាសព័ត៌មាននៅថ្ងៃទី១៦មេសាថា ក្រុមការងារចម្រុះដឹកនាំដោយលោក ស៊ុន ចាន់ថុល បានជួបប្រជុំទ្វេភាគីជាមួយប្រធានតំណាងពាណិជ្ជកម្មសហរដ្ឋអាមេរិកលោក Jamieson Greer ប៉ុន្តែមិនទាន់បង្ហាញពីលទ្ធផលយ៉ាងណានៅឡើយទេ ខណៈកម្ពុជាអះអាងថា ភាគីទាំងពីរឯកភាពជួបចរចាជាថ្មីក្នុងពេលឆាប់ៗនេះ៕

រូបភាពហ្វេសប៊ុកបក្សកម្លាំងជាតិ និងលោក ស៊ុន ចាន់ថុល
---
#វិទ្យុអាស៊ីសេរី #កម្ពុជា #អាមេរិក #ហ៊ុនសែន #ហ៊ុនម៉ាណែត #គណបក្សកម្លាំងជាតិ
#RFAKhmer #Cambodia #USA #HunSen #HunManet #NPP

406 - 3

RFA Khmer
Posted 4 days ago

នាវាចម្បាំងជប៉ុនបានមកដល់កំពង់ផែរាម
---
នាវាចម្បាំងជប៉ុនពីរគ្រឿង បានដល់កម្ពុជា និងចូលចតនៅកំពង់ផែទ័ពជើងទឹករាម នៅថ្ងៃសៅរ៍ ទី១៩ ខែមេសានេះ។ នាវាចម្បាំងទាំងពីរគ្រឿងនោះ គឺនាវាបុណហ្គូ (Bungo) និងនាវា អ៊ីតាជីម៉ា (Etajima) មកពីកងកម្លាំងស្វ័យការពារដែនសមុទ្រជប៉ុន (JMSDF)។ ទីភ្នាក់ងារសារព័ត៌មានបារាំង AFP រាការណ៍ថា អ្នកសារព័ត៌មានត្រូវបានរឹតត្បិតមិនឲ្យចូលទៅកំពង់ផែរាមឡើយ នៅពេលនាវាជប៉ុនទាំងពីរគ្រឿងនេះ មកដល់។ នាវាជប៉ុនទាំងពីរគ្រឿង នឹងចតនៅពង់ផែរាមរយ:ពេល០៤ថ្ងៃ។

សូមរង់ចាំអានព័ត៌មានពិស្ដារ ដែលផ្សាយជូនឆាប់ៗនេះ
👉 អានសេចក្ដីរាយការណ៍ពិស្ដារ៖ www.rfa.org/khmer/politics/2025/04/19/japanese-war…

រូបភាព៖ ស្ថានទូតជប៉ុន
---
#វិទ្យុអាស៊ីសេរី #កម្ពុជា #ចិន #ឥទ្ធិពលចិន #ជប៉ុន #កំពង់ផែរាម
#RFAKhmer #Cambodia #China #ChinaReach #Japan #ReamNavalBase

300 - 3

RFA Khmer
Posted 4 days ago

លោក កឹម សុខា បាត់បង់សិទ្ធិគ្រប់យ៉ាងសូម្បីសិទ្ធិជូនពរពលរដ្ឋឆ្នាំថ្មី
---
ប្រធានគណបក្សសង្គ្រោះជាតិលោក កឹម សុខា ដែលកំពុងជាប់ឃុំនៅក្នុងផ្ទះ បានបាត់បង់សិទ្ធិគ្រប់យ៉ាង រួមទាំងសិទ្ធិជូនពរឆ្នាំថ្មីដល់ពលរដ្ឋ។ មន្ត្រីបក្សកាន់អំណាចលោក សុខ ឥសាន លើកឡើងថា លោក កឹម សុខា មិនអាចធ្វើអ្វីៗបាននៅពេលនេះ គឺលោកត្រូវអនុវត្តតាមអំណាចសាលក្រមរបស់តុលាការ។

