Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
1942 vel bawr a Sialhawk khua... color hi edit ani e
67 - 2
💦💦💦
Nikum lama Tuichang biala kan lakhuihthei thar dan.
1. Sialhawk.
Tharzat 14000 qtls. Sum lakluh zat Rs 160 lakhs.
2. New Chalrang.
Thar zat 2100 qtls. Sum hmun Rs 30 lakhs.
3. Khawhai
Thar zat 1200 qtls. Sum hmuh Rs 12 lakhs.
4.Chalrang
Thar zat 950 qtls. Sum hmuh Rs 9.5 lakhs.
5.Tlangpui
Thar zat Rs 610 qtls. Sum hmuh 6.1 lakhs.
6. Vangtlang
Thar zat 600 qtls. Sum hmuh Rs 6 lakhs.
7. Tlangmawi
Thar zat 230 qtls. Sum hmuh Rs 2.3 lakhs.
Final Abstract:
Thar zawng zawng zat 19690 qtls.
Sum lakluh zawng zawng Rs 225.9 lakhs.
Kumin 2023 hian la hralh mek zel a ni.
Sialhawk hi nikumah hralh theih loh vanga a ṭawih nasat laiin MIFCO in sawr turin kg @ Rs 13/- in tlem a zawng a laksak ve.
Kuminah MIFCO-in a pum te deuh leh nisa em kg@ Rs 5/- in tlem a la a, hralh theih loh vanga harsatna zual sut kian nan MIFCO-in kg@ Rs 10/- (a bain) tlem a lei sak ve leh bawk. Nikum aiin kuminah a tlawm zawk.
Tuichangral lakhuihtheite hi sum chang loin a ṭawih riral nasa hman ṭhin hle.
171 - 6
Kuthnathawktute tan kàwl a eng tan a: Pineapple Processing Plant lungphúm phúm a ni dawn ta...
Sialhawkah hian chhungkua 514 kan awm a. Chung zinga chhungkaw 250 te chu Lakhuihthei huan nei kan ni.
Tun dinhmuna kan khawtlang leh kan ram mamawh ber chu kan thlai thar man màn zawk leh hlawk zawka hralh theih a ni. Chumi atan chuan Agro-Industry (Food Processing Industry) din kan mamawh hle a. Kan khawtlangin Lakhuihthei sawngbawlna khawl lian kan nei tur hi a lawmawm takzet a, kuthnathawktute tan kawl a eng zel e.
283 - 18
SIALHAWK LAKHUIHTHEI A THAR LEH TAN TA
Mizorama lakhuihthei thar chhuak tam ber Sialhawk chuan kumin 2023 atan lakhuihthei kan thar chhuak leh ṭan ta.
Nikum 2022 khan quintal 14000 zet tharin, kan sawrkar puihnain India ram pawn lam - Dubai, Doha leh Bahrain-ah te quintal 10 kan thawn chhuak a. Assam state ah quintal 1000 zet kan hralh bawk.
India ram pawn lama thawn chhuah kha a beitham hle a, ngai nêptu leh sawiseltu pawh an awm ve nual. Amaherawhchu, Mizoramin bung thar kan kai vena atana Sialhawk lakhuihthei kan han thawn chhuak khan Sialhawk lakhuihthei chu nasa takin a tilar ta a. Chu a hming larna chuan local market-ah pawh nasa takin ngaihven kan hlawh phah a. Kan thawn chhuah hma aia nasa takin kan hralh theih phah a ni.
Pathian zarah tluang têa kan seng chuan kumin a fûr rah hi quintal 20000 vel thar chhuah kan inbeisei a. Kum dang ang bawkin Mizoram market-ah chuan kan hralh zo seng lo leh ngei ang a, kan buai leh hle ngei ang.
Kuthnathawktuten kan thawhrimna phû tawk hlawkna kan hmuh ve theih nan, UAIIN (wine) a siam phalna sawrkara kan dil mek hi min tihhlawhtlinsak ngei a ṭul takzet a ni.
# Pineapple Wine-ah siam ta ila:
81kg/ ₹10-in kan hralh ṭhin a
Chawhualin lakhuihthei hi pum khat 1.300kg (₹13/- man) a ni.
Lakhuihthei pum khat aṭangin wine bottle khat (750ml)a siam chhuah theih a
Wine bottle khat chu ₹300/- man ni ta se
Wine bottle khat siam chhuak turin a bottle man leh a siamna senso atan ₹150/- hmang ta ila
Wine bottle khat ah ₹137/- kan la hlawh thei ang.
