Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
最近我無乜點理social media 睇返多左好多書
呢個Concept 係我睇完幾本書mix 埋自創: 成長金字搭
最高層次: The Most Important Long Term Goal and Passion
書籍: The One Thing , Grit
我的評觀點: 你一定要搵到自己最重要同熱情既事情，你先會堅持落去，如果唔識得向目標堅持，沒有可能達到Expert 既高度
第2層: Practice: Delibrate Practice and Grow Mindset
書籍: Peak(刻意練習), Mindset(成長思維)
我的評觀點: 盲目努力等於白費氣力，一定要刻意練習改善弱點，同時增強優點，每一天都刻意地進步，成長思維則令你可以相信只要刻意練習，沒有什麼是不可能，天份在刻意練習面前是不值一提的。
一個人之所以成為專家，是他有多少時間刻意練習，不再於他有多天份。
第3層: Time managemenrt:
書籍: The One Thing and Eat That Frog
我的評觀點: 當大家都明白什麼是最重要，最有熱情同時明白刻意練習的重要性，但往往唔識得安排時間比最重要的事。
人的能量是有限，我們要在最有精力的時候，做刻意練習，因為每個人可以刻意練習的時間大約為一天1-4小時(作者指大部分人只能1-2小時)
第4層: Build Good Habit and Believe Compound Effect
Compound Effect: Small change and decision toward the goal -> good habit and routine -> Consistency and Momentum-> Compound Effect->dramatic results
書籍: The Compound Effect, Atomic Habit
我的評觀點: 當你明白哂以上的道理，如何設計好的生活習慣將成為關鍵。
例如你的生活習慣應該反映你對目標的追求，例如每個職業運動員，佢地生活習慣將會同鍛鍊密切相關
當然我們沒有教練，就要識得去自己設計如何養成好習慣，去除壞習慣
把最重要做的刻意練習變成習慣，就會每日都有動能／慣性地去做
時間耐了就會產生意想不到的結果!
13 - 0
(Tape Read Secrets) Patreon 會員獨家限時分享[請在24小內看完]
https://www.youtube.com/watch?v=nN9IH...
這是7月份Monthly Live Meeting: 內容如下
你將會學到什麼?
1 手把手如何透過盤路找到轉向位
2 MRNA, ARM 的盤路例子
3 如何透過分析真實損失與預期損失，成為更好的風險管理者
4 如何區分容易的股票VS 困難的股票
5 給新手的建議: 先集中練習容易的股票
Value More Than So many 10k Course outside
Join Patreon 學更多如何成為Easy Money Trader:
www.patreon.com/MyTradingJournalHK
4 - 0
我想凝聚一班志同道合，認真看待Day Trade的人
共同向目標進發
互相扶持
Free Community !
Please Don't Self-Promote
我的刻意練習，你呢?
大家知道刻意練習是進步的關鍵嗎?
簡單說就是： 找出弱點，明確目標，設計改善方法，每次刻意練習針對問題去改善，Feedback回饋
我的弱點：Winning Trade management 好弱，經常坐唔到Trend
我的目標: 改善坐Trend 能力, 令到自己可以把握到更大走勢
改善方法: 運用2分鐘Bar 高低點作為推止賺手段
刻意練習: 每日交易開始前同自己講要專門針對呢個問題去練習，改善
Feedback: 為每日有沒有達成目標評級Ａ,B,C
如果連續30日A，我則會為下個弱點設計明確目標與改善方向
這個是我不斷解決問題和進步的方法！
我相信刻意練習可以改變命運
大家的弱點是什麼? 目標是什麼? 改善方法是什麼?
透過討論與參考別人的目標與方法，或別人的回饋，我們將會以10x 更快速地成長
Free to Join here:
www.skool.com/i-wont-give-up-before-success-2262/a…
17 - 0
我最近收到好多人講起佢地出面學，或睇書，最後炒幾年都係得個吉
令我回想起到底我幾時開始由唔賺錢，變到開始慢慢有積極變化，最後達至盈利階段
好多人(包括我)會認為/期待比錢去學出面某個老師，然後用佢個方法就會有所改善同開始盈利
要計報班，係我初初學炒股階段，我基本上都報過哂: SMB, Steven dux, Humble trader, Bearbull, Warriors trading, MMU, Trading Farmer , 香港都上過好幾個 (仲有好多唔記得既course)
我可以講係我不能夠盈利既階段，我係學完一個又一個，但都唔見有起色
無一個可以單獨令到我直接可以盈利，難道我天資低?
