Welcoem to posts!!

READ WITH ALA
Posted 4 months ago

ഇമ്മിണി ബല്ല്യ സുൽത്താൻ.....
വൈക്കം മുഹമ്മദ് ബഷീർ....
തനതായ ശൈലിയിൽ ആശയങ്ങളെ ഉൾച്ചേർത്ത് വായിക്കുന്ന എഴുത്തുകാരൻ.ബഷീറിൻ്റേതായ പരിസ്ഥിതി ചിന്തകൾ.അവനവൻ സ്വന്തം സ്വാർത്ഥ താൽപര്യങ്ങൾ അന്വേഷിക്കുന്ന ലോകത്ത് ബഷീർ പൂവിനേയും, പുഴുവിനേയും, അണ്ണാനേയും മരത്തൈയേയുമൊക്കെ അവകാശികളായി തിരിച്ചറിയുന്നു.ച്ചിരിപ്പിടിയോളം ബുദ്ധിവെച്ച് ആലോചിച്ചു നോക്കുമ്പോൾ അത്ഭുതകരവും സുന്ദരവും ഗംഭീരവുമായ മഹാസംഭവമാകുന്നു ജീവിതം. ഹാസ്യംകൊണ്ടു ജീവിതാനുഭവങ്ങളെഴുതി വായനക്കാരെ ചിരിപ്പിക്കുകയും കരയിപ്പിക്കുകയും ചെയ്ത എഴുത്തുകാരൻ.ഒരിക്കൽ കുഞ്ഞുപാത്തുമ്മയുടെ ഉമ്മ അവളോട് പറഞ്ഞു. നിന്റുപ്പുപ്പാക്കേ ഒരാനേണ്ടാർന്ന്! ബല്യ ഒരു കൊമ്പനാന. അന്നുമുതൽ കുഞ്ഞുപാത്തുമ്മ പറയാൻ തുടങ്ങി. ന്റുപ്പുപ്പാക്കൊരാനേണ്ടാർന്ന്. ആനവാരിയും എട്ടുകാലിയും തുടങ്ങിയ
രസകരമായ പേരുകൾ, കൗതുകം നിറഞ്ഞ പ്രവൃത്തികൾ, ആരെയും ആകർഷിക്കുന്ന ബഷീർ കഥാപാത്രങ്ങളുടെ പ്രത്യേകതകൾ ഇവയൊക്കെയാ ണ്. ഡുങ്കുടു, ചപ്ലാച്ചി, കുൾട്ടാപ്പൻ, ഗഡാഗഡിയൻ, പളുങ്കൂസ് തുടങ്ങിയവ ബഷീറിന്റേതു മാത്രമായ പദപ്രയോഗങ്ങളാണ്. ബഷീർ എഴുത്തുകൾ, ലളിതമായ പ്രയോഗങ്ങൾ, പ്രകമ്പനങ്ങളുണ്ടാക്കുന്ന ആശയ സമഗ്രത, ഉള്ളുലക്കുന്ന വികാര വിക്ഷോപങ്ങൾ.... സാധാരണക്കാരൻ്റെ അസാധാരണ കഥകൾ.... ബഷീർ വ്യത്യസ്ഥനാകുന്നു
.......!:)

3 - 0