Welcoem to posts!!

The Book Times
Posted 3 weeks ago

திருமண விழா
வரவேற்பு மேசையில்
வைக்கப்பட்டிருந்த
சந்தனக் கும்பாவும்
பன்னீர் சொம்பும்
சண்டையிட்டுக்
கொள்கிறது !

அருகில் இருக்கும்
ரோஜா யாருக்கு என்று !

இறுதியில் வந்தவர்
கரம் பிடித்து செல்கிறது
ரோஜாப்பூ !

இப்போது
சண்டையிட்ட இருவரும் !

அடுத்த வரவேற்பு
மேசைக்காக
காத்திருக்கிறார்கள்
அமைதியாக !

- ஐவன்

1 - 0

The Book Times
Posted 3 weeks ago

1 - 0

The Book Times
Posted 3 weeks ago

2 - 0

The Book Times
Posted 3 weeks ago

கிழிந்த குடைக்குள்
நுழைந்த மழைத்துளிகள் !

மனிதனின் சட்டைக்குள்
ஒளிந்து கொள்கிறது !

கீழே விழுந்தால்
அடிபட்டு விடுவோம்
என்ற பயத்தில் !

அவன்
வீடு நுழைந்ததும்
சட்டையிலிருந்து
மெதுவாக இறங்கி
தன் இல்லம் நோக்கி
நகர்கிறது !

- ஐவன்

0 - 0

The Book Times
Posted 3 weeks ago

1 - 1

The Book Times
Posted 3 weeks ago

மனுஷனை மனுஷன் சாப்பிடுறாண்டா தம்பிப் பயலே இது
மாறுவதெப்போ தீருவதெப்போ நம்ம கவலை
மனுஷனை மனுஷன் சாப்பிடுறாண்டா தம்பிப் பயலே இது
மாறுவதெப்போ தீருவதெப்போ நம்ம கவலை

தத ச்ச்ச் தஹாய்

மானம் பொழியுது பூமி வெளையுது தம்பிப் பயலே - நாம
வாடி வதங்கி வளப்படுத்துறோம் வயலே தத ச்ச்ச்
மானம் பொழியுது பூமி வெளையுது தம்பிப் பயலே நாம
வாடி வதங்கி வளப்படுத்துறோம் வயலே - ஆனா
தானியமெல்லாம் வலுத்தவனுடைய கையிலே
தானியமெல்லாம் வலுத்தவனுடைய கையிலே - இது
தகாது இன்னு எடுத்துச் சொல்லியும் புரியல்லே அதாலே

மனுஷனை மனுஷன் சாப்பிடுறாண்டா தம்பிப் பயலே இது
மாறுவதெப்போ தீருவதெப்போ நம்ம கவலை

தஹாய் ஹா ச்ச்ச் என்னடா நெளிஞ்சுகிட்டுப் போறே த

தரையைப் பார்த்து நிக்குது நல்ல கதிரு - தன்
குறையை மறந்து மேலே பாக்குது பதரு
தரையைப் பார்த்து நிக்குது நல்ல கதிரு - தன்
குறையை மறந்து மேலே பாக்குது பதரு அதுபோல்
அறிவு உள்ளது அடங்கிக் கெடக்குது வீட்டிலே
அறிவு உள்ளது அடங்கிக் கெடக்குது வீட்டிலே - எதுக்கும்
ஆகாத சிலது ஆர்ப்பாட்டம் செய்யுது வெளியிலே அதாலே

மனுஷனை மனுஷன் சாப்பிடுறாண்டா தம்பிப் பயலே - இது
மாறுவதெப்போ தீருவதெப்போ நம்ம கவலை

தஹாய் ஹா ச்ச் த

ஆணவத்துக்கு அடிபணியாதே தம்பிப் பயலே எதுக்கும்
ஆமாஞ்சாமி போட்டு விடாதே தம்பிப் பயலே
ஆணவத்துக்கு அடிபணியாதே தம்பிப் பயலே எதுக்கும்
ஆமாஞ்சாமி போட்டு விடாதே தம்பிப் பயலே
பூனையைப் புலியாய் எண்ணி விடாதே டதம்பிப் பயலே
பூனையைப் புலியாய் எண்ணி விடாதே டதம்பிப் பயலே ஒண்ணப்
புரிஞ்சிக்காமலே நடுங்கிடாதே தம்பிப் பயலே

