BOBISO MEDIA i lwazu (=sadilu) kia nkalasani kisadilanga mu kimpwanza, landila nsiku wamahanza wa mbendasani wusalanga vakati kwa byena (=êtres).
Kadi, tuka ntangu zankulu zavyoka, nateye wunu, bantu, mu mpovelo za mpila mumpila, bakotanga mu nkalasani bawu ye bawu.
BOBISO MEDIA wuna mpe ye mbebe yakudisa nsobasani vakati kwa tusansu twaswaswana. I mu dyodyo, kiwuntuka kia konso muntu kifwete zitiswa, sungulako munza yina wunu, lutila mazuzi, vukwa ye vukwa mu kingolo.
BOBISO MEDIA disongele vo Lusansu. Lusansu i ‹fwa dya kanda›. Fwa dya kanda i mawonso matusisila Bakulu beto.
Fwa twatambula mu nitu (tinta ya bula dya nitu, manitu...) mu ndilu, mu nsadilu ye mu fu, mu kimuntu ye, mu kufika, mu kimpeve. Kimpeve, kakatula ko, kakoma ko, i luyindu evo mbweno zasina tuna zawu vantadisi a Nza (Sina).
LUWAWANU LWA ‹VANA› YE ‹TAMBULA›