Balen - PokeTube

Balen
1 year ago - 1.2K likes

Nepal Vs Laos

Balen
1 year ago - 15K likes

:)

Balen
2 years ago - 7.1K likes

Uploading new song shortly :)

Balen
2 years ago - 4.5K likes

खर्चको विवरण केहि समय अगाडि नै सार्वजनिक भइसक्नु पर्ने थियो तर विभिन्न कारणहरुले सो ढिलो भएकोमा माफी चाहन्छौँ । हाम्रो चुनावी अभियानमा जम्मा खर्च तीन लाख चौरनब्बे हजार चार सय उननब्बे रुपैयाँ (रु. ३,९४,४८९ /-) भएको छ । जसमा मतगणनाको समयमा मात्रै १ लाख भन्दा बढि भएको थियो । मतगणना ढिलो भएर निर्वाचन प्रक्रियालाई लामो र बोझिलो मात्रै बनाएको छैन, उम्मेदवारका लागि महंगो बनाइरहेको छ । यसमा सबैको ध्यान जान जरुरी छ ।

र, भन्नै पर्ने कुरा छ - एउटा उम्मेदवारका रुपमा हामीले जुन साथ र विश्वास पायौँ, त्यसलाई संसारको सबै भन्दा शक्तिशाली कम्प्युटरले जस्तो सुकै तालिकामा कुनै पनि संख्या राखेर देखाउन सक्दैन । त्यो अमुल्य साथ र विश्वासले दिएको जिम्मेवारी पुरा गराउँन हामी हरसमय खटिरहनेछौँ ।

Balen
2 years ago - 19K likes

स्थानीय तह निर्वाचन २०७९ मा हामीलाई मत दिने, समर्थन गर्ने तथा निर्वाचन प्रक्रियामा सामेल हुने सबैलाई धन्यवाद छ । अहिले यति भन्न सकिन्छ कि, हामी काठमाण्डौँ महानगरको जिम्मेवारी बोक्न योग्य छौँ भनेर महानगरका मतदाताहरुले हामीलाई विश्वास गर्नु भएको छ । यहाँ विश्वासको कुरा छ । विश्वासमा जीत वा हार हुदैन ।

जीत-हारलाई मतगणना सकिएसँगै सकिदिउँ । घोषणापत्रमा भएका कुराहरु लागू गर्न सकेका दिन सबै मिलेर विजय उत्सव मनाउँला । तर अहिले विजय जुलुस भनेर अरुलाई पराजित भन्ने संकेतसम्म पनि नगरौँ ।

यसै पनि चुनावमा जित्नेले धेरै मत ल्याउने हो, बहुमत होइन । हाम्रो स्वयमको पनि बढिमा ३५ प्रतिशत मत आउला । यसको अर्थ हो, बदर मतहरु बाहेक बाँकी ५० प्रतिशत जति मतदाताहरुले अरुलाई छनौट गर्नु भएको छ । हामीलाई मत हाल्ने ३५ प्रतिशतको शिर उँचो पार्दै गर्दा बाँकी ५० प्रतिशतको शिर निहुराउनु पर्ने काम वा संकेत भएको छ कि भन्नेमा ध्यान दिनु पर्छ । र, महानगरको उन्नतिका लागि सबैसँग सहकार्य गर्नु नै पर्छ ।

दोस्रो, ठाउँठाउँबाट र्यालीका लागि काठमाण्डौँ आउने कुराहरु एकदमै धेरै सुनिरहेका छौँ । हाम्रो अनुरोध के हुन्छ भने तपाईहरु कोही पनि र्यालीका लागि काठमाण्डौँ आउने दुख गर्नु पर्दैन । यो अभियान सबैको हो । यसको स्वामित्व हरेक नेपालीले जहाँबाट जसरी पनि लिइदिए हामी खुसी हुनेछौँ ।

अभियानको अहिलेसम्मको सफलताका लागि खुशीयाली प्रकट गर्ने नै हो भने पनि तपाई रहेकै क्षेत्रमा 'धन्यवाद र्याली' गर्नु होला । त्यसले सो स्थानमा बढि प्रभाव छोड्छ । नेपालमा बालेन मात्रैको यो अभियान होइन, यो नेपालभरको अभियान हो भन्ने सन्देश जान्छ । 'बालेन'हरुका लागि देशभरका नागरिक साथसाथै रहन्छन् भन्ने देखिन्छ । यहाँ पनि यस्तो किसिमको चेतना र अभिमत रहेछ भनेर प्रोत्साहन हुनेछ ।

