Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
Weeeee~又到咗匪夷所思嘅時間啦🥳今次係[醫院之匪夷所思Part2]🤣上次出完片之後都知道大家意猶未盡㗎啦，所以今次繼續收集醫院趣事，無論你係醫生，護士或者院友，或者係睇醫生嗰陣發生嘅事都可以投稿畀我哋㗎😆
Ps：辛苦各位醫護人員啦🙇🏻♀
快啲留言話俾我哋聽 #一人一個醫院之匪夷所思
1.9K - 203
聲明
在2024年8月3日，任職經理人的何慶湘小姐已正式離職。而鄭中基先生因個人情緒健康問題，將會在完成手頭上所有工作，包括「澳娛綜合鄭中基My Only One音樂會」、「Fragments of Wonder 鄭中基世界巡迴演唱會2024高雄安可場」後，鄭中基先生將暫時休息，直至另行通知，感謝各方的厚愛。
本公司旗下YouTube channel「機動電視台RTV」，將進行節目調動安排，在未來仍會如常運作。
本公司旗下品牌「大佬好嘢」，存貨已全部售罄，網店如有新貨品將立即通知大家，未來運作亦一切如常。
為大家帶來不便，深感抱歉，同時感謝大家的支持及鼓勵，我們會做得更好。
機動娛樂有限公司
2024年8月5日
3.4K - 222
匪夷所思時間又嚟到啦！成日都收到好多人inbox想講另一半，咁今次就一次過開兩個題啦！一人一個直男男友之匪夷所思，同一人一個難搞女友之匪夷所思🙈放心啦，為咗保住大家嘅性命安危，今集全部都唔會開名！如果擔心俾另一半睇到仲可以inbox我哋添🫶🏻
#匪夷所思 #鄭中基 #機動電視台
559 - 77
魷魚係尖嘅墨魚係圓嘅，機動成員係傻嘅。今次機動家庭坐豪華遊艇出海夜釣，舉行第一屆釣魚大比拼，目標係釣起蘊藏喺深海嘅大墨魚，到底邊個可以成為墨魚王呢？佢哋又可唔可以釣到美人魚呢？定係Jacky就係美人魚呢？冇人知！想知道佢哋搞乜鬼，就記得留意聽晚9點嘅新片啦！
#老細會睇到呢段預告嗎？
#機動電視台 #鄭中基 #釣魚
382 - 3
Weee~又到咗匪夷所思嘅投稿時間啦，今次嘅主題係「一人一個奇異習俗之匪夷所思」😎
相信唔少人細細個都會聽到唔少長輩嘅一啲無厘頭嘅說法，例如「飲得朱古力奶多大個會變黑」、「用手指指住月亮會切耳仔」等等⋯⋯😮💨你哋又聽過啲咩毫無科學根據、完全令人R爆頭嘅奇異習俗呢？歡迎大家投稿！
#機動電視台 #鄭中基 #匪夷所思 #一人一個奇異習俗之匪夷所思
405 - 75
Edwin：公司成日拍嘢，搞到所有人腳又痛、腰又酸、背又痛！今次我哋四個百厭星趁啲同事去咗馬來西亞公幹，打算俾個驚喜佢哋，嚟一個辦公室大改造！將辦公室轉生成按摩會所🤭，仲有四位俊男美女一字排開咁等佢哋返嚟，強迫佢哋接受服務！
到底現場會有幾混亂呢？記得鎖定聽晚9:00一齊睇首播啦！
#機動電視台 #鄭中基 #辦公室改造
520 - 5
馬來西亞站終於都完滿結束啦！🥳 難得有得出去玩，飛去第二個國家（繼續工作🥱）
今次除咗記錄咗成個演唱會嘅過程，仲輕鬆地拍低咗啲遊客Vlog~究竟發生咗咩事，一落機就被一大堆揸住搶嘅軍裝人士包圍？甚至連出境都唔使就直接俾人帶咗上車？😦
聽晚九點鐘，記得鎖定機動電視台，睇下我哋係馬來西亞發生嘅趣事啦~
#機動電視台 #鄭中基 #機動Vlog #鄭中基世界巡迴演唱會 #馬來西亞站
1.1K - 17
上一集嘅《員工大奔走》 去體驗啪骨，有好多觀眾都話想快啲睇我哋周圍去玩，所以我哋拿拿臨開拍第二集😎 今次嘅主題就係去食豪華自助餐，但係想要食到好嘢係要付出代價㗎......大家睇下啲相就知道呢條片唔簡單啦。
聽晚九點鐘，一齊睇下呢班人做咩搞到自己咁嘅樣👀
#機動電視台 #鄭中基 #機動vlog #員工大奔走 #自助餐
730 - 10
就快又嚟到暑假嘅時候啦，大家都知我去過美國讀書啦，而最多搞笑嘅事情都係讀書個陣發生⋯所以今次決定開一人一個「留學之匪夷所思」！大家去外國讀書有啲咩匪夷所思嘅事呢？快啲留言啦！（我大把貨）
#一人一個 #留學之匪夷所思 #機動電視台
412 - 38
請電郵至info@runningteamltd.com，或者Facebook inbox我地