Welcoem to posts!!

The Untouched Story
Posted 2 years ago

મજાની સ્ટોરી મોટાભાગે સાવ અણધારી મળી આવતી હોય છે તેનું વધુ એક ઉદાહરણ આ રહ્યું. થોડા દિવસ પહેલા અમદાવાદના અંધજન મંડળ ખાતે એક કામથી ગયો હતો ત્યારે કેટલીક છોકરીઓને આંખ પર મોટી પટ્ટી બાંધી ભર તડકે ફૂટબોલની પ્રેક્ટિસ કરતા જોઈ. એ વખતે મારા મનમાં સવાલ થતો હતો કે 135 કરોડની વસ્તી ધરાવતા ભારતમાં જ્યાં પુરૂષોની ટીમ ફીફા વિશ્વકપમાં ક્વોલિફાય પણ થઈ શકતી નથી ત્યાં આ છોકરીઓ શું કામ ખોટી મહેનત કરતી હશે? પણ મારી એ ધારણા ત્યારે ખોટી પડી જ્યારે મને ખ્યાલ આવ્યો કે આ છોકરીઓ પૈકી બે એ અત્યાર સુધીમાં કોઈ ગુજરાતી યુવતી નથી કરી શકી તેવું એક પરાક્રમ કરી બતાવ્યું છે!
બંને દીકરીઓને આંખે સંપૂર્ણ અંધાપો હતો, તેમ છતાં મેદાનમાં તેઓ જે આત્મવિશ્વાસથી દોડીને ફૂટબોલને કીક મારતી હતી તે જોઈને મને એટલું સમજાઈ ગયું હતું કે તેમના માટે ફૂટબોલ કેવળ એક રમત કે સમય પસાર કરવાની પ્રવૃત્તિ નહીં પરંતુ તેનાથી પણ કંઈક વિશેષ છે. હું તેમની પાસે પહોંચી ગયો અને વાતચીત શરૂ કરી. તેમના કોચ અને અન્ય સ્ટાફના મિત્રો મને ઓળખતા હતા એટલે વાતચીત થકી મૂળ મુદ્દા સુધી પહોંચવામાં બહુ સમય ન લાગ્યો. એ પછી અંદાજે દોઢ-બે કલાક સુધી તેમની સામે બેસીને ફૂટબોલ વિશેના તેમના સપના, સંઘર્ષ અને તેમણે જે મેળવ્યું છે તે વિશે જાણ્યું. છેલ્લે જ્યારે બંનેએ તેમની વાત પુરી કરી ત્યાં સુધીમાં હું તેમની સામે લધુતાગ્રંથિ અનુભવવા માંડ્યો હતો એમ કહીશ તો જરાય અતિશ્યોક્તિ નહીં ગણાય. કેમ કે, મારા મનમાં અનેક સવાલો પેદા થઈ ચૂક્યાં હતાં અને તેના જવાબમાં મને મારા સામાન્ય શરીરની કિંમત સમજવામાં હું કેટલો ઉણો ઉતરી રહ્યો છું તે સમજાતું હતું. સામાન્ય માણસ તરીકે પ્રાથમિક કહી શકાય તેવા તમામ કામો હું સરળતાથી કરી શકતો હતો, જેની સામે તેમને તો એ તમામ કામો કરવા માટે પહેલી અને ફરજિયાત ગણાય તેવી દ્રષ્ટિ જ નહોતી તે પણ સમજાતું હતું. ખાવું, પીવું, હરવું, ફરવું સહિત દરેક મોરચે તેમના માટે પડકારો રાહ જોઈને બેઠાં હોય. તેમ છતાં તેઓ જો અહીં સુધી પહોંચી શકતી હોય તો એ વિશેષ જ હોવાની.
આ સ્ટોરી એટલા માટે પણ અગત્યની છે, કેમ કે આપણે કોઈ કામ કે સપનું પૂર્ણ કરવા માટે અમુક બાબતો કે વાતાવરણ જોઈએ જ એવો આગ્રહ રાખતા હોઈએ છીએ. પણ નિરમા અને આશાને મળ્યાં બાદ એટલું સમજાયું કે કોઈ સપનાને સાકાર કરવા સૌથી અગત્યનું હોય છે તમારું મનોબળ, બીજું બધું પછી આવે. જો મનોબળ મજબૂત હોય તો ગમે તેવા અઘરાં લાગતા કામો પણ સરળતાથી પાર પાડી શકાય છે.
મનોબળના આધારે જ તમે સેવેલા સપનાને સાકાર કરવામાં કેટલા અંશે સફળ થશો તે નક્કી થઈ જતું હોય છે. નિરમા અને આશા સંપૂર્ણ પ્રગ્નાચક્ષુ છે. ગુજરાતના અત્યંત પછાત મનાતા બે જિલ્લાઓના સાબરકાંઠા અને ડાંગના અંતરિયાળ ગામોમાં, અત્યંત અભાવો અને કપરી પરિસ્થિતિ વચ્ચે જીવી છે અને તેમ છતાં અહીં સુધી પહોંચી છે. જો મારી જેમ તમને પણ તેમના સંઘર્ષ, સફળતા અને મહેનત વિશે જાણવામાં રસ હોય તો આ રહી લિંક.