Chuti a nih chuan, lakhuihthei pum khat (₹13/-) man aṭanga ₹137/- kan hlawh theih chuan Lakhuihthei pum khat/kg khat man chu a chhe berah ₹50/- talah a kai sang thei tawh ang
Hei bakah hian Lakhuihthei hmel hem (sa te ei hêk, sava chuk pem, nisa em uh etc.) avanga hralh theih loh kum tina quintal sang tel ral ṭhin hi a awm tawh lovang.
# Lakhuihthei wine siam chhuakin kg khat ₹50/- in hralh ve thei ta ila:
Tuna kan hralh danah chuan quintal 100 tharin kum khatah ₹100,000/- vel chiah a lei chhuak thei a.
Wine a chantir chu nise quintal 100 thar chuan kum khatah ₹500,000/- a thar ve tawh ang.
# Pineapple Wine hralhna tur lam:
Pineapple Wine hi siam chhuak ta ila, Mizoram chhunga hralh phal lo pawh nise, India ram state danga thawn chhuah pawh a huphurhawm loh hle a. India ram khawpui ṭhenkhatah Sialhawk/Mizoram Pineapple Wine stall kan siam ang a, kan thar chhuah ang chu kan hralh zo vek zel ngei ang.
- J Rampanmawia
354 - 5
Sialhawk leh a chhehvel khuate Lakhuihthei hralhna lam.
Kumin July thla tawp lam aṭangin Sialhawkin lakhuihthei quintal Singhnih vel a thar ṭan leh dawn a. Khawhai, Chalrang te leh khaw hran hranin an thar leh nual dawn ta bawk a.
Mizoram leh kut hnathawktute hmangaih lo chuan kan thlai tharte hralhna ṭha nei lo mah ila; Party in sawi chhiat nana hmang ṭangkai tumin thinlung takin pawi an tih pui lo ang.
Eng Party pawh sawrkar se, Mizoram leh kut hnathawktu hmangaihtu chuan thlai thar hralhna tur a ngaihtuah pui ang a. Chu sawrkar chu mipui fak leh duh niin, inthlan awm leh zel turah pawh a tan campaign a nuamin, a sawrkar leh ṭhin ang.
RAWTNA
1. State danga hralh:v Mi pakhatin lakhuihthei a zuar a, chu a lakhuihthei zawrh chu an chhungkuaa an ei zawh zel chuan hlawkna a nei ngai lo ang. Chutiang bawkin Mizorama kan lakhuihthei tharte Mizo mipuiin kan ei zawh leh vek chuan hlawkna kan nei lo ang. Kan Mizoram State pawnah a tam thei ang ber kan thawn chhuah chuan, Mizoram budget pawn aṭangin kan hralhna ang ang sum rawn lut kha kan hlep a ni.
Zu bottle-ah Not for sale in Assam tih ziak a nih chuan, chu zu chu Assam state in hlawkna uma state danga hralh atan a siam a ni a.
Kan lakhuihthei hi sawrkar in chawi belhin State pawnah hralh pawh ni se, a hralhna sum Mizorama rawn lut zawng zawng kha 100% hlep a nih vangin Sawrkarin sum a hloh tam thei lo.
2. State danga hralhna tur ngaihtuahin sawrkarin a hmangchang hria Dept mi tir se. Mizoram House kan neihna hmuna Residential Commissioner ten an awmna ṭheuhah hralhna tur zawn bawk ni se.
3. A phurhna tur Vairengte-ah State pawn aṭanga motor rawn lut tur chhin chhiah vek a ni a. Truck Terminalah pawh Police ten kal chilh theih a ni bawk a.Sialhawk leh a chhehvel khaw hnaiha (Champhai lama kal leh Serchhip paltlanga) bungraw dah tura State pawn aṭanga motor rawn lutte hnenah lakhuihthei back load tura ngen ni se. Sumdawng an nih ve tho vangin an duh ngei ang a. Back load duh lo an awm a nih chuan sawrkarin requisite (nawr lui) se. Engkim phone hmanga inbiak zung zung theih a nih tawh vangin kal leh phurh dan turah engmah a harsa tawh si lova.
Kut hnathawktute hi an hahin an buai ve em a, ching bawka, a hmun sam bawka, lawh bawka, zawrh bawk hi an hman loin, an thlai tharte rate ṭha zawka hralh hi an chak ve em em a ni.
