Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
الفيديو الجديد لي غايكون اليوما ان شاء لله غادي يلامس واحد من اكثر المواضيع حساسة والمثير للجدل حول "الفقر" و اختيار الفقر ولي كانت ضمن اكثر المواضيع طلبا منكم.
اليوم، كاين أكثر من مليون شاب فالمغرب ما خدامش، ما كيقراش، وما كيقلبش على خدمة، وما كيدير حتى شي تكوين مهني، فالفئة العمرية ما بين 15 و25 سنة. وفاش غادي نوسعو الفئة العمرية حتى لـ30 سنة، كاين أكثر من 4 مليون شخص فهاد الوضعية. السؤال لي كيطرح نفسه: علاش؟ شنو الأسباب بالضبط؟
في الفترة الأخيرة، لاحظنا ظهور بزاف ديال الفيديوهات لي كيستهدفو هاد الفئة العمرية وكيقولو ليهم "عندكم كلشي" وأن الفقر اختيار شخصي. واش هادشي صحيح؟ واش الفقر اختيار شخصي ولا مفروض على الشخص؟
الحقيقة أن هاد السؤال ماشي ساهل حيث فيه بزاف ديال الأجوبة والتوضيحات. هاد الفيديو غادي يعطيكم معلومات وأرقام رسمية باش نحاولو نجاوبو على هاد السؤال بشكل واضح وموضوعي، ونتمنى نكونو توفقنا فطرح هاد الموضوع من جميع الجوانب.
بالنسبة ليكم شنو رأي ديالكم بخصوص هاد الفئة ؟ وايضا رأيكم بخصوص هاد السؤال لي ولا كيتطرح بزاف " واش الفقر اختياري " ؟
هام جدا : بغيت نقوليكم ايضا بلي غادي نكون حاضر معكم فالوقت لي غادي تلونصا الحلقة ليوم مع 8بغيت نشوف رايكم بخصوص الحلقة والموضوع وغادي نكون معكم للاجابة على تساؤلاتكم ونقاش الحلقة ان شاء لله
#mustapha_swinga #الفقر_في_المغرب
2.7K - 243
قانون العقوبات البديلة من اكثر المواضيع لي تخلق عليها الجدل في الفترة الاخيرة ،حاليا تم الموافقة عليه من طرف مجلس المستشارين ومبقا والو ويخرج فالجريدة الرسمية ..طلبتو منا اننا نديرو حلقة عليه من الوقت لي انطلق فيه الموضوع والحلقة تم نشرها يوم أمس في القناة
فنظركم واش هاد القانون غادي يعكس شي نتيجة مزيانة على المجتمع او العكس؟ وواش يقدر يكون فرصة فعلا مزيانة للاشخاص لي كيكون عندهم مشاكل مالية باش يقدرو يحلوها بلا ميدخلو الحبس او يقدر يكون حل للناس لي عندهم فلوس باش يقدرو يتجاوزوا دخولهم للسجن ؟
فعلا الموضوع مشبك مزيان لهذا الفيديو يمكن ليكم طالعو عليه عن طريق الرابط التالي : https://www.youtube.com/watch?v=BtynN...
آرائكم كتهمنا 🙌
#mustapha_swinga #العقوبات_البديلة #القانون _الجنائي
574 - 35
واحد سؤال لي كنظن مكينش شي مغربي مطرحوش فبالو فجميع الأجيال لي كانوا كيهتموا بكرة القدم: واش يلا نظم المغرب كاس العالم شنو غادي نستافدوا؟ واش غادي نقدرو نجهزو بنية تحتية قوية لي كتواكب شروط الفيفا ؟ اشكون غادي ايمول هاد التنطيم ؟ الأسئلة كثار لي كنطرحها فبالي ولي شفتها في تعليقاتكم سابقا بخصوص هاد الموضوع , ولهذا تفاصيل الكاملة خدمنا عليها منذ مدة فهاد الفيديو الخاص حول "كاس العالم" اللي غادي يتحط نهار جمعة ان شاء لله لي فيه معلومات وتفاصيل كاملة , وغادي نتسنا كذلك رأيكم ايضا شنو كيبان ليكم فهاد البلان؟
#mustapha_swinga #كأس_العالم_2030 #المغرب_البرتغال_إسبانيا
2K - 138
في هاد الحلقة تطرقنا لأكثر المواضيع طلبا ولي سبق لينا وواعدناكم انه غادي يتم درجها ضمن سلسلة فيديوهات صناديق التقاعد في المغرب , الفيديو ديال اليوم غادي يكون خاص حول صندوق المهني المغربي للتقاعد .
نظام الموضوع كيستهدف جميع المواطنين المغاربة لي معندهممش امكانية التقاعد الإجباري في المغرب , الحلقة غادي يتم تقديم فيها شرح دقيق ومفصل حول نظام الصندوق المهني المغربي للتقاعد والمزايا لي كيقدمها والفوائد لي ممكن تحققوها من خلال الإشتراك فيه وغيرها . كذلك معلومات وإحصائيات بالأرقام وتفاصيل لي غادي تخليكم تاخذوا فكرة مجملة على نظام التقاعد في المغرب .
رابط الفيديو : https://www.youtube.com/watch?v=AIXcZ...