有好多人Value 別人既教學，或知識，技術
而我到最後發現最最最重要既係，你要有一個系統去可以幫你持續為自己檢討同反思每一個當下，從而獲得進步
呢個發現直接令到我變成穩定盈利
而呢個持續令自己進步既方法，因為佢唔係交易系統，所以大部分人都會忽視
我起個名叫: System of coaching yourself !
講左咁耐，我直入我點做啦不如：
Step 1: 像海棉一樣吸收知識
你仍然需要不斷向周圍既Trader 學習，因為有一定既知識係基本，沒有知識，基本上沒有能力去Judge 自己有無錯，更無可能諗到一個合適既改善計劃
Step 2: 找出你的交易Pattern
你要開始認真分析自己贏既Trade 同輸既Trade, 如果你trade 得夠耐，你肯定會發現贏既Trade 有某D 共同特徵, 而輸既Trade 都有共同特徵
然後就係我係Mental game of trading 書入面諗到既檢討方法(個版本同書已經唔同)
將你既行為分為A-Game, B-Game, C-Game
當你認為某D 好既交易行為，你就打入A-Game
唔好既交易行為就打入C-Game
有時仍會犯錯既就打入B-Game
當你打入C-Game 後，你要諗改善方法令到你唔好再犯C-Game, 從而令到交易行為變成A-Game
呢個方法都係黎自Mental game of Trading 過程如下:
我比一個以前我既問題同解決方法做例子:
1 仔細寫下問題:
唔夠集中望實最In play 的股票，周圍搵股票炒
2 解釋一下為什麼你認為自己有這個問題:
因為當下in play 的股票，未在重要位置或橫行，而大市行trend 的話，我會想找明確上升趨勢的股票
以為無機會所以轉走左
3 解釋一下為什麼上一步的邏輯是有問題
機會不嬲都唔係無時無刻存在，如果以為無機會就轉走左，咁無可能見到機會
就算明確上升的股票，只要唔係in play，唔代表就有機會，而且已經上升而沒有大成交的股票反而高追更危險，更容易周圍輸錢
另外，要賺大錢，一日入面只需要少數機會即可，但這些機會需要高勝算，了解股票特性下才可以玩大，因此望實一兩隻in play會更好，睇埋其他股票, 計劃就會唔夠周詳
4 想一想有什麼方法可以修正有問題的邏輯:
Check 當下股票的ROL,以及每一分鐘成交量,如果持續大成交, 則要繼續觀察等機會
5 解釋一下為什麼這個修正方式是正確:
因為一個機會已經夠
以上就係當我遇到問題，我會打入C-Game，同時認真分析自己問題成因，以及想出可行的解決方法
我遇到大大少少都有十幾個交易問題，每個都係咁樣去修正改善
以呢個為例子我既C-Game: 睇得太多股票, 玩低ROL<2的股票
而A-Game則是: 集中炒2隻最in play ROL>3的股票，堅持最in play的股票
如果當日無in play 股，則max day loss 調低
我會有一系列既A-Game，然後我每日完成交易，就會直接為個別交易行為去填評級A,B,C
如果持續係C, 代表我諗既改善方法無效，所以我會重做上面5個問題去得出新既改善計劃
如果持續30日A，代表我成功地解決左一個交易問題，然後我就會Work on 下一個交易問題
呢個方法最正既地方係，當你某一天因為重犯以前問題而輸錢時，你可以用極快既時間調整返去好既狀態
呢個亦係點解我好少連輸幾日既原因，因為呢個過程你做得夠耐，大部分既交易問題你已經面對過
亦都成功地解決過，佢地重新出現，只不過係暫時性既出現，我只要下一日重新Focus 返解決方法，我就唔會再犯
另外如果你係因為新既錯誤而輸錢，你應該感到興奮，因為你要成長，就係不斷透過改善錯誤而成長
有新錯誤代表你有進步空間
Step 3: 找出你的強行:亦是我強調自己是Layup Trader / Easy money Trader 既原因
當你有大量經驗時，最後會發現多數盈利，來自不斷重覆的少數Pattern