https://youtu.be/qWZbBrxo2Ss

3 - 0

The Untouched Story
Posted 2 years ago

પત્રકારત્વનો મારો અત્યાર સુધીનો અનુભવ કહે છે કે મજબૂત સ્ટોરી મોટાભાગે અચાનક મળી જતી હોય છે. તમે આયોજન કરીને કોઈ સ્ટોરી કરવા જતા હો, તેના કરતા પણ અણધારી મળી આવેલી એ સ્ટોરી વધુ મજબૂત હોવાની. પત્રકારત્વ જગતમાં કામ કરતા અન્ય રિપોર્ટર મિત્રો પણ મારા આ અનુભવ સાથે સહમત થશે. કોઈપણ પ્રકારના આયોજન વગર તમે નીકળ્યા હો અને કંઈક એવું અસામાન્ય મળી આવે કે મોજ પડી જાય, એવું અનેક મિત્રો સાથે થયું હશે.
6ઠ્ઠી ડિસેમ્બરે એક કામથી વડોદરા હતો અને તક ઉભી થઈ હતી જિનિયસ ડો. બાબાસાહેબ આંબેડકરે જ્યાં આ દેશના દલિત, પીડિત, શોષિત વર્ગ માટે કામ કરવાનો સંકલ્પ લીધેલો તે જગ્યાએ જઈને તેમને સલામ કરવાની. વડોદરા સયાજીબાગમાં પ્રવેશ્યો, સંકલ્પ ભૂમિ હજુ ઠીકઠીક દૂર હતી, ત્યાં જ અચાનક એક ભાઈ મારી બાજુમાંથી થોડી વિચિત્ર લાગે એ પ્રકારની સાઈકલ લઈને પસાર થયા. તેમની સાઈકલના પૈડાં સામાન્ય સાઈકલ કરતાં ઘણાં મોટાં હતાં. જાણે મોટરસાઈકલના પૈડાં ન લગાવ્યા હોય? કેરિયરની જગ્યાએ મજબૂત કાપડમાંથી બનેલો મસમોટો થેલો કચકચાવીને બાંધેલો હતો. હેન્ડલની એક તરફ વાદળી રંગનો, બીજી તરફ બૌદ્ધ ધર્મનો ધ્વજ ફિટ કરેલો મેં જોયો.

