Neram Online

Neram Online
Posted 9 hours ago

ഇന്ന് ഞായറാഴ്ച. ദോഷ ശമനത്തിനും
ദിവസ ഗുണവർദ്ധനവിനും സർവദേവതാ പ്രീതിക്കും നവഗ്രഹ സ്തോത്രം ജപിക്കാൻ ഉത്തമമായ ദിവസം. ജനനസമയത്ത് സൂര്യന് നീചം, മൗഢ്യം, ദുർബ്ബല ക്ഷേത്രസ്ഥിതി എന്നിവയുള്ളവർ, സൂര്യന്റെ ദശാപഹാര ഛിദ്രങ്ങളിൽ കഴിയുന്നവർ, പിതൃദോഷമുള്ളവർ, അഹിതമായ ഭക്ഷണ രീതി അവലംബിച്ചവർ, മൃഗഹത്യാ പാപമുള്ളവർ, മദ്യപാനത്താൽ വിഷമിക്കുന്നവർ മേടം, തുലാം ഇവ ജനനലഗ്നമോ ജന്മരാശിയോ ആയിട്ടുള്ളവർ
എന്നിവർ ജപാകുസുമസങ്കാശം കാശ്യപേയം മഹാദ്യുതിം തമോരീം സർവ്വപാപഘ്നം പ്രണതോസ്മി ദിവാകരം എന്ന സൂര്യ സ്തോത്രത്തോടെ ആരംഭിക്കുന്ന നവഗ്രഹ സ്തോത്രം ഇന്ന് ഒരു തവണയെങ്കിലും ജപിക്കണം; അല്ലെങ്കിൽ ശ്രവിക്കണം. നമ്മുടെ ജീവിതത്തെ നേരിട്ട് ബാധിക്കുന്ന
നവഗ്രഹങ്ങളെ പ്രീതിപ്പെടുത്താനുള്ള ഏറ്റവും ലളിതവും അതേസമയം ഫലപ്രദവുമായ മാർഗ്ഗമാണ് അതിശക്തമായ നവഗ്രഹ സ്തോത്രം ജപം. പ്രസിദ്ധ ഗായകൻ മണക്കാട് ഗോപൻ ആലപിച്ച നവഗ്രഹ സ്തോത്രം കേൾക്കാം:

https://youtu.be/8-bCR9nUCF0?si=uspTL...

#NeramOnline #AstroG #NavagrahaStotram

441 - 7

Neram Online
Posted 1 day ago

കാർത്തിക മാസത്തിലെ കൃഷ്ണപക്ഷ ഏകാദശിയാണ് രമാഏകാദശി. പ്രബോധിനി ഏകാദശി എന്നും പേരുള്ള ഇത് അനുഷ്ഠിച്ചാൽ രോഗശാന്തി, ദുരിതശാന്തി വിശേഷ ഫലങ്ങളാണ്. വിഷ്ണു പത്നിയും ഐശ്വര്യ ദേവതയുമായ മഹാലക്ഷ്മിയുടെ മറ്റൊരു പേരാണ് രമ. ഈ ദിവസം വിഷ്ണു ഭഗവാനെ കേശവനായും രാമനായും സങ്കല്പിച്ച് ഭജിച്ചാൽ ധനവും ഐശ്വര്യസമൃദ്ധിയും കരഗതമാകും. ചതുർമാസ്യ കാലത്തെ അവസാന ഏകാദശിയാണിത്. ദീപാവലിക്ക് നാലു നാൾ മുൻപ് സമാഗതമാകുന്ന രമാ ഏകാദശി തുലാമാസത്തിലെ കറുത്തപക്ഷത്തിൽ വരും. ഇത്തവണ ഇത് 2024 ഒക്ടോബർ 28 തിങ്കളാഴ്ചയാണ്. അന്ന് വെളുപ്പിന് 1:15 മുതൽ പകൽ 2:33 വരെയാണ് ഹരിവാസരം. ഏകാദശി നോൽക്കുമ്പോൾ പ്രധാനമായും ശ്രദ്ധിക്കേണ്ടത് ഹരിവാസരമാണ്. ഏകാദശിയുടെ ഒടുവിലത്തെ 6 മണിക്കൂറും ദ്വാദശിയുടെ ആദ്യത്തെ 6 മണിക്കൂറുമടങ്ങിയ 12 മണിക്കൂറാണ് ഹരിവാസരം.
ഹരിവാസര വേളയിൽ ആഹാരവും ഉറക്കവും പാടില്ല. വിഷ്ണു സാന്നിധ്യം ഏറ്റവും കൂടുതലുള്ള ഈ സമയത്ത് പൂർണ ഉപവാസമാണ് ഉത്തമം. അപ്പോൾ വിഷ്ണു ദ്വാദശനാമ മന്ത്രം, വിഷ്ണു ശതനാമ സ്തോത്രം, വിഷ്ണു അഷ്ടോത്തരം, സഹസ്രനാമം, അച്യുതാഷ്ടകം,
ഹരിനാമകീർത്തനം, നാരായണീയം, ഭഗവത് ഗീത എന്നിവ ജപിച്ചാൽ ആഗ്രഹസാഫല്യം ഉണ്ടാകും. പ്രസിദ്ധ ഗായകൻ മണക്കാട് ഗോപൻആലപിച്ച വിഷ്ണു ശതനാമ
സ്തോത്രം കേൾക്കാം:
https://youtu.be/ZVuw_PzUEBo?si=rN4__...