如果我只做這些最簡單的交易，我就會集中我自己強項，然後要做既事情就是不斷Size up
經過第二步多年既洗禮後，基本上我已經發展成為獨一無二既交易者
因為我遇到既問題，係我個人經驗與感受
而我諗出黎既解決方法，每個都測試好多次，先會解決到問題
而我既強項亦是我透過極多次交易，自己再整合而黎的Easy Money Setup
所以雖然我學SMB, Lance(仲有好多廢事打哂)，但其實我既風格從來都唔係佢地
但我絕對無後悔向佢地學習，就如同我睇mental game of trading, 我沒有應用哂成本書既知識
純粹用佢ABC Game,同5條問題, 就已經改變左我好多
每個人既教學對我既影響亦一樣，無一個可以令到我直接變成而家既我
但佢地所有既知識，幫助到我如何諗解決問題既能力
而我現在教的Easy money trade 就是經過慢長既試驗而形成的獨有炒法
我之所以可以解決到大家既問題，亦都係因為我自己遇到過，亦花好多時間解決過
成條路自己走，係好難行，因為我就係咁走過黎
如果呢個社會有人有興建Day trading, 我幫到一點點，已經對trading community 有貢獻
有SMB, Lance, 先有現在既我
同樣我都希望幫到其他為左共同志向而努力既人
Because Trading is Very Tough
31 - 3
My Best Easy Layup Setup: Bouncy Ball: 如果比我返去新手時，第一個Setup 一定學呢個 😈
www.patreon.com/posts/108408754?pr=true
6 - 0
呢個我諗係每一個Trader 新手時都一定會面對既問題
而我為左解決呢個問題亦試左好多唔同方法
現在我不能夠說完全沒有這個問題，不過我可以盡快去Realize 問題發生中，然後平服返自己
目的是快速拉回自己一把
我希望我既經驗可以幫到大家少少，不過始終每個人都不同，適合我的解決方法未必適合你
我只能夠如實講自己如何一步步走過來
在我新手時，大約2017-2018年時，我經常比呢個問題害到我要行海旁
我質疑自己係咪無做trader 既料，點解會咁無紀律
我當然就會睇好多生活／紀律既書
打算由生活開始 (真係諗太多)
當嘗試過努力後，總會不斷錯這個問題，一輸錢就會上頭，之後失控，愈輸愈多，之後就會變成失落，懷疑自己
當然7年後既今天，我已經大部分地解決左呢個問題，以下是對我有效的方法：
要解決呢個問題，可以由３方面入手：
１ 抱持正確預期：
就我而言，如果我因為輸錢而失控，我就一定抱持著錯誤的預期：例如我今天交易是要來贏錢的，唔係交易黎托呀？
NONONO !
正確預期是: 你今天交易的目的是按自己交易策略執行交易，僅此而已！
輸贏並不是你要關心的事情(我知係好違反人性，不過事實是如此)
如果你抱持這個預期，輸錢根本不會Trigger 一系列的後續反應
相反，如果你預期交易贏錢，輸錢就一定會Trigger 一系列後續反應
點解? 試想想現實生活
假如你預期所有事(特別係自己控制唔到結果既事,因為pnl 都係不可控一樣)都抱持完美主義，咩都要好結果
但你既預期同現實世界係唔Match, 現實一定唔會都跟你想的情況發生
當現實同預期唔Match 既時候，你就會跌入焦慮，一焦慮就會失控
我覺得唔同交易做例子會更易理解：
醫生做手術時，如果太擔憂自己失手，導致病人死亡或太有預期自己一定手術成功，萬一手術中間有什麼錯失，他變會好緊張
運動比賽一樣，如果你太Focus 比分，你就會失焦一樣
舞台表現者表現時也不會太過留意觀眾點解唔拍手去影響自己的Performance
所有Elite Performer 都係全神貫注於當下的表現，發揮自己現有的技術水平
交易也是一樣，我們不應該太過分關心結果，只應專注於當下是否交易正確
I'm here to execute properly, and that's it.
