Welcoem to posts!!

Gyan Mantra
Posted 1 year ago

184 - 2

Gyan Mantra
Posted 1 year ago

ગુરુપૂર્ણિમા સ્પેશિયલ

139 - 0

Gyan Mantra
Posted 1 year ago

લેસ્ટર : તા. ૨૩-૬-૨૦૦૦

એક સમૃદ્ધ પરિવારના નવયુવાન સ્વામીશ્રીને રોલ્સરોય્‌સ કાર દ્વારા સભામાંથી ઉતારે લઈ જઈ રહ્યા હતા. કાર ચલાવતાં તેમણે બાજુમાં જ બિરાજેલા સ્વામીશ્રીને કહ્યું : 'આજે મારાં લગ્નની દસમી વર્ષગાંઠ છે.' એમ કહી તેઓએ ગાડી ચલાવતાં ચલાવતાં પગે લાગવા માટે સ્વામીશ્રીના ઘૂંટણ પર પોતાનો હાથ મૂક્યો. સ્વામીશ્રી તે જ હાથ પર પોતાનો હાથ મૂકી મિત્રતાના ભાવથી હિતવચનો ઉચ્ચારવા લાગ્યા : 'જીવનમાં ગમે તે થાય પણ પાર પાડવું. વિઘ્ન તો જીવનમાં આવે પણ ભગવાનનો આધાર રાખીને અડગ રહેવું. ભગવાનનો આશરો રાખીને ધૂન-ભજન કરીએ તો સારધાર પાર ઊતરી જઈએ. છતાંય તે કસોટી કરે. આપણી નિષ્ઠા બરાબર છે કે નહીં તે જુએ. પણ તેમાં પણ આપણે 'ભગવાન કરે છે તે બરાબર છે' એમ સમજીને પ્રાર્થના કર્યા કરીએ તો વાંધો ન આવે. ગમે તેવો બુદ્ધિશાળી ને ડાહ્યો હોય તો પણ એના જીવનમાં પ્રોબ્લેમ તો આવવાના. આપણે ભજન કરીએ તો પણ પ્રોબ્લેમ આવવાના, પણ દુનિયાના જીવને પ્રશ્નોમાં આપઘાતના વિચાર આવે પરંતુ જેને ભગવાનનો આશરો છે, તેને કાંઈ વાંધો ન આવે. જે થયું તે ભગવાનની મરજી - એમ સમજીને સ્થિરતા રાખે. વ્યવહારમાં પણ લોકો ગમે તેમ બોલે પણ સાંભળી લેવાનું. થોડા દા'ડા સહન કરવું પડે પણ તેને લઈને આપઘાતના વિચાર કરે, ભગવાને આવું કેમ કર્યું - તેમ થઈ જાય. પણ ભગવાન કરે છે તે સારા માટે જ કરે છે તેમ સમજવું. બહુ મોટાં સાહસ પણ ન કરવાં. જગતની મોટાઈની ઇચ્છા ન રાખવી. હું સૌથી પૈસાદાર થઈ જાઉં, મને સત્તા મળી જાય - એવા વિચારો કરી ઇચ્છાઓ ન વધારવી. તેમાં સમય ન બગાડવો. સમાજમાં રહીએ છીએ તો સમૂહની રીત રાખવી પણ ખૂંપી ન જવું. ધંધો બરોબર સાચવવો પણ સત્સંગેય સાચવવો. સગાં-વહાલામાં લગ્ન પ્રસંગે જવું પડે પણ પાર્ટી-બાર્ટીની વાત ન કરવી. સમય મળે ત્યારે સત્સંગનું વાંચવું, માળા કરવી...' સ્વામીશ્રીના મુખેથી અનાયાસ વહી આવેલી આ સ્નેહસરવાણીમાં સપ્તપદીના સખ્યને નિર્વિઘ્ન રાખવાનું અમૂલ્ય માર્ગદર્શન પ્રત્યેક ગૃહસ્થાશ્રમીને મળી રહે તેમ છે.