अबको बाटो सहज छैन । हाम्रो अभियानको वास्तविक परिक्षा अब सुरु हुनेछ । हामीले हिड्ने सहि बाटो, चाल्ने उपयुक्त कदम र गर्ने अधिकतम सत्प्रयासहरुले हाम्रो अभियान र महानगरको उन्नतिलाई प्रभाव पार्नेछ ।

हामीलाई साथ र सुझाब जति महत्वपुर्ण छ, उति नै खाँचो पर्नेछ खबरदारीको । हामीले बाटो बिराउन लाग्यौँ भने खबरदारी गर्नुहोला । अनि हाम्रो अभियानको उर्जाको लागि हामी सँधै तपाईहरुसँग जोडिरहेका हुन्छौँ । तपाईहरुको उपस्थिति र साथको आवश्यकता महसुस हुने बित्तिकै हामी आवाज दिनेछौँ ।

अहिलेलाई यो अभियानलाई देशव्यापी बनाउने प्रयास गरौँ । हरेक टोलटोल र गाउँगाउँमा 'बालेन'हरु भेटिउन् जसले केवल जनमतका आधारमा परिवर्तनको जिम्मेवारी बोक्न सकुन्, अवसर पाउन सकुन् ।

अबको हाम्रो पहिलो यात्रा काठमाडौको मुहार फेर्नलाई हुनेछ । मिलेर अगाडी बढौँ ।

Balen
2 years ago - 25K likes

म कुनै दलको मान्छे हैन । त्यसैले धेरैले मलाई भन्नुभयो, "यसको माथिसम्म पहुँच छैन । यसले के गर्छ ?"

उहाँहरुले भनेको ठीक हो । मेरो माथिसम्म पहुँच छैन । र, चाहिएको पनि छैन । तर मसँग तलसम्मको पहुँच छ । तलका जनतासम्मको पहुँच छ । यो पढिरहनु भएको तपाईंसम्मको पहुँच छ ।

म तलको जरा हुँ । मसँग पानीसम्मको पहुँच छ । माथि पुग्नु पर्ने म हैन । माथि पुग्नु पर्ने त जनता हो । म त तपाईंको लागि मलजल लिइदिने मात्रै हुँ । म जरा नै रहिरहुँ । रुख बनेर जनता माथि पुगून् । जनता टुप्पो बनुन् । म सँधै जरा बनिरहूँ । जनताबाट लिएको मलजललाई जनताकै हाँगाहाँगामा पुर्याऊँ । म माध्यम मात्रै बनूँ । माथि पुगेँ भने मेरो पानीसँग जोडिरहन पाउन्न । म जनतासँग जोडिरहन चाहन्छु । म तलै हुन चाहन्छु । सँधै तपाईंहरुकै पहुँचमा हुन चाहन्छु ।

तपाईंले 'मैले दिएको मलको के गरिस् ?' भनेर मेरो कान समात्न मिल्ने ठाउँमा रहिरहूँ । म जरा नै भैरहूँ ।

सुरुमा एउटा र्यापरले फेमस हुन काठमाण्डौँको मेयरमा उठ्यो भनेर युवाको समाज बदल्ने अठोटलाई होच्याए । जब हाम्रो भिजन र क्षमताका बारेमा थाहा पाए, तब एक्लो मेयरले केहि गर्न सक्दैन भन्न थाले । जब महानगरबासीले अभुतपुर्वरुपमा हाम्रो पक्षमा समर्थन जनाउन थाले तब विभिन्न कुप्रचार र हल्लाहरु फैलाएर भ्रम पार्न खोजे । तर पनि महानगरबासीले हाम्रा लागि समर्थन कम गर्नु भएन, उल्टो बढाइदिनु भयो ।

अब माहौल हाम्रो पक्षमा आए पछि गलत मतपत्र देखाएर हाम्रो चुनाव चिन्ह ३५ मा पर्दैन भन्ने कुप्रचार सुरु गरेका खबर आइरहेका छन् । विपक्षीप्रति गरिने यहि गलत संस्कारले हाम्रो राजनीति बिग्रियो, समाजले सोचे जस्तो सेवा र विकाश पाएन । कसै न कसैले यो बन्द गर्न पर्छ । हामी कसैलाई गाली गर्न आएका होइनौँ, बदला लिन आएका होइनौँ । गाली गर्दैनौँ तर सत्य भन्न पनि डराउँदैनौँ ।