#NeramOnline #AstroG

444 - 4

Neram Online
Posted 1 day ago

ഇന്ന് ശനിയാഴ്ച. മണ്ണാറശാല ആയില്യം. നാഗപൂജയ്ക്ക് എല്ലാ മാസത്തിലെയും ആയില്യം ഉത്തമമാണെങ്കിലും കന്നി, തുലാം മാസങ്ങളിലെ ആയില്യത്തിന് നാഗാരാധന
നടത്തിയാൽ ക്ഷിപ്രഫലസിദ്ധി പറയുന്നു. സമ്പൽ സമൃദ്ധി, ആയുരാരോഗ്യ സൗഖ്യം , മന:സമാധാനമുള്ള ജീവിതം, സന്താനലബ്ധി എന്നിവയ്ക്കും സന്താനങ്ങൾ കാരണമുള്ള ദുരിതങ്ങളിൽ നിന്നുള്ള മോചനത്തിനും നാഗപ്രീതി പോലെ ഫലപ്രദമായ മറ്റൊരു മാർഗ്ഗമില്ല. നാഗദോഷങ്ങൾ കാരണം കഷ്ടപ്പെടുന്നവര്‍ സങ്കടങ്ങളും ദുരിതങ്ങളും അകറ്റാൻ മാസന്തോറും ക്ഷേത്രത്തിൽ ആയില്യപൂജ നടത്തുന്നത് ഉത്തമമാണ്. 2024 ഒക്ടോബർ 28 ശനിയാഴ്ചയാണ് മണ്ണാറശാല ആയില്യം എന്ന പേരിൽ പ്രസിദ്ധമായ തുലാമാസത്തിലെ ആയില്യം. തിരുവാതിര, ചോതി, ചതയം നക്ഷത്രജാതരുടെ നക്ഷത്രാധിപൻ രാഹു ആയതിനാൽ ഇവർ നിത്യവും സർപ്പപ്രീതി വരുത്തുന്നത് നല്ലതാണ്. രോഹിണി, അത്തം, തിരുവോണം, ഭരണി, പൂരം, പൂരാടം, ആയില്യം, തൃക്കേട്ട, രേവതി നക്ഷത്രക്കാർ രാഹുദശയിൽ സർപ്പപ്രീതിക്ക് വേണ്ടത് ചെയ്യണം. ആയില്യ ദിവസം ക്ഷേത്രത്തിൽ ആയില്യ പൂജയിൽ പങ്കെടുത്ത് പ്രാർത്ഥിക്കുന്നത് നാഗദോഷങ്ങളകറ്റും.
ആയില്യം നാളിൽ നാഗരാജഅഷ്ടോത്തരം
ജപിക്കുകയോ കേൾക്കുകയോ ചെയ്യുന്നത് കാര്യസിദ്ധിക്ക് വളരെ നല്ലതാണ്. പ്രസിദ്ധ ഗായകൻ മണക്കാട് ഗോപൻ ആലപിച്ച
ശ്രീ നാഗരാജ അഷ്ടോത്തരം കേൾക്കാം:
https://youtu.be/GQlqkdg1sLo?si=D2ysH...