78 - 5

Gyan Mantra
Posted 1 year ago

📜 Daily Prasang 📜

પ્રગટ ગુરૂહરિ મહંતસ્વામી મહારાજ પ્રસંગમ્

પ્રશ્નઃ ૨૦૧૮ના વર્ષમાં આપ ગઢડા હતા. કાર્યક્રમોની વ્યસ્તતા હતી તેથી આપને તે દિવસે મુંડન સાથે ચેષ્ટા બોલી લેવાની સેવકોએ વિનંતી કરી, પણ આપે ન જ સ્વીકારી. અને સમય કાઢીને જ ચેષ્ટાગાન કર્યું, તો સૂતાં સૂતાં પોણા બાર વાગી ગયા! તો ચેષ્ટા બીજી કોઈ ક્રિયા સાથે બોલવી નહીં એવો આગ્રહ કેમ રાખો છો?’

સ્વામીશ્રી કહે : “પહેલેથી જ એવું છે - ચેષ્ટા વખતે – બીજું કાંઈ કરવાનું નહીં. ચેષ્ટામાં મહારાજના ગુણગાન આવે છે, એ તો ગમે છે. શ્રીજીમહારાજ પૃથ્વી પર આવીને, મનુષ્યદેહ ધરીને આવી ચેષ્ટા કરે એ તો વારંવાર આપણે યાદ કરીએ તોય ભક્તિભાવ વધે.’
સ્વામીશ્રીને તો કાંઈ જરૂર નથી છતાં કેટલો બધો ખટકો રાખે છે. એમને તો જીવી બતાવ્યું હવે આપણો વારો છે એમને રાજી કરવાનો. રખે પ્રગટ શ્રીહરિને રાજી કરવાના ન રહી જાય તો ખટકો રાખીને નિત્ય ચેષ્ટા કરીને સ્વામીશ્રીને રાજી કરીએ.

56 - 3

Gyan Mantra
Posted 1 year ago

📜 Daily Prasang 📜

પરદેશથી આવેલા કિશોરો યુ.કે.ના અંબરીષ પટેલ, જય પટેલ, દિવ્યકાન્ત તથા દર્શન આશિયર, શ્રી પટેલ, નેહલ પટેલ, નીરલ વેકરિયા, જેસલ પુરુષોત્તમ, હિતેષ દેપાલા અને કિસન પટેલ, અમેરિકાના પરાગ ચોકસી (શિકાગો) તથા કિસન પટેલ (એલ.એ.) અને દારેસલામના પવન તથા વીર પટેલને સ્વામીશ્રીના ઠાકોરજીનાં વાઘા તથા ઘરેણાં કરાવવાની ઇચ્છા હતી એ નિમિત્તે દરેક કિશોરે પાંચસો પાંચસો રૂપિયા ઉઘરાવીને અત્યારે સ્વામીશ્રીના સાન્નિધ્યમાં ઠાકોરજીને ૫૦૦૧ રૂપિયા અર્પણ કર્યા. સૌને આશીર્વાદ આપતાં કહે : 'આ રીતે તમે સેવા કરી એ તો સારું જ છે, પણ અહીં રહ્યા અને સેવા-સમાગમ તથા સત્સંગ કર્યો એ મોટામાં મોટી સેવા છે. આપણે પરદેશમાં રહીએ પણ નિયમધર્મ બરાબર સાચવવા. માબાપની બરાબર સેવા કરવી, અભ્યાસ પણ બરાબર કરવો, સત્સંગમાં આવીએ છીએ તો સત્સંગ પણ બરાબર કરવો. ધ્યાન રાખીને અભ્યાસ કરવો. જીવનમાં સત્સંગ પ્રધાન રાખવો. પાઠપૂજા નિયમધર્મ બરાબર રાખવા. સત્સંગ મોળો ન પડે એ જોવું. અને બીજાને પણ સત્સંગ કરાવવો.' આટલું કહ્યા પછી સ્વામીશ્રીએ સૌને આશીર્વાદ આપ્યા. બધા જ કિશોરો સ્વામીશ્રીની આજુબાજુ ગોઠવાઈ ગયા. એક કિશોરે ફોટો પાડ્યો.
સ્વામીશ્રી : 'આ ફોટો ક્યાં પાડ્યો ?'
'ત્યાં...' દિવ્યકાન્તે ફોટોગ્રાફર સામે નિર્દેશ કર્યો એટલે સ્વામીશ્રીએ કહ્યું 'ક્યાં ?'
'અંતરમાં.' દર્શને કહ્યું.
દિવ્યકાન્ત કહે : 'એવો ફોટો પડે કે સીધા જ અક્ષરધામના વીઝા મળી જાય.'
સ્વામીશ્રી કહે : 'મહારાજની આજ્ઞા બરાબર પાળશો એટલે ઠેઠ અક્ષરધામ સુધીના વિઝા મળી જશે.'

