Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
Pasiyent “Bu çərçivəni çox xoşlayıram” deyir, amma optikadakı məsləhətçilər onlara fərqli bir çərçivə seçmələrini tövsiyə edirlər. İstərdim ki, optika əməkdaşlarına qulaq assınlar. Niyə?
Eynək üçün çərçivə seçərkən əlbəttə ki, dizaynı xoşumuza gələn çərçivə seçəcəyik. Amma nəzərə almalı olduğumuz digər faktorlar da var.
GENİŞ ÇƏRÇİVƏLƏR:
Əgər Astiqmatizm varsa, geniş eynək çərçivəsi daha rahatdır. Geniş çərçivə sayəsində görmə sahəsi daha geniş olur və eynəyin kənarları daha az görünür.
KİÇİK ÇƏRÇİVƏLƏR:
Eynək nömrəsi yüksəkdirsə, kiçik ölçülü çərçivə seçmək məsləhətdir. Çünki böyük çərçivələr üçün böyük şüşələr lazımdır və yüksək dərəcələrdə şüşələr ağır olur. Bu da burunda iz buraxır, ağırlıq verir və baş hərəkət etdikcə eynəyin sürüşməsinə səbəb ola bilər.
ÇƏRÇİVƏ QALINLIĞI:
Göz dərəcəsi çox yüksəkdirsə (məsələn, -14), çox incə kənarlı çərçivə seçmək düzgün deyil. Çünki qalın şüşə incə çərçivəyə yerləşdirilə bilməz və ya estetik baxımdan xoşagəlməz görünə bilər.
Ümumiyyətlə, eynək seçərkən göz ölçüləri, dərəcələr, sifət quruluşu və baş ölçüləri nəzərə alınmalıdır. Optika əməkdaşlarının məsləhətlərinə qulaq asmaq vacibdir.
#RafadarXalilov #OptikEynək #EynəkÇərçivələri #Astiqmatizm
11 - 2
Bəzən eynək yazırıq, pasiyent eynək taxmırlar. Səbəbini soruşanda
– Doktor, kənardan baxanda gözüm eynəyin arxasında yaxşı görsənmir. Gözüm çox böyüdülmüş görsənir (və ya “çox kiçildirmiş görsənir”).
– Bunun həlli var!
Əgər sizin də belə bir nigarançılığın varsa, bu mövzunu sizi narahat edirsə, bunun həlli var.
Optikadakı əməkdaşa desəniz ki, "Mən istəyirəm ki, eynəyin arxasında gözümün ölçüləri çox da dəyişməsin," o da sizə aseferik şüşələr məsləhət görəcək.
#RafadarXalilov #OptikEynək #AsferikŞüşə #DoubleAspheric
12 - 1
Eynəyin nömrəsi artdıqca şüşələri daha qalın olur. Şüşə qalınlaşdıqca ağırlığı da artır. Ağır eynək isə əlavə narahatlıqlar yaradır.
Eyni nömrə şüşənin daha incə versiyaları da olur. Bunu şüşələrin incəlmə indeksləri ilə göstərirlər. Məsələn, incəlmə indeksi 1,67 olan şüşə 30% daha incə şüşə deməkdir. Amma bir şeyi unutmamaq lazımdır ki, incəlmə indeksi nə qədər artarsa, yəni şüşə nə qədər incəldilmiş olarsa, görüntü bir o qədər təhrif olmağa başlayır.
Bunu niyə vurğulayıram?
Bəzi pasiyentlər kaprizlərindən incəlmiş şüşə seçirlər. Məsələn, – 3 eynək var, onu 1.67 incəltmək istəyirlər. 1.67 incəltmə -3 üçün çox da önəmli bir hal deyil. Yəni –3 onsuz da nazik şüşədir, 1.67 ilə daha da nazikləşəcək, amma görmənin təhrif olunmuş hissəsi ortaya çıxacaq.
Çox yüksək nömrələr (-14, -15) isə, bəli, incəldilmiş olmalarını tövsiyə edərik.
#RafadarXalilov #OptikEynək #İncəlmişŞüşə #İncəməİndeksi
12 - 5
Görən göz nə böyüyər, nə də balacalaşmaz. Kənardan baxanda gözdə böyümə, ya da balacalaşma hiss olunursa, bu ancaq qapaqlara bağlı bir haldır. Qapaq çox aralanarsa, göz böyük görsənər, qapaq qapanırsa, göz balaca görsənər.
Qapağın az açılması, bağlanması isə, sinir sisteminə bağlıdır. Çünki, göz qapağımızı hərəkət etdirən əzələlərdir, əzələləri innervasiya edən isə sinirlərdir. Yorğunluğa və ya emosional gərginliyə bağlı olaraq sinir lazımi impuls göndərmir. Bu hər iki gözdə və ya birtərəfli ola bilir.
Belə olanda əksər hallarda göz həkimləri çox faydalı olmur. Əsas səbəbi aradan qaldırmaq lazımdır.
#RafadarXalilov #GözSağlamlığı #GözdəBalacalaşma
20 - 1
Gecə maşın sürmək asan deyil. Onsuz da yol gündüz olduğu kimi aydın görünmür, üstəgəl digər maşınların işıqları da gözümüzə düşüb görməyi daha da çətinləşdirirlər.
Əslində problemlərin böyük hissəsi avtomobil köhnəldikcə ön şüşədə kiçik cızıqların artması, şəffaflığının azalması və buradan əks olunan işıqların görməyə mane olmasıdır. İmkan daxilində maşının ön şüşəsini yeniləmək problemləri böyük ölçüdə həll etmiş olacaq.
Bundan əlavə olaraq sürücülər üçün gecə eynəkləri var. Bunlara "antifar" və ya başqa adıyla "driver şüşəli" eynəklər də deyilir.