#NeramOnline #AstroG

1.5K - 60

Neram Online
Posted 2 days ago

ഇന്ന് വെള്ളിയാഴ്ച. മഹാലക്ഷ്മി ദേവിയുടെ പ്രീതി നേടാൻ വളരെ വിശേഷമാണ് വെളളിയാഴ്ചകൾ. ഈ ദിവസം മഹാലക്ഷ്മിയെ യഥാവിധി ആരാധിച്ചാൽ
സാമ്പത്തിക പ്രയാസങ്ങൾ ഇല്ലാതെ ദീർഘകാലം നമുക്ക് ജീവിക്കാനാകും. ധനധ്യാന്യ സമൃദ്ധി മാത്രമല്ല ജീവിതത്തിൽ ധൈര്യവും വീര്യവും വിജയവുമെല്ലാം
വന്നു കൊണ്ടായിരിക്കും. ദാരിദ്ര്യം അകലും. നല്ല ഭക്ഷണം സുഭിക്ഷമായി ലഭിക്കും. സാമ്പത്തികമായി സ്ഥിരത ഉണ്ടാകും. ജീവിതത്തിൽ സന്തോഷവും സമാധാനവും നിറയും. വെളളിയാഴ്ചകളിൽ മഹാലക്ഷ്മിയെ ഉപാസിക്കുന്നവർ അഷ്ട ലക്ഷ്മിമാരെ സ്തുതിക്കുന്ന മഹാലക്ഷ്മ്യഷ്ടകം കുറഞ്ഞത് 8 തവണയെങ്കിലും ജപിക്കണം. ഈ ജപത്തിലൂടെ ക്ഷേമം, അനുകമ്പ എന്നീ സദ്ഗുണങ്ങൾ പരിപോഷിപ്പിക്കാനും കഴിയും. അഷ്ട ലക്ഷ്മിമാരെ ഉപാസിക്കുന്ന പത്മപുരാണത്തിലുള്ള ഈ സ്തുതി ഇന്ദ്രൻ ലക്ഷ്മി ഭഗവതിയെ കീർത്തിക്കുവാൻ ജപിച്ചതാണെന്നും വൈശ്രവണൻ ദേവിയെ പ്രീതയാക്കി അവളവറ്റ സ്വത്ത് നേടിയതാണെന്നും പറയുന്നു. വെള്ളിയാഴ്ച, ദീപാവലി നവരാത്രി, പൗർണ്ണമി, കന്നിയിലെ ശുക്ല ഏകാദശി തുടങ്ങിയ ദിവസങ്ങളിൽ ഈ ജപം ഒഴിവാക്കാൻ പാടില്ലെന്നും ആചാര്യന്മാർ പറഞ്ഞിട്ടുണ്ട്. പ്രശസ്ത ഗായകൻ മണക്കാട് ഗോപൻ ആലപിച്ച മഹാലക്ഷ്മ്യഷ്ടകം:
https://youtu.be/BAQ9j5nfZ4s?si=g5967...

#NeramOnline #AstroG

1.2K - 20

Neram Online
Posted 2 days ago

Slots are available for consultation with M Nandakumar sir on Friday 25 October 2024

Download AstroG app from Google Play Store and book your consultation

play.google.com/store/apps/details?id=com.neram.as…

iPhone users can book consultation through Website: www.astrog.in

Please note :
* OTP verification via E-mail and SMS (India) and for international customers via E-mail
*

