Ruhani məkana xoş gəlmisiniz! Bu kanalda siz "Həyatverici Lütf" kilsəsinin fəaliyyəti ilə bağlı video parçalara baxa bilərsiniz. Niyə görə ruhani məkan? Çünki biz inanırıq ki, Müqəddəs Kitaba əsasən hər insanın ruhu var və Allahın istəyi odur ki, hər bir insanda ruhani dirçəliş baş versin Yəhya 3:5 "Doğrusunu, doğrusunu sənə deyirəm: bir kəs sudan və Ruhdan doğulmasa, Allahın Padşahlığına daxil ola bilməz." Kilsəmizin fəaliyyəti də ruhani dirçəliş və ruhən böyüməyimizə xidmət etmək üçündür. Bəzən insanlar "kilsə" sözünü səhv anlayırlar. Kilsə sözü yunan dilndə "ekklesiya" sözündən əmələ gəlib və mənası da sadə sözlərlə desək "kənardan içəriyə dəvət olunanlar" deməkdir. Tanrı hər birimizi bu qaranlıq dünyadan çağırır ki, Onun nuru ətrafında və işində yığışıb ruhən dirçələk. Yəhya 8:12-də deyilir ki, İsa Məsih dünyanın Nurudur. Onun ardınca gələn heç vaxt qaranlıqda gəzməyəcək, həyat nuruna malik olacaq. Bir daha ruhani məkana xöş gəlmisiniz!