في انتظار تعاليقكم وآرائكم بخصوص هاد الحلقة
#Mustapha_swinga #تقاعد_القطاع_الخاص #الصندوق_المهني_المغربي_للتقاعد #CIMR
465 - 19
أول حاجة بغيت نشكركم جزيل الشكر على دعمكم المستمر وتعليقاتكم المحفزة لينا في كل فيديو كنحطوه بخصوص المواضيع لي كنتناولوها و اللي صراحة أنا وفريق العمل فخورين بيها
الجفاف ، غلاء الاسعار ، ارتفاع نسبة سدود نتيجة تساقطات المطرية الأخيرة لي عرفات المملكة المغربية ، وحولي عيد كبير لي جاي فطريق والاثمنة صادمة وهادو من اكثر المواضيع لي لقينا عليها طلب كبير منكم وانكم بغيتو نتطرقوا ليهم من خلال تعاليق ديالكم لي كتخليو لينا..بحكم ان هاد المواضيع مرتبطين مع بعضهم بواحد درجة كبيرة جدا فقررنا نختاروهم كموضوع الحلقة المقبلة لي غادي يكون فنهار جمعة إن شاء الله .
بعد بحث طويل صراحة تصدمنا بكثرة الارقام لي لقينا ولي خلاتنا فعلا وحنا كنصوروا هاد الحلقة وحنا كنتساءلو ..
بحكم اننا مزالين كنشتغلوا على الحلقة محتاجين ايضا نعرفو منكم النقاط الهامة لي كيبانو ليكم مهمين لي نقدرو نزيدوهم فهاد المواضيع …
في انتظاركم 🙌
#swinga_mustapha #مخطط_المغرب_الأخضر #الجفاف #عيد_الكبير
2K - 178
🙌سنة 2050، المغرب غادي يواجه تحديات كبيرة بسبب الزيادة فنسبة الشيخوخة ديال السكان. هاد التحول ممكن يأثر على كلشي؛ من الاقتصاد حتى الحياة الاجتماعية. فهاد الفيديو، غنشاركم معكم الأسباب والتأثيرات ديال هاد التغيير باحصائيات وأرقام صادمة وكيفاش ممكن يبدل مستقبل ديال بلاد . نتمنى هاد الحلقة تنال اعجابكم لانه عامرة بمعلومات كثيرة , وارائكم واقتراحاتكم كتهمنا 🙌
الحلقة كاملة حول هاد الموضوع تم نشرها قبل قليل في القناة , في انتظار ارائكم واقتراحاتكم بخصوص هاد الموضوع :https://www.youtube.com/watch?v=zZee9...
#mustapha_swinga #شيخوخة
967 - 105
كيفاش ممكن نشوفو راسنا فـ 2050؟ واحنا كبار بالجسد ولكن الطفل اللي في داخل ديالنا باقي متشبث بالأحلام ...
واش كتقدر تخيل راسك من دبا لديك الوقت ؟ واش كتساءل كيفاش ممكن تكون حياتك في سن الشيخوخة ؟
عطيونا أفكاركم وارائكم بخصوص هاد السؤال اللي كل مرة كنطرحو بيني وبين راسي!
جايينكم بحلقة مميزة هاد الأسبوع خاصة بهاد الموضوع ولي غادي نتناولوا فيها ارقام واحصائيات صادمة لي ممكن تسمعها لأول مرة بخصوص كيفاش غادي يكون المغرب ف 2050
#Mustapha_swinga #سوينغا
#شيخوخة
867 - 110
سلام شباب !!
بما أن رأي ديالكم واقتراحاتكم كتهمنا ، بغينا نعرفوا منك شخصيا ، شنو هي المواضيع اللي كتهمك وباغي تشوفنا
كناقشوها في القناة؟
اقتراحاتكم كتهمنا 🙌
#mustapha_swinga
1.2K - 894
هاد الفيديو خذا لينا والفريق العمل الوقت بزاف باش نقومو بالإنجاز ديالو نظرا لأنه كيحتوي على تفاصيل كثيرة وتقنية بشكل كبير وكيبقى من اكثر المواضيع اللي فعليا فيها غرق ديال معلومات ولي كنتمناو انه ينال اعجابكم وكنتمناو تشاركونا ارائكم وايضا اقتراحاتكم بخصوص اي معلومات اخرى لي تبغيونا نتطرقوا ليها مستقبلا فهاد الموضوع , كيفما كنعرفوا ان بشكل كبير كيتزاد الإعتماد على الذكاء الاصطناعي فكل المجالات في الفترة الأخيرة وخاصنا من الضروري نتعلمو ونفهمو كيفاش يمكن نستغلو هاد التكنولوجيا فالعمل ديالنا
في انتظاركم !
رابط الفيديو : https://www.youtube.com/watch?v=VdD7I...
63 - 1
مساء الخير عليكم !
سمحو لينا الحلقة ديال اليوم مغيتمش نشرها نتيجة ظرف تقني طارئ خارج على الإرادة ديالنا ، ان شاء لله الحلقة غيتم نشرها يوم غد السبت مع ساعة 8:00 مساءا,
مكرهناش تقولو لينا واش هاد توقيت لنشر الحلقات مناسب ؟ وشاركونا الرأي ديالكم بخصوص توقيت المناسب
240 - 29
مرحبا في قناتي الرسمية
أنا مصطفى سوينغا صانع محتوى مغربي
قناتي تضم محتوى متنوع : أنيميشن - أفلام قصيرة - شرح مبسط بالدارجة المغربية لقضايا مختلفة - والمزيد...
شكرا على دعمكم و تشجيعكم
حسابي الرسمي على الفايسبوك : web.facebook.com/MustaphaSwinga
حسابي الرسمي بتطبيق الانستاغرام : www.instagram.com/mustapha_swinga/