41 - 6

Gyan Mantra
Posted 1 year ago

આજથી પવિત્ર ચાતુર્માસ નો શુભ પ્રારંભ વિશેષ નિયમો ધારવા.
________
એમ કરતાં અષાઢસુદ દશમીની રાત્રીએ ભક્તજનોની મોટી સભામાં અમૂલ્ય સિંહાસન પર વિરાજમાન શ્રીહરિએ પોતાની આગળ બેઠેલા ભક્તજનો પ્રત્યે કહેવા લાગ્યા કે, હે ભક્તજનો ! આવતી કાલે નિયમની એકાદશી છે અને તે દિવસથી ચતુર્માસનો પ્રારંભ થાય છે. આ ચાતુર્માસમાં મારા આશ્રિત સર્વે ભક્તજનોએ પોતપોતાની શક્તિ પ્રમાણે તપશ્ચર્યા કરવી.૧૭-૧૮

ચાતુર્માસમાં અવશ્ય કરવાના તપનો ઉપદેશ :-- હે રાજન્ ! ભગવાન શ્રીહરિનાં વચનો સાંભળી ભક્તજનો કહેવા લાગ્યા કે, હે ભગવન્ ! તમે આ પૃથ્વી પર ધર્મ પ્રવર્તાવવા પધાર્યા છો. તેથી તમારા આશ્રિત અમારે કેવા પ્રકારનું તપ કરવું જોઇએ એ અમને તમે જણાવો.૧૯

ત્યારે શ્રીનારાયણમુનિ કહેવા લાગ્યા કે, હે ભક્તજનો ! ચાતુર્માસમાં અવશ્ય કરવા યોગ્ય તપ કેવા પ્રકારનું હોવું જોઇએ તે તમને કહું છું. નેત્ર આદિ પાંચ જ્ઞાનઇંદ્રિયો અને છઠ્ઠું મન તેની એકાગ્રતા કેળવવી, ભગવાન પરાયણ થવું આ સર્વોત્તમ તપ કહેલું છે.૨૦

તપનું ફળ શું છે ? :-- હે ભક્તજનો ! પોતાને ઇચ્છિત વિષય રસથી પુષ્ટ થયેલી ઇંદ્રિયોની વૃત્તિ ક્યારેય પણ શ્રીવાસુદેવ ભગવાનના સ્વરૂપમાં એકાગ્ર થઇ શક્તી નથી. તેથી પ્રથમ પંચવિષયોનો ત્યાગ કરતાં શીખવું.૨૧

હે ભક્તજનો ! પાંચ જ્ઞાનઇંદ્રિયોના વિષય સંબંધી રસોની મધ્યે આ જીહ્વા ઇંદ્રિયનો રસાસ્વાદનો વિષય રસ મુખ્ય મનાએલો છે. તેથી તપશ્ચર્યા કરતા પુરુષોએ પ્રયત્નપૂર્વક ઉપવાસ કરીને તેને જીતવો અને રસાસ્વાદ વિષય સર્વ કરતાં પ્રબળ હોવાને કારણે પૂર્વના સમસ્ત ભક્તો તથા ઋષિમુનિઓ ચાતુર્માસ પર્યંત ઉપવાસ કરતા, તેમજ અત્યારે વર્તમાનકાળે પણ કેટલાક આપણા આશ્રિતો પણ ઉપવાસ કરે છે. (તે તૃતીય પ્રકરણમાં પ્રબોધિનીના ઉત્સવ વર્ણનમાં સ્પષ્ટ કરેલ છે.).૨૨-૨૩

હે ભક્તજનો ! આ કળિકાળના સમયમાં સર્વે મનુષ્યોને ચાતુર્માસ પર્યંત ઉપવાસ કરવા અશક્ય છે. તેથી ચાતુર્માસમાં ફલાહાર કરવું, અથવા દૂધપાન કરવું, અથવા એક અન્નનું ભક્ષણ કરવું, તથા શાકનો ત્યાગ કરવો. અથવા માત્ર શાકનું જ ભોજન કરવું, અથવા કેવળ દહીં જ જમવાનો નિયમ લેવો, અથવા માત્ર તલભક્ષણ કરવા, અથવા ઘી નો ત્યાગ કરવો વગેરે સાત્વિક વ્રતોનો ચાતુર્માસ પર્યંત પાળવાનો નિયમ લેવો.૨૪-૨૫