2 或者你沒有交易優勢策略
交易短期之內，贏輸都唔代表什麼，不過人的習慣是： 贏的時候就將功勞歸因於技術好，或守自己方法，有紀律，心態好
輸的時候就認為是:紀律問題，心態問題。如果我改善到紀律與心態，我就一定變成穩定交易者
但很可惜，大部分的問題仍然是技術問題
只是人的安慰自己的慣性，令到大家有呢種幻覺
解決方法是去重新找出自己的Easy Money Trade
然後只係Trade 最簡單的Easy money
做到穩定盈利3個月先再算
這個階段真的不建議，去看心理書或紀律等書
因為我也同樣浪費了很多時間在這
3 類似正念形式的硬拉回自己一把
假如有正確的預期，又有有優勢的策略
並不代表就解決所有問題，其實所有交易問題都不會一解決就消失不再
而是一直埋伏，等你一放鬆時出黎咬你一口
我們要做的就要不斷提高問題的意識（指一發生時，你意識到）
然後硬生生地每一次拉回自己一把
呢個過程我覺得同正念幾似，每當你思緒游走，你就重新拉回自己，再次集中
一開始需要時間，但之後耐左就不費力
我一開始試呢個方法既時候，我覺得好難，但時間過左半年，我已經好即時觀察到自己交易問題，同可以及時拉回自己
呢個技巧我沒有什麼聽人講過，不過總之對我控制自己好有效
交易結果通常就是：大贏，小贏，打和，小輸，大輸
而其中最不想見到的就是大輸，而大輸往往只會發生在自己情緒失控狀態
因此呢個技巧，可以好有效地解決大輸的問題
以上都是我個人的方法，當然我試左唔止咁少，但無效果D講黎都無意思
最後總結得出呢3個方法，係經歷左我唔少既心血而得出
希望幫到大家~
16 - 1
Thinking in bets呢本書真係寫得好好，我直頭覺得好過Trading in the zone
我嘗試一口氣總結呢本書等更多人認識
我地每一個決定，都可以想像為下注
而每個下注既當然會有結果
而我地會基於什麼下注? 當然是我們本身的信念
不過我地信念是如何形成？可以分為主觀同客觀事實
主觀意思係我地純粹直覺，主觀，所以我地因為咁而下注，可能會導致錯誤的結果
例如：賭場情況：拿，開左10鋪大，下鋪開細既機率會高左，所以下注買細啦，我唔信你11鋪大呀~
而客觀事實，即係你有根據，有經驗地建立的信念
例如：黑色暴雨，就算你而家個地方無落雨，你都會收衫，以免一陣會落雨
(上面提過: 所有行動都係下注，本書講的下注，不只是同人賭博的下注，而是所有行動都是行注，因為所有你選擇的行為，都有其機會成本
例如你用精力去收衫，萬一一陣唔落雨，你又覺得自己好傻早知唔收)
所以每個人的下注都是建基於我們本身對事物的既有信念
而既有信念不一定是正確
所以當下注後產生結果
我們便可以加以利用，重新檢視我們既有信念是否正確，如果有錯誤就更改，等下次可以再做更好的決定
不過我們分析結果時，好易犯一個錯誤：結果論
即是直接以結果好壞去評論我們下注的正確性
例如: 你玩poker 你有4條A，呢個情況下你加重注，對手可能只有0.5% 機會同花順
不過最後佢真係同花順，結果你輸左，但你的行為（加注）並沒有錯
呢一點同交易好似，因為交易贏唔代表你行為正確
交易輸亦唔代表行為錯誤
所以作者有句野叫: 別砍了決策樹
意思是即使今次發生了0.5% 的機率，你唔好忘記另外99.5% 沒有發生的機率
把目光放遠~
所以重點是我們如何透過分析結果，到底是基於運氣成份還是技術成份影響
如果上面例子純粹運氣差，可以直接忽略，繼續努力
如果是再上面例子，賭唔會連續11鋪開大，咁你就要檢討下信念(客觀機率知識)既問題
任何技術問題都代表有我們找到進步空間!