12 - 0

Neram Online
Posted 2 days ago

ഇന്ന് വ്യാഴാഴ്ച. ശ്രീ ഷിർദ്ദി സായി ബാബയെ ഉപാസിക്കാൻ ഏറ്റവും ശ്രേഷ്ഠമായ ദിവസമായി ധാരാളം ഭക്തർ വിശ്വസിക്കുന്ന ദിവസം. വിജയ ദശമി, രാമനവമി
ഗുരുപൂർണ്ണിമ എന്നീ ആണ്ടുവിശേഷങ്ങൾ കഴിഞ്ഞാൽ ഷിർദ്ദിബാബ ഭക്തർക്ക് ഏറ്റവും പ്രധാനം വ്യാഴാഴ്ചകളാണ്. എല്ലാ സായി ബാബ മന്ദിറുകളിലും ഈ ദിവസം വൈകിട്ട്
വിശേഷാൽ പൂജയും ഭജനയും നടത്താറുണ്ട്. ഭക്തർ സ്വയം സായി ദിവ്യപൂജയും അന്നദാനവും മറ്റും വ്യാഴാഴ്ചകളിൽ
നടത്തുന്നത് പതിവാണ്. ഹൃദയത്തിൽ ഞാനുള്ളപ്പോൾ എന്തിന് ഭയപ്പെടണം എന്ന് സ്വന്തം ഭക്തരോട് പറയുന്ന ഷിർദ്ദി സായിനാഥൻ സദാ കാത്തു രക്ഷിക്കുക മാത്രമല്ല അവർക്ക് വേണ്ടത് അറിഞ്ഞ് നൽകി അനുഗ്രഹിക്കുകയും ചെയ്യും. മഹാ സമാധിക്ക് ശേഷവും അനേകം മിറക്കിളുകൾ ബാബ നടത്തിയിട്ടുണ്ട്. ഇപ്പോഴും
നടത്തിക്കൊണ്ടിരിക്കുന്നു. ഇത്തരം അനേകം സംഭവങ്ങൾ ഷിർദ്ദി ബാബയുടെ ജീവചരിത്രമായ സായി സച്ചരിതത്തിലും പറയുന്നുണ്ട്. ഭൗതിക ജീവിതത്തിന് വേണ്ടതും മാനസികമായ കരുത്തിന് ആവശ്യമുളളതും
യാതൊരു തടസ്സങ്ങളുമില്ലാതെ തന്ന് അനുഗ്രഹിക്കുന്ന ഷിർദ്ദിനാഥനെ 108 വിശേഷ നാമങ്ങളാൽ ഭജിക്കുന്ന ശ്രീ ഷിർദ്ദി സായി ബാബ അഷ്ടോത്തര ശതനാമാവലി ശ്രവിച്ച് ഈ വ്യാഴാഴ്ച ധന്യമാക്കാം. ആലാപനം മണക്കാട് ഗോപൻ:
https://youtu.be/KYIeSgGOEmo?si=Y_g4X...