હે ભક્તજનો ! શ્રાવણમાસમાં શાક ન ખાવું, ભાદરવા માસમાં દહીં ન લેવું, આસો મહિનામાં દૂધનો ત્યાગ કરવો અને કાર્તિક માસમાં તુવેર આદિ દ્વિદલનો ત્યાગ કરવો અને રીંગણાં, કાલિંગડાં (તરબૂચ ન સમજવું) અને મૂળા આ ત્રણનો પણ ત્યાગ કરવો. આ પ્રમાણે બ્રાહ્મણ, ક્ષત્રિય અને વૈશ્ય વર્ણના જનોએ ચાતુર્માસ પર્યંત નિયમ રાખવો.૨૬-૨૭

હે ભક્તજનો ! ચાતુર્માસ પર્યંત ધનાઢય ભક્તજનોએ પ્રતિદિન ગોદાન, સુવર્ણદાન અથવા અન્નદાન પોતાની શક્તિ પ્રમાણે જે કાંઇ થાય તે દંભ રહિત થઇને કરવું.૨૮

હે ભક્તજનો ! ચાતુર્માસમાં ધારણાપારણાવ્રત પણ શ્રેષ્ઠ કહેલું છે. આ વ્રત મહાફળને આપનારું કહેલું છે. તેથી ગૃહસ્થ તથા ત્યાગીઓએ કરવું શક્ય હોવાથી અવશ્ય કરવું. આ ધારણાપારણાવ્રત સર્વોત્તમ હોવાથી પુરુષોએ તથા સધવા, વિધવા સ્ત્રીઓએ યુવાન-અવસ્થા હોય તો વિશેષપણે અવશ્ય કરવું.૨૯-૩૦

તપ સાથે બ્રહ્મચર્યાદિ નિયમોની આવશ્યકતા :-- હે ભક્તજનો ! બ્રહ્મચર્યવ્રત આદિ નિયમો છે તે સર્વે તપના અંગભૂત છે. તેથી તે નિયમોને તો સર્વે નિયમોની સાથે અવશ્ય પાળવાં. જો બ્રહ્મચર્યાદિ વ્રતનું પાલન ન કરે ને કેવળ તપ કર્યા કરે તો તે કેવળ શરીરનો પરિશ્રમ છે, તેને વ્રતનું ફળ કાંઇ પણ મળતું નથી.૩૧

વ્રત કરનારા મનુષ્યના શરીરની સામર્થીને ધ્યાનમાં રાખીને બ્રહ્મવૈવર્ત આદિ પુરાણોમાં ચાતુર્માસમાં કરવા યોગ્ય વ્રતોના અનેક પ્રકારો બતાવ્યા છે તે વ્રતો પણ કરવાં.૩૨

હે ભક્તજનો ! સકામી કે નિષ્કામી પુરુષે ચાતુર્માસમાં કરવા યોગ્ય વ્રતનું આચરણ અવશ્ય પોતપોતાની શક્તિને અનુસારે પ્રયત્નપૂર્વક કરવું, તેમાં સકામી મનુષ્ય પોતે ઇચ્છેલા તે તે વ્રતનું ફળ અવશ્ય પામે છે. અને નિષ્કામી મનુષ્યો ઉપર ભગવાન શ્રીવાસુદેવની અવશ્ય પ્રસન્નતા થાય છે. તેમાં કોઇ જાતનો સંશય નથી.૩૩-૩૪

હે ભક્તજનો ! બ્રહ્મચર્યાદિ નિયમોની સાથે પાલન કરેલાં વ્રતોની જ્યારે સમાપ્તિ થાય ત્યારે મુરારિ ભગવાન શ્રીકૃષ્ણની અવશ્ય મહાપૂજા કરવી. તથા સાધુ બ્રાહ્મણને મિષ્ટાન્ન ભોજન જમાડી તૃપ્ત કરવા, આ પ્રમાણે કરવાથી સમગ્ર વ્રતના ફળની નિશ્ચે પૂર્ણ પ્રાપ્તિ થાય છે.૩૫ (સત્સંગિજીવન બીજું પ્રકરણ સ્વાધ્યાય ૪૧)
_________
ચાતુર્માસમાં તપના નિયમો ગ્રહણ કરવાની રીતિનું વર્ણન. ચાતુર્માસ કોરો ન જવા દેવો.

