Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
✨ ️#التسويق_داخل_الصندوق في قائمة الأكثر مبيعاً🔝
✨️للشهر الرابع على التوالي🔝
✨️في موقع عصير الكتب أكبر موقع لبيع الكتب أونلاين في مصر 🔝
الحمد لله 🙏🌹 و شكراً جزيلاً لثقة كل القراء و المتابعين.
6 - 0
طالتسويق داخل الصندوق!
ياجماعة عايز فكرة تسويقية خارج الصندوق..أكيد سمعت الجملة دي كتير..
طيب اللي بيدور خارج الصندوق، هل حاول يتعرف على الصندوق، ويعرف ايه الأدوات اللي فيه؟ ولا بدأ يدور خارج الصندوق؟
لقاء امتد أكثر من 3 ساعات، في الحلقة 116 من عيادة الشركات، عن التسويق داخل الصندوق بإستضافة كريمة من الدكتور الجليل د.إيهاب مسلم Ehab Mesallum
🎥اللقاء كامل متاح الآن، التفاصيل في التعـــ.ليقات.
#عيادة_الشركات #التسويق_داخل_الصندوق
0 - 0
التسويق داخل الصندوق!
ياجماعة عايز فكرة تسويقية خارج الصندوق..أكيد سمعت الجملة دي كتير..
طيب اللي بيدور خارج الصندوق، هل حاول يتعرف على الصندوق، ويعرف ايه الأدوات اللي فيه؟ ولا بدأ يدور خارج الصندوق؟
لقاء امتد أكثر من 3 ساعات، في الحلقة 116 من عيادة الشركات، عن التسويق داخل الصندوق بإستضافة كريمة من الدكتور الجليل د.إيهاب مسلم Ehab Mesallum
🎥اللقاء كامل متاح الآن، التفاصيل في التعـــ.ليقات.
#عيادة_الشركات #التسويق_داخل_الصندوق
3 - 1
🎙سعدت و تشرفت و استمتعت جداً بالتواجد مع الدكتور الغالي د. إيهاب مسلم - استشارى الإدارة والتسويق في الحلقة ١١٦ من لايف عيادة الشركات و الحلقة الأولى من الإستوديو العالمي الجديد.
✨️شكراً دكتور ايهاب على الإستضافة، و على كل الكلام الحلو خلال الحلقة الجميلة، الوقت عدا بسرعة فعلاً من كثر الاستمتاع بالحوار مع حضرتك.
✨️شكراً للفنان أ.مرزوق صابر على الصورة الرائعة و على تعبه و مجهوده خلال التصوير.
🎙️أتمنى الحلقة تعجبكم و منتظر آراؤكم.
#عيادة_الشركات
6 - 0
📦يجب أن تبدأ في ترتيب داخل الصندوق أولاً قبل أن تفكّر خارج الصندوق .
📚 كتاب #التسويق_داخل_الصندوق
8 - 0
سعيد جداً بتواجد كتاب " التسويق داخل الصندوق "
في معرض مسقط للكتاب في سلطنة عمان 🇴🇲
دار عصير الكتب
قاعة 2
جناح C8 - C9 - C10 - C11
مركز عُمان للمؤتمرات والمعارض🇴🇲
في الفترة من 22 فبراير إلى 4 مارس.
#التسويق_داخل_الصندوق
4 - 0
🔹️🔹️تجربة ال 200 مليون دولار من جوجل !
سنة 2009 لاحظ المسئولين في جوجل اختلاف في معدل النقر CTR بين الاعلانات في Gmail و في محرك البحث و كان مُلاحظ ان الخط الأزرق اللي مكتوب بيه الاعلانين ليه درجتين مختلفتين، و هنا حصل خلاف بين المصممين و مسئولين التسويق عن درجة الأزرق اللي المفروض يستخدموها.