នៅថ្ងៃចុងក្រោយនៃពិធីបុណ្យចូលឆ្នាំថ្មី មេធាវីរបស់លោក កឹម សុខា បានអំពាវនាវឱ្យតុលាការពន្លឿនការកាត់ក្ដីសំណុំរឿងលោក កឹម សុខា ឱ្យបានឆាប់រហ័ស និងដោះលែងលោកឱ្យមានសិទ្ធិធ្វើនយោបាយ ដើម្បីបំពេញភារកិច្ចជាមេដឹកនាំគណបក្សប្រឆាំងឡើងវិញ។

មេធាវីការពារក្ដីលោក កឹម សុខា គឺអ្នកស្រី ម៉េង សុភារី បានឱ្យវិទ្យុអាស៊ីសេរីដឹងថា ក្នុងឱកាសឆ្នាំថ្មី លោក កឹម សុខា មិនបានជួបមុខសួរសុខទុក្ខម្ដាយដែលកំពុងមានជំងឺ និងមិនអាចចេញក្រៅផ្ទះធ្វើបុណ្យដាក់ទាន ហើយសូម្បីការសរសេរសារជូនពរជនរួមជាតិលើបណ្ដាញសង្គម ក៏លោក កឹម សុខា គ្មានសិទ្ធិធ្វើដែរ។

អ្នកស្រីម៉េង សុភារី៖ «ប្រជាពលរដ្ឋខ្មែរយើងគឺសប្បាយរីករាយក្នុងឱកាសបុណ្យចូលឆ្នាំប្រពៃណីជាតិ ប៉ុន្តែគួរឱ្យសោកស្ដាយហើយក៏ដូចជានឹកអាណិតដល់ ឯកឧត្ដម កឹម សុខា ជាពន់ពេកណាស់ ដែលសូម្បីតែឱកាសរបស់គាត់ ចង់ទៅធ្វើបុណ្យ ឬមួយក៏ចង់គោរពប្រតិបត្តិម្ដាយរបស់គាត់ដែលមានវ័យកាន់តែជរា ហើយកំពុងតែមានជំងឺផង ហើយក៏គាត់អត់អាចទៅជួបជុំម្ដាយរបស់គាត់បាន»។

ប្រធានគណបក្សសង្គ្រោះជាតិ លោក កឹម សុខា ជាអ្នកទោសនយោបាយម្នាក់ក្នុងចំណោមអ្នកទោសនយោបាយមនសិការចំនួន៦៤នាក់ទៀត ដែលបាត់បង់សិទ្ធិសេរីភាព ព្រោះការធ្វើសកម្មភាពនយោបាយ និងការបញ្ចេញមតិរបស់ខ្លួន។

លោក កឹម សុខា បាត់បង់សិទ្ធិស្ទើរគ្រប់យ៉ាងអស់រយៈពេលចំនួន ៧៧៥ថ្ងៃមកហើយ គិតចាប់ពីថ្ងៃទី៣ ខែមីនា ឆ្នាំ២០២៣ គឺ ក្រោយពេលសាលាដំបូងរាជធានីភ្នំពេញ សម្រេចផ្ដន្ទាទោសឱ្យជាប់ឃុំ ២៧ឆ្នាំ នៅក្នុងផ្ទះ។ លោកត្រូវបានសមត្ថកិច្ចចាប់ខ្លួនទាំងកណ្ដាលអាធ្រាត្រ ថ្ងៃទី០៣ ខែកញ្ញា ឆ្នាំ២០១៧។

អ្នកស្រី មេធាវី ម៉េង សុភារី បានឱ្យដឹងថា សាលាឧទ្ធរណ៍បានសាកសួរដេញដោលលោក កឹម សុខា រួចរាល់អស់ហើយ នៅសល់តែការធ្វើសេចក្ដីសន្និដ្ឋានប៉ុណ្ណោះ។ ប៉ុន្តែអ្នកស្រីថា សាលាឧទ្ធរណ៍មិនទាន់បន្តនីតិវិធីទៀតនៅឡើយទេ បើទោះជាក្រុមមេធាវីបានដាក់លិខិតចំនួនពីរដងមកហើយ សុំឱ្យតុលាការជាន់ខ្ពស់មួយនេះចាត់ការបន្ត។