ભગવાન શ્રીનારાયણમુનિ કહે છે, હે ભક્તજનો ! ચાતુર્માસમાં અનુષ્ઠાન કરવા યોગ્ય સામાન્ય વ્રતોનું નિરૂપણ મેં તમારી આગળ કર્યું. હવે મારા આશ્રિત તમારે વિશેષપણે પાલન કરવા યોગ્ય વ્રતોનું નિરૂપણ કરું છું.૧

હે ભક્તજનો ! અષાઢસુદ એકાદશીને દિવસે શરૂ થતા ચાતુર્માસના નિયમ પ્રથમ ભગવાન શ્રીકૃષ્ણની મૂર્તિ સમક્ષ ઊભા રહીને ગ્રહણ કરવાં. અથવા પ્રાતઃકાળે પવિત્ર નદી આદિકમાં સ્નાન કરીને સ્વધર્મ પાલનમાં દૃઢ નિષ્ઠાવાળા ભગવાન શ્રીકૃષ્ણના ભક્તની આગળ ભગવાનને જ એક રાજી કરવા નિયમ ગ્રહણ કરવો.૨-૩

હે ભક્તજનો ! નિયમ ગ્રહણ કરતી વખતે આ બે મંત્રો બોલવા કે, હે દેવ ! હે કેશવ ! તમારી સાક્ષીએ આ વ્રતનો નિયમ હું ગ્રહણ કરું છું. તે વ્રત તમારી પ્રસન્નતાથી નિર્વિઘ્ને પૂર્ણ થાઓ. હે દેવ ! મેં આ વ્રત ગ્રહણ કર્યું છે તેના મધ્યે જો મારા શરીરનું અવસાન થઇ જાય તો તે વ્રત આપની પ્રસન્નતાથી પૂર્ણ થાઓ. આ પ્રમાણે વ્રતના નિયમ ગ્રહણ કરનાર મનુષ્યે ભગવાન આગળ પ્રાર્થના કરવી.૪-૫

હે ભક્તજનો ! આ પ્રમાણે શ્રીગોવિંદ ભગવાનની આગળ પ્રાર્થના કરી બહાર અને અંદર પવિત્રપણે રહી બ્રહ્મચર્યાદિ નિયમનું યથાયોગ્ય રક્ષણ કરતાં કરતાં સ્ત્રી અને પુરુષે ચાતુર્માસના વ્રતનો આરંભ કરવો.૬

સધવા સ્ત્રીએ પોતાના પતિની આજ્ઞા લઇને વ્રતનો પ્રારંભ કરવો. પરંતુ ઘરમાં કલહ કરીને સ્વતંત્રપણે વ્રતનું નિયમ લેવું નહિ. અને વિધવા સ્ત્રીઓએ પણ પોતાના પિતા, ભાઇ, પુત્ર આદિકની આજ્ઞા લઇને વ્રતનો પ્રારંભ કરવો.૭

હે ભક્તજનો ! ગૃહસ્થ અને ત્યાગીઓએ પણ પોતપોતાની યોગ્યતાને અનુસારે વ્રતને ગ્રહણ કરવું અને કાર્તિકસુદ એકાદશી સુધી નિરંતર પ્રેમથી તેનું પાલન કરવું.૮

તેમાં જો ક્યારેક મહા આપત્કાળનો સમય આવી જાય તો દેશકાળને અનુસારે પોતાની શક્તિ પ્રમાણે વર્તવું. કારણ કે, અંતર્યામી આપણા ઇષ્ટદેવ શ્રીકૃષ્ણ ભગવાન બધુ જ જાણે છે.૯

હે ભક્તજનો ! શ્રીમદ્ભાગવત પુરાણનું પ્રતિદિન શ્રવણ કરવું. તેમની કથાનું વાચન કરવું. તેમનો પાઠ કરવો, અને તે શ્રવણાદિક વ્રતની સમાપ્તિ થાય ત્યારે તે વ્રતનું અનુષ્ઠાન કરનાર વક્તાનું પોતાની શક્તિને અનુસારે ધન, વસ્ત્રાદિક અર્પણ કરીને પૂજન કરવું, તેમજ સાધુ, બ્રાહ્મણનું પણ આદરથકી પૂજન કરવું, અને તેઓને મિષ્ટાન્ન જમાડીને તૃપ્ત કરવા.૧૦-૧૧