Bu eynəklərdə xüsusi filtrlər olur. Əvvəlkilər sarı rəngdə idi, görmə keyfiyyətini bir az azaldırdı. Amma hal-hazırda onların şəffafları çıxıb. Şəffaf driver filtrləri. Onlar qamaşmaları bir az azalda bilərlər.
Gecə görnüşünü çətinləşdirən gözümüzlə bağlı məqamlar da ola bilər: gözümüzn buynuz qişasının hamarlıq dərəcəsi və gözümüzün büllurunun şəffaflıq dərəcəsi kimi. Təəssüf ki, bunlarla bağlı bir şey edə bilmərik. Amma avtomobilimizin ön şüşəsini (cızıqlar varsa) dəyişdirə bilərik və driver eynəkləri taxa bilərik.
#RafadarXalilov #DriverEynəyi #GecəMaşınSürmək
11 - 4
Kataraktanın əlamətləri nələrdir?
1) Görmədə bulanmanın (total, homogen və ya sektoral) əmələ gəlməsi.
2) Görmə dərəcələrinin dəyişməsi.
3) Yaxını eynəksiz daha yaxşı görmək.
4) Görmə sahəsində defektlər, ləkələr.
5) Kölgəli (bəzən ikili) görmə.
6) Bİr obyekti bir neçə dənə, yayılmış şəkildə görmə.
Bu şikayətlər varsa, yaşı da uyğundursa, böyük ehtimal bu pasiyentdə katarakta var və katarakta yönündə müayinələrimizi daha da dərinləşdiririk.
#RafadarXalilov #Katarakta
9 - 5
"Göz spazmı" və ya elmi adı ilə "akkomodasiya spazmı".
Xüsusilə də, gənclər arasında “görməyim zəiflədi” şikayəti ilə müraicət edənlər olur və müayinə nəticəsində məlum olur ki, gözdə elə də ciddi dəyişikliklər yoxdur, amma adamın görməsi 60%-ə düşüb, 70%-ə düşüb. Niyə belə olur?
Gözünün nömrəsi sıfır olan çox az adam var. Əksər insanlarda 0.25-0.5 kimi bir nömrə olur. Lakin akkomodasiya əzələlərimiz sayəsinə onları korreksiya edirik və görməyimiz normal olur. Bəzən orqanizmimiz o qədər yorulur ki, bu kiçik qüsurları kompensasiya edə bilmir və görmə zəifliyi ortaya çıxır. Bədənimizin taqətini, konpensator gücünü azaldan nədir?
Ən birincisi yuxu pozğunluğu, ikinci stres, üçüncü yorğunluq.
Bu faktorlar aradan qaldırılarsa görmə də normallaşır. Ona görə də ilk növbədə yuxunu sahmana salmağı, stressi azaltmağı, məcbur qalmadıqca ekranlardan uzaq olmağı tövsiyə edirik.
Nadir hallarda məcburi olaraq, müvəqqəti spazmı götürmək üçün damcılar yazırıq. Amma bu 3 tələb yerinə yerinə yetrildikdən sonra əksər hallarda, xəstələrin 99%-də görmə ilə bağlı şikayətləri, yəni dumanlı görmə, zəif görmə, xüsusilə də, axşam görmədə əziyyət çəkmə ortadan qalxmış olur.
#RafadarXalilov #ZəifGörmə #GörməZəifliyi #GözSpazmı
12 - 4
Ana səbəblərindən biri qıcıqlanmadır. Günəş işığı, külək, soyuq, toz - qıcıqlandırıcı faktorlar çox olur. Qıcıqlanmadan göz yaşı vəzisi çox işləməyə başlayır. Gözə gələn göz yaşı mayesinin həcmi çoxalır, göz yaşı kanalı çatdıra bilmir.
Bu bir xəstəliyin əlaməti deyil. Sadəcə orqanizm və göz o hala, o situasiyaya bir neçə dəqiqəyə adaptasiya edəcək, 10 dəqiqə – 15 dəqiqə. Adaptasiya edənə qədər bu sulanma hadisəsi davam edir. Adaptasiya olandan sonra artıq necə ki, evdə rahat idik, artıq çöldə də rahat olmağa başlayırıq.
Bəzi insanlar var ki, göz yaşı kanalı normadan genişdir. O adamlarda belə bir sıxıntı olmur. Yəni biz özümüzü bir başqası ilə müqayisə etməməliyik və bunu bir xəstəlik kimi qiymətləndirməməliyik. Amma çox nadir halda bunun altında yatan patoloji səbəblər də ola bilir. Yaxşı olar ki, imkan daxilində bir dəfə bir göz həkimi müayinə etsin və desin ki, "Bu, qıcığa qarşı orqanizmin reaksiyasıdır, narahat olmağa dəyməz".
#RafadarXalilov #GözdəSulanma #GözSulanmaları
14 - 2
Oftalmoloq cərrah Dr.Rəfadar Xəlilov 20 ilə yaxındır katarakt, qlaukoma, keratokonus, çəpgözlük, ekzimer lazer kimi əməliyyatları və müalicələrini aparır. Fəaliyyəti dövründə 20 minə yaxını refraktiv olmaqla on minlərlə oftalmoloji cərrahi əməliyyat icra edib. Tibb Elmləri Namizədi Dr.Rəfadar Xəlilov 30-a yaxın elmi məqalənin müəllifi, 2 səmərələşdirici təklifə və 1 elmi yeniliyə görə patent sahibidir. Türkiyə Oftalmoloji, Avropa və Amerika Katarakt və Refraktiv Cərrahiyyəsi Dərnəklərinin üzvüdür. Fəaliyyətini AYNA Göz Lazer Mərkəzində davam etdirir.