所以係好事
我地可以借此機會去改善/進步原有既錯誤信念
只要我們任何事都抱持這種態度，就可以把握每一次的學習機會
因此進步會變得神速
呢個進步心態同我如何面對交易錯誤，找進步空間的態度是一樣的
別人在為壞結果抱怨運氣差時，你正在為每次壞結果分析可能令你進步的機會
時間耐了，兩人的差距就會變得很大
不論你本身經驗如何，這樣的差距，都會比經驗不足的人後來居上
所以別以為炒股很耐，有10年經驗的人一定比2年經驗的人更強
另外本書對於如何下更好的注有些建議:(對交易好有幫助)
信念方面: 我地要了解到呢個世界是高度不確定性，而且充滿隱藏資訊
所以我地永遠唔好make 100% 或者0% 既肯定信念去下注
例如好多人下注前會講: 一定點點點
作者就係叫我地，永遠唔好講一定！
而且我地要以幾多信心% 去表達我地自己既信念
就算你好有信心都好，最多都係可以講到8成
等自己明白到其實仲有兩成機會係錯既
交易好多人會輸大錢，其實就係因為佢地本身太肯定某個想法
從而大注，亦從而之後會忽視對自己不利既訊息
(人既大腦是傾向接受岩自己心水既資訊，而忽視對自己不利既資訊)
所以先叫你唔好100% 肯定
如果你覺得70% 贏面，當不利消息出現時，你就唔會去忽視佢，從而令自己更有彈性
所以我每次交易之前，我都會講，拿呢個setup, 我覺得贏面有7成, 5成等等
另外下注時，你都要情景規劃
盡可能把未來有可能發生既事情給予機率
例如我覺得成功Breakout 有60%機會,20%假突破, 20%一直橫行唔突破
然後make 一個你認為最有勝算的下注
最後提大家: 錯唔緊要，分析錯誤，找出錯誤原因，改善原有錯誤信念，令到下一次同樣情況可以做正確決定
只要任何事都這樣做，進步便會神速
33 - 0
如果你有睇2月monthly best opp
今日出左隻90% 相似既setup
如果你有睇，你就可以Easy Layup Kill 呢隻股票
https://www.youtube.com/watch?v=WLRTR...
3 - 2
大家有試過在交易上感到一跌不振嗎？
在一開始階段，唔多唔少都會經歷第一次大敗
不過大敗這個主觀感受因人而異，如果你是剛開始，可能輸1000美金就是你的大敗
如果你是經驗/好有錢，可能輸10000美金先係你的大敗
不過我今日想講的是大敗的主觀感受，以及如何應對，因此實際數字並不重要
我第一次有呢個感受是我交易的第三年
老實說第一年公司錢，輸咗都唔會有影響
因為入場前，就已經知道贏既先係我，輸既就公司，基本上就算輸錢，都唔會有特別感覺
因為我會諗，可能會贏呢，輸左咪聽日再追囉
用人錢確實係幾好，而且會玩得好大而無壓力，對發揮自己上限潛力會有好大幫助
第二年用自己錢都係戰戰兢兢，基本上唔會打好大
第三年開始覺得自己了解玩法，在順境時會覺得好有信心
其實就係有呢個信心，先會有可能有大輸既出現
交易界有個金句：有信心，輸鑊金
賺錢就會自我法膨漲，貪婪開始佔主導，自然會想今個月賺幾多，本金有幾多，下個月賺幾多等等
呢個想法會令到自己愈玩愈大，從而達到自己幻想既高度
這個就已經有點心理學，雖然我沒有讀過心理學
不過我仆街既次數夠多，了解對其對交易既影響
只要不設實際幻想從交易中，希望達到某個目標，
如果在這個幻想中，感到達成目標的喜悅
例如賺到某個數，就夠錢買什麼等等
潛意識就會產生某種保護機制
就正如身體都有自然反應保護機制，你比人打會避開，比火燒會立即縮一樣
當你幻想通過交易感到幸福時，潛意識都會開左防禦機制，令到你見唔到一些你不想見到的事實
例如我想大賺，信心同貪婪都極點時
我從來沒有想過輸的可能性
因此玩的注碼過大
