Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
ما بين التأجيل والصبر
يعتقد الكثير من البشر ان التأجيل بصفة عامة هو عدم قدرة علي اتخاذ القرارات، وان هذا التأخير يكلف صاحبة فرصة كان من الممكن ان ينتهزها.
وعلي عكس ما هو ظاهر، يتحلي الأشخاص المسئولين عن نتاج افعالهم بالصبر، مع الكثير من الصلاة وطلب ارشاد الله، لفعل الأمر الصحيح لكل الأطراف بالوقت.
فيا ليت لنا الحكمة لاتخاذ القرارات الصحيحة،
والصبر لاتخاذها بالوقت الصحيح،
والشجاعة لتحمل النتائج.
#مينا_العقدة
١ اغسطس ٢٠١٩
0 - 0
شهر رمضان ... من أكتر الاوقات المحببة الي قلب كل كائن مصري،
بالاخص اللي ساكن او كان ساكن في حي شعبي بسيط،
وبالاخص كمان بقا للناس اللي اتربت وترعرعت في الشوارع الجانبية والحارات اللي سهل يتعلق فيها زينة ومكنش فيها عربيات كتير ماشية، كان الواحد يبقي سامع صوت التتر بتاع المسلسل الفلاني فا تحول للقناة علشان تلحق تتفرج، وننده علي بعض علشان ننزل ولا نطلع نأخد حلة ولا طبق الاكل ده ... اللي طبعاً كان ريقنا بيسيل عليه من ريحته اللي واصلة من المنور.
ولا الشوارع الرئيسية اللي كانت تبقي منورة بالفراشة بتاعت المحلات اللي بتبيع فوانيس رمضان النحاسي والازاز الملون بتاعها ... قبل غزو الفوانيس الصيني، وريحة الكنافة الطازة والقطايف اللي كنا ناخد واحدة ناية نأكلها وأحنا عارفين ومتأكدين انها هاتوجع بطننا بس أهي طفاسة والسلام.
لعب الكورة في كل الاوقات ...
قبل المدفع ... علشان نضيع وقت
وبعد المدفع ... علشان نكمل الفورة وعلشان نهضم برده
واكيد بقا قبل الفجر ... علشان نفضل صاحيين
مش عارف كنّا بنذاكر امتي بجد...
رمضان مليان ذكريات جميلة وحقيقية لكل واحد وواحدة فينا ...
ربنا يديم الذكريات الحلوة دي في أذهاننا، ويخلي اللي موجود بصحة وعافية ويرحم اللي مش موجود ...
كل سنة وانتم طيبين :)
#رمضان_كريم
#مينا_العقدة
2 - 2
طيب الموضوع بكل بساطة
إيلون ماسك ... قرر يحول فيلم الليمبي 8 جيجة لحقيقة وواقع بجد 😰
أزاي بقا ؟؟؟؟
من حوال 14 ساعة كده يعني الساعة 1:00 الفجر بتوقيت القاهرة يوم 29/8/2020
الباشا طلع وقال انهم الحمد لله :D :D عملوا بتاعة كده اسمها LINK واللي موجودة حالياً اصصدار 0.9
طيب البتاعة دي (كتّر خيرة) هاتكون عاملة زي العملة المعدنية 8 ملي * 23 ملي علشان لما تتحط في الدماغ متكونش باينة
وعلشان تتطمنوا ... انسان الي هو اللي هايحطها مش بني ادم
علشان نسبة الاخطاء تكاد تكون معدومة
بتعمل ايه بقا ...
- هاتبين وهاتقيس كل قياساتك البيلوجية + الدماغية
- هاتعالج مشاكل البصر والسمع وحبة حاجات في العمود الفقري والحبل الشوكي
- هاتقدر تتواصل بيها مع عربيتك (لو تسلا طبعاً) ومع موبيلك ومع بيتك الذكي
- في القريب العاجل ... لما تعمل update يعني :D :D هاتقدر تلغي الالم وبعض الذكريات والمشاعر وتقدر تبرمج دماغك (طبعاً في موافقات علي الكلام ده)
انا اتفرجت علي معظم الفيديو
https://youtu.be/DVvmgjBL74w
بس لسة مش مصدق والنعمة
يلا الف يا رجالة علي الـ LINK والله يرحم البشرية
اه نسيت حاجة مهمة ... بتتشحن وايرلس الحمد لله ... يعني بليل وانت نايم كده حط الشاحن تحت المخدة ... هاتقوم زي الفل
#مينا_العقدة
2 - 0
مستنيكم انهاردة الساعة ١١:٠٠ مساءا بتوقيت القاهرة
0 - 0
اولا حابب اقول الف مبروك لكل الناي اللي اتخرجت ...
وبما ان احنا داخلين علي موسم الـ interviews فا كان لازم نقول حبه نصائح كده .. علشان بأذن الله تتقبل / تتقبلي في الشغلانه اللي انت مقدم عليها.