វិទ្យុអាស៊ីសេរីមិនអាចសុំបំភ្លឺពីអ្នកនាំពាក្យសាលាឧទ្ធរណ៍លោក ឃុន លាងម៉េង បានទេនៅថ្ងៃទី១៦ ខែមេសា។

ចំណែកអ្នកនាំពាក្យគណបក្សប្រជាជនកម្ពុជា លោក សុខ ឥសាន បានលើកឡើងថា ត្បិតលោក កឹម សុខា ជាប់ឃុំនៅក្នុងផ្ទះ ប៉ុន្តែលោកត្រូវអនុវត្តតាមការសម្រេចរបស់តុលាការ។

លោក សុខ ឥសាន៖ «កុំឆ្ងល់អីពីព្រោះ កឹម សុខា គាត់គោរពទៅតាមបទបញ្ញត្តិរបស់តុលាការដែលបានកាត់សេចក្ដីគាត់រួចហើយ។ អត់ទេ អត់មានអ្នកណាលូកដៃចូលទៅចរចាអីកាត់សាលក្រមរបស់តុលាការបានទេ»។

ក្រុមប្រទេសលោកសេរីបានរំឭកទៅរដ្ឋាភិបាលត្រកូល ហ៊ុន ជាញឹកញាប់ ឱ្យទម្លាក់ចោលរាល់ករណីទាំងអស់ប្រឆាំងនឹងលោក កឹម សុខា ដើម្បីស្ដារលទ្ធិប្រជាធិបតេយ្យ។ អ្នកស្រី ម៉េង សុភារី ស្នើឱ្យដោះលែងលោក កឹម សុខា បើទោះជាធ្វើឡើងតាមផ្លូវតុលាការ ឬតាមផ្លូវនយោបាយក្ដី៕

រូបភាព៖ Reuters
---
#វិទ្យុអាស៊ីសេរី #កម្ពុជា #នយោបាយ #កឹមសុខា #បុណ្យចូលឆ្នាំខ្មែរ
#RFAKhmer #Cambodia #PoliticsKH #KemSokha #KhmerNewYear

675 - 8

RFA Khmer
Posted 4 days ago

គណបក្សកម្លាំងជាតិស្នើឱ្យរដ្ឋាភិបាលចរចាជាមួយអាមេរិកដោយភាពស្មោះត្រង់ និងគោរពសិទ្ធិមនុស្ស

18 - 1

RFA Khmer
Posted 4 days ago

Cambodia’s controversial canal project gets boost on Xi visit
---
A pet project of Cambodia’s ruling Hun clan to build a canal linking the capital with the Gulf of Thailand got a boost as Chinese President Xi Jinping’s rounded off a three-nation tour of Southeast Asia on Friday.
👉 www.rfa.org/english/cambodia/2025/04/18/cambodia-c…
---
#RFAKhmer #Cambodia #China #HunSen #HunManet #XiJinping #Ironclad #FunanCanal

141 - 1

Welcoem to posts!!

RFA Khmer Posted 14 hours ago

RFA Khmer Posted 16 hours ago

RFA Khmer Posted 1 day ago

RFA Khmer Posted 1 day ago

RFA Khmer Posted 2 days ago

RFA Khmer Posted 3 days ago

RFA Khmer Posted 4 days ago

RFA Khmer Posted 4 days ago

RFA Khmer Posted 4 days ago

RFA Khmer Posted 4 days ago

RFA Khmer
Posted 14 hours ago

RFA Khmer
Posted 16 hours ago

RFA Khmer
Posted 1 day ago

RFA Khmer
Posted 1 day ago

RFA Khmer
Posted 2 days ago

RFA Khmer
Posted 3 days ago

RFA Khmer
Posted 4 days ago

RFA Khmer
Posted 4 days ago

RFA Khmer
Posted 4 days ago

RFA Khmer
Posted 4 days ago