最嚴重的是，當市場出現明顯證明我錯的訊號時，我卻反應唔到
眼看股價愈走愈低，卻持續hold 住倉位
最終很短時間便輸了8萬
事後是我第一次因為交易輸錢而去行海旁
呢件事有很多事情都令我不解
因為事後回想返，市場提供如此明確信號要我清倉
已證明我是錯，為何我還要拿重倉持有？
我一直想不明，為何今次會咁笨
我開始對自己失去信心
輸錢不是最嚴重的問題
最嚴重的是，我不理解為何我會這樣便，這樣便很困擾了
這個時候便是我感受最辛酸的時候
我還有可能成為好的交易員嗎？我浪費了三年時間嗎？
連最基本的控制力也沒有嗎？我應該放棄了嗎？
這些負面感覺困擾左我一個星期
直到我看賺錢最自然不過(Trading in the zone)
解釋了我的行為 (最一開始講的：賺錢，自信，貪禁，錯誤預期，影響潛意識，最終影響交易時看資訊的能力）
簡單就是，潛意識想保護我的美好幻想，如果我接受現實資訊，再去平倉，對我是幻想的破滅，多麼痛苦
因此它會過濾對我不理的資訊，放大對我幻想有理的資訊
不過這當然是對交易有害，誰會想在資訊不完全接收的狀態下交易呀
當我了解到這個心理狀況，我立即檢查這個交易之前的任何想法與之前的成績
我發現了這個模式可以解釋到這次的行為
那麼太好了，只要我下次有任何幻想，我就立即冷靜自己，再回看這次經驗
就應該不會再發生了
然後我就好像沒有發生過似的，心理狀態立即回到正常，第二日便正正常常開始返交易
這個經歷說明，任何大既打擊，只要你找到明確原因，及解決方法，有信心不會再犯，就會得到解脫
心理壓力不再受到折磨
隨經驗累積，你會學到，每一次既打擊，其實只是市場給你的學習機會
當面對大敗時，學懂感恩市場，放過自己，不要太過苛克自己
努力想如何成為更好，有什麼需要改善，有什麼需要避免
之後我每次遇到任何問題，基本上都不會困擾我兩日
即日就可以調整，明天如常交易
給正在面對大敗中的交易者
共勉之
50 - 3
新手階段:
Equity Curve 特徵 :上下隨機波動
在這階段，主要是了解自己和了解市場遊戲規則
切記急著要賺錢，最重要是找出輸錢和贏錢的明確原因
找出可重複性的賺錢pattern，和避免連續累你輸錢的原因
是令你踏入職業階段的主要手段
小小建議：
第一步：看書增值自己
不斷看很多書( 如關鍵買賣點，The playbook, One good trade, 專業投機原理，超級績效，笑傲股市)
基本上看夠這5,6本，內容很多都開始重疊，不需要看十幾本。
上面6本是我看了幾十本之後得出的總結，不要像我一樣傻傻的看哂所有書
邊際利益在看完這6本後，便下跌得很快
不是說其他每一本是垃圾，純粹是再看多一本，額外付出的時間和邊緣利益開始不值得了
第二步：用免佣證券行落場實戰
我是建議看完書有些少的理解，先開始落場實戰，起碼這時你知道怎樣去構思一條交易，什麼是資金管理或管理倉位等知識
我的首選建議是用免佣交易，好處是免佣，壞處是執行交易會較慢(可能慢0.5秒左右)
一開始你會有N個犯錯的可能性，我隨便列幾個：
用錯Hotkey, 忘記Set stop loss 導致沒有平倉，也可能是以為自己set 了，以為平左倉但過左夜。
也可能是忘記Check Underlying bid 導致嚴重滑價
總之有N個可能性你會犯，而且大多數都可能是低級錯誤
至少在一段時間後，你發現哂這些低級錯誤後，才開始想打大注
因此免佣證券行的好處是，你可以打1股,10股,50股都是免佣
而IB 這些收佣很多都有Min charge(好似0.5定1美金一條)
同樣意味你不可能用收佣證券行打得太細，因為輸佣金min charge 都會輸死
大家不知道現在有免佣，對於新手是多幸福的一件事...