-Lalsawmvela
172 - 7
SIALHAWK KHUA KAN LAWM E:
Aizawl aṭang a km 200 chuang a hla thingtlang kilkhawr atanga kan kuthnathawh te kalsanin, kan football khel thiam neih te lokal ve in,Pathian malsawmna in Kan phuloh mipui engemaw zat te duhsakna te kan dawng a Team langsar pawl kan lo ni ve reng ta mai a...
Football kan thiam leh kan skill san em vang ni hauh lova football kan ngaihhlut em vanga kan nih ang anga Mizo local Football Tournament ti hlawhtling tura rawn penchhuak ve tawp kan ni a.Kan thlen chinah hian kan lung a awi em em ani...
Thiamna leh theihna kawng hrang hranga kan tlukloh, veng lungrual em em Bethlehem vengthlang chu kan hneh zo ta lo ani a. Anni hi Champion ngei tur pawhin duhsakna sangber kan hlan mawlh mawlh e.
Min ṭantu tamtak ten min duhsak ve em avangin Social media ah kan thlavang te min hauhsak ve na lamah mi thin lo tihnat palh tepawh anlo nei anih chuan ngaihdam kan dil sakin kan khaw mi leh sa te phei chu tawng fimkhur tur leh over lo turin kan infuih ve nasa ani tih erawh minlo hriatsak kan duh e.
Tun tournament kan han mangtha mai tur erawh kan ui in kan lung ava leng lawkin kan va la khamlo si em.Tun tournament hi tluang takin kal zel se tih hi kan duhthusam ani e.Pathian zarah kan dam anga Mizo local Football Tournament hlawhtlin nana far khat tal ni leh turin kan theihtawp kan rawn chhuah zel ang.
Sialhawk min ṭan a min duh sak tute zawng zawng chung ah thinlung tak in Sialhawk khua mipui te chuan lawmthu kan sawi mawlh mawlh ani e.
931 - 30
Vawiin ni 2 june 2023 hian naktuk a Sialhawk leh Bethlehem vt inkhelhna a Sialhawk fans te flag Dur vai tur siam in palyers te leh Sialhawk khawchhuak welfare te hnatlan a ni a, mimal a flag siam tam ber Patea Lawmman pek ani...
852 - 54
FOOTBALL GAME ROPUI KAN HMU
(Min kat tumtute kan kat e)
A ruk tak chuan nikum kan hneh dan te baka tun țuma an khelh tawh dan thlirin Ramhlun North hi kan huphurh ru. Hlauthawng takin mipui kan awm; mahse, player-te leh coaching staff-te an hlauthawng ve lo tih fixture an hriat zan leh vawiin inkhelah khan kan hmu. Zoram mipui mit an va titlai tehreng em!
⚽ Min KAT ta em? ⚽
Khelh hma ațangin social media platform page lian hrang hrangah an thiampuipain kan lama goal thun țeuha, min kat chauh a tum thu kan hmu. *Mahse, vawiinah Muallungthuah kan kat zawk!
Kan vanneih vanga Inter Village-ah pawh thleng sang, kan game play a hlui tawh titute chhanna chu vawiinah kan hmu e. Tun tournament-a game mawi ber pawl kan pal pherh. Kan fit a, kan kat kual a. Hun tawp dawnah chakna goal khung loin extra time khel ngat ila chuan kha ai khan si an phur hnem zawk ngei ang.
⚽ Danmawia tak tak kan hmu ta ⚽
Game hmasa pahniha mipuite beisei pha lo khan vawiin chu *Danmawia* a nihzia goal class lutuk hmangin a rawn pho lang a. A tawp thlengin ropui takin a khel.
A bul țan phat ațangin min rawn nawr nghal. Hlauhthawn ruk ang ngei a ni dâwn e kan ti rilru. Mahse, kan player-te fighting spirit pui lutuk kan hmu chhunzawm a. Khawi kipa pawh game kan thunun chho hret hret. Midfield ațanga ball inpek kual mawi tak chuan a tawpah Captain ke a thleng. Box pawn ațangin, Sialhawk țawng takin rura takin a pet goal, bengchhengsa tawh fan-te bengchhenzia kha! Sikhat neiin first half a zo.