हामी प्रति गरिएका हल्ला र कुप्रचारहरु जसरी समयसँगै गलत सावित भए, त्यसरी नै महानगरबासीले ३५ नम्बरको लौरो चिन्हमा मत दिएर अहिलेको कुप्रचारलाई पनि गलत सावित गरिदिनु हुनेछ ।

मलाई भोट दिनका लागि ३५ नम्बरको पहिलो लौरो चिन्हमा मत दिनुहोला । मत हाल्दा दिएको छाप भन्दा अरु कुरा प्रयोग नगर्नुहोला । चिन्ह भएको कोठा भित्र पर्ने गरेर छाप हान्नुहोला । मसी लत्पतिनु पनि हुदैन भने एकपल्ट छाप हान्दा राम्रो रंग बसेन जस्तो भए पनि दोस्रो पटक त्यहि चिन्हमा छाप हान्नु हुदैन । दुई पाताको मतपत्र भएकाले दाहिने तिर पनि मेयरकै चिन्हमा झुक्किएर मत दिने सम्भावना हुन्छ । त्यसमा ध्यान दिनुहोला । मलाई ३५ नम्बरको पहिलो लौरो चिन्हमा मत दिइसके पछि मेयर बाहेक अन्यत्र जता मत दिए पनि हुन्छ । तपाईको इच्छा हो ।

तपाईले कुनमा मत दिनु भयो भने गोप्य हुन्छ । यो कहिलै कसैले पत्ता लगाउन सक्दैन । यसैले पार्टीगतरुपमा जता भए पनि तपाईले ३५ नम्बरको लौरो चिन्हमा मत हाल्न सक्नु हुन्छ ।

मलाई तपाईप्रति विश्वास छ । तपाईहरुले देखाउनु भएको समर्थनले मैले थप जिम्मेवारी र कर्तव्यका रुपमा बुझेको छु । मलाई थाहा छ, जनता भन्दा र जनताको विश्वास भन्दा ठुलो शक्ति केहि पनि छैन । हामी जित्नेछौँ । पक्का जित्ने छौँ ।

र, हामीले जति कोशिस गरे पनि सबै स्थानमा पुग्न सकेनौँ । त्यसो भन्दैमा हामीले ति ठाउँमा भएका महानगरवासीलाई वेवास्ता गरेको भन्ने नसोचिदिनुहोला । हामी अहिले आउन नपाएका हौँ तर अब आइरहने छौँ । घरदैलोमा हाम्रो एकनारा नै थियो, यसपटक लौरो, ५ बर्ष घरदैलो । हामी वचनमा पक्का छौँ ।

अन्त्यमा, मौन अवधि सुरु हुन लाग्यो । निर्वाचन अगाडिको यो अन्तिम पोस्टमार्फत हाम्रो अभियानलाई साथ र सहयोग दिने हरेक व्यक्ति, हरेक सञ्चारगृह, हरेक पत्रकार र हरेक समूहप्रति आभार व्यक्त गर्दछु ।

Balen
2 years ago - 22K likes

चुनाब चिन्ह " लौरो " मा भोट हालौ

बा आमा लाई टेकाउन मिल्ने,
भ्रस्टाचारी लाई सेकाउन मिल्ने!

Balen
2 years ago - 20K likes

चुनाब चिन्ह " लौरो "
बुढा बुढी लाई टेकाउन मिल्ने,
भ्रस्टाचारी लाई सेकाउन मिल्ने l

Balen
2 years ago - 744 likes

Ayux on the Mic

Balen
2 years ago - 998 likes

Himesh panta Set!!!

Balen 1 year ago - 1.2K likes

Balen 1 year ago - 15K likes

Balen 2 years ago - 7.1K likes

Balen 2 years ago - 4.5K likes

Balen 2 years ago - 19K likes

Balen 2 years ago - 25K likes

Balen 2 years ago - 22K likes

Balen 2 years ago - 20K likes

Balen 2 years ago - 744 likes

Balen 2 years ago - 998 likes