Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
طيب ابتداءً من شهر 11 هوقف عمل فيديوهات مؤقتاً علشان أعرف أركز على حاجات مهمة في حياتي الشخصية أهم من القناة وأطور حاجات ومهارات معينة.
متقلقوش مش هوقف لفترة طويلة زي ما كنت بعمل في الدراسة قبل ما أتخرج، بس المقصود هنا هو إني هقلل عمل الفيديوهات عن المعتاد وهنشر فيديوهات من وقت للتاني على حسب وقت فراغي يمكن فيديو أو فيديوهين في الشهر أو أكتفي بفيديوهات قصيرة، بس إني أرجع أنشر فيديوهات تاني زي الأول دا هياخد على الأقل سنة من دلوقتي والله أعلم محدش عارف.
على العموم متقلقوش دا بس علشان أركز على حاجات مهمة كنت بأجلها لفترات طويلة، وبعد كدا بإذن الله هرجع أنشر تاني زي الأول بمواضيع وفيديوهات قوية كالمعتاد 😌
كان معاكم أخوكم محمد بهاء ✌✨
4 - 2
يعني الواحد يتعب في عمل فيديو ويتعب كمان في إنه يلاقي فكرة زي دي وغير دا كله، معظم الأجانب عاملين مقالات عن إزاي فكرة زي دي تتعمل، يقوم واحد ناططلي في الكومنتات ويقول كلام زي دا بجد أنا مش فاهم ازاي بيجيلي ناس من النوعية دي؟ 😂😂😂
يعني أنا بعمل مواضيع مميزة وحصرية علشان المحتوى العربي يتفوق على المحتوى الأجنبي وفي الآخر محدش يشكر فيا وتجيلي والتعليقات الي زي دي هي بس الي بتجيلي من ناس تفكيرها ضيق 🤣💔
هو متعبش نفسه في إنه يقرأ الوصف الي أنا كاتبه والي أنا عارف إن فيه ناس شبهه كدا مش هتقرأه، بس أنا هنا عامله مش مجرد شكل للوصف أنه يكون جامد وبيان إن قناتي كبيرة، لا أنا كاتب في الوصف تحذير وإن كل الي بعمله لأغراض تعليمية لا غير، وأنا مش بنشر حاجات غير قانونية على القناة زي الكـر.اك والبرامج المـ.ـعـد.لة 😏
عموما يا ريت نفكر شويا قبل ما نكتب تعليق ومنقعدش نتفزلك على الفاضي، لإن بجد الواحد تعب إنه يحاول يعلم والي قدامه جاهل لأبعد الحدود وإنه عاوز ينتقد وخلاص، كل واحد مسؤول عن تعليقه ‼️
7 - 5
فيه برنامج جديد ظهر مؤخراً بديل لمحاكي QEMU إسمه Nexa VM 🆕
دا برنامج مبني على محاكي QEMU ووظيفته إنه يشغل ويثبت الأنظمة بشكل وهمي ويقدر يحاكي كذا معمارية.
المحاكي عامل زي ما يكون UTM بس للويندوز، وهيكون متاح للويندوز بس.
الي عمل المحاكي دا واحد مصري إسمه Ahmed Barakat هو وفريقه.
البرنامج تجريبي ودي نظرة سريعة عنه، ولسا هعمل فيديو فيه تفاصيل أكتر عن البرنامج دا قريباً 🔥
5 - 1
كل عام وإنتم بخير بمناسبة عيد الأضحى المبارك 🐐🐏🐄🐫
4 - 0
واااااااااا رجعتلكم تاني أخيراً!
الحمد لله خلصت دراسة وبكدا أكون خلصت مسيرتي في الخمس سنين جامعة ورجعت لكم من جديد علشان أعملكم أحلى فيديوهات هتشوفوها 🥳
وبنائاً على الاستطلاع الي عملته، معظم الفيديوهات الي هتتعمل هتكون أندرويد!
هتكون من نوع عمل روت وايه افضل الاضافات وازاي نفتح بوت لودر ايه احسن روم معدل والخ.. وحاجات كتييييييرة جداً ✨
تاني حاجة كنت عاوز أتكلم عنها هو إني كنت شغال على حاجة كبيرة من فترة معينة وهي تعريب البرامج والتطبيقات، ايوا زي ما قريتم كدا❗
أنا بعرف أعرب برامج وتطبيقات لجميع أنظمة التغشيل سواء ويندوز، أندرويد، لينكس، iOS، ماك وأنظمة تشغيل نفسها كمان (توزيعات لينكس) وعندي قناة على التيليجرام للموضوع دا.
كان هدفي من الموضوع هو نشر اللغة العربية وتسهيل استخدام البرامج والتطبيقات للناس بالذات الي على قدهم في اللغة الإنجليزية.
فا الي عاوز يشوف البرامج الي عربتها أو يساهم في التعريب أو على الأقل يجرب التعريب عامل ازاي ينضم للقناة دي.
t.me/ArabicMasters
#صيف_الحصريات
8 - 2
أهلاً بيكم في قناتي، أنا أخوكم محمد بهاء وأنا شخص مهتم بكل ما هو جديد في المجال التقني وكل يوم بكتشف وبتعلم حاجات جديدة، وقناتي متخصصة في السوفتوير وموجهة لحل المشاكل الشائعة في جميع أنظمة التشغيل زي iPadOS ،iOS ،macOS ،Android ،Linux ،Windows وغيره...
القناة فيها مواضيع مميزة وكمان حصرية مش هتلاقوها في أي مكان تاني. لو عجبتكم فيديوهاتي متنسوش تعملولها لايك وتشتركوا في القناة وتفعلوا رمز الجرس علشان يوصلكم كل جديد ومتنسوش تسيبوا آرائكم الكومنتات ومتنسوش تتابعوا حساباتي على وسائل التواصل الاجتماعي.
1 مشترك (تم بحمد الله) ✔️
10 مشترك (تم بحمد الله) ✔️
100 مشترك (تم بحمد الله) ✔️
1000 مشترك (تم بحمد الله) ✔️
10000 مشترك (بإذن الله ويتم التنفيذ) 🚧
100000 مشترك (بإذن الله) 🚧
1000000 مشترك (بإذن الله) 🚧
10000000+ مشترك (بإذن الله) 🚧