我以前要比佣，至少一開波要玩200股先等於IB min charge
要新手玩親都200股同時要犯上很多錯誤，只會看著本金慢慢流失
同時安慰自己，這是學習成本呀..值得的..值得的...媽的很痛呀...明天又要杯面了
我的想法是在學習階段，盡所能把學習成本降到最低，這樣你壓力才不至於那麼大
第三步：報課程(因人而已，不是必須)
如果你第二步已經開始賺錢，就無需要報課程
而如果你好似我一樣，自學極都賺唔到錢，就有可能付費學習了
我認為最好是經過第一步看書，自立方法，第二步去實戰驗證同時獲取經驗
先去報課程，這樣先有更大機會吸收到老師所說的道理
以我經驗，SMB 的教學伴隨左我8年既交易生捱，每一年我都有新既感受
並不是它的內容有轉變，而是我的經驗增長，才慢慢看得明SMB 所教的東西
幸好它的教學是網上，我可以不斷重複
在7年前，那時我已經在一間prop firm 炒了接近8個月，那時仍然是很難找到賺錢方法
於是我報了香港很出名的day trade 教學(不開名啦，不過係人都識）
我帶住8個月的實戰經驗去上堂，結果都是一頭霧水
上完後心諗，即是如何買入呀...
不過之後開始慢慢實戰時再睇notes，不夠兩個月後，我便由幾萬一個月，突破20萬一個月，之後60萬一個月(咁岩牛市)
說真的，我很感謝那位老師的教學
直到現在，網上仍然有很多人說他的教學是垃圾
不過現實就是這樣，學完努力過，賺不到就會認為垃圾，賺到就好感謝
很多新手交易員從不認為自己有什麼問題(就像我也懷疑過這位老師和SMB一樣)
第四步: 了解自己
之前的都是傾向了解市場遊戲規則
現在是時候了解自己！
當你掌握得愈多知識，愈多方法時，運用過這些技巧後，你就會愈清楚自己是怎樣的人
你更加傾向做Long Side 或Short Side?
更加傾向打大股或細股?
更加傾向突破或假突破或回調交易?
你可以在youtube 上找到很多成功交易員，但他們都有自己專長的領域
Warriors trading 主要做細股long side , Steven dux 主要做細股short side
Humbler trader和Bear bull Trader 則主要做大股交易
你很少可以在youtube 上面見到他們在做一些自己不壇長的事情
因此你有責任找出自己特別適應的領域，不要盲目跟隨別人
Warriors trader 既ross 講過自己每次去玩大股都會輸錢
Humbler trader 亦講過，睇返過去record ,如果唔玩細股，佢既成績將會好好多，因此選擇Focus 大股
你會用Ross 玩大股既能力去否定他嗎?
你會用Humbler trader 玩細股既能力去否定她嗎?
不會的話，就給自己多一點的可能性，不要太早否認自己，可能你只是未找到屬於自己的一片天
最後在這階段，你不需要太擔心一直輸一直輸
新手階段本金一直往下走的通常是佣金所導致
如果用免佣交易，更大的可能性是你的資金是上下波動大於一直往下走
因為如果你找到一直輸的方法，你只要加以分析，反其道而很就很快找到勝利之道，因此連續輸也不會是件容易事
其實我本身想一口氣打哂之後的階段，無諗過新手階段都變左長文
大家如果在新手階段，你們在第幾個step?
如果在看書,你們在看什麼書?
如果在實戰階段,你們在用什麼證券行?
報緊什麼課程?
共勉之
47 - 15
🌈分享日常所學到的知識