#NeramOnline #AstroG

544 - 18

Neram Online
Posted 3 days ago

സർപ്പദോഷങ്ങൾ അകറ്റുന്നതിന് പ്രാർത്ഥനയും വഴിപാടുകളും നടത്താൻ ഏറ്റവും നല്ല ദിവസമാണ് കന്നിയിലെയും, തുലാത്തിലെയും ആയില്യം. കന്നിയിലെ ആയില്യം നാഗരാജാവിന്റെ തിരുന്നാളാണ്.
അതിനാൽ നാഗക്ഷേത്രങ്ങളിലെല്ലാം വിശേഷമാണ്. മണ്ണാറശാല മഹോത്സവമാണ് തുലാം ആയില്യത്തിന്റെ പ്രാധാന്യം. നാഗപ്രതിഷ്ഠയുള്ള ക്ഷേത്രങ്ങളിൽ ഈ ദിവസം ദർശനം നടത്തി ആയില്യം പൂജ നടത്തുന്നതും കരിക്കും കമുകിൻ പൂക്കുലയും സമർപ്പിക്കുന്നതും മഞ്ഞൾപ്പൊടി അഭിഷേകം ചെയ്യുന്നതും നൂറുംപാലും വഴിപാട് നടത്തുന്നതും നാഗ ദോഷങ്ങൾ തീരാൻ നല്ലതാണ്. വ്രതമെടുത്ത് ആയില്യ പൂജ നടത്തിയാൽ നിങ്ങളുടെയും സന്തതികളുടെയും കുടുംബത്തിന്റെയും എല്ലാ നാഗദോഷങ്ങളും അവസാനിക്കും. ആയില്യത്തിന്റെ തലേന്ന് മുതൽ വ്രതം തുടങ്ങണം. സാധാരണ വ്രതനിഷ്ഠകൾ പാലിക്കണം. ആയില്യത്തിന്റെ പിറ്റേന്ന് ശിവ ക്ഷേത്രത്തിലെ തീർത്ഥം സേവിച്ച് വ്രതം മുറിക്കാം. വ്രതമെടുക്കുന്നവർ ഓം നമഃ ശിവായ പഞ്ചാക്ഷര മന്ത്രവും ഓം നമഃ കാമരൂപിണേ നാഗരാജായ മഹാബലായ സ്വാഹാ എന്ന നാഗരാജ മന്ത്രവും കുറഞ്ഞത് 108 തവണ ജപിക്കണം. 2024 ഒക്ടോബർ 26 ശനിയാഴ്ചയാണ് ഇത്തവണ തുലാമാസ ആയില്യം. അതിവേഗം സർപ്പപ്രീതി നേടാൻ പറ്റിയ ചില നാഗ മന്ത്രങ്ങൾ തന്ത്രരത്നം പുതുമന മഹേശ്വരൻ നമ്പൂതിരി ഉപദേശിച്ചു തരുന്ന വീഡിയോ കാണാം. നാഗദോഷ മുക്തിയിലൂടെ സന്താന ഭാഗ്യം, രോഗമുക്തി,
അഭീഷ്ടസിദ്ധി, വിദ്യ വിജയം, ദാമ്പത്യ ഭദ്രത, ദാമ്പത്യ കലഹ മോചനം, ശത്രുദോഷ- ദൃഷ്ടിദോഷശമനം തുടങ്ങി എല്ലാം തരുന്ന അത്ഭുത ശക്തിയുള്ള മന്ത്രങ്ങളാണിത്:
https://youtu.be/3z54pDcF-t4?si=bNygr...

#NeramOnline #AstroG

249 - 3

Neram Online
Posted 3 days ago

ഇന്ന് വ്യാഴാഴ്ച. മഹാവിഷ്ണുപ്രീതി നേടാൻ ശ്രേഷ്ഠമായ ദിനം . ഇന്ന് വിഷ്ണു
ശതനാമ സ്തോത്രം ജപിക്കുന്നവരെ ധനം, സുഖം, സന്താനം, സ്ഥാനമാനങ്ങൾ, കീർത്തി, വീര്യം, ബലം, നിർഭയത്വം എന്നിവ തേടി വരും. ആപത്തുകൾ, രോഗങ്ങൾ, ശത്രുക്കൾ തുടങ്ങിയവയിൽ നിന്ന് വിഷ്ണുഭഗവാൻ
അവരെ കാത്ത് രക്ഷിക്കും. ഭഗവാൻ്റെ
100 നാമങ്ങൾ കോർത്ത ഈ കീർത്തനവും
ഇതോടൊപ്പമുള്ള പ്രസിദ്ധമായ സ്തുതിയും രോഗങ്ങൾ നശിപ്പിക്കുന്ന നാമത്രയാസ്ത്രവും
നിത്യ ജപത്തിനും നല്ലതാണ്. യാതൊരു വ്രതവും ജപത്തിന് നിർബന്ധമില്ല. മന്ത്രോപദേശം വേണ്ട. നെയ്‌വിളക്ക് കൊളുത്തി അതിന് മുമ്പിലിരുന്ന് ജപിക്കുക. തെറ്റുകൾ വരാതിരിക്കാൻ ഇത് കേട്ട് ജപിക്കുന്നത് നല്ലതാണ്. വ്യാഴാഴ്ച, ഏകാദശി, തിരുവോണം നക്ഷത്രം തുടങ്ങി
വിഷ്ണു പ്രധാനമായ ദിനങ്ങളിൽ ജപിച്ചാൽ ഇരട്ടിഫലം കിട്ടും. പ്രസിദ്ധ ഗായകൻ മണക്കാട് ഗോപൻ ആലപിച്ച വിഷ്ണു
ശതനാമ സ്തോത്രം കേൾക്കാം:
https://youtu.be/ZVuw_PzUEBo?si=rN4__...