જો કથાનું વાચન પોતે જ કરેલું હોય કે પારાયણ પાઠ પણ પોતે જ કરેલો હોય તો તે વ્રતની સમાપ્તિમાં રમાપતિ ભગવાન શ્રીનારાયણની વ્રતની સિધ્ધિને પમાડનારી મહાપૂજા કરવી અને સાધુ તથા બ્રાહ્મણોની પૂજા કરી તેને જમાડી તૃપ્ત કરવા.૧૨

હે ભક્તજનો ! શ્રવણ, કીર્તન અને પાઠ આ ત્રણે વ્રતો પુણ્યની વૃદ્ધિ કરનારાં હોવાથી આદરપૂર્વક અવશ્ય તેનું પાલન કરવું. તેમજ માત્ર દશમ સ્કંધનું જ શ્રવણાદિકનું નિયમ ગ્રહણ કરવું. તથા સમયને અનુસારે જે કાંઇ ચંદન, પુષ્પાદિ ઉપચારો પ્રાપ્ત થાય તેના વડે પ્રાતઃકાળે, મધ્યાહ્નકાળે અને સાયંકાળે આમ ત્રણ વખત શ્રીકૃષ્ણ ભગવાનની પૂજા કરવાનો નિયમ લેવો. આ પણ એક પ્રકારનું વ્રત છે અને એ વ્રતની સમાપ્તિ થાય ત્યારે પૂર્વની માફક જ ભગવાનની મહાપૂજા અને સાધુ બ્રાહ્મણોનું તર્પણ કરવું.૧૩-૧૪

હે ભક્તજનો ! પોતાની શક્તિને અનુસારે ભગવાન શ્રીકૃષ્ણના સહસ્રનામ સ્તોત્રનો પાઠ તથા ભગવાન શ્રીકૃષ્ણને પ્રદક્ષિણા અને સાષ્ટાંગ દંડવત્ પ્રણામ કરવાનો નિયમ પણ ચાતુર્માસમાં લઇ શકાય છે.૧૫

અથવા પ્રતિદિન પોતાની શક્તિ પ્રમાણે શ્રીકૃષ્ણ ભગવાનના અષ્ટાક્ષર મંત્રની કે નામ મંત્રની સો માળા કરવી આદિકનું વ્રત પણ ગ્રહણ કરવું. આ વ્રત પણ ખૂબજ સારું કહેલું છે.૧૬

અને આ ચારમાંથી કોઇ પણ વ્રતની સમાપ્તિ થાય ત્યારે પોતાની શક્તિને અનુસારે પૂર્વની પેઠે ભગવાનની પૂજા તથા સાધુ, બ્રાહ્મણોનું તર્પણ કરવું અને મંત્રના દશમા ભાગથી અગ્નિમાં હોમ પણ કરવો.૧૭

હે ભક્તજનો ! ચાતુર્માસમાં પ્રતિદિન ચંદન, પુષ્પાદિક વડે સાધુ, વર્ણી તથા હરિભક્તોનું પૂજન કરવાનું નિયમ અથવા પોતાની શક્તિને અનુસારે પ્રતિદિન સાધુ તથા વર્ણીને જમાડયાનું નિયમ લેવું.૧૮

આ બે પ્રકારના વ્રતમાંથી લીધેલ વ્રતની જ્યારે સમાપ્તિ થાય ત્યારે યથાયોગ્ય વસ્ત્રો, ભોજનપાત્ર કે જલપાત્ર અર્પણ કરીને સર્વે સંતો ભક્તોનું પૂજન કરવું અને ભોજન જમાડી તૃપ્ત કરવા.૧૯

હે ભક્તજનો ! ચાતુર્માસમાં સ્ત્રીભોગના ત્યાગનું નિયમ રાખવું. તેમજ નિરંતર ક્રોધ ન કરવાનું, અસત્ય નહિ બોલવાનું, જાણી જોઇને જીવપ્રાણી માત્રની હિંસા ક્યારેય ન કરવાનું નિયમ પણ ગ્રહણ કરવું.૨૦

બ્રહ્મચર્યવ્રતનું પાલન, અહંકારનો ત્યાગ, ઘી, તેલ આદિ રસોનો ત્યાગ તથા શેરડીમાંથી બનેલા ગોળ, ખાંડ, સાકરનો ત્યાગ તથા મીઠાંનો ત્યાગ કરવો.૨૧