એ ભાઈ તો સાઈકલ લઈને આગળ નીકળી ગયા પણ જતાં જતાં મારા પત્રકાર મનમાં અનેક સવાલો પેદા કરતા ગયા. સયાજીબાગમાં ચાલતો ચાલતો હું સંકલ્પ ભૂમિ પહોંચ્યો તો મારા આશ્ચર્ય વચ્ચે એ સાઈકલ બહાર જ પડેલી. અંદરથી હું રાજી થયો. સાઈકલની બરાબર સામે ડો. બાબા સાહેબ આંબેડકરનો બેરિસ્ટરના કપડામાં સજ્જ ફોટો લગાવેલો હતો. મેં પરિસરમાં જઈને જોયું તો એ ભાઈ બાબા સાહેબ જે વડના ઝાડ નીચે બેસીને રડેલા તે સંકલ્પ વૃક્ષ સામે ઉભા રહીને ભીની આંખે મીણબત્તી સળગાવી અંજલિ અર્પણ કરી રહ્યાં હતાં. મને આશ્ચર્ય એટલા માટે થતું હતું કેમ કે પહેલી નજરે એમનું વ્યક્તિત્વ મને ખાસ આકર્ષક લાગ્યું નહોતું. પહેરવેશ પરથી તેઓ બહુ ભણેલાં હોય તેવું પણ લાગતું નહોતું. કોણ હશે આ ભાઈ, શું કામ સાઈકલ લઈને ફરતાં હશે એવા અનેક સવાલોના જવાબ મેળવવા માટે મેં તેઓ ફ્રી થયા કે તરત મોકો જોઈને તેમની સાથે વાતચીત કરવાની તક ઝડપી લીધી.
વાતનો એ દૌર લાંબો ચાલ્યો અને અંતે મને ઘણું બધું સમજાયું. તેમનું નામ ગૌતમ હતું. ગાંધીનગર જિલ્લાના માણસા તાલુકાના એક ગામના તેઓ વતની અને છેલ્લાં સાડા છ વર્ષથી આ રીતે સાઈકલ લઈને આખું ગુજરાત ફરી રહ્યાં હતાં. જો કે તેમનો આ પ્રવાસ મોજમજા કરવા માટે નહીં પરંતુ એક ચોક્કસ મિશનને લઈને છે. શું છે તેમનું એ મિશન તે આ પાંચ મિનિટની સ્ટોરીમાં મેં બતાવવા પ્રયત્ન કર્યો છે. અહીં એક સામાન્ય માણસે હાથ પર લીધેલા અસામાન્ય મિશનની છે. ટાઢ, તડકો, વરસાદની પરવા કર્યા વિના કોઈ વ્યક્તિ એક મિશનને વળગી રહે તેની કહાનીમાં દમ તો હોવાનો જ ને?
https://youtu.be/L2QxT8sfGfA

11 - 0

The Untouched Story
Posted 2 years ago

આપ સંયોજક અરવિંદ કેજરીવાલનું કહેવું છે કે ગુજરાતમાં આપની સરકાર બનવા જઈ રહી છે. તમે શું માનો છો?

0 - 0

The Untouched Story
Posted 2 years ago

શું લાગે છે? કોને કેટલી સીટો આવશે?

0 - 0

The Untouched Story
Posted 2 years ago

ચાલતી ટ્રેનનો એક ખતરનાક વીડિયો હાલ સોશિયલ મીડિયામાં વાયરલ થયો છે. શું છે તેમાં? 👇👇
youtube.com/shorts/IrWkZdY9Yc...

2 - 0

The Untouched Story
Posted 2 years ago

મહારાષ્ટ્રનાં નાસિકમાં આવેલા હરિહર ફોર્ટનો ડ્રોન કેમેરાથી લીધેલો આ વીડિયો સોશિયલ મીડિયામાં ધૂમ મચાવી રહ્યો છે. તમે પણ જુઓ, આ રહી લિંક 👇👇👇
youtube.com/shorts/ZxRTHWRSUZ...

3 - 0

The Untouched Story
Posted 2 years ago

સોશિયલ મીડિયામાં એક બ્લેક પેન્થર અને કૂતરાનો વીડિયો વાયરલ થયો છે. ખતરનાક દીપડા અને ઘરેલું પ્રાણી કૂતરા વચ્ચે શું સંબંધ છે તમે પણ જુઓ. વીડિયો માટે નીચેની લિંક પર ક્લિક કરો.
youtube.com/shorts/eaZ4M0ZP0X...

2 - 0

The Untouched Story
Posted 2 years ago

મૂર્ધન્ય સાહિત્યકાર અને ગુજરાત સાહિત્ય અકાદમીના સ્થાપક અધ્યક્ષ શ્રી મોહંમદભાઈ માંકડ ૯૩ વર્ષની જૈફ વયે શનિવારની સાંજે જન્નત નશીન થયા છે. ગુજરાતી સાહિત્ય અને પત્રકારત્વ ક્ષેત્રે માતબર પ્રદાન કરનાર લોકપ્રિય વાર્તાકાર નવલકથાકાર અને કોલમિસ્ટ માંકડ સાહેબ ઘણા સમયથી બીમાર હતા. એમની અંતિમયાત્રા ગાંધીનગર ખાતે એમના નિવાસસ્થાન બં.નં. ૧૫૩થી રવિવારે સવારે ૧૦:૦૦ કલાકે નીકળશે.

4 - 0

The Untouched Story
Posted 2 years ago

જયેશ સોલંકી એક એવો યુવાન હતો જેનું કામ સતત યાદ આવે. તેની પુણ્યતિથિ હાલ જ ગઈ છે ત્યારે તેને યાદ કરીએ.

https://youtu.be/S0bqdvslAVY

3 - 0

The Untouched Story
Posted 2 years ago

2 - 0