قرروا في النهاية يعملوا تجربة يختبروا بيها معدل النقر CTR لكل درجات الأزرق الممكنة، يعني حوالي 41 درجة لون أزرق و من هنا جاء اسم التجربة
🔹️️Google’s 41 Shades of Blue Experiment🔹️
في التجربة كانوا بيعرضوا درجة لون مختلفة لجزء من المستخدمين و يقارنوا بين معدّل النقر على الإعلان
نتيجة التجربة ان فيه درجة لون أزرق معينة بتجذب المستخدمين أكثر و ليها معدّل نقر أعلى من الباقي بشكل ملحوظ و فعلاً تم اعتماد درجة اللون دي # 2200CC و بعد تطبيقها زادت عوائد الإعلانات 200 مليون دولار.
🔹️ملاحظات على التجربة :
الهدف من مشاركة التجربة دي التأكيد على أهمية اختبار كل المتغيرات الممكنة عشان نقدر نحسّن نتائجنا التسويقية بشكل عام و الإعلانية بشكل خاص، عامل بسيط زي درجة اللون ممكن يحسّن النتائج حتى لو بنسبة بسيطة لو كررت التجربة على عناصر مختلفة : صوّر أو ألوان تانية، نصوص اعلانية أو فيديوهات مختلفة شوف ممكن تحسن النتائج قد ايه، في أحد المواقع اللي اتكلمت عن التجربة جرّبت نفس الفكرة في لون زر معين في الموقع و كانت التحسن في النتائج بنسبة 20% مع تغيير اللون فقط.
انه سحر ال A/B Testing .
🔹️الملاحظة التانية : ان التجربة دي رغم الحديث عنها في العديد من المصادر الموثوقة و تأكيد ان كان ليها أثر كبير في زيادة العائد الإعلاني فعلاََ و أيضا مايكروسوفت قامت بتجربة مماثلة لمحرك البحث الخاص بيها bing و كانت النتائج زيادة العوائد الاعلانية 80 مليون دولار و لكن عليها العديد من المآخذ منها :
- اختلاف درجة اللون الأزرق بين الشاشات المختلفة و بالتالي النتيجة مش هتكون دقيقة.
-درجة اللون الأزرق اللي استخدمتها مايكروسوفت # 0044CC مختلفة عن جوجل.
📌و لكن في النهاية زي ما اتفقنا، الهدف من التجربة التأكيد على أهمية السعي المستمر لتحسين النتائج بالتجربة و تحليل البيانات مش بالأهواء و الآراء الشخصية.
#4x4_Marketing #digitalX
📌المزيد من الصور التوضيحية المهمة من هنا :
tamersalah.com/google-experiment/
1 - 2
❗️ليه الشركات بتعمل DeBranding ؟
لاحظنا في الفترة الأخيرة ان شركات عالمية كثيرة بتقوم بتعديل أو تغيير الرمز أو الشعار LOGO الخاص بيها و تغيير الهوية البصرية للBrand بالكامل Visual Identity
المشترك في أغلب التغييرات دي إن اللوجو المعدّل بيكون أكثر بساطة و أقل ألواناً و تفاصيلاً .. في الحقيقية بيعلموا Debranding للبراند، يعني بيلغوا ألوانه و شكله المميز اللي الناس اتعودت عليه.
--------------------------------
❗️طيب ليه الشركات بتعمل كدة ؟ why debranding
فيه 3 أسباب :
1-أول سبب هو مواكبة العصر و الموضة لإن حالياً البساطة أو الMinimalism هي السائدة و ال Trend في معظم المجالات و خصوصاً الفنية، ملابس أبسط، تصميمات معمارية و ديكور أبسط ، أسلوب حياة أبسط و أسهل و لذلك انعكست فكرة البساطة في تصميمات شعارات البراندات و الهوية البصرية الخاصة بها لتعكس التطور و مواكبة العصر.
