Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
Zanin video thar ka dah hman si lo a, lo thlir duh tan aw
4 - 2
Zanin 14.11.2024 (Ningani) hi video ka rawn dah thei dawn lo, vawiin lama ka live hian a tibuai nge ni, video a in upload thei tlat lo
Min lo hrethiam hram ru aw
17 - 2
*Nun kawng:*
Thil ṭha leh ṭha lo hi hriat hran a har ṭhin. Chumi hre hrang thei tur chuan Bible chuan a rahah a hriat theih thu min hrilh a. A awmzia chu hunin a rawn hril dawn a ni, tihna a ni.
US President atana thlan nawn leh Donald Trump-a'n American mipui rilru a hnehna nia an sawi pakhat chu, _"Ka administration hnuaiah nge Biden-a kaihhruaina hnuaiah in nun a awlsam a, a nawm a, hma a sawn zawk?"_ tih hi a ni awm e. Mahni hnathawh chhuang ngam khawp, chumi hmanga vote zawng ngam a ni hi a ropuiin a chhuanawm ngawt mai. Mi fate nge nge, i tih leh phawt ang aw! Kan ram politician-te nen an inthlau deng deng khawp mai.
Ni e, kan thil tih engkim hian rah chhuak a nei dawn. Ram, khawtlang, Kohhran leh chhungkua thlengin kan tuhrah bak seng tur kan nei lo ve. Rah ṭha chhuah turin nun kawng dik zawk zawh i tum hram hram ang u.
@lp
21 - 6
La en lo tan ka rawn share e
2 - 0
*Nun kawng:*
Vawiin hi US President thlan ni a ni.
British ram Prime Minister lo ni tawh zinga an ngaih ropui ber chu *'Sir Winston Churchill'* a ni. Indopui 2-naa an ram chhanchhuaktu a ni. Mahse, mak deuh chu ralmuan hunah erawh Prime Minister hlawhchham ve tak a ni thung!
Bible chuan engkim tan hun ruat a awm thu min hrilh (Thuh. 3). Pathianin chhungkua, khua, bial leh ram tin hian a huna zirin enkawltu leh hruaitu min pe tih hi ka pawm dan a ni.
Mi ram leh kan ram in an lohna leh kan ram makna chu *'kan ram hruaituten chawlh hun an hre ve lo'* hi a ni! Eng hunah pawh thu ber nih an tum tlat reng hi kan hmasawn lohna bulpui pakhat chu niah ka ngai!
Nang erawh chuan a hun leh hmun hriat tum ang che. Chutichuan, mi ninawm i ni ngai lo vang.
@lp
16 - 2
*Nun kawng:*
Nimin 'ṭawngka chhuak leh mizia' ka ziah kha 'reaction' ka hmu nual a. Ni e, engkim hi, Pathian thu tih loh chu, zaa za a dik vek thei lo.
Kan mize mil lo deuha ṭawng chhuah a ṭul hun a awm ve ṭhin. Ram rorelna, khawtlang tana thawhna leh tlawmngai pawl anga hmalakna kawngah te, chhungkua, Pathian leh A kohhranho tana chetna kawngah insawisel bawrh bawrh a ṭul hun te, inzilha inhauh a ngaih hun te, inthunun ngei a ṭul chang te a awm ṭhin. Chutiang hunah chuan ṭawngkam mawiin a daih lo ve fo. Hetiang hunah hian hruaitu chak, ṭha leh ṭhahnemngai tak chuan ṭawngkam na deuh hman chang kan ngah hle awm e.
Vawiin tunkar atana hna bul ṭan niah hian, _"Nang chu a chhe lai siamthatu, mi awmna tura kawngte siamthatu,"_ (Is. 58:12) ni turin duhsakna ka hlan a che.
@lp
23 - 2
*Nun kawng:*
Mihring rilru zir mite chuan, _"Miin a thil sawi chhuah duh dan/ duh zawng aṭangin a mizia a hriat ṭhin,"_ an ti.
Mi dang nen in titi dunnaah emaw, in vawi khat inhmuhnaah emaw chumi chuan a kawppui felzia thu emaw, nitina a hnathawhpuite a fak hle a nih chuan amah pawh mi rintlak tak a ni tihna a ni tlangpui. Zirchianna aṭangin miin mi dangte mi ngilnei, hawihhawm, hmangaihna ngah leh zahawma a ngaih tam poh leh amah pawh chutiang mi chu a ni tlangpui ṭhin.