هانبتدي بالـ Phone Interview
1- خليك متاح دايماً
من اول ما ابتديت تبعت الـ CV بتاعتك .. وحضرتك حاطط رقم تليفونك .. فا من فضلك خلي دايماً التليفون جانبك ... علشان غالباً الـ recruiter بيكون معاه كمية CVs كتير اوي وبيكلم معظمهم مرة واحدة (يبقي أول حاجة .. رد علي التليفون وخليك دايماً متاح)
2- خليك Formal وأنت بترد
تخيل (ألو) بتاعتك بتفرق .. بلاش والنبي تحسسني أني دخلت عليك وانت نايم .. أو أنك من الصعيد الجواني ... خليك في الوقت ده من حياتك دايماً محترم في التليفون معلش. خليك Formal شوية... أستخدم كلمة (حضرتك – ايوه يا فندم – أتشرف مين معايا – معلش بعتذر لك مش سامع كويس - ... ) الجو ده يعني
• معلش هتلاقي مجموعة من أصحابك بيشتغلوك علي الحوار ده .. عادي عادي معلش لما هاتشتغل انت الاول أبقي أشتغلهم براحتك بقا.
3- جاوب علي الاسئلة بطبيعتك
ممكن يكون فيphone interview صغنن كده في التليفون عادي خليك علي طبيعتك .. غالباً ده بيكون علشان نعرف درجة اللغة عندك .. او نعرف حاجات مش مكتوبة في الـ CV. أو بنعمل Filter للناس بنشوف مين فيهم أحسن من مين
(خليك علي طبيعتك في الـ phone interview )
• عرف نفسك عادي (متتكسفش لو راكب مواصلات أنك تتكلم أنجليزي .. عادي والنعمة)
• انت لسة متخرج (فا اكيد مفيش خبرات .. دي حاجة طبيعية) لو في خبرات ده حاجة ممتازة.
• ممكن يسألوك علي الوظيفة اللي انت مقدم عليها ... حاول تكون عندك ذاكرة حديدية وتفتكر أنت مقدم علي أيه ولا أيه.
(هانتكلم عن أسئلة الـinterview لوحدها)
4- بيجي بقا للمهم (تحديد الميعاد)
الحمد لله .. نحدد الميعاد بقا.. قبلها من فضلك أسأل.. من حقك أنك انت كمان تسأل علي فكرة
• أسم الشركة لو مأخدتش بالك منه في الاول (علشان تعرف برده حبه معلومات عنها قبل ما تروح الـ interview)
• الوظيفة أيه (لو اللي بيكلمك مقالش في الاول)
• نوع اللبس اللي هاتيجي بيهformal يعني بدلة كاملة بالـ tie مقفولة حضرتك أو ممكن يقولك Semi-Formal أو Classic ده معناه بنطلون جبردين وقماش وقميص (ممنوع هنا الجينز خالص) لو بقا قالك Casual من فضلك برده روح بقميص بلاش T-shirt أفضل يعني .. بس في الحالة دي بس ممكن تروح بجينز عادي.
• المكان بالظبط فين ولو في اي علامات مميزة.
• في رقم تليفون حد علشان لو تهت ولا حصل حاجة وتأخرت (أوعي تقول كده طبعاً بس خد رقم التليفون علشان لو لا قدر الله حصل حاجة)
• أسأل هل في أي اختبارات أو English Test
• هل أطبع الـ CV بتاعتي وانا جاي !
• وطبعاً متنساش تعرف أسم اللي هاتقابلة أيه
• وطبعاً كل ده لازم حضرتك يكون معاك ورقة وقلم علشان تكتبه
(علي فكرة المفروض اللي بيكلمك أصلا يقولك الكلام ده .. بس نقول ايه بقا .. معلش نستحمل بعض)
الميعاد نفسة لو مش مناسبك .. مثلا بدري اوي وانت ساكن بعيد جداً .. معلش تعالي علي نفسك واقبل الميعاد .. بس لو هاتكون مسافر أعتذر عن الميعاد (بعتذر لحضرتك بس للاسف انا هاكون مسافر الفترة دي وهارجع يوم كذا )
5- لازم تكون سامع كويس
طيب كنت في المترو او في المواصلات (وبجد مش سامع حاجة) .. حاول تعتذر بأسلوب لبق مع ذكر السبب أنك مش سامع كويس .. وممكن تطلب أنهم يكلموك بعد 10 دقائق تكون نزلت من المواصلات .. أو انك انت اللي تكلمهم (وتكلمهم فعلاً)
6- أعرف أسم اللي كلمك .. واشكره
حاجة مهمة أوي وانت بتفقل الخط .. أعرف مين اللي كلمك أسمه / أسمها أيه واشكره علي المكالمة (وأكتبة برده عندك .. أحياناً بينفع)
#6_Tips_To_Pass_Phone_Interview
#HR_يعرف_ربنا
Share & Tag your friend
9 - 0
لو هاطلع لايف Live علشان نجاوب علي أسئلة المقابلات الشخصية Interview Questions (سؤال واحد في المرة) أطلع امتي ؟
10 - 6
لما تبقي منهمك في تصوير كورس جديد 🧐
وشغال زي الفل 🕺
ويطلع بتاع العيش يهدم كل احلامك 😂😂😂
يلا عييييييييييش
#بتاع_العيش
0 - 0
Mina ElOkda is an Enthusiastic person with knowledge of modern business, a team player, and a team leader, always eager for self-improvement, self-motivated, seeking knowledge in every form and shape whether on personal or professional standards.
With a 10-year background experience in Sales, business development, customer serves and finally a 4 years’ experience in the human resources and training field. Mina has come to condense and formulate all of his efforts and knowledge acquired to dedicate it to the field of empowerment and development in the form of training & applied workshops to further enhance the youth who are facing today's dynamic global race.
Being a Human Resourcing Manager has given Mina the chance to conduct sessions, workshops & seminars to over 6,000 trainees from the different walks of life & business; starting with high school students, university students, juniors, seniors, middle management and even the top management of some institutions.