மனுஷனை மனுஷன் சாப்பிடுறாண்டா தம்பிப் பயலே இது
மாறுவதெப்போ தீருவதெப்போ நம்ம கவலை
மனுஷனை மனுஷன் சாப்பிடுறாண்டா தம்பிப் பயலே இது
மாறுவதெப்போ தீருவதெப்போ நம்ம கவலை



அ. மருதகாசி அவர்களின் முத்தான வரிகள்
படம்: தாய்க்குப் பின் தாரம்
இசை: கே.வி. மஹாதேவன்
பாடியவர்: டி.எம் சௌந்தரராஜன்

0 - 0

The Book Times
Posted 3 weeks ago

1 - 0

The Book Times
Posted 3 weeks ago

இயற்கையை ரசிக்கும் போதெல்லாம்
என்னை நானே ரசித்துக் கொள்கிறேன்...

0 - 0

The Book Times
Posted 3 weeks ago

முதியோர் இல்லத்து
ஜன்னல் வழியே
எட்டிப் பார்க்கிறது
முகங்கள் !

மாதம் ஒரு முறை
பார்த்து விட்டுப் போகும்
மகனையோ, மகளையோ
எதிர்பார்த்து !

இவர்கள் இதயம் எனும்
ஜன்னலை திறந்து
வைத்து காத்திருக்கிறார்கள் !

என்றாவது ஒருநாள்
அன்பெனும் காற்று
அதன் வழியே வீசாதா !

அதன் மூலம் நாம் மீண்டும்
உயிர் பெற மாட்டோமா என்ற
ஏக்கத்துடன் கடந்து செல்கிறது
அவர்களின் வாழ்க்கை !

- ஐவன்

0 - 0

The Book Times
Posted 3 weeks ago

குற்றாலக் குறவஞ்சி - திரிகூடராசப்பக் கவிராயர் என்பவரால் இயற்றப்பட்டது

வானரங்கள் கனிகொடுத்து மந்தியொடு கொஞ்சும்
மந்தி சிந்து கனிகளுக்கு வான்கவிகள் கெஞ்சும்
கானவர்கள் விழிஎறிந்து வானவரை அழைப்பார்
கமனசித்தர் வந்துவந்து காயசித்தி விளைப்பார்
தேனருவித் திரையெழும்பி வானின்வழி ஒழுகும்
செங்கதிரோன் பரிக்காலும் தேர்க்காலும் வழுகும்
கூனலிளம் பிறைமுடித்த வேணிஅலங் காரர்
குற்றாலத்திரிகூட மலைஎங்கள் மலையே;



ஆண் குரங்குகள் பல்வகைப் பழங்களைப் பறித்துக் கொடுத்துப் பெண் குரங்குகளோடு தழுவும்; அக் குரங்குகளால் சிதறியெறியப்படுகின்ற பழங்களை வானுலகத்தில் வாழும் தேவர்கள் இரந்து இரந்துவேண்டிக் கேட்பார்கள், வனவேடர்கள் தம் கண்களால் ஏறெடுத்துப்பார்த்து உற்று நோக்கித் தேவர்களை அழைப்பார்கள்; வானின் வழியாகச் செல்கின்ற சித்தர்கள் கீழிறங்கி வந்து காயசித்தி மருந்துகளாகிய வன மூலிகைகளை வளர்ப்பார்கள்; தேன் கலந்த மலையருவியினது அலைகள் மேலெழுந்து வானத்தினின்றும் வழிந்து ஓடும்; அதனால் செந்நிற ஞாயிற்றின் தேரிற்பூட்டிச் செல்லும் குதிரைக் கால்களும் தேர்ச்சக்கரமும் வழுக்கி விழும்; வளைந்துள்ள இளம் பிறையைச் சூடியிருக்கின்ற சடைமுடியையுடைய அழகரான திருக்குற்றால நாதர் எழுந்தருளியிருக்கின்ற திருக்குற்றாலமாகிய இச் சிறப்புவாய்ந்த திரிகூடமலையே எங்களுக்குரிமையாக நாங்கள் வாழ்கின்ற மலையாகும்.

0 - 0