આ ઉપરોક્ત નવ વ્રતો ભગવાન શ્રીકૃષ્ણની પૂજા કરવાની સાથે પોતાની શક્તિ અને સામર્થ્યને અનુસારે પૃથક્ પૃથક્ પાલન કરવાના નિયમો લેવા. તેમના અનુષ્ઠાનથી ભગવાન શ્રીહરિ અત્યંત પ્રસન્ન થાય છે.૨૨

આ વ્રતોની સમાપ્તિમાં શ્રીકૃષ્ણ ભગવાનનું એકાંતિક ભાવે સેવન કરતા ત્યાગી સંતોનું યથાયોગ્ય વસ્ત્રો અર્પણ કરી વિનય સહિત ચંદનાદિકથી પૂજન કરવું, અને સાત્વિક ભોજનો જમાડી તૃપ્ત કરવા.૨૩

હે બુદ્ધિમાન ભક્તજનો ! પૂર્વના અધ્યાયમાં અને આ અધ્યાયમાં જે વ્રતો મેં તમને મુખ્યપણે પાળવાનાં કહ્યાં છે, તે સર્વે ભગવાન શ્રીકૃષ્ણના સંબંધવાળાં હોવાથી તે મારે મન સર્વ શ્રેષ્ઠ વ્રતો છે.૨૪

હે ભક્તજનો ! પુત્ર, પત્ની, ધન આદિકની પ્રાપ્તિની કામનાઓની પૂર્તિ માટે પુરાણોમાં બીજાં ઘણાં બધાં વ્રતો બતાવેલાં છે. તે સર્વે વ્રતો નાશવંત અને અલ્પફળને આપનારાં હોવાથી મને બહુ પ્રિય નથી.૨૫

કદાચ તમે કહેશો કે સર્વજનનું હિત કરનાર શાસ્ત્રોમાં તેવાં વ્રતનું વિધાન શા માટે કરવામાં આવ્યું છે ? તો કહું છું કે જીવોને ધીરે ધીરે તેમાંથી નિવૃત્ત કરવા છે. કારણ કે, સર્વ જીવોનું હિત કરનારાં શાસ્ત્રો વિષયાસક્ત પુરુષોને પંચવિષયમાંથી ધીમે ધીમે નિવૃત્તિ થાય તે માટે પ્રથમ તેમની રુચિ પ્રમાણેનાં આવાં કામ્યવ્રતોનું ભિન્ન ભિન્ન પ્રતિપાદન કરેલ છે. જેમ પિતા રોગી બાળકને કડવી ઔષધી પાવા માટે પ્રથમ પેંડા આદિકની લાલચ આપે છે. પરંતુ અંતે તો બાળકને કડવી દવા પાઇને રોગમુક્ત કરવાનો જ સાચો હેતુ છે.૨૬

હે ભક્તજનો ! જે ભોગાસક્ત પુરુષો છે તે જ કુસંગના યોગે કરીને કામ્યવ્રતોના પાલનની આસક્તિ ધરાવે છે. પછી તેનું અનુષ્ઠાન કરી અલ્પફળને પામી અંતે ઘોર જન્મમરણરૂપ સંસૃતિને પામે છે. પશુ, પુત્ર, ધન, સ્ત્રી, ઘર, ખેતર, પાદર આદિક પદાર્થોનું સુખ તો પ્રારબ્ધ કર્માનુસાર સર્વત્ર સર્વયોનિમાં પ્રાપ્ત થાય છે. એમ જાણી વિવેકી ભગવાનના ભક્તો તેવા પદાર્થોની પ્રાપ્તિને માટે વ્યર્થ પરિશ્રમ કદાપિ કરતા નથી. માટે પોતાનું હિત ઇચ્છતા મનુષ્યોએ જે કર્મોનું આચરણ કરવાથી ભગવાન તથા તેમના એકાંતિક ભક્તજનો પ્રસન્ન થાય તેવા પ્રકારનાં જ કર્મોનું અનુષ્ઠાન પ્રયત્ન પૂર્વક કરવું જોઇએ.૨૭-૨૯

ચાતુર્માસ કોરો ન જવા દેવો :-- હે ભક્તજનો ! આ લોકમાં મનુષ્યજન્મમાં પોતાની શક્તિને અનુસારે ચાતુર્માસના વ્રતોનું અનુષ્ઠાન કરતા નથી તે મરીને નરકની યાતના ભોગવે છે અને ત્યારપછી કીટાદિ યોનિમાં જન્મ ધારણ કરે છે.૩૦