2-سبب أكثر اقناعاً لأنه عملي أكثر، وهو إن البساطة في التصميم دون وجود أي عمق أو تظليلات أو تداخل ألوان يجعل الشعار يحافظ على شكله و هويته عند تصغيره بشكل كبير ليناسب شاشات الموبايل الصغيرة نسبياً وهي أكثر وسيط يظهر عليه شعار الشركة حاليا سواء خلال السوشيال ميديا أو المواقع الإلكترونية.
3-السبب الثالث مرتبط بالسبب الأول و هو ان الشركات بتقلد بعض بغض النظر في سبب مهم لتبسيط الشعار أو لأ ، كمثال شوف اللوجوهات الخاصة بأكبر براندات الملابس هتلاقيها كلها عبارة عن اسم البراند فقط و أغلبها باللون الأسود و نفس خط الكتابة.
------------------------------
✔️ السؤال المهم .. هل ال debranding في مصلحة ال brand فعلاً ؟
❌️الحقيقة أنا شايف ان المبالغة في تبسيط اللوجو و خصوصا لو تم تغيير الألوان بتضر البراند بشكل كبير، و في مثال واضح للموضوع ده من شركة تروبيكانا اتكلمنا عليه قبل كدة و سبب خسائر كبيرة و ده لإن محبي البراند بيكونوا ارتبطوا عاطفياً بالشكل القديم و الألوان القديمة و بيتضايقوا من التغيير خصوصاً لو تغيير كبير.
❌️والكلام تكرّر مع العديد من الbrands عند إعلانها عن تغيير هويتها بنلاقي تعليقات كثيرة معترضة أكثر من اللي مبسوطة بالتغيير.
يعني الخلاصة مفيش مشكلة في التغيير و التبسيط بس الأفضل يكون مدروس و يحافظ على الهوية قدر الإمكان منعاً لحدوث مفاجآت كبيرة.
📌انت كعميل رأيك ايه ؟
#4x4_marketing #branding
---------------------
🔗 شوف أمثلة ثانية للشركات اللي عملت Debranding من هنا :
tamersalah.com/debranding/
4 - 0
أهم ٣ Digital Metrics لغير المتخصصين ❗️
لازم تعرف الفرق بينهم عشان تفهم أي report لنتائج حملة إعلانية على السوشيال ميديا📊
-----------------------
❗️بعد ما تقرأ المعلومات في ال infograph ده...
💻خليني أقولك مثال عملي ليه الmetrics دي مهمة جداً.
▪️خلينا نتخيل إنك عملت إعلان و استهدفت بيه ٣٠٠ ألف شخص من الفئة المستهدفة و كان هدفك توصل لأكبر عدد منهم في ٧ أيام.
✔️بعد ما الإعلان خلص لقيت نتائجه إن ال impressions بتاعته ٢٥٠ ألف ناس كتير هتتبسط و تقول كدة أنا غطيت ٨٥% من الفئة المستهدفة.
❌️في حين إنك لما بصيت على التفاصيل لقيت النتائج دي
Impressions : 250,000
Reach 25,000
Frequency 10
📌 يبقى كدة في الحقيقة إنت وصلت ل ٨% بس من الفئة و عمال تكرر الإعلان ليهم لحد ما كل واحد شافه ١٠ مرات في ٧ أيام.
-------------------------
كدة انت عرفت قيمة إنك تبقى فاهم كل رقم بيعبّر عن إيه عشان تقدر تحلل نتائج الإعلانات كويس - حتى لو انت مش متخصص - و بتشتغل مع شركة مثلاً.
📌أخيرا ..سؤال سريع للمتخصصين ..بتعرف تمنع حدوث المثال اللي فوق ده ازاي في فيسبوك و يوتيوب كمثال ؟
#digitalx #4x4_marketing
#soon_cairo_dubai
3 - 0
✴️ يعني ايه NFT ؟
--------------
مؤخراً بدأنا نسمع المصطلح ده كتير NFT و يكفي اني أقولك ان نمو سوق ال NFTs في آخر 5 سنين وصل ل 700% بحجم سوق أكثر تعدى ال ١٠ مليار دولار في 2021 و متوقع ليه نمو أكثر في السنوات القادمة .