Second half-ah pawh game a danglam lutuk lo. Ramhlun lam an rawn hlauhawm zeuh zeuh. A tawpah Zuangtui 16-0 ngawta hneh thei chuan an rawn sut ve ta nge nge. Mahse, rei loteah *Vanlalduata* hmangin hma kan hruai nawn leh. Hun pawh a tam tawh lo, kan defender lam an lo foul hlauh, penalty hmangin an rawn sut leh. Mahse, kan player leh fans te an down duh miah lo. Kan nawr na tual tual, hun pek belh, hun tawp dawn hnaih teah *Lalfamkima* chuan chakna goal a khung. *He thu ziaktu hian a rukin ka mit tui ka hru!* Rei loteah hun tawp hamrik a ri; penalty ni lo, 3 - 2 ngatin Muallungthu lamah kan dur leh e.
⚽ Kan nawt reh ta ⚽
Sawi leh țhin ang — vanneih vangin Inter Village football-ah final an thleng, hit and run game hi a hmanlai, Ramhlun North pawh vanneih vangin penalty-ah an hneh hram — tih vel chu vawiin khan nawh rehin a awm ta. Hit and run chauh kan thiam lo, game class taka min sawp tumtute kha game class tak kan lo hmuh tir a. Sialhawkah lakhuihthei, serthlum leh sawhthing chauh ni lo, football player țha tak tak an tam tih Zoram mipuite kan hmuhtir e.
⚽ Fak hmaih loh turte ⚽
Kan coach Sir Chawnga a fakawm, a tawp thleng maia kan player-te fighting spirit kha in hmu ang, kha rilru paukhauh tak an thluaka thuntu chu kan coach hi a ni. Chawimawi a phu e.
Kan tlar hnung phui țha tak te, midfield leh winger, striker thlenga ropui taka khel te kha, in lo hmuh ve kha, a mal mala fak ka châk, hmunin a daih si lo. Keeper Ratea pawh kan game hmasa ai khan a hahdam; an chance neih chhun an hmang țangkai mai pawh a.
⚽⚽⚽⚽⚽⚽⚽⚽
Note: Min ngenna avângin tihian ka en china ka thiam ang angin ka rawn ziak ve țhin a. Fak awm tak fak loh palh te pawh ka nei țhin ang, football expert ka ni lo a; sport writer lah ka ni hek lo. Fuh lo palh a awm pawhin min lo chhiar liamsak mai teh u. Tin, a chhinchhiahna tur note leh pen hi ka inchhawp ve ziah; mahse, ka țang lutuk țhin hi a pet goal-tu pawh hi ka lo hre leh tawh țhin lo. Player zinga mite zawt chawpin tihian ka rawn thai rang ve țhin a ni.
Sanga Ralte @R Lalhmunsanga
543 - 53
Thingtlang tlangval, sawhthing cho zo hlim hlawl. Lakhuihthei huan sam hmabak mek kan ni a. Aizawlah mi motor leh Oil dahna hmuna riak khawmin Sialhawk tlangval rualten kan hmangaih FOOTBALL chawi nung thar zel turin theih tawp kan rawn chhuah leh e.
Thiamna sang tak kan nei lova, mi aia chungnunna kan nei hran lo. Hei erawh kan hria - Kan theihna zawng zawngin kan khel leh ang a, a bak chu Pathian kutah a awm. Kan dilna te min chhang ṭhintu Pathian chuan a hun takah min ṭanpui leh ngei kan ring tlat a ni.
Mizoram mipui zawng zawngte min lo ṭan leh ṭheuh turin kan sawm a che u.
- Rintea Pa Renthlei
673 - 33
Kan thiamna, theihna te hmachhuan dawn ila hmachhuan tur nei lo ber kan ni ang. Miten veng dang leh khaw dang ațangin champion-pui ngei tumin player țha an lo la khawm a ni maithei; keini chu Pathian bak belhtu kan nei ve lo. Chuvangin, theihna leh thiamna min pek erawh amahoa lan chhuahtir turin theihpatâwp kan chhuah thung ang.
Ramhlun North te hi nikum Inter Village-a zahawm tâka kan chakna min lawmpuitute kha an ni. Zah tak chungin hneh ngei kan tum ang.
Ka țhiante zawng zawng, naktuk kan inkhelh turah țawngțaina nena min support țheuh turin ka sawm a che u.
773 - 35
LEISEKAWT youtube channel hi, vedio pawimawh chi hrang hrang hmun tin aṭang a kan en tlan theih nan a siam ani e..