44 - 8

Gyan Mantra
Posted 1 year ago

સેવાનું વળતર મોક્ષ
****************
ગઢપુરના મંદિરનું કામ ચાલુ કર્યું, એ વખતે સંતો અને હરિભકતો તન,મન,અને ધનથી સેવા કરવા જોડાયેલા. શ્રીજી મહારાજે દરેક સંતો-હરિભકતોને આજ્ઞા કરી’તી કે, ઘેલામાં જે કોઇ ન્હાવા જાય તે માથે એક પથરો ઉપાડીને લેતા આવે.! સ્વયં શ્રીજી મહારાજ પોતાના સોનેરી મોળીયા ઊપર પથ્થર મુકીને લાવેલા. તો તે આપણા જેવાને, સેવાનો મહિમા સમજાવવા માટે જ !

એક દિવસ મહારાજે ગઢપુરમાં સાદ કરાવ્યો કે, "મંદિરના પાયામાં જે કોઇ એક શેરનોય પથરો નાખશે, તેની એક પેઢીનું કલ્યાણ, આ ભગવાન સ્વામિનારાયણ કરશે."

આ સાદ, એક મહમદ નામના મુસલમાન છોકરાએ સાંભળ્યો. એ છોકરાએ વિચાર્યું કે,"અહોહો ! આ કલ્યાણ તો સાવ મફતમાં મલવાનું છે, તો શા માટે લાભ ન લેવો ?"

અને મહમદ તો સાંજે કામ પરથી છૂટીને ઘેલા નદીએ ગયો. ત્યાંથી ઊચકી શકાય તેટલા વજનવાળો એક પથ્થર લઈને, દોસ્તારની દુકાને ગયો. અને વજન કરાવ્યુ તો 21 શેર વજન થયું.

અને ઈ પથરો માથે લઈને દાદા ખાચરના દરબારે લાવી મૂક્યો. એ જ વખતે મહારાજ ત્યાં પધાર્યા. છોકરાએ મહારાજના પગમાં પડીને કીધું, “સ્વામિનારાયણ ! તમે કીધેલું કે, એક શેરના પથરે, એક પેઢીનું કલ્યાણ કરશું. તો આ હું 21 શેરનો બરાબર તોલીને લાવ્યો છું. બોલો કેટલી પેઢીનું કલ્યાણ કરશો ?"

શ્રીજી મહારાજ મંદ મંદ હસતા થકા બોલી ગયા, "એમાં શું ? ચોખ્ખો હિસાબ છે...! એકવીશ શેરનો હોય, તો જા ! તારી એકવીશ પેઢીનું અમે કલ્યાણ કરીશું."

અહા, કેવી અઢળક કૃપા !

એવી જ રીતે...

એક ડોશીમાં મંદિરની નજીક રહેતા'તા. પણ મંદિરના ભારે સખત વિરોધી. ભૂલમાં પણ કયારેય સ્વામિનારાયણ એમ નામ પણ ન બોલે. તો પછી કંઇ સેવા તો કરે જ શાના ? એમાં એક વખત એમ બન્યું કે, તેમના ઘરના આંગણામાં બેઠેલા કૂતરાને ખદેડવા માટે, તેમણે એક નાનકડો પથરો માર્યો. અને ઈ પથરો તો દડતો દડતો જઈને પડ્યો મંદિરના પાયામાં...!

અને ડોશીમા તો અજાણે શ્રીજી મહારાજના આશીર્વાદની ઝપેટમાં આવી ગયા. જેમ સાંકર જાણીને ખાય તોય ગળી લાગે, અને અજાણે ખાય તોય ગળી જ લાગે ને ! એમ !

અને દેહાંત સમયે શ્રીજીમહારાજ ડોશીને ધામ તેડવા પધાર્યા. માત્ર એક ભુલમાં નાખેલા પથ્થરની સેવાથી કેટલો મોટો લાભ ?

✍🏼
તો સેવાનો મહિમા કેવો આદ્દભૂત છે. એટલે ભગવાનની, સંતો, ભક્તો અને મંદિરની સેવા થાય એટલી કરવી જ જોઈએ. એનાથી શ્રીજી મહારાજ આપણી ઉપર ખૂબ રાજી થાય.

🙏🏼 જય શ્રી સ્વામિનારાયણ....!

147 - 4

Gyan Mantra
Posted 1 year ago

307 - 6

Gyan Mantra
Posted 1 year ago

477 - 8

Gyan Mantra
Posted 1 year ago

291 - 7