كثير مننا عارف ان ال NFTs مرتبطة بالعملات الرقمية المشفرة، بس مش واضح بالظبط هي عبارة عن ايه ؟
النهاردة هحاول أوضح الموضوع بأبسط طريقة ممكنة.
--------------
✴️ معنى NFT
NFT = Non Fungible Token
الرموز الغير قابلة للإستبدال
ممكن نعتبرها شكل من أشكال العملة الرقمية اللي ليها قيمة معينة و لكن فيه فرق جوهري بينها و بين أي عملة رقمية و هي انها Non Fungible – يعني ايه ؟
أول حاجة لازم نعرف يعني ايه Fungible - قابلة للإستبدال
دي خاصية موجودة في النقود العادية، لو معاك ورقة ب 20 دولار تقدر تستبدلها من أي حد بورقتين كل واحدة ب10 دولار و تبقى نفس القيمة بالظبط، و كمان تقدر تستبدلها ب 400 جنيه مصري تقريباً و يبقوا نفس القيمة بدون خلاف، نفس الفكرة في سبائك الذهب برضه.
ال NFT مش كدة، ال NFT هي أصول غير قابلة للإستبدال يعني ليها قيمة بس قيمة مميزة و مختلفة يعني ال NFT اللي بيمتلكه تامر قيمته غير ال NFT اللي بيمتلكه رامي غير اللي بتمتلكه مروة ، كل واحد بيقيّم ال NFT الخاص بيه بقيمة مختلفة و مانقدرش نبدل مابينهم كأنهم نفس الحاجة بالظبط، زي مثلاً القطع و اللوحات الفنية هي كلها قطع فنيه بس كل قطعة مميزة و مختلفة عن الأخرى في القيمة
يعني ال NFT مش عملة رقمية بالمعنى التقليدي ( رغم اعتمادها على نفس التقنية كما سنرى لاحقاً) هو أقرب لكونه Digital Asset – أصول رقمية لها قيمة محددة و بتختلف القيمة حسب الطلب عليها.
و أشهر شكل ليها حالياً هي الصور الرقمية.
--------------
▪️يعني معظم الوقت حضرتك فعلياً في الأساس بتشتري صورة رقمية مش أكثر ...طيب ايه الجديد في كدة و ليه ساعات بنشوف أسعار خيالية لصور عادية.
الاختلاف ما بين ال NFT و أي صورة رقمية عادية هو حاجة أساسية ان ال NFT بيكون ليه مالك محدد مسجل في بيانات الNFT و أي عملية بيع لأي مالك آخر بيتم تسجيلها أيضا و الأهم ان ده بيتم بكل دقة و بتقنية ال Blockchain (نفس تقنية العملات المشفرة ) اللي يستحيل أو يصعب جدا جدا – إلى الآن -التلاعب بها
طيب ما أنا نفس ال NFT اللي فيه حد بيشتريه ب 2000 دولار مثلا أنا أقدر أعمل منه نسخة بكل سهولة و ببلاش .
دي حقيقة فعلاً بس في النهاية اللي اشتراه هو المالك الرسمي ليه و هو الوحيد اللي يقدر يبيعه يعني هو معاه الأصل و الباقي كله نسخ.
عشان تفهم الموضوع أكثر زي كدة لما حد بيشتري لوحة لفنان معروف أي حد بيقدر يعمل منها نسخة عادي لكن اللوحة الاصلية مع شخص واحد فقط و هي اللي ليها قيمة حقيقية و يقدر يبيعها.
هتقولي أيوة ده عشان فنان معروف فبيبيع اللوحة بأرقام كبيرة لكن الNFT أي حد ممكن يعمله .
كلامك صح و دي ميزة ال NFT انه أتاح لأي فنان عايز يكسب من شغله و يحميه من النسخ انه يعرض شغله ك NFT بس خلي بالك برضه إن مش كل ال NFTs بتتباع غالية أو بتتباع أصلاً.