A lehlamah hemi letling chiah- mi dangte sawisel ching, mi dangte dik lo, sual leh ngeiawm tithei deuhte chu chutiang mize pu chu an ni tlangpui bawk.
Ni e, a awmzia ber chu *'kan thil sawi chhuah duh dan aṭangin kan mize chhungril ber a lang chhuak ṭhin'* tihna a nih chu.
Nilen nuam vek ule.
@lp
28 - 2
*Nun kawng:*
*'Rilru hrisel'* tih hmangin nun kawng chhiar ang aw.
Mizote'n mi chawimawi leh ṭanpui, thil pek kan ching ta hle hi a lawmawm a ni.
Ni e, mi dang chawimawi thiam, mi dang fak thiam, mi dang ṭhatna hmuh thiam, mi dang ṭanpui te hi rilru hrisel aṭanga lo chhuak a ni.
Chutihruala kan fimkhurna tur erawh- mi kan chawimawi hian mi dang kheng tel kher lo ila, mi huan thlai pet tel kher lo ila, tute emaw phût kher lo ila. Hei hi chu rilru hrisel tawk lo a ni tawh. Tin, mi dang sawisêl nasat lutuk te hi rilru hrisel lo a ni bawk.
Ni e, mi dang tai tel kher lovin mi a chawimawi theih. Mi kan ṭanpui duh a nih pawhin chhui chhuia, chhut chhut lovin ṭanpui tawp mai bawk ila. Chu chu rilru hrisel a ni.
Hun hman nuam vek ule.
@lp
15 - 4
*Nun kawng:*
He hringnun kawng i zawh mekah hian-
#Faktu che i neih a, chawimawi i hlawh rualin sawichhetu che pawh i nei tel nghal ang.
#Duhsaktu che an awm rualin, hawtu che pawh an awm nghal ve zat ang.
#I hlawhtlinna lawmpuitu che i neih rualin, thiktu che pawh an lo lang ve nghal zat ang.
#I tihṭhat aia i chetsual avanga lawm zawktu i chheh velah mi tam tak an awm.
Ni e, 'apple' itawm ber leh thlum tui ber pawh ni la, ngaina lotu che i nei tho ang. Chuvangin, hringnun hi thlir dan tawk thiam la, kawng sira ui lo bauhtu nazawng che avangin i ke pên thulh phah ngai suh.
@lp
20 - 6
*Nun kawng:*
_'Ngaihsamna'_ leh _'Pathian ṭih tawk lohna'_ hi I Samu. 2-ah kan hmu a. Puithiam Elia faten ngaihsam taka Pathian hmaa inthawina thil an palzut dan te, chumi avanga Pathian hmaa inthawina miin an ngaihnep phah thu te, hur sualna lama an tlan avangin Pathian biakna hmun thianghlim an tihbawrhban thute kan hmu a. Bung 4-naah Pathian hremna nasa tak kan hmu bawk.
Tunlaiah Ṭhalaite zingah chak ve tawk, hrisel ṭha ve tawka inngai, mi dang leh Pathian pawh mamawh tawk lo, Pathian biak pawh ngai urhsun lem lo kan tam hle. Kan nun pêng tinrengah hian pawlawhna leh dazatna hian min chiah hneh ta hle niin a lang.
Pathian biakna nun phung leh Pathian ṭih hi chhungkuaa bul ṭan a, inzir nasat kan ngai hle. Puithiam Elia pawh a fapate a khap tawk loh leh an Pathian ṭih lohna kawnga a zilh hau loh avanga Pathian hremna kan hmu a ni. Chuvangin, hawh u, chhungkua hian Pathian zahna leh Pathian biakna nun phung i inzirtir thar leh ang u.
@lp
25 - 4
Ka channel hi a tirah chuan Vawk kan vulh laia kan vawk vulhte tarlan nana kan siam a ni a, ASF avanga kan vawk te an thih zawh tak avangin keima thil tawn leh ka hmalakna hrang hrang bakah chhungkaw thil tawn hrang hrang tarlanna atan ka rawn hmang chhunzawm leh a ni e.
Phone number.9862647700