#NeramOnline #AstroG

1.2K - 25

Neram Online
Posted 4 days ago

ഇന്ന് ബുധനാഴ്ച. ദിന ദോഷശമനത്തിനും ഗുണവർദ്ധനവിനുമായി ശ്രീകൃഷ്ണ സ്വാമിയെ ഭജിക്കുക. ആശ്രയിക്കുന്ന എല്ലാവർക്കും സകല മംഗളങ്ങളും പ്രദാനം ചെയ്യുന്ന ശ്രീകൃഷ്ണനെ പ്രീതിപ്പെടുത്താൻ ഏറ്റവും നല്ല സ്തുതിയാണ് വസുദേവ സുതം ദേവം എന്ന് തുടങ്ങുന്ന ശ്രീകൃഷ്ണാഷ്ടകം. എന്നും പ്രഭാതത്തിൽ ആരാണോ ഇത് ജപിക്കുന്നത് അവർക്ക് ഇതുകൊണ്ടു മാത്രം കോടി ജന്മങ്ങളിൽ ചെയ്ത പാപങ്ങൾ വരെ നശിച്ച് എല്ലാ ഐശ്വര്യങ്ങളും കരഗതമാകും എന്നിതിൻ്റെ ഫലശ്രുതിയിൽ പറയുന്നുണ്ട്. പാപങ്ങളാണ് എപ്പോഴും ദുരിതങ്ങളും തടസ്സങ്ങളുമായി മാറുന്നത്. പാപങ്ങൾ അവസാനിച്ചാൽ തടസങ്ങൾ അകന്ന് ഐശ്വര്യവും ആഗ്രഹസാഫല്യവും ഉണ്ടാകും.
ദിവസവും രാവിലെ ഭക്തിയോടെ ശ്രദ്ധയോടെ ജപിക്കണം. എല്ലാക്കാര്യത്തിലും ഭാഗ്യത്തിന്റെ ആനുകൂല്യവും സര്‍വൈശ്വര്യങ്ങളും സിദ്ധിക്കും. ദിവസവും വിളക്ക് കത്തിച്ച് വച്ച് അതിന് മുന്നിലിരുന്ന് ജപിക്കുന്നത് ഉത്തമം. കഷ്ടപ്പാടുകളും ദുരിതങ്ങളും വിട്ടൊഴിയത്തതിനാൽ കടുത്ത ബുദ്ധിമുട്ട്
നേരിടുന്നവർ ശ്രീകൃഷ്ണാഷ്ടകം ദിവസവും ഒരു നിശ്ചിത തവണ വീതം പാരായണം ചെയ്താല്‍ ജന്മാന്തര പാപങ്ങൾ പോലും നശിക്കും. ഇവർക്ക് 9, 21, 36 തുടങ്ങി എത്ര തവണ വേണോ ജപിക്കാം. ജപസംഖ്യ കൂട്ടിയാൽ അതിവേഗം ഫലം ലഭിക്കുമെന്ന് വിശ്വസിക്കപ്പെടുന്നു. ഓടക്കുഴലൂതുന്ന ശ്രീകൃഷ്ണന്റെ പിന്നിൽ കിടാവ് പശുവിന്റെ പാല്‍ കുടിച്ചുകൊണ്ടിരിക്കുന്ന ചിത്രം
പൂജാമുറിയിൽ വച്ച് ശ്രീകൃഷ്ണാഷ്ടകം ജപിച്ച് ഭഗവാനെ ആരാധിക്കുന്നത് ശ്രേഷ്ഠമാണ്. ചിത്രം തെക്കോട്ടു ദര്‍ശനമായി വയ്ക്കരുത്. വിളക്ക് തിരിയും തെക്കോട്ടു ദര്‍ശനമായി കത്തിക്കരുത്. ലക്ഷ്മീകടാക്ഷവും ഐശ്വര്യവും ഭാഗ്യവും ഉണ്ടാകുന്നതിനും രാഹുദോഷം ശമിക്കുന്നത്തിനും നല്ലതാണ്. പ്രസിദ്ധ ഗായകൻ മണക്കാട് ഗോപൻ ആലപിക്കുന്ന ശ്രീകൃഷ്ണാഷ്ടകം കേൾക്കാം:
https://youtu.be/0huF1HWgM1s

#NeramOnline #AstroG

780 - 11

Neram Online
Posted 5 days ago

ഇന്ന് ചൊവ്വാഴ്ച. ആദിപരാശക്തിയുടെ രൗദ്രഭാവങ്ങളിൽ ഒന്നായ ശ്രീഭദ്രകാളി പ്രധാനമായ ദിവസം. ഭയവും ജീവിത ദു:ഖങ്ങളും അനുഭവിക്കുന്ന എല്ലാവർക്കും ഒരു ഉത്തമ ദോഷ പരിഹാരമാണ് ഭദ്രകാളിപ്പത്ത് ജപം. കഠിനമായ
രോഗദുരിതങ്ങൾ, ദാരിദ്ര്യം, കുടുംബ പ്രശ്നങ്ങൾ, സാമ്പത്തിക വിഷമങ്ങൾ,
തുടങ്ങിയവ നേരിടുന്നവർക്കും മറ്റു തരത്തിലെ പ്രശ്നങ്ങൾ അനുഭവിക്കുന്നവർക്കും ഏറ്റവും നല്ല രക്ഷാകവചമാണ് പതിവായുള്ള ഈ സ്തോത്ര ജപം. എല്ലാ ദിവസവും ജപിക്കാൻ അസൗകര്യമുള്ളവർ ചൊവ്വ, വെള്ളി, അമാവാസി ദിവസങ്ങളിലെങ്കിലും
ഭദ്രകാളിപ്പത്ത് ജപിക്കണം. കുളിച്ച് ശുദ്ധമായി നിലവിളക്ക് കത്തിച്ചു വച്ച് കിഴക്കോ വടക്കോ ദർശനമായിരുന്ന് ജപിക്കുക. പതിവായി ജപിച്ചാൽ അതിവേഗം ദുരിതങ്ങൾ നീങ്ങുകയും ആഗ്രഹസിദ്ധി ലഭിക്കുകയും ചെയ്യുമെന്ന് അനുഭവസ്ഥർ പറയുന്നു. അസുര നിഗ്രഹത്തിനായി അവതരിച്ച ഭദ്രകാളി കാഴ്ചയിൽ ഘോരരൂപിണി എങ്കിലും ആശ്രിതവത്സലയാണ്. അജ്ഞാനം നശിപ്പിച്ച് ലോകത്തെ സംരക്ഷിക്കുന്ന മാതൃഭാവ ദേവതയാണ് പരമശിവന്റെ
ജടയിൽ നിന്നും അവതരിച്ച ശ്രീ ഭദ്രകാളി. പാർവതി സ്വീകരിച്ച
തമോഗുണമെന്നും ശിവപുത്രി എന്നും എട്ടു കൈകളുള്ള കാളിയെക്കുറിച്ച് സങ്കല്പമുണ്ട്. കേൾക്കാം, പ്രസിദ്ധ ഗായകൻ മണക്കാട്
ഗോപൻ ആലപിച്ച ഭദ്രകാളിപ്പത്ത്:
https://youtu.be/1pelR0Ti7zU?si=8iVDD...

#NeramOnline #AstroG

1K - 19

Welcoem to posts!!

Neram Online Posted 9 hours ago

Neram Online Posted 1 day ago

Neram Online Posted 1 day ago

Neram Online Posted 2 days ago

Neram Online Posted 2 days ago

Neram Online Posted 2 days ago

Neram Online Posted 3 days ago

Neram Online Posted 3 days ago

Neram Online Posted 4 days ago

Neram Online Posted 5 days ago

Neram Online
Posted 9 hours ago

Neram Online
Posted 1 day ago

Neram Online
Posted 1 day ago

Neram Online
Posted 2 days ago

Neram Online
Posted 2 days ago

Neram Online
Posted 2 days ago

Neram Online
Posted 3 days ago

Neram Online
Posted 3 days ago

Neram Online
Posted 4 days ago

Neram Online
Posted 5 days ago