--------------
▪️و هنا هنتكلم بسرعة عن موضوع القيمة – value
ايه اللي بيحدد قيمة شيء معين ؟ الموضوع بيكون فيه اختلاف كبير من شخص لآخر و من مجموعة لأخرى و لكن المتفق عليه ان الشئ بتتحدد قيمته بناء على بعض الخصائص مثل :
ندرته scarcity - فائدته usefulness - الشعور الناتج عن شراؤه feelings
و زي ما قولنا الموضوع جدلي بشكل كبير لكن في النهاية بيحصل توافق من مجموعة من الناس على قيمة أنواع معينة من من الأصول Asset class و بالتالي بيكون ليها متوسط أسعار معين و ليها سوق و عرض و طلب و بالتالي ممكن نعتبر شراء النوع ده من الأصول استثمار كمان.
▪️يعني كمثال فيه ناس بتشتري لوحات فنية بملايين الدولارات عشان بتحب الفن و أحيانا كاستثمار ثمنه بيزيد مع الوقت، مثلا تم بيع كارت بيسبول ورقي ممضي من أحد اللاعبين القدامى ب 3 مليون دولار.
السوق الخاص بالمقتنيات و القطع الفنية سوق مغري جداً و بيتم ضخ أموال طائلة فيه، و كان فيه محاولات كثير لتطبيق نفس الفكرة على المقتنيات الرقمية زي الصورر و اللوحات الديجيتال لكن كانت كلها بتفشل بسبب مشكلتين أولهم سهولة النسخ duplication و الثانية إمكانية البيع المتكرر لنفس الأصل Double selling
و المشكلتين دول تم حلهم تماما في ال NFT باستخدام تقنية ال Blockchain زي ما ذكرنا
--------------
✴️هل ال NFT كلها صور رقمية فقط ؟
لأ ده الشكل الأكثر شيوعاً ليها، لكن تطبيقات الNFT أكثر بكتير سواء لو أشكال أخرى للأصول الرقمية زي التغريدات مثلا Tweets - مؤسس تويتر باع أول تغريدة ليه على تويتر في شكل NFT بسعر 3 مليون دولار و هنا ال NFT بتبقى أقرب لإنك بتشتري نسخة موقعة من شخص مشهور زي انك تخليه يوقع على تي شيرت أو كورة قدم بس هنا بيوقع على التغريدة بتاعته و بيخليها ملكك و تقدر تبيعها للمهتمين باقتناء الأشياء المميزة أو المختلفة.
و أيضا ممكن استخدام ال NFT كضمان لملكية ممتلكات في العالم الواقعي، يعني ممكن تمتلك NFT يمثّل قيمة 50% من عقار أو شركة.
طيب ليه بنستخدم ال NFT ما أنا ممكن أعمل عقد عادي، نرجع تاني لفكرة اعتماد ال NFT على تقنية ال Blockchain الصعب اختراقها و بالتالي ال NFT بيكون مضمون أكثر لضمان حقوق المالك و لتوضيح كل المعاملات اللي هتحصل على الملكية.
------------------
✴️ايه التقنية المعتمدة عليها الNFT ؟
ال NFT معتمدة على ال Ethereum ايثريوم و هي عملة مشفرة تم تداولها من 2015 و تعتمد على نفس التقنية المستخدمة في البيتكوين Bitcoin و هي ال Blockchain أو ال Distributed ledger system مع وجود بعض الإختلافات
✴️طيب أعمل ايه عشان أبدأ أبيع أو أشتري NFT
الموضوع بسيط بس محتاج ميزانية سواء هتبيع أو تشتري
1-هتحتاج تعمل محفظة تدعم الإيثريوم Ethereum wallet زي MetaMask Wallet
2-هتشتري ether (عملة رقمية) ممكن ببطاقة الائتمان عادي
3- هتدخل على أي platform لبيع و شراء ال NFTs زي opensea
بس كدة الموضوع بسيط.
