in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
اجيبلكم ويايه شي😁🌷اذا حبيتو تابعوني عالانستغرام راح أشارك وياكم الأشياء الحلوه ال اشوفها👇
www.instagram.com/cook_from_baghdad?igsh=MXM3Zmxjb…
اذا مااشتغل الرابط راح اخليه بأول تعليق وهذا اليوزر
@cook_from_baghdad
29 - 8
ياهلا وكل الهلا بمتابعي قناتي الطيبين .. مثل متعرفون ان شاء الله باجر موعدنا ويه فديو جديد ان شاءالله.. لكن حبيت أسألكم..تريدون انشر فديو طبخ لو نسوي بث نسولف عن كورس الاكلات الصحيه ال واعدتكم بي من قبل العيد🙈 حيكون خاص للي عدهم سكري او حساسية الحنطه او الحليب ...الخ، حينفع جدا للدايت ان شاءالله ونمط الغذاء الصحي حيكون منوع ان شاءالله تعالى مو حصري لنوع واحد ، ال متابعني عالانستغرام يعرف انه اني صارلي فتره اجرب اكلات بخصوص هذا الموضوع.. لكن حابه افتح وياكم بث واسمع منكم و اعرف شنو أكثر شي حابين اركز عليه؟ وشنو المشاكل ال تواجهكم في إعداد الوصفات ال من هذا النوع ... فأختارو حبايبي ..تريدون نسوي بث باچر الأربعاء لو السبت؟ ... احبكم في الله و اتمنالكم الخير والصحه والسلامه
403 - 42
الذ خفيفي بالسمسم جربوه للعصريه ..وياجماعه عذروني تكاسلت اصور طريقة العمل 🫣🙈🌷بس وعد أن شاءالله اصورها بأقرب وقت واذا نسيت ذكروني😅 .. هي كلش سهله وهذه مقاديرها
المكونات:
كيلو طحين ابيض ( 8 اكواب طحين قياسيه )
ملعقة كوب بيكنباودر ( اذا كان وزن الضرف 7 غرامات استخدموه كله لكن اذا كان وزن الضرف 15 غم استخدموه نصفه)
2 ضرف فانييلا
ثلاث ارباع كوب حليب سائل دافي
ثلاث ملاعق طعام سكر
قالب زبد وزنه 200 غم + نصف كوب زيت نباتي
ملعقة كوب خميره
ملعقة طعام كبيره هيل مطحون
رشة ملح تقريبا نصف ملعقه صغيره
خليط التلميع يكون عباره عن بيضه + ملعقة طعام حليب سائل
للتزيين استخدمت سمسم محمص
عجنت المكونات مثل عجن الكليجة .. بعدين تركتها تتخمر نصف ساعه وبديت اشتغل بيها واقرصها.. و مسحت القطع بخليط البيض و ضفت سمسم محمص و شويتها بالفرن التندوري نزلتلكم شورت فديو بالطريقه... وممكن بالفرن العادي بدرجة حرارة ١٨٠ ..نشوي من الأسفل ثم من الاعلى ... وبألف الف عافيه
اكو بالقناة طريقة عجن الخفيفي.. منزلتها في فديو سابق و محشيتها بالتمر همين اذا حبيتو .. اكتبو بشريط بحث اليوتيوب(خفيفي طبخ من بغداد ) ويطلعلكم الفديو وبألف عافيه
1.4K - 50
تطبيقاتكم الحلوه للفديو الجديد مال الجرك عاشت الايادي الحلوة والف الف عافيه على قلبكم 👏الطريقه بالتعليقات👇
582 - 6
انا لست شيف فقط هاويه للطبخ .. أطبخ بحب و بساطة ❤️ .. نورتونا وشرفتونا
يارب تكون القناة ذات فائده للجميع..ولاتنسوني بدعواتكم.. تحياتي المهندسة مروه
للتواصل تابعوني في الانستغرام 👇
@cook_from_baghdad