لكن أنا عن نفسي لا أنصح بالبيع أو الشراء إلا بهدف التجربة فقط و بمبلغ مستعد لخسارته أما لو عايز تستخدمه كاستثمار فالموضوع محتاج لسة بحث و دراسة طويلة.
❗️هخوفك شوية عشان الموضوع شكله عجبك
فاكرين التويتة اللي اتباعت ب 3 مليون دولار، الراجل اللي اشتراها عرضها للبيع ب 48 مليون دولار لكن في النهاية أعلى عرض سعر وصله كان 280 دولار -أيوة 280 من غير ألف حتى - و طبعا رفض العرض و البيع لم يتم، بس واضح كدة انه خلاص اشترى التروماي 😊
----------------
✴️مخاطر و تحديات ال NFTs
اتفقنا ان ال Blockchain صعب اختراقها و آمنة الى حد كبير و لكن زي أي تكنولوجيا جديدة لسة فيها جوانب غير مكتشفة مما يجعل انهيارها غير مستبعد أيضاً ولو ده حصل كل الNFTs هتختفي معاها و عشان كدة لسة فيه جدل كبير على التقنية بجانب مخاوف من استخدامهم في أنشطة غير شرعية لعدم وجود رقابة مركزية عليها و اعتراضات لأنها تعتمد على العملات المشفرة اللي بتستهلك جزء كبير من الطاقة في عمليات فك التشفير و ده غير طبعا موضوع تباين الأسعار و صعوبة تحديد القيمة الفعلية لل NFT زي مثال التويتة اللي ذكرناه سابقاً، و فعلا حصل هبوط مفاجئ للمبيعات و لقيمة الNFTs المتاحة للتداول في شهر يونيو ٢٠٢٢ و ربما ينذر بانتهاء مبكر لعصر ال NFTs.
-----------------
✴️مستقبل ال NFTs
من المتوقع استخدام ال NFTs في تطبيقات أخرى بجانب استخدامها كأصول رقمية، و من أهم الاستخدامات انها هتكون كبديل لشهادات الضمان و الجودة للمنتجات الأصلية لضمان عدم نسخها و تقليدها، يعني لو هتشتري ساعة أصلية بيكون معاها NFT الخاص بيها عليه كل بياناتها و هنا اللي بيبيع ساعة تقليد مش هيعرف ينسخ ال NFT نهائي.
✴️ممكن شرح أكثر لتقنية ال Blockchain عشان أفهم أكثر ؟
هنشرح تقنية الblockchain بشكل مبسط في مقال منفصل
و لكن دلوقتي يكفيك تعرف انها عبارة عن كود برمجي programming code بيشتغل كحافظ للسجلات والبيانات و المعاملات في شكل كتل Blocks و كل معاملة أو مجموعة معاملات بيتم وضعها في Block جديد لتكوين سلسة متصلة chain المميز في السلسلة دي إن وضع أي Block جديد بيعتمد على التشفير Cryptography بعمليات حسابية معقدة و يستحيل إزالة أي Block من السلسلة بعد اضافتها , و كل block مرتبطة باللي قبلها و اللي بعدها و بالتالي أي بيانات أو معاملات مسجلة في الBlockchain بتكون حقيقية و مضمونة و صعب جدا التلاعب فيها، عشان كدة لما بنحط بيانات مالكي ال NFT مثلا في ال Blockchain صعب جدا حد يغيرها أو يتلاعب فيها إلا لو باعها و تم إضافة block جديد فيها بيانات المالك الجديد.
-------------------
✴️هنشرح في المقال القادم ان شاء الله تفاصيل ال Blockchain و ال Cryptocurrency
📌بس محتاج أعرف المعلومات اللي ذكرناها عن ال NFT كانت واضحة و نكمل كلامنا عن الموضوع و لا كفاية كدة ؟
ممكن تشوف المقال كامل مع صور توضيحية و أمثلة من الموقع.
#tamersalah #4x4_marketing #digitalx
2 - 